Репрезентациите на Франција и Англија ќе се борат за третото место на Светското фудбалско првенство 2026 година. Натпреварот ќе се одигра на стадионот „Хард Рок“ во Мајами, со почеток во 23 часот по македонско време.

Дуелот ќе биде ново поглавје во долгото ривалство меѓу двете европски фудбалски сили. Франција и Англија досега одиграле 32 меѓусебни натпревари, а подобар биланс има англиската репрезентација.

„Гордиот Албион“ славел на 17 средби, Франција има 10 победи, додека пет натпревари завршиле без победник. Гол-разликата е 72:41 во корист на Англија.

На светските првенства двете селекции се сретнале трипати. Англија победи на Мундијалите во 1966 година со 2:0 и во 1982 година со 3:1, додека Франција беше подобра во последната пресметка во 2022 година, кога славеше со 2:1.

Франција до мечот за третото место стигна откако го освои првото место во групата во конкуренција на Норвешка, Сенегал и Ирак. Во елиминациската фаза „триколорите“ ги совладаа Шведска, Парагвај и Мароко, но во полуфиналето беа запрени од Шпанија.

Англија, пак, групната фаза ја заврши како првопласирана во групата со Хрватска, Гана и Панама. Во нокаут-фазата Англичаните беа подобри од ДР Конго, Мексико и Норвешка, пред во полуфиналето да загубат од Аргентина.

За двете селекции натпреварот во Мајами ќе биде можност барем со бронзен медал да го завршат настапот на Мундијалот.

Големото финале на Светското првенство 2026 е закажано за утревечер од 21 часот, а за титулата ќе се борат Шпанија и Аргентина.

The post ЕВРОПСКИ ГИГАНТИ ВО БИТКА ЗА ТРЕТО МЕСТО Франција и Англија го бараат последниот медал на Мундијалот appeared first on plusinfo.mk.

На два дена до одигрувањето на финалето меѓу Шпанија и Аргентина организаторите и локалните власти имаат нов неочекуван проблем, а тоа е квалитетот на воздухот во Њујорк.

Финалето меѓу Шпанија и Аргентина се игра во недела со почеток во 21 часот на стадионот „МетЛајф“ во Ист Радерфорд, во американската сојузна држава Њу Џерси и се очекуваат околу 80.000 гледачи.

Големите шумски пожари во Канада и чадот од нив предизвикаа проблем на поширокото подрачје на Њујорк и Њу Џерси. Здравствените служби издадоа и предупредување да не се излегува на отворено без потреба и да се намалат физичките активности односно по потреба да се носат и маски.

Шпанската репрезентација тренираше и немаше реакции на воздухот, додека Аргентина вечерва ќе го има првиот тренинг по дуелот со Англија.

Проблемите со чадот и загадениот воздух ќе влијаат и на одржување на други спортски натпревари во тој дел на САД и на Канада.

На финалето е најавено и доаѓањето на американскиот претседател Доналд Трамп.

ТРАМП ЌЕ ПРИСУСТВУВА НА ФИНАЛЕТО, НО ДАЛИ ЌЕ ГО ВРАЧИ ТРОФЕЈОТ? Можеме и заедно, вели шефот на ФИФА

The post НОВИ ГЛАВОБОЛКИ ЗА ФИФА ЗА ФИНАЛЕТО НА СП2026 Дали канадскиот чад ќе се крене или допрва ќе се спушта? appeared first on plusinfo.mk.

Аргентина избори место во големото финале на Светското првенство 2026, откако по уште еден драматичен пресврт ја совлада Англија со 2-1 во полуфиналниот натпревар.

Дуелот на двете фудбалски велесили очекувано донесе голема борба, тактичко надмудрување и малку вистински шанси во првото полувреме. Двете репрезентации играа внимателно, без поголем ризик, а најдобар показател за тоа беше фактот дека во првите 45 минути немаше ниту еден директен удар во рамките на голот. Воедно, беа досудени дури 19 прекршоци.

Слична беше сликата и во воведните минути од вториот дел, но ситуацијата се промени во 55. минута кога Англија успеа да поведе.

Хари Кејн се врати на својата половина и започна акција со долга топка кон Роџерс, кој одлично нафрли во шеснаесетникот. На вистинското место се најде новото засилување на Барселона, Ентони Гордон, кој со прецизен удар ја затресе мрежата на Аргентина за 1-0.

По примениот гол, Англија се повлече длабоко во својата половина, обидувајќи се да го зачува водството, но тоа се покажа како грешна одлука.

Аргентина презеде целосна иницијатива, создаде неколку сериозни прилики, а во еден момент ја погоди и стативата. Нико Гонзалес имаше одлична можност за израмнување, но неговиот удар заврши покрај голот.

Притисокот на „гаучосите“ конечно вроди со плод во 83. минута. Енцо Фернандез со својот трет удар кон голот на Англија успеа да погоди и да израмни на 1-1.

Аргентина не се задоволи со реми и продолжи да напаѓа. Одлуката за пласман во финалето ја донесе Лаутаро Мартинез, кој во финишот погоди по одличното нафрлување од Лионел Меси за конечни 2-1.

Со оваа победа Аргентина обезбеди ново финале на Светското првенство, каде што ќе се соочи со Шпанија.

Големото финале меѓу Шпанија и Аргентина ќе се игра во недела од 21:00 часот. Ден претходно, Англија и Франција ќе се борат за третото место.

The post 📽️ АНГЛИЈА ПОВЕДЕ, НО АРГЕНТИНА ПОКАЖА ШАМПИОНСКИ КАРАКТЕР „Гаучосите“ со пресврт закажа спектакл со Шпанија appeared first on plusinfo.mk.

Финалето на Светското првенство во фудбал 2026 година може да биде одложено поради најавите за неповолни временски услови во Њујорк и Њу Џерси, каде што во недела, 19 јули, треба да се одигра најголемиот фудбалски спектакл.

Натпреварот е закажан за 21 часот на стадионот во Њу Џерси, кој има капацитет од 82.500 седишта, но објектот нема кровна конструкција, што дополнително ја зголемува загриженоста кај организаторите.

Според временските прогнози, во периодот на одигрување на финалето се очекуваат температури околу 28 степени Целзиусови, но и можност за грмотевици. Токму ризикот од невреме може да предизвика промена на плановите доколку безбедноста на фудбалерите, навивачите и официјалните лица биде загрозена.

Првиот финалист на Мундијалот е репрезентацијата на Шпанија, додека вториот патник во големото финале ќе биде познат по полуфиналниот дуел меѓу Англија и Аргентина.

Евентуалното одложување на финалето би претставувало сериозен организациски и финансиски предизвик за ФИФА, имајќи предвид дека станува збор за најгледаниот спортски настан во светот, со огромен број навивачи, медиуми и комерцијални партнери.

Организаторите во следните денови внимателно ќе ги следат временските услови и ќе донесат одлука доколку постои ризик натпреварот да не може да се одигра во предвидениот термин.

The post БУРА ПРЕД ГОЛЕМОТО ФИНАЛЕ Невремето може да го одложи мечот за светската титула appeared first on plusinfo.mk.

Во видеото што го објави шпанското кралско семејство, кралот Фелипе VI, кралицата Летиција и нивните ќерки, принцезата Леонор и инфанта Софиа, емотивно го прославуваат историскиот успех на шпанската фудбалска репрезентација.

Видеото го прикажува кралското семејство облечено во персонализирани дресови на шпанската репрезентација, далеку од строгите правила и службените должности. Тие го следеа полуфиналниот натпревар против Франција со голем ентузијазам, а беа снимени и моментите во кои кралот Фелипе VI напнато го доживува драматичното финале.

Кралицата Летиција и нејзините ќерки, кои го следеа секој момент на теренот како и сите други навивачи, не беа помалку емотивни.

 

View this post on Instagram

 

A post shared by Casa de Su Majestad el Rey (@casareal.es)

Шпанија го обезбеди своето место во финалето на Светското првенство 2026 година со победа од 2-0 над Франција во Далас. Најважниот момент од објавената снимка е моментот по последниот свиреж на судијата, кога целото семејство се собра во цврста и емотивна прегратка, славејќи го својот голем успех.

Кралот Фелипе, и самиот голем спортски љубител, со овој гест повторно покажа дека е еден од најголемите фанови на шпанските спортисти. Заедно со објавата, Кралската куќа испрати и порака до националниот тим:

– Шпанија е во финалето! Уште еднаш покажавте зошто сте еден од најдобрите тимови во светот. Сега, со целата земја зад вас, време е да се бориме за титулата. Ви благодарам што го направивте ова патување толку пријатно. Само напред!

The post 🎥 НЕМА ПРОТОКОЛ КОГА СЕ НАВИВА ЗА СВОИТЕ Еве како кралот Фелипе VI, кралицата Летиција и нивните ќерки навиваа за шпанската фудбалска репрезентација appeared first on plusinfo.mk.

Полуфиналето на Светското првенство донесе вистински фудбалски спектакл во Арлингтон, каде што силите ги одмерија две европски велесили – Шпанија и Франција. Влогот беше огромен – место во големото финале.

До полуфиналето Франција стигна со победи над Шведска, Парагвај и Мароко, додека Шпанците претходно ги елиминираа Австрија, Португалија и Белгија, а групната фаза ја завршија како првопласирани, без ниту еден пораз.

„Црвената фурија“ прва зададе удар во 22. минута. По прекршокот на Лукас Дињи врз Ламин Јамал, судијата покажа на белата точка, а Микел Ојарзабал сигурно го совлада Мајк Мањан за водство од 1:0.

Франција тешко наоѓаше решение против цврстата и дисциплинирана игра на Шпанците. Репрезентацијата предводена од Килијан Мбапе и Усман Дембеле не успеваше да создаде посериозна опасност, додека шпанската одбрана речиси без грешка ги неутрализираше сите обиди на противникот.

Истото сценарио продолжи и по паузата. Наместо израмнување, Французите примија уште еден гол. Во 58. минута Педро Поро и Дани Олмо одлично комбинираа, по што Поро излезе сам пред Мањан и рутински ја испрати топката во мрежата за убедливи 2:0.

По вториот погодок Французите делуваа уште понемоќно, а Шпанија продолжи да напаѓа. Само офсајд-одлука ги спаси „триколорите“ од трет примен гол.

Во продолжението Франција конечно покажа знаци на живот. Мбапе имаше добра можност по брз противнапад да ја врати неизвесноста, но Шпанците и натаму ја контролираа играта и не дозволија противникот сериозно да се закани до крајот на натпреварот.

Во финалето на СП 2026 Шпанија ќе ги одмери силите со победникот од натпреварот Англија-Аргенцина, кој се игра во среда во 9 часот навечер.

The post ШПАНИЈА Е ПРВИОТ ФИНАЛИСТ НА СП 2026 Франција беше целосно надиграна appeared first on plusinfo.mk.

Историскиот пласман на Мароко во осминафиналето на Светското првенство 2026 и елиминацијата на Холандија предизвикаа масовно славје меѓу мароканската заедница во Холандија, но прославата во неколку градови брзо прерасна во насилство, вандализам и судири со полицијата.

Веднаш по завршувањето на натпреварот, илјадници навивачи излегоа на улиците на Амстердам, Ротердам, Хаг и Утрехт. Централните градски подрачја беа преплавени со луѓе, автомобили со марокански знамиња, сирени и пиротехнички средства, што доведе до целосен сообраќаен хаос.

Најсериозна беше ситуацијата во Хаг, каде што прославата ескалираше во насилни инциденти. Според локалните медиуми, групи маскирани лица фрлале петарди и друга пиротехника, по што полицијата интервенирала со солзавец, водени топови и службени кучиња за да ја растера агресивната толпа.

BREAKING: Waterkanon ingezet in #DenHaag na winst #Marokko. Ik ben vol geraakt en doorweekt. Alles drijfnat. Te zien in einde van deze video. pic.twitter.com/7uaGi7RuNq

— Owen (@_owenobrien_) June 30, 2026

За време на интервенцијата, дел од демонстрантите ги нападнале полицајците со камења, стаклени шишиња и други тврди предмети, поради што биле ангажирани дополнителни полициски сили и оклопни возила.

Paar agenten op de fiets die proberen wat mensen weg te sturen, maakt amper indruk hier in #DenHaag na overwinning #Marokko. pic.twitter.com/OReZRtmsXI

— Owen (@_owenobrien_) June 30, 2026

Нереди биле регистрирани и во Утрехт, каде поединци со автомобили украсени со марокански знамиња возеле по тротоари и пешачки патеки, загрозувајќи ги минувачите. Во исто време биле оштетени и повеќе јавни објекти и заштитни бариери.

Minimaal vijf aanhoudingen in #DenHaag. Politie grijpt in. Opnieuw rake klappen na de winst van #Marokko. pic.twitter.com/utU4XjMKEc

— Owen (@_owenobrien_) June 30, 2026

The post 📽️ МАРОКАНСКОТО СЛАВЈЕ СЕ ПРЕТВОРИ ВО ХАОС Солзавец, водени топови и масовни нереди во Хаг appeared first on plusinfo.mk.

Сериозната повреда на еден од клучните играчи на Канада ја засени убедливата победа од 6:0 над Катар на Светското првенство. Играчот за врска Исмаел Коне заработи скршеница на ногата по жесток старт на натпреварот и ќе мора да оди на операција.

Според канадските медиуми, 24-годишниот репрезентативец моментално се наоѓа во болница, каде што покрај него е неговата мајка Сузан, која му дава поддршка пред хируршкиот зафат.

Инцидентот се случи во 51 минута од натпреварот кога катарскиот фудбалер Асим Мадибо грубо стартуваше врз Коне. Канадскиот играч остана да лежи на тревникот и беше изнесен од теренот на носилки.

Главниот судија Кристијан Гарај првично му покажа жолт картон на Мадибо, но откако ја согледа сериозноста на повредата и последиците од стартот, ја промени одлуката и му додели директен црвен картон.

Првичните прогнози не се охрабрувачки за Коне. Се очекува тој да паузира меѓу четири и пет месеци, што значи дека го очекува долг период на рехабилитација пред враќањето на терените.

Повредата претставува сериозен удар за Канада, која по убедливата победа над Катар и одличниот старт на Мундијалот остана без еден од важните играчи во средниот ред.

The post 📽️ КАТАРЕЦ МУ ЈА СКРШИ НОГАТА НА КОНЕ Канаѓанецот изнесен на носилка, следи операција и долга пауза appeared first on plusinfo.mk.

Канада и Мексико ги одбележаа натпреварите од второто коло на Светското првенство, откако забележаа важни победи и направија голем чекор кон нокаут-фазата.

На стадионот во Ванкувер, Канада приреди вистинска голеада против Катар и славеше со убедливи 6:0 во натпревар од групата Б. Најзаслужен за триумфот беше Џонатан Дејвид, кој постигна хет-трик и беше нерешлива енигма за катарската одбрана.

Канаѓаните поведоа преку Клај Ларин во 16 минута, а потоа Дејвид двапати погоди пред паузата. Во вториот дел мрежата на Катар продолжија да ја тресат Нејтан Салиба и автоголот на Мохамед Манаи, пред Дејвид да го комплетира хет-трикот во судиското продолжение.

Дополнителен проблем за Катар беа двата црвени картони, поради кои натпреварот го завршија со само девет фудбалери на теренот.

По две одиграни кола, Канада и Швајцарија имаат по четири бода и ќе решаваат за првото место во директен дуел во последното коло. Босна и Херцеговина и Катар имаат по еден бод и ќе водат битка за останување во игра.

Во групата А, Мексико ја продолжи победничката серија и со триумф од 1:0 над Јужна Кореја го обезбеди местото во осминафиналето.

Единствениот погодок на натпреварот го постигна Луис Ромо во 50 минута, што беше доволно Мексиканците да стигнат до максимални шест бодови по две кола.

Во истата група, Чешка и Јужна Африка ремизираа 1:1, па пред последното коло ситуацијата останува неизвесна во борбата за второто место.

Мексико е лидер со шест бодови, Јужна Кореја има три, додека Чешка и Јужна Африка освоија по еден бод.

Во последното коло ќе се сретнат Чешка и Мексико, односно Јужна Африка и Јужна Кореја.

The post 📽️ КАНАДА ГО ПРЕГАЗИ КАТАР, МЕКСИКО ВЕЌЕ Е ВО ОСМИНАФИНАЛЕ Дејвид блескаше со хет-трик, Ромо донесе нова победа appeared first on plusinfo.mk.

Спектакуларно беше отворањето на настапот на репрезентацијата на САД на Светското првенство 2026, откако домаќинот убедливо го совлада Парагвај со 4-1 пред преполниот стадион „Софи“ во Лос Анџелес.

Настанот не беше само спортски натпревар, туку и вистински спектакл кој ги собра најголемите имиња од светот на шоу-бизнисот, филмот и музиката, претворајќи го стадионот во глобална сцена на гламур и спорт.

На трибините, предводени од Том Круз и Дејвид Бекам, беа забележани бројни светски познати личности, меѓу кои Џорџ Лукас, Бред Пит, Хали Бери, Софија Вергара, Роб Лоу, Овен Вилсон, Винс Вон и Џејми Фокс.

Paris Hilton at the FIFA World Cup Opening Ceremony? That’s hot. pic.twitter.com/Dcs0NOkoqD

— E! News (@enews) June 13, 2026

Особено внимание привлече појавувањето на Парис Хилтон и Миа Калифа, кои со својот изглед и присуство буквално го „украдоа шоуто“ и станаа една од главните теми на вечерта.

Пред почетокот на натпреварот, публиката ја поздрави и актерот Џејсон Судекис, ѕвездата на серијата „Тед Ласо“ и официјален амбасадор на Мундијалот, кој доби громогласни овации.

Confirmed:

Tom Cruise is a patriot. pic.twitter.com/nlkIKOD6DU

— Dr Manhattva (@Manhattva) June 13, 2026

Музичкиот дел од церемонијата го одбележа настапот на Кејти Пери, која во впечатлив сребрен костим испрати пораки за единство и глобална поврзаност. На сцената настапија и Фјучр, Тајла, Лиса, Анита и Рема.

Посебен впечаток остави изведбата на песната „Game Time“, проследена со кореографија со златни фудбалски топки, која ја крена атмосферата на стадионот на највисоко ниво.

The post 📽️ 📷 ПАРИС ХИЛТОН И МИА КАЛИФА ГО ЗАПАЛИЈА СТАДИОНОТ Победа на САД, но шоуто го украдоа Бекам, Том Круз… appeared first on plusinfo.mk.