Американски борбен хеликоптер AH-64 Apache се урна во близина на Ормускиот Теснец, еден од најчувствителните и најважни поморски премини во светот. Информацијата доаѓа во момент кога Блискиот Исток сè уште е под тензии по неодамнешните судири меѓу Иран и Израел.

Американски официјални лица за Си-Би-Ес Њуз изјавиле дека пилотите биле спасени со помош на беспилотно пловило управувано од Работната група 59, единица која се бави со поморски операции, пренесува Би-Би-Си.

Засега не е објавено каков тип дрон бил употребен, но американски претставник за Еј-Би-Си Њуз изјавил дека станува збор за пловило со изглед и димензии слични на глисер.

Остана прашањето и дали хеликоптерот бил гонет од непријателски оган.

Спасени за помалку од 2 часа

Американската Централна команда соопшти дека хеликоптерот се урнал во близина на брегот на Оман додека извршувал патролна мисија во регионалните води.

Според соопштението, екипажот бил пронајден и извлечен во рок од околу два часа.

Во спасувачката операција учествувале американската морнарица, воздухопловните сили, 82-та воздушно-десантна дивизија и Работната група 59 на Петтата флота на САД.

„Пилотите се добро“

Американската војска сè уште не соопштила што ја предизвикало несреќата. Се истражува дали хеликоптерот претрпел механички дефект, технички проблем или бил погоден од непријателски оган.

Претседателот на САД Доналд Трамп потврди дека членовите на екипажот не се повредени.

– Пилотите се добро. Никој не е повреден. Ќе објавиме извештај утре, но пилотите се добро – изјави Трамп пред новинарите во Њујорк.

Тој истовремено повтори дека САД се блиску до можен договор со Иран и оцени дека во следните неколку дена може да има нов дипломатски напредок.

– Многу сме блиску до многу добар, силен и моќен договор. Ако почнеме со бомбардирање, многу луѓе ќе умрат. Кој го сака тоа? Јас не – додаде шефот на САД.

„Апачи“ – клучен во Теснецот

Хеликоптерите AH-64 Apache се меѓу најважните борбени летала на американската армија при блокадата на Теснецот.

Откако започна конфликтот меѓу САД и Иран тие се користат за патролирање и за заштита на поморските рути и надзор на испораките на иранска нафта.

Исто така, изминатите години овие летала имаа важна улога и во пресретнување дронови во Персискиот Залив.

The post ДРАМА ВО ОРМУЗ, ПАДНА АМЕРИКАНСКИ „АПАЧИ“ Пилотите спасени, ги извлече дрон во форма на глисер appeared first on plusinfo.mk.

Петмина мажи беа спасени по десет дена минати во поплавена пештера во провинцијата Ксајсомбун во Лаос, откако останаа отсечени од надојдените води додека барале минерали и злато.

Спасувачката операција започна откако локалните власти добија информација дека група од седум лица не успеала да излезе од пештерата по обилните дождови кои предизвикале нагло покачување на нивото на водата. Поради тешките услови, спасувачите со денови се обидувале да воспостават контакт со заробените мажи.

Првиот од преживеаните бил извлечен со помош на нуркачи, додека останатите четворица успеале да излезат откако водостојот во пештерата се намалил и овозможил безбедно движење низ тесните премини.

Спасените мажи биле пренесени на лекарски прегледи и се наоѓаат под медицински надзор. Според локалните власти, тие преживеале благодарение на резервите храна што ги имале со себе и водата што се собирала во пештерата.

Потрагата по преостанатите двајца членови на групата продолжува, но спасувачите предупредуваат дека новите врнежи и повторното покачување на нивото на водата ја отежнуваат операцијата во планинскиот регион на централниот дел од Лаос.

The post 🎥 СЕ РАСПЛАКАА КОГА ВИДОА СВЕТЛИНА, ПО 10 ДЕНА ПОД ЗЕМЈА Во драматична акција спасени петмина заглавени во пештера appeared first on plusinfo.mk.

Американски хеликоптер од типот „UH-60 Black Hawk“ можеби бил погоден од иранската противвоздушна одбрана за време на операција за спасување на пилоти од соборен борбен авион „F-15 Eagle“, објави новинарката на телевизиската мрежа „Newsmax“, Карла Баб.

Според нејзината објава на социјалните мрежи, инцидентот се случил за време на спасувачка операција на територијата на Иран. Таа наведува дека едниот од пилотите бил успешно извлечен, додека судбината на вториот засега останува непозната.

Баб додава дека во текот на акцијата еден од хеликоптерите бил погоден од иранската противвоздушна одбрана, по што, со „трага од чад“, успеал да ја напушти иранската територија и да премине во Ирак.

Информацијата засега не е официјално потврдена од американските власти, а деталите за инцидентот се уште се проверуваат.

СОБОРЕН АМЕРИКАНСКИ АВИОН ВО ИРАН Двајцата пилоти ги бараат и Иранците и Американците

The post ДРАМА НА НЕБОТО НАД ИРАН „Блек хоук“ можеби погоден при спасувачка мисија appeared first on plusinfo.mk.

Голема спасувачка операција од синоќа е во тек на тешко пристапен терен покрај реката Сава помеѓу Штитар и Бабина Греда во Вуковарско-сремската жупанија во Хрватска, откако полицијата добила дојава дека неколку лица се заглавени во мочурливата област.

– Заедно со полициските службеници за итни случаи, првата група од Противпожарната служба Жупања стигна до луѓето кои буквално седеа на гранки од дрвја, бидејќи областа беше под вода. Досега се извлечени 30 лица. Во моментов немаме никакви информации за загинатите – изјави командантот на Противпожарната служба Жупања, Владимир Балентовиќ. Тој додаде дека пожарникарите сè уште го пребаруваат местото со помош на дронови.

Хрватскиот Црвен крст објави дека евакуирал десетина лица и оти им пружа прва помош. Како што се испоставило, станува збор за група мигранти, кои се обудувале да ја минат границата. Минатата година биле регистрирани 14 смртни случаи со давење во реката, а оваа година два. Засега не се знае дали и колку лица се удавиле во последниот случај.

Хрватскиот Црвен крст објави фотографии од спасувачката акција.

„Тимот е целосно опремен и подготвен за итна медицинска помош. Обезбедени се ќебиња, сува облека, храна, сендвичи и топли пијалаци за ублажување на последиците од изложеноста на студ и стрес за повредените. Посебно внимание се посветува на лицата со повреди и знаци на хипотермија. Во согласност со проценката на состојбата, повредените лица ќе бидат згрижени и транспортирани во болница, со континуирана поддршка од тимовите на Црвениот крст“, се вели во објавата.

Во операцијата за спасување се вклучени членови на Хрватската национална служба за спасување, полицијата, цивилната заштита, пожарникарите, службите за итна медицинска помош и Црвениот крст.

The post МАСОВНА СПАСУВАЧКА ОПЕРАЦИЈА ОД НАДОЈДЕНИТЕ ВОДИ НА САВА Досега 30-тина извлечени, со часови виселе на дрвјата! appeared first on plusinfo.mk.

Најмалку пет лица загинаа во разорна лавина што се урна во австриските Алпи, во регионот Арлберг, додека спасувачките екипи предупредуваат дека постои реална опасност под огромните маси снег да има и други затрупани жртви.

Инцидентот се случил во планинска зона позната по популарните скијачки патеки, но и по честите лавински ризици во услови на нестабилна снежна покривка. Според првичните информации од локалните служби, лавината била исклучително голема и се движела со огромна сила, носејќи со себе тони снег низ стрмните падини.

Спасувачите веднаш започнале интензивна акција за пребарување, користејќи кучиња-трагачи, сонди и специјална опрема за детекција на затрупани лица под снегот.

Властите стравуваат дека бројот на жртви може да се зголеми, бидејќи во моментот на несреќата во регионот имало туристи и скијачи, а временските услови биле неповолни. Обилните снежни врнежи и наглите температурни промени во изминатите денови создадоа нестабилни снежни слоеви, што значително го зголемува ризикот од лавини во алпските предели.

Арлберг е еден од најпознатите зимски туристички центри во Австрија и Европа, кој секоја сезона привлекува илјадници љубители на зимските спортови. Токму поради големата посетеност, ваквите природни катастрофи претставуваат сериозна закана не само за локалното население, туку и за туристите кои престојуваат во ски-центрите во регионот.

Австриските власти апелираа до сите посетители да ги почитуваат безбедносните препораки и предупредувањата за лавинска опасност, особено надвор од означените скијачки патеки. Во некои делови од Алпите веќе се подигнати нивоата на предупредување за лавини, а дел од терените се затворени како превентивна мерка.

Спасувачката операција продолжува во исклучително тешки услови, со ниски температури и длабок снег, што ја отежнува потрагата по евентуално преживеани. Надлежните служби нагласуваат дека секој час е критичен, додека јавноста со загриженост ги следи вестите за една од најтрагичните лавини што го погодиле регионот оваа сезона.

The post 🎥 НОВА РАЗОРНА ЛАВИНА НА АВСТРИСКИТЕ АЛПИ Засега 5 жртви, спасувачката операција грозничаво продолжува appeared first on plusinfo.mk.

Најмалку 10 скијачи исчезнаа во лавина што погоди оддалечена скијачка патека во планините Сиера Невада во Калифорнија.

Властите соопштија дека 6 скијачи се спасени во тешки снежни услови.

Автопатот во близина е затворен поради лошата видливост предизвиката од силната снежна бура.

– Потрагата по исчезнатите ќе биде бавен и тежок процес, бидејќи опасноста од нови лавини останува многу висока – изави капетанот Расел Грин од канцеларијата на шерифот на округот Невада.

Лавината го погоди подрачјето Касл Пик во близина на Траки, Калифорнија, околу 16 километри северно од езерото Тахо и затрупуа група од 16 скијачи, објави канцеларијата на шерифот на округот Невада на Фејсбук.

„Групата се состоела од 4 водичи и 12 клиенти. Најмалку 6 лица преживеале и останале на местото на лавината чекајќи спасување, а останатите се водат како исчезнати“, се наведува во соопштението.

Временските услови во Сиера Невада се опасни, а се очекуваат уште лавини.

The Nevada County Sheriff’s Office said… pic.twitter.com/2uxdPkaADb

— CBS News (@CBSNews) February 18, 2026

The post 🎥 10 СКИЈАЧИ ИСЧЕЗНАА ВО ЛАВИНА ВО КАЛИФОРНИЈА Шестмина се извлечени, спасувачката операција е во тек appeared first on plusinfo.mk.

Најмалку 13 лица загинаа, а седум други беа повредени кога две соседни згради се урнаа во либанскиот град Триполи во неделата, а уште луѓе се заробени под урнатините, изјави локален функционер.

Спасувачите и жителите досега извлекле 9 лица живи од урнатините, објави либанската државна новинска агенција.

Спасувачките екипи продолжуваат да копаат низ урнатините во потрага по уште луѓе за кои се верува дека се закопани под урнатините.

Десетици луѓе се собрале околу урнатините на зградата, што ја принудило либанската полиција да пука во воздух, пренесува АП.

Претходно, шефот на службата за цивилна заштита на Либан изјави дека 22 лица живееле во зградите пред да се урнат.

#Vidéo | Un immeuble s’est effondré dimanche dans le quartier de Bab el-Tebbané à Tripoli, au Liban-Nord.

Les détails ici : https://t.co/wCc2RcYgoE pic.twitter.com/5y19V3hzvY

— L’Orient-Le Jour (@LOrientLeJour) February 8, 2026

A residential building collapsed in Tripoli in northern Lebanon, trapping an unknown number of The people. pic.twitter.com/R5Hsw4zQuk

— Open Source Intel (@Osint613) February 8, 2026

A building in Al-Tabaneh in Tripoli collapsed today.

It’s imperative Tripoli returns to Syria so it stops being neglected by the state .pic.twitter.com/RagNyFA8SG

— Ibn Beirut (@HasanAlBeiruti) February 8, 2026

The post 🎥 (ВОЗНЕМИРУВАЧКО) СЕ УРНАА ДВЕ ЗГРАДИ ВО ТРИПОЛИ, ЛИБИЈА Најмалку 13 мртви appeared first on plusinfo.mk.