Спасена е жена која три дена седела заглавена во автомобил со мртвото тело на својата снаа откако ги погодила смртоносната поплава во Шпанија, соопшти спасувачката служба.

Автомобилот со преживеаната жена е откриен во поплавен тунел во Монкада, лоциран во југоисточната провинција Валенсија, заглавен со уништени автомобили. Спасувачите, вадејќи ги автомобилите, слушнале лелек на жена. Не можела да излезе бидејќи нејзиниот автомобил бил под други возила.

По спасувачката акција жената е префрлена во блиската болница и засега не е позната нејзината здравствена состојба.

Шпанскиот премиер Педро Санчез претходно денеска соопшти дека бројот на жртвите во поплавите се искачи на 211, а 208 од нив се од Валенсија.

И натаму траат потрагите по повеќе стотици лица кои сè уште се водат како исчезнати.

The post ТРИ ДЕНА БИЛА ЗАГЛАВЕНА ВО ВОЗИЛО СО МРТВАТА СНАА Спасена е жена од поплавите во Шпанија appeared first on plusinfo.mk.

Една жена и 14-годишно девојче попладневно се извлечени од урнатините пред железничката станица во Нови Сад, каде денеска се урна големата бетонска натстрешница пред влезот.

Спасителите 5 часа се бореле да ги извлечат жената и детето, со кои биле во контакт за целото време. Со кршот се бореле полицајци и пожарникари, со багери и друга градежна механизација.

Двете преживеани се итно пренесени во Клиничкиот центар.

Во големата несреќа загинаа 11 лица.

Утре во Србија ќе биде Ден на жалост поради смртта и страдањето на граѓаните поради уривањето на конструкција од Железничката станица во Нови Сад, соопшти Владата на Србија.

The post СПАСЕНИ ДЕВОЈЧЕ И ЖЕНА, 4 ЧАСА ГИ ОТКОПУВАЛЕ СО БАГЕРИ Утре ден на жалост во Србија поради несреќата во Нови Сад appeared first on plusinfo.mk.