Од партијата најавуваат дека лидерот ќе претстави прецизен план за ублажување на последиците од енергетската криза пред бизнисмените и стопанските комори.

– Ваквиот чекор доаѓа откако по повеќемесечно апелирање Владата да излезе со прецизен план кој ќе значи обезбедување доволни количини евтин гас, мазут, како и топлинска енергија потребна за Те-То, таа не покажа никаков план и се задолжува дополнително. Земјите од регионот веќе ги обезбедуваат потребните количини енергенси. Планот на Мицкоски обезбедува доволни количини енергенси за државата преку заштеда на граѓаните која може да биде до 300 милиони евра, што ќе значи и зачувување на работни места и спречување на дополнителна инфлација – брифираат партиски извори.

Оттаму додаваат дека ова е првпат лидер на опозиција да нуди обемен план за излез од кризата.

The post МИЦКОСКИ ИМА ПЛАН ЗА УБЛАЖУВАЊЕ НА КРИЗАТА Ќе им го претстави денеска на бизнисмените appeared first on plusinfo.mk.