Повреден планинар успешно е спасен откако е добиена пријава преку Единствениот број за итни повици 112.

По добиената пријава, Центарот за управување со кризи-РЦУК Тетово остварил координација со СВР Тетово, ПС Маврово и ЈП Национален парк Маврово, со цел брза и ефикасна интервенција на терен.

Ренџерите од Националниот парк успешно го лоцирале повредениот планинар, кој бил во стабилна состојба, по што започнало негово безбедно спуштање кон селото Жужње каде бил преземен од екипа на Итната медицинска помош од Гостивар за понатамошен транспорт и медицински третман.

– Благодарение на брзата реакција и навремената координација на сите надлежни служби, повредениот планинар е безбедно евакуиран и во стабилна состојба – информира вечерва Центарот за управување со кризи.

The post ПОВРЕДЕН ПЛАНИНАР УСПЕШНО СИМНАТ ОД КОРАБ Во стабилна состојба бил однесен во болница appeared first on plusinfo.mk.

Три лица сè уште се водат како исчезнати по уривањето на станбена зграда во Гролиц, во источна Германија, додека спасувачките екипи цела ноќ пребаруваа под урнатините.

Според информациите на германската новинска агенција ДПА, властите истражуваат дали експлозија на гас е причина за несреќата што се случила во понеделник вечерта во близина на железничката станица во градот.

Полицијата соопшти дека првично пет лица биле пријавени како исчезнати, но две од нив биле пронајдени кратко по полноќ и не биле повредени.

Спасувачките тимови морале да работат со голема претпазливост бидејќи на местото на несреќата продолжило истекување на гас.

– Истекувањето се наоѓа под урнатините и моментално не може технички да се санира – изјавила портпаролка на полицијата.

Таа додала дека постојано се следи концентрацијата на гас во воздухот, но засега не се очекува нова експлозија.

Маж кој стравува дека неговата сопруга и роднина се заробени под урнатините изјавил за ДПА дека ја слушнал експлозијата додека бил во супермаркет во близина.

Според него, тројцата пристигнале истиот ден за да престојуваат во стан за одмор во зградата.

– Кога се вратив, таму каде што беше зградата имаше само огромен куп урнатини – рекол тој.

По несреќата, пошироката област била евакуирана и блокирана, а на терен биле испратени полиција, пожарникари и тимови за справување со катастрофи.

Според полицијата, во зградата имало и станови за изнајмување и апартмани за туристи.

The post СИЛНА ЕКСПЛОЗИЈА СРАМНИ ЗГРАДА ВО ГЕРМАНИЈА Три лица се исчезнати под урнатините appeared first on plusinfo.mk.

Тревога во Истанбул откако две згради се урнаа во населбата Фатих, а спасувачките служби започнаа обемна операција за пребарување на преживеани под урнатините.

Според информациите на турските медиуми, уривањето најверојатно е предизвикано од експлозија поврзана со природен гас.

Гувернерот на Истанбул, Давут Ѓул, соопшти дека според првичните проценки девет лица биле заробени под урнатините. Седум лица се пренесени во болница и се во стабилна состојба, додека две лица сѐ уште се водат како затрупани.

İstanbul Fatih’te bina çöktü. Enkaz altından insanlar çıkartılmaya devam ediliyor. #istanbul #fatih pic.twitter.com/0sQ90yC4ia

— Dma Magazin (@Dmamagazin) March 22, 2026

На терен веднаш пристигнале бројни спасувачки екипи, противпожарни единици и амбулантни возила, а акцијата за спасување е во полн ек.

Градските власти во Истанбул информираа дека експлозијата се случила во недела околу пладне, во зграда на улицата Ебе, во населбата Ајвансарај, во општина Фатих.

По експлозијата, се урнале две соседни згради кои биле изградени една до друга.

На местото на несреќата веднаш биле испратени екипи на АФАД, пожарникари и медицински тимови, кои започнале со пребарување на урнатините.

İstanbul Valisi Davut Gül: 7 kişi enkazdan çıkarıldı, 1 kişiye ulaşıldıhttps://t.co/vkuoufKbwD

— Takvim (@takvim) March 22, 2026

Според официјалните информации, од пет лица за кои се верувало дека се заробени, три биле спасени и пренесени во болница, додека спасувачките напори продолжуваат за уште две лица кои остануваат под урнатините.

Првичните проценки укажуваат дека станува збор за постари објекти, што дополнително се разгледува како можен фактор за уривањето.

Спасувачите работат со специјална опрема низ урнатините, додека на терен постојано се носат носилки, подготвени за итна интервенција.

Во спасувачката акција активно се вклучени и жителите од околните згради, кои им помагаат на службите во расчистување на урнатините и во потрагата по евентуално затрупани лица.

The post 📽️ ЕКСПЛОЗИЈА НА ГАС СРАМНИ ДВЕ ЗГРАДИ СО ЗЕМЈА Катастрофа во Истанбул, спасувачи копаат по преживеани appeared first on plusinfo.mk.

Државјанка на Италија била повредена денеска на Шар Планина, по што била покрената спасувачка акција, во близина на Доброшките Езера.

Поради комплексноста и непристапноста на теренот за интервенцијата бил ангажиран хеликоптер од Министерството за внатрешни работи, заедно со спасувачки тим од специјалните единици.

Во 16 часот спасувачкиот тим пристигнал на локацијата, по што повреденото лице било успешно извлечено и транспортирано до комплексот клиники „Мајка Тереза“ во Скопје, каде што му била укажана медицинска помош поради скршеница на ногата.

Во текот на целата спасувачка акција, дежурните оператори во Центарот за управување со кризи биле во постојана комуникација со лицата и во координација со ангажираните спасувачки служби.

Центарот за управување со кризи изразува благодарност до Министерството за внатрешни работи и до другите служби кои учествувале во успешното спасување.

The post 🎥 ИТАЛИЈАНКА СКРШИЛА НОГА НА ШАР ПЛАНИНА Во акцијата бил ангажиран хеликоптер на МВР appeared first on plusinfo.mk.

Автобус преполн со патници излета од планински пат во Непал и се стркала во клисура, при што загинаа 18 лица, а 28 се повредени. Несреќата се случила рано утрово додека возилото се движело кон главниот град Катманду.

Причината за падот уште не е позната.

Информацијата ја пренесе „Нешнл Хералд“. Според полицијата, автобусот патувал од туристичкиот град Покара кон Катманду. Кратко по полноќ излетал од провинцискиот пат Притхви.

Возилото се стркалало по планинска падина и завршило на брегот на реката Тришули, во близина на округот Бенихат, околу 80 километри западно од главниот град.

नेपाल में बड़ा हादसा हो गया काठमांडू से बस हाईवे से निकल रही थी कि अचानक त्रिशूली नदी में गिर गई जिसके कारण 6 महिलाओं सहित 18 लोगों की ही मौत हो गई जबकि 25 से ज्यादा लोग घायल हो गए हैं#nepal #kathmandu #BusAccident pic.twitter.com/mfiFoFjvR2

— Shailesh Verma (@shaileshvermasp) February 23, 2026

Спасувачите пристигнале на местото на несреќата кратко потоа. Повредените биле извлечени од урнатините и префрлени во болници.

Автобуските несреќи се чести во Непал. Причините најчесто се лошата состојба на патиштата и слабата техничка исправност на возилата. Голем дел од земјата е планински и поврзан со тесни и опасни патишта.

Во 2024 година 2 автобуса со 65 патници паднаа во истата река. Повеќето загинаа или се водат како исчезнати. Остатоците од едното возило беа пронајдени дури оваа година, закопани во песокот.

The post 📽️ СТРАШНА ТРАГЕДИЈА ВО НЕПАЛ Автобус падна во клисура, 18 лица загинаа, 28 се повредени appeared first on plusinfo.mk.

Затрупани под снежна лавина на планината Варду́сија, во централна Грција, синоќа беа пронајдени безживотните тела на четворица планинари, кои се водеа за исчезнати од средата, а во тек е операција за пренесување на телата со помош на хеликоптер, јави дописничката на МИА од Атина.

Телата на тројцата мажи и една жена беа пронајдени во тежок и непрооден дел покриен со свеж снег по повеќечасовна потрага од спасувачките екипи на противпожарната служба на Грција.

Еден од членовите на Грчката спасувачка служба од областа Атика, за телевизијата „Скај“ објасни дека несреќата се случила на надморска височина од околу 2.000 метри во планински масив со карпи и стрмна падина, прекриени со снег.

Безживотните тела беа откриени синоќа, но поради лошите временски услови и ноќта, операцијата за извлекување започна денеска.

Во средата, на Божиќ, група од пет лица, меѓу кои и искусни планинари тргнале на планинарење, а едниот од нив се откажал и откако не успеал да воспостави никаков контакт со останатите четворица ги информирал властите.

Веднаш започна огромна операција со ангажирани 30 пожарникари, специјално возило, Тимот за беспилотни летала од областа Тесалија, членови на Грчката федерација за планинарење, членови на Грчката спасувачка служба, како и хеликоптер во координација со грчката полиција.

The post ЧЕТВОРИЦА ПЛАНИНАРИ ЗАТРУПАНИ ОД ЛАВИНА ВО ГРЦИЈА Петтиот се откажал од качувањето и останал жив appeared first on plusinfo.mk.

На околу 30 километри југоисточно од малиот грчки остров Гавдос ноќеска бил откриен рибарски брод со 545 мигранти. Сите лица биле спасени во координирана акција и безбедно пренесени на пристаниште на островот Крит, јави дописничката на МИА од Атина.

Станува збор за една од најбројните групи мигранти што пристигнале во Грција во последните неколку месеци.

Од грчката крајбрежна служба информираа дека спасувачката операција, која се одвивала во текот на ноќта, била спроведена со учество на три патролни брода на крајбрежната стража, три пловни објекти на Фронтекс, како и уште три брода што се наоѓале во близина на местото на настанот.

Сите 545 спасени мигранти се во добра здравствена состојба. Поради ограничените можности за сместување на малиот остров Гавдос, тие биле пренесени на Крит.

Грција беше на првата линија на мигрантската криза во 2015 и 2016 година, кога повеќе од еден милион луѓе од Блискиот Исток и Африка пристигнаа на нејзините брегови, продолжувајќи потоа кон други европски земји, главно Германија.

Иако миграциските текови оттогаш се намалени, Крит и Гавдос – двата медитерански острови најблиски до африканскиот брег – во изминатата година бележат нагло зголемување на пристигнувањето мигрантски бродови, најчесто од Либија. Несреќите со смртоносни последици на таа рута и натаму се честа појава.

Грција, заедно со Кипар, Шпанија и Италија, ќе има право на поддршка за справување со миграцискиот притисок преку нов механизам на Европската Унија, откако Пактот за миграција и азил ќе стапи во сила кон средината на 2026 година.

Централно-десничарската влада на премиерот Киријакос Мицотакис најави дека приоритет ќе ѝ биде депортација на барателите на азил чии барања ќе бидат одбиени.

The post ОД РИБАРСКИ БРОД СПАСЕНИ 545 МИГРАНТИ ТРГНАТИ КОН ГРЦИЈА Најголема спасувачка операција во Медитеранот последниве месеци appeared first on plusinfo.mk.

Безживотните тела на 18 лица биле извлечени од морскиот дел југозападно од грчкиот остров Крит, откако потонал чамец со мигранти, додека пак спасени биле две лица, јави дописничката на МИА од Атина.

Како што информираа од крајбрежната служба на Грција, започнале спасувачка акција откако напола потонатиот чамец бил откриен од товарен брод што пловел под турско знаме, а бил во близина.

Несреќата се случила во морскиот дел на 26 наутички милји југозападно од островот Хриси во близина на Крит.

Во спасувачката акција вклучени се два патролни брода на крајбрежната служба, еден брод на силите Фронтекс, три брода што се во близина, хеликоптер Супер Пума и авион на Фронтекс.

Досега, патролните бродови спасиле две лица, а биле извлечени 18 тела.

The post 18 СЕ УДАВИЈА, ДВАЈЦА СЕ ИЗВЛЕЧЕНИ ОД МОРЕТО Чамец со мигранти потона кај Крит appeared first on plusinfo.mk.

Седумкатна станбена зграда се урна денеска изутрина во турскиот град Гебзе, во провинцијата Коџали, при што под урнатините останаа заробени најмалку седум станари, меѓу нив едно петчлено семејство.

Несреќата се случила околу 7:30 часот, по локално време, а засега не се познати точните причини за уривањето на зградата.

Спасувачките екипи се на терен и се обидуваат да ги извлечат преживеаните, јавија локалните медиуми.

На местото на настанот веднаш пристигнале полициски, противпожарни и медицински екипи, кои започнале со интензивни операции за пребарување и спасување. Спасувачите наводно ги слушнале гласовите на заробените луѓе, поради што продолжуваат со операцијата.

Урнатата градба е опишана како шесткатна или седумкатна станбена зграда. Детали за нејзината старост или состојба пред уривањето не се објавени. Властите најавија дека ќе спроведат детална истрага за да се утврдат причините.

Rescue operations underway after 7-story building collapses in northwest Turkey https://t.co/UZnjLR4oE1 pic.twitter.com/oQ9ZhSeImF

— The Independent (@Independent) October 29, 2025

6-story building collapsed in Gebze, 60 km from Istanbul — subway construction is underway near the building.

*There may be up to 6 people trapped — reports pic.twitter.com/XAXWRg3oec

— Lord Bebo (@MyLordBebo) October 29, 2025

The post 🎥 СЕ УРНА СТАНБЕНА ЗГРАДА ВО ТУРЦИЈА Цело семејство остана под урнатините appeared first on plusinfo.mk.

Тројца хрватски планирани се однесени од лавина која се спушти под врвот Тоска, на Јулиските Алпи, во Словенија.

Во тек е спасувачка акција, повикани се и полицијата и шумските спасувачи.

Според првите информации, тројцата хрватски државјани се водат како исчезнати откако ја напуштиле групата во Водниковата куќа во Веле Поле. Информацијата ја потврдип олициската управа од Крањ.

Според досега познатите информации, седум хрватски државјани престојувале во Водниковата куќа во Веле Поле. Четворица останале таму, додека тројцата го продолжиле своето патување и покрај лошите временски услови. Наводно, тие биле однесени од лавина која попатно се активирала.

На терен интервенираат горските служби за спасување во Радовљице, Бохиња и Јесенице, како и полицијата. Хеликоптерите моментно не можат да летаат поради лоши временски услови.

Полицијата најави дека подоцна ќе достави повеќе информации за несреќата.

The post ЛАВИНА ЗАТРУПА ТРОЈЦА ХРВАТСКИ ПЛАНИНАРИ ВО СЛОВЕНИЈА На Алпите е во тек спасувачка акција appeared first on plusinfo.mk.