Сцените од новиот римејк на култната серија „Бејвоч“ се снимаат на плажа во Лос Анџелес, а нова генерација актери веќе тренира и привлекува внимание во улогата на модерни спасители.

Легендарната екипа од 90-тите, предводена од Дејвид Хаселхоф и Памела Андерсон, доби наследници – Ноа Бек, Џесика Белкин, Шеј Мичел, Тадеус Лагрон, Стивен Амел, Ливи Дан, Брукс Надер. Актерите веќе започнаа со интензивни подготовки, а папараците ги фатија за време на тренинг на плажа.

Во странските медиуми се појавија и фотографии од моделот Брукс Надер и инфлуенсерката Ливи Дан во костими за капење на снимањето во вторник (17 март) во Лос Анџелес. Фотографиран е и Тадеус Лагрон!

Брукс го толкува ликот по име Селена, додека Ливи ќе ја игра помладата спасителка по име Грејс. Тадеус ќе го игра поранешниот маринец по име Бред.

Во костими за капење и со препознатлива опрема за спасувачи, новата екипа вежба сцени во вода и на песок, под будното око на тренер. Фотографиите откриваат и доза на опуштена атмосфера на снимањето, но и сериозна физичка посветеност што ја бара оваа улога.

И додека многумина се прашуваат дали можат да го надминат оригиналот, едно е сигурно – новата верзија носи сонце, акција и атрактивна екипа која веќе привлекува големо внимание.

Дали ќе можат да го повторат успехот на култната серија и да бидат запаметени како нивните претходници, останува да се види.

The post СЕ СНИМА РИМЕЈК НА „БЕЈВОЧ“ СО НОВА ЕКИПА Кои актери ќе ги наследат култните Дејвид Хаселхоф, Памела Андерсон и останатите? appeared first on plusinfo.mk.