Домашно куче од Конектикат стана херој за семејството Тазара откако храбро заштити момче кое си играло пред куќата, а мечка се стрчала кон него.

Видеото, снимено од надзорната камера во куќата на Џефри Тазара, го прикажува неговиот мал син како стои во дворот, а се појавува црна мечка како трча кон детето со голема брзина.

Додека момчето се повлекува, кучката Бела, мешанец од расата хаска, дотрча броз од другата страна на дворот и почна да ја брка мечката, да кружи околу животното и се позиционира како штит помеѓу мечката и детето.

Тазара рече дека видеото е направено во саботата во неговиот дом во Конектикат. Во интервју за Еј-би-си њуз, тој рече дека се пакувал и се подготвувал да оди на забава кога го слушнал лаењето на своето куче.

– Жестоко лаење, не како што вообичаено лае, квичи, завива и слично… ова беше поинаков вид лаење – раскажа тој.

Тазара рече дека потоа ја видел Бела како ја брка мечката пред неговиот шестгодишен син, кој стоел пред него. Тој рече дека планира да ја награди Бела со стек на следната семејна вечера.

Family dog swoops in to save six-year-old from charging bear. FULL STORY https://t.co/LD1apsKBjL pic.twitter.com/avEmSue1Zn

— Alaska’s News Source (@AKNewsNow) July 9, 2026

The post 🎥 ХРАБРО КУЧЕ СПАСИ ДЕТЕ ОД НАПАД НА МЕЧКА Надзорните камери го снимија јунаштвото на Бела appeared first on plusinfo.mk.

Спасувачки тим од повеќе држави извлекоа маж од урнатините во Венецуела во чудесна операција 8 дена по разорните земјотреси што ја погодија земјата.

Хернан Алберто Гил Флорес (44) останал заробен 9 метри под урнатините на паркинг во трговски центар во Ла Гваира, а денеска беше ослободен како дел од повеќедневната спасителна акција на локалните и меѓународните спасувачки екипи.

Сопругата на спасениот маж, Усбимар Гонзалез, изјави за Си-Ен-Ен кратко пред успешното спасување дека ѝ било многу тешко по земјотресот, бидејќи мислела дека нејзиниот сопруг можеби е мртов.

– Но, штом дознав дека е жив, како сонцето да ме осветли. Се однесуваше како херој. Децата го чекаат дома – рече таа.

Снимките објавени вчера, среда, го покажуваат моментот кога спасувачите првпат воспоставија визуелен контакт со Гил, кој работел како обезбедувач во трговскиот центар. Контактот е остварен со помош на камера за пребарување вметната во урнатиот подрум на зградата.

Видео објавено од чилеанската противпожарна служба ги прикажува прстите на човекот како мавтаат низ мал отвор помеѓу слоевите дебел бетон и остатоци.

#Venezuela| Hernán Alberto Gil Flores, un vigilante de 43 años, fue rescatado con vida tras permanecer 114 horas atrapado bajo los escombros de un centro comercial.

El rescate, realizado por equipos especializados de varios países, se convirtió en un símbolo de esperanza en… pic.twitter.com/8X19cCqJoU

— ICN.Digital (@ICNDigital) July 2, 2026

Службите за итни случаи објавија дека комуницирале со Гил и му давале вода, храна и лекови. Течноста му била доставена преку црево и шприц. На видео објавено се гледаат главата и рамената на Гил како штрчат од урнатините. Се гледа како носи маска и има повредено око.

Сложена операција за спасување

Чилеанската противпожарна служба ја опиша операцијата за спасување како „многу сложена“ бидејќи зградата била нестабилна и тимовите морале да се справат со паѓање на остатоци.

Себастијан Мокоркер од тимот на Обединетите нации за проценка и координација на катастрофи изјави дека 7 дена по земјотресот се можни само чудесни спасувања. Таканаречениот „златен прозорец“ за пронаоѓање преживеани обично трае 3 дена, по што шансите за преживување без извор на вода брзо се намалуваат.

Milagro en La Guaira. El señor Hernán Alberto Gil fue rescatado en el sector Urimare tras pasar 190 horas bajo los escombros. Más de 120 horas de labor de los rescatistas. pic.twitter.com/sARwkUGqGX

— Pulso Femenino ᵒᶠᶠᶤᶜᶤᵃˡ (@AlexaMargRevo) July 2, 2026

Спасувачите ја добија првата информација дека некој можеби е сè уште жив под урнатините на трговскиот центар „Галеријас Плаја Гранде“ во неделата. Тимовите беа во можност да го потврдат присуството на преживеаниот користејќи радарски сонар и опрема за детекција на звук, соопшти чилеанската противпожарна служба.

Три дена спасувачите и експертите од 6 земји работеа на расчистување безбеден премин низ урнатините и обезбедување животна поддршка за Гил.

„Известуваме дека Хернан Гил е медицински стабилен и во последните часови прими интравенски серум, како и вода и раствори за рехидратација“, објави денеска Црвениот крст на Костарика на Фејсбук .

Rescuers have been working for 58 hours to free a 44-year-old man trapped beneath the rubble of a collapsed shopping centre following the earthquakes in Venezuela.

Authorities say repeated tunnel collapses and the instability of the nine-storey structure have forced teams to… pic.twitter.com/ad8sDjgPit

— NewsWire (@NewsWireLK) July 2, 2026

„Не сум повреден, само ми е непријатно“

На едно видеото што го сподели претседателот на Салвадор, Наиб Букеле, се гледа како спасувач разговара со Гил и му дава портокалова течност, можеби електролитен пијалок, преку црево додека екипите се подготвуваа да го извлечат.

„Дали си повреден?“, се слуша како спасувачот го прашува.

„Не, не сум повреден. Само ми е непријатно со камењата“, одговара тој.

Претседателот Букеле рече дека спасувачката операција била тешка бидејќи тунелот ископан од спасувачите се срушил неколку пати.

– Спасувачките екипи од неколку земји работеа неуморно за да го стабилизираат тунелот, поддржувајќи го, зајакнувајќи го и изолирајќи го, но не беше можно да се одржува – рече тој.

• Tras más de 7 días atrapado bajo los escombros del centro comercial Galerías Playa Grande, y luego de más de 72 horas de intensos trabajos con estructura inestable, réplicas y una nueva vía de acceso, fue rescatado con vida.
Hernán, de 44 años, fue liberado gracias al…

— Alerta News (@Alerta_News_) July 2, 2026

Стотици мртви, ресурсите се намалуваат

Крајбрежниот град Ла Гваира, каде што беше пронајдена Гил, е една од најтешко погодените области во Венецуела по два силни земјотреси, а спасувачките операции сè уште се во тек. Луѓето како користат копачи, лопати и голи раце обидувајќи се да се пробијат низ урнатините на високи станбени згради, бидејќи горивото и ресурсите се во недостиг.

Претседателот на Националното собрание, Хорхе Родригез, вчера објави дека најмалку 2.295 лица загинале, што е зголемување од околу 350 во однос на претходниот ден. Сепак, се верува дека вистинскиот број на жртви е многу поголем.

Llevamos 28 horas tratando de rescatar de los escombros a Hernán Alberto Gil Flores, de 44 años, quien permanece atrapado en el centro comercial Galerías Playa Grande.

Equipos de varios países nos están ayudando a lograrlo, ya que la complejidad de la estructura, su… pic.twitter.com/FHCnHreY9u

— Nayib Bukele (@nayibbukele) June 30, 2026

The post 🎥 ЧУДЕСНО СПАСЕН МАЖ 8 ДЕНА ПО РАЗОРНИТЕ ЗЕМЈОТРЕСИ ВО ВЕНЕЦУЕЛА Преживеал под 9 метри урнатини appeared first on plusinfo.mk.

Татко и син беа спасени од под урнатините во венецуелската држава Ла Гваира вчера, четири дена откако разорните земјотреси ја погодија земјата. Тоа им дава надеж на француските и американските спасувачки екипи кои се тркаат со времето за да пронајдат повеќе преживеани.

Операцијата за спасување траеше 12 часа, при што екипите внимателно ги пребаруваа урнатините со специјализирани камери за пребарување, внимателно газејќи низ нестабилните остатоци од зградата за да стигнат до заробените луѓе.

– Тие се исклучително исцрпени, како што би бил секој кој поминал четири дена заробен под урнатини. Правиме сè што можеме за да ги рехидрираме и да им ги дадеме потребните лекови за време на извлекувањето, кое напредува многу бавно – рече член на француската цивилна заштита за време на спасувачката операција.

Спасувачките напори во областа ги водат членови на француската цивилна заштита, како и членови на Урбаниот тим за пребарување и спасување од округот Ферфакс, Вирџинија, кои еден ден претходно спасија мајка и деветмесечно бебе од урнатините.

Спасувачкиот тим објави видео на кое се гледа како нејзините членови извлекуваат жена од урнатините на срушена зграда. Соседите го поздравија нејзиното спасување со аплауз и извици.

Во друго видео, објавено од американскиот Стејт департмент, спасувачите извлекоа бебе завиткано во сина ткаенина од урнатините. Лицето на детето беше замаглено, но можеше да се слусне неговиот плач.

„И покрај минималните шанси, надежта останува. Секој спасен живот е победа“, соопшти Стејт департментот.

Мајката и бебето претрпеа само полесни повреди, информира тимот од Вирџинија.

Волонтери од Мексико, Ел Салвадор, Швајцарија и други земји исто така учествуваат во спасувачките напори, соопштија венецуелските власти во петокот.

– Бројот на жртви достигна 1.450. Ова се жени и мажи кои ги загубија животите во најлошата природна катастрофа во историјата на нашата земја – изјави вчера Хорхе Родригез, претседател на Венецуелското Национално собрание.

Родригез додаде дека уште 3.150 луѓе побарале медицинска помош во болниците во Ла Гваира и други области погодени од земјотресите.

The post 🎥 ТАТКО И СИН СПАСЕНИ ПО 4 ДЕНА ПОД УРНАТИНИТЕ Продолжува потрагата по преживеани по земјотресот во Венецуела appeared first on plusinfo.mk.

Венецуелката Грасиела Мора успеала да преживее под урнатините на срушена зграда во венецуелскиот град Ла Гваира. Додека спасувачите ја извлекувале на безбедно, таа била свесна и зборувала за драмата што ја преживеала за време на разорните земјотреси.

– Кога почна земјотресот, се држев за рамката на вратата најсилно што можев. Толку силно што си го скршив прстот – раскажала Мора.

Според нејзиното сведоштво, останала да се држи за рамката сè додека катовите над неа почнале да се уриваат.

Видела рака меѓу урнатините

Најемотивниот момент дошол кога низ правот и бетонските блокови забележала рака.

– И тогаш видов рака и ја зграпчив – рекла Венцуелката.

Токму тогаш сфатила дека спасувачите стигнале до неа.

Снимката од нејзиното спасување брзо се прошири на социјалните мрежи и стана еден од симболите на трагедијата што ја погоди земјата.

‘Até agora ainda não tive chance de chorar’ Graciela Mora estava consciente ao ser resgatada dos escombros de um edifício que desabou em La Guaíra, uma cidade litorânea próxima à capital da Venezuela, Caracas. Mais sobre o terremoto: https://t.co/KJMeq5Z4bV pic.twitter.com/S7YTIuxFOy

— BBC News Brasil (@bbcbrasil) June 26, 2026

По илјадници луѓе сè уште се трага

Спасувачките екипи и натаму водат трка со времето низ урнатините.

Според последните податоци, повеќе од 50.000 лица сè уште се водат како исчезнати.

Потврдена е смртта на најмалку 235 луѓе, а над 4.300 се повредени.

Во многу населби граѓаните сами копаат низ урнатините, често со голи раце, бидејќи недостига механизација и спасувачка опрема.

Помош од целиот свет

Американската војска веќе испраќа транспортни авиони и бродови со помош.

Кон Венецуела се упатени и специјализирани спасувачки тимови со кучиња-трагачи.

Катастрофата беше предизвикана од два силни земјотреси од 7,2 и 7,5 степени според Рихтеровата скала.

И двата потреса биле релативно плитки, што дополнително ги зголемило разорните последици врз населените места во северниот дел на земјата.

The post 📽️ НЕ ПОПУШТИЛА, СЕ ДРЖЕЛА ЗА РАМКА ДОДЕКА ПАЃАЛЕ КАТОВИТЕ Венецуелка даде изјава неколку секунди по спасувањето appeared first on plusinfo.mk.

Петмина мажи беа спасени по десет дена минати во поплавена пештера во провинцијата Ксајсомбун во Лаос, откако останаа отсечени од надојдените води додека барале минерали и злато.

Спасувачката операција започна откако локалните власти добија информација дека група од седум лица не успеала да излезе од пештерата по обилните дождови кои предизвикале нагло покачување на нивото на водата. Поради тешките услови, спасувачите со денови се обидувале да воспостават контакт со заробените мажи.

Првиот од преживеаните бил извлечен со помош на нуркачи, додека останатите четворица успеале да излезат откако водостојот во пештерата се намалил и овозможил безбедно движење низ тесните премини.

Спасените мажи биле пренесени на лекарски прегледи и се наоѓаат под медицински надзор. Според локалните власти, тие преживеале благодарение на резервите храна што ги имале со себе и водата што се собирала во пештерата.

Потрагата по преостанатите двајца членови на групата продолжува, но спасувачите предупредуваат дека новите врнежи и повторното покачување на нивото на водата ја отежнуваат операцијата во планинскиот регион на централниот дел од Лаос.

The post 🎥 СЕ РАСПЛАКАА КОГА ВИДОА СВЕТЛИНА, ПО 10 ДЕНА ПОД ЗЕМЈА Во драматична акција спасени петмина заглавени во пештера appeared first on plusinfo.mk.

Патрола на ЕУФОР, составена од припадници на армиите на Македонија и Турција, спаси маж и жена заглавени во „голф“ кај Тузла, соопшти АРМ.

Парот излетал со „голф 5“ во канал кај магистралниот пат во четвртокот, 7 мај, се вели во објавата.  Несреќата се случила меѓу 24 и 25 километар од патот. Автомобилот удрил во дрвја и останал заглавен во каналот.

Мажот и жена биле делумно потопени во вода. Единицата веднаш притрчала на помош.

Во спасувањето се вклучиле и луѓе што се нашле во близина. Војниците стравувале дека возилото може дополнително да потоне или да се преврти.

Поради сомнежи за скршеници кај жената, спасувачите реагирале внимателно. Со помош на скали, кои послужиле како импровизирани носила, ја извлекле од каналот без дополнителни повреди.

„ЕУФОР останува посветен на безбедноста на сите учесници во сообраќајот во БиХ“, соопштија од АРМ.

The post ПРИПАДНИЦИ НА АРМ СПАСИЛЕ МАЖ И ЖЕНА Парот излетал со „голф 5“ во канал кај Тузла appeared first on plusinfo.mk.

На автопатот Скопје–Велес, кај месноста „Манастири“, шест лица биле извлечени од возило кое излетало од коловозот, откако полицијата и спасувачките служби интервенирале на тешко пристапен терен.

Несреќата се случила денеска, кога во полиција било пријавено дека патничко возило „Сеат“, управувано од 68-годишен велешанец, излетало од автопатот. Во возилото имало уште пет сопатници.

На местото веднаш пристигнале полициски службеници од Мобилната единица за безбедност на сообраќајот, кои го пронашле возилото надвор од патот и започнале акција за извлекување на повредените. Поради непристапниот терен, интервенцијата била отежната, но со координирана акција сите лица биле безбедно извлечени.

Во спасувањето се вклучиле и екипи од Територијалната противпожарна бригада на Град Скопје, три тима на Итна медицинска помош и служби од ЈП Македонија Пат.

Повредените биле пренесени во болницата во Велес, каде што им била укажана лекарска помош. Според првичните информации, сите се надвор од животна опасност.

Увид на местото на несреќата извршила екипа од СВР Скопје, а причините за излетувањето дополнително ќе се утврдуваат.

Од полицијата апелираат до возачите да ја почитуваат сообраќајната сигнализација и да ја прилагодат брзината на условите на патот, со цел да се избегнат вакви несреќи.

The post АВТОМОБИЛ ИЗЛЕТА ОД АВТОПАТ СКОПЈЕ–ВЕЛЕС Шест лица извлечени од тешко достапен терен appeared first on plusinfo.mk.

Драматична сцена како од филм се одигра во Пекинг, каде 89-годишна жена буквално висеше од облакодер, обидувајќи се да се спаси откако останала заклучена во својот стан. Вознемирувачкото видео, кое експресно се прошири на социјалните мрежи, ја прикажува како се движи по фасадата на зградата на височина од повеќе десетици метри.

Според информациите од кинеските медиуми, жената случајно се заклучила во просторија од станот и немала телефон за да повика помош. Во обид сама да се извлече, излегла низ прозорец и почнала да се спушта по надворешниот дел од зградата, користејќи метални држачи и конструкции околу клима-уредите.

Сведоци во шок ја забележале како се движи меѓу 27 и 21 кат, држејќи се со рацете за тесни рабови. Веднаш била повикана итна помош, а пожарникарите пристигнале за неколку минути.

 

View this post on Instagram

 

A post shared by MS News (@mustsharenews)

Интервенцијата била исклучително ризична, но спасувачите успеале да ја обезбедат со јаже и да ја внесат назад во зградата. За среќа, и покрај драмата и опасноста, жената не претрпела повреди.

Случајот предизвика бурни реакции на социјалните мрежи во Кина, каде многумина ја опишуваат постапката како „неверојатна храброст“, но и предупредуваат на опасностите од вакви ситуации, особено кај постари лица кои живеат сами.

The post 🎥 ДРАМА ВО ПЕКИНГ, 89-ГОДИШНА ЖЕНА ВИСЕШЕ ОД 20-ТИ КАТ Се симнувала по фасада, спасена во последен момент appeared first on plusinfo.mk.

Американскиот претседател Доналд Трамп потврди дека и вториот член на екипажот на соборениот борбен авион Ф-15 е успешно спасен од иранска територија. Операцијата, која Трамп ја опиша како „една од најхрабрите и најопасните во американската историја“, стави крај на повеќечасовната неизвесност за судбината на американскиот полковник кој се наоѓаше зад непријателските линии.

По соборувањето на авионот Ф-15Е Страјк Игл од страна на иранската противвоздушна одбрана, првиот пилот беше спасен веднаш, додека офицерот за вооружување беше исчезнат повеќе од еден ден. Трамп соопшти дека вториот член на екипажот има повреди, најверојатно здобиени при катапултирањето, но нагласи дека неговата состојба е стабилна. Иако претседателот тврди дека во мисијата нема загинати или ранети американски војници, Би-Би-Си известува дека дошло до директен „контакт“ и судир меѓу американските и иранските сили за време наизвлекувањето.

Додека траеше операцијата, иранските државни медиуми објавија за воздушни напади во планинскиот предел на провинцијата Кохгилује и Бојер-Ахмад во југозападен Иран, каде што се верува дека се наоѓал американскиот офицер. Локалните власти потврдија дека во овие напади загинале најмалку четири лица, обвинувајќи ги САД и Израел за бомбардирањето. Засега не е официјално потврдено дали овие напади биле директно поврзани со мисијата за спасување.

Иранската револуционерна гарда соопшти дека за време на потрагата по американскиот екипаж успеала да собори американски дрон во провинцијата Исфахан. Иако Вашингтон сѐ уште не ги потврдил овие наводи, социјалните мрежи беа преплавени со видеоснимки на кои се гледа како ирански сили пукаат кон американски хеликоптери од типот Блек Хок. Трамп изјави дека во операцијата биле вклучени „десетици авиони“ опремени со најмоќното оружје на светот.

Пред американските сили да стигнат до својот војник, иранската војска понуди награда од околу 60.000 долари за секој што ќе го фати американскиот офицер жив. Снимките покажуваат дека и стотици локални жители се вклучиле во потрагата по непријателските предели, но американските специјални единици успеале први да стигнат до него и да го евакуираат на безбедно.

The post ВО ДРАМАТИЧНА АКЦИЈА СПАСЕНИ ДВАЈЦАТА ПИЛОТИ КАТАПУЛТИРАНИ ВО ИРАН Ангажирани десетици авиони, престрелка со Иранците, гаѓан хеликоптер, соборен дрон… appeared first on plusinfo.mk.

Ехото на болката од трагедиите со голем број човечки жртви и повредени, продолжува да се слуша и по самракот на денот на кој се имаат случено. Тоа продолжува да одѕвонува во сеќавањата на семејствата што останале без најблиските, во општеството кое во молк се соочува со загубите, но и во институциите кои мора да се запрашаат дали биле доволно подготвени. Такви беа Ласкарци на 13 февруари 2019 година, пожарот во модуларната болница во Тетово на 8 септември 2021 година, автобусот што изгоре во Бугарија на 23 ноември 2021 година, а потоа и трагедијата во Кочани на 16 март 2025 година.  Настани кои не се исти по причината и контекстот во кој се случија, но имаат една заедничка и болна точка – сите нè соочија со прашањето колку државата е подготвена кога во краток рок треба да спаси многу животи.

Токму затоа, кога денес зборуваме за Националниот план за постапување при настани со масовни жртви, ги надминуваме административните и бирократски очекувања дека станува збор за уште еден документ. Планот претставува одлучен обид болната меморија да се претвори во институционална зрелост. Зборуваме за одлука да не чекаме следна несреќа за повторно да откриеме што ни недостасува, каде доцниме и кој со кого не е доволно поврзан во институционалната мрежа. Ги поставуваме системските рамки за ефикасен и ефективен државен одговор кој ќе биде однапред осмислен, увежбан и усогласен.

Со усвојувањето на овој план, за првпат Македонија доби сеопфатна рамка за координирано постапување при настани со масовни жртви, за ризици што можат да настанат при природни катастрофи, сообраќајни несреќи, индустриски инциденти, пожари и други вонредни ситуации. Планот е усвоен од Владата на 10 март 2026 година, по предлог на Министерството за здравство, со поддршка од Светската здравствена организација, притоа усогласен и со препораките на НАТО и меѓународните здравствени регулативи. Во неговата подготовка беа вклучени повеќе институции и служби – од здравствениот сектор и ургентните центри, до Центарот за управување со кризи, Министерството за внатрешни работи, Министерството за одбрана, Дирекцијата за заштита и спасување, Црвениот крст и медицинските факултети.

Институционалната вредност на овој план се состои во тоа што поставува јасна архитектура на одговор. Тој предвидува како се активира системот, кој носи одлуки, како се координираат институциите, како се прави тријажа, како се распределуваат пациентите, како се користат ограничените ресурси и како се обезбедува континуитет на здравствените услуги и во најтешки услови. Со други зборови, планот ги надминува добрите намери и претендира да внесе ред во часовите кога трагедиите го внесуваат хаосот во институциите и се обидуваат да го поткопаат одговорот на државата.

Кога бројот на повредени за кратко време ги надминува редовните капацитети, секоја минута зависи од тоа дали однапред знаеме кој е првиот чекор, каде се упатуваат пациентите, како комуницираат болниците и како се носат одлуките без паралелни процеси и институционален шум.

Токму тука лежи суштината на Националниот план, кој го организира одговорот на три нивоа. На стратегиско ниво, се обезбедува централизирано управување и меѓуресорска координација. На ниво на здравствена установа, се утврдува организацијата на прием, третман, мобилизација на персонал и користење опрема. На предболничко ниво, се уредуваат теренската тријажа, итната медицинска помош, евакуацијата, транспортот и воспоставувањето истурени медицински станици. Таа поврзаност е клучна, затоа што токму пукнатините меѓу самите случувања на местото на несреќата, болницата и институционалното раководење најчесто ја прават кризата потешка отколку што мора да биде.

Европа одамна научи дека подготвеноста за одговор на настани со масовни жртви не смее да се темели на импровизација. Во Франција, на пример, ORSAN(Organisation de la Réponse du Système de Santé en Situations Sanitaires Exceptionnelles – Организација на одговорот на здравствениот систем во исклучителни здравствени ситуации) е национална рамка за организирање на одговорот на здравствениот систем при исклучителни здравствени ситуации, вклучително и масовен прилив на повредени. На ниво на Европската Унија, Механизмот за цивилна заштита и неговиот ERCC (Emergency Response Coordination Centre) функционираат токму на логика на однапред подготвена координација, 24 часа на ден, со можност за брза мобилизација на помош кога капацитетите на една држава се преоптоварени. Системската поука е јасна, а тоа е дека зрелите системи не чекаат криза за да почнат да се организираат, тие се организираат пред кризата.

Затоа, за мене, овој план има и пошироко значење, бидејќи тој е тест дали државата е способна да учи од своите минати грешки и пропусти. Дали може од секоја трагедија да извади системска поука и да изгради институционална меморија, притоа и да покаже дека солидарноста на граѓаните, пожртвуваноста на лекарите и поддршката од меѓународните партнери ќе бидат надградени со системски унапредувања и зацврстување.

Во Ласкарци, Тетово, Бугарија и Кочани видовме нешто што никогаш не смее да се заборави, а тоа е колку е голема човечката пожртвуваност кога системот е ставен пред најтешкиот испит. Но исто така видовме и дека пожртвуваноста, сама по себе, не смее да биде единствениот столб на националната подготвеност. Не е праведно ниту кон здравствените работници, ниту кон граѓаните, државата да очекува дека храброста секогаш ќе ја надомести системската неподготвеност. Обврската на институциите е таа храброст да ја поддржат со структуриран и навреме подготвен одговор.

Затоа, Националниот план за постапување при настани со масовни жртви треба да се разбере како почеток, а не како завршена работа. Неговата вистинска вредност ќе се потврди тогаш кога ќе биде претворен во редовни обуки, симулациски сценарија, проверка на болничките капацитети, интероперабилност меѓу институциите и култура на подготвеност што нема да зависи од тоа кој е на функција, туку од тоа каков систем сме изградиле.

Државата не може да им вети на граѓаните дека никогаш повеќе нема да има трагедии. Но мора да им вети нешто друго, а тоа е  дека нема да влезе во нив неподготвена. Тоа е најмалку што им должиме на жртвите од Ласкарци, Тетово, Бугарија и Кочани. И тоа е најмалку што им должиме на сите идни генерации.

The post Пожртвуваноста не е доволна, болката мора да стане системска поука appeared first on plusinfo.mk.