– Одлучивме да не учествуваме во седницата додека Арсовска не биде присутна – истакна советничката Љубица Јанчева од СДСМ.

Таа нагласи дека без градоначалничка во салата, не може да се очекува продуктивна дискусија.

Претседателот на Советот, Трајко Славески, објасни дека во текот на подготовката на седницата, како и во минатото, се обратил до градоначалничката со писмено барање за утврдување на датум за седницата, но немало одговор. Тој додаде дека не се исполнети условите за одржување на седницата и предложи советниците да ги упатат своите прашања писмено, доколку немаат можност да добијат усмен одговор од градоначалничката.

По петминутна пауза, почна 53. редовна седница на Советот на Град Скопје.

The post ДАНЕЛА НЕ ГИ ФЕРМА ГРАДСКИТЕ СОВЕТНИЦИ Пак не дојде да одговара на советничките прашања appeared first on plusinfo.mk.

Градоначалничката на Скопје, Данела Арсовска, по којзнае кој пат не се појави на седницата на Советот на Град Скопје, каде што беше закажана седница на која советниците треба да ѝ поставуваат прашања.

На 52-рата седница на Советот, која беше со една точка на дневен ред, поставување советнички прашања, не беше обезбедено присуство на градоначалничката.

Советниците од СДСМ се откажаа од работа, оти, како што велат, нема поента да прашуваат што било, кога Арсовска ја нема да одговори.

– Советничките прашања се седница каде се поставуваат прашања до градоначалникот. Ако тој не е присутен, ние нема да учествуваме во работата на седницата – советничката од СДСМ, Љубица Јанчева.

По реакцијата на Јанчева, претседателот на Советот, Трајко Славески, даде пауза од 10 минути за да ја побара Арсовска.

– Стандардна е процедурата да ја повикам градоначалничката да дојде во салата, бидејќи се бара нејзино присуство – рече Славески.

По завршувањето на паузата, Арсовска не се појави во салата за да одговара на советнички прашања. Советничката Јанчева повторно реагираше до претседателот Славески, дека ќе ја напуштат салата бидејќи Арсовска ја нема.

– Бидејќи не се создадени услови за одржување на седницата за советнички прашања, истата ја заклучувам. Ве охрабрувам сепак да поставувате советнички прашања во писмена форма, за што имате право, до градоначалничката, секретарот и до сите служби и да да барате одговори. Се надевам дека во скоро време Арсовска ќе се појави за да имаме седница за советнички прашања – рече Славески.

Арсовска е во постојана караница со советниците во Градот. Дел од нив неколку пати ѝ укажаа дека непочитувањето на Советот е непочитување на жителите на Скопје, но и дека немаат намера да ја поддржат доколку не се појавува да образложи постапки и да каже детални решенија. И претходно Арсовска со месеци не се појавуваше на седниците за советнички прашања, ускратувајќи им го правото на советниците да ја прашуваат за теми кои се во интерес на скопјани.

The post ДАНЕЛА ПАК БЕГА ОД ПРАШАЊАТА НА ГРАДСКИТЕ СОВЕТНИЦИ Кога ѝ гори под нозете, бара поддршка од нив, а кога треба да ја прашуваат – бега! appeared first on plusinfo.mk.

Тој вели дека година ипол градоначалничката се нема појавено на седница на совет да ѝ постават прашања.

„Не е за верување, ама вистина е!“, започнува доктор Пановски во својот пост на Фејсбук.

„Седници на Совет, за советнички прашања. Овој вид седници на Советот на Град Скопје редовно, веќе цела година се одржуваат, без на нив да се постави ниту едно советничко прашање! Овие седници според Закон се закажуваат еднаш на два месеци. Од кога пукна тиквата пред година и половина помеѓу Данела и оние кои до тогаш гинеа за неа, одржани се 7 седници кои одат по овој ресослед:

1. Претседателот на Советот со официјално писмо ја прашува градоначалничката во кој период од скедниот месец би и одговарало да се одржи седницата, и нуди 15 датуми. По недела дена, нема одговор, па повторно и праќа писмо, и така едно четири пати, одговор нема! Претседателот ја закажува седницата, на пример, денешнава ја закажа на 8.02.2024.

2. Службите на Советот за седницата ги повикуваат директорите на сите јавни претпријатија, јавни установи, средни училишта итн. во која пишува дека нивното присуство на седница за советнички прашања е задолжително.

3. Советниците и директорите доаѓаат редовно на седницата. Значи околу 100 лица ги напуштиле своите работни места, и еден (јас, единствениот пензионер) својот дом. Во 11.15 часот се отвора седницата и се усвојува дневниот ред со една точка: советнички прашања.

4. За збор се јавува координаторката на советничката група на ВМРО ДПМНЕ со став дека без присуство на градоначалничката нема да присуствуваат на седницата.

5. Претседателот дава пауза од 30 минути да се обезбеди нејзино присуство.

6. По паузата, претседателот констатира дека не е пронајдена градоначалничката.

7. За збор се јавува координаторката на советничката група на СДСМ и констатира дека и тие ќе ја напуштат седницата на која не е присутна Данела.

8. Претседателот заклучува дека нема услови за одржување на седницата, така да и ние дестмина, што би поставувале прашања и без присуство на градоначалничката, не сме во можност, нема кворум.

9. Сите стотина лица ја напуштаат салата.

Ова се повторува на секој два месеци идентично и трае повеќе од една година. Оваа малоумност веќе помина во традиција која изгледа ќе трае до крајот на мандатот. Основно во животот е домашното воспитување, ако го немате се е џабе, односно крајно штетно ако такво лице се најде на одговорна позиција“, напиша Пановски.

The post „ШТЕТНО Е КОГА НЕВОСПИТАНО ЛИЦЕ ЌЕ СЕ НАЈДЕ НА ОДГОВОРНА ФУНКЦИЈА“ Советникот Пановски ѝ се налути на Данела appeared first on plusinfo.mk.

Андоновска во своето обраќање потенцираше дека советот денеска изгласал дневен ред со единствена точка, поставување на советнички прашања и дека се бара градоначалникот, Данела Арсовска да биде присутна и да се соочи со прашањата кои ќе и ги постават советниците. Имено таа потсети дека и денеска како и неколку месеци по ред Арсовска не е присутна на седниците.

– И ова не е само денеска, а како што видовте и денеска, овој совет изгласа дневен ред со единствена точка на дневен ред, поставување на советнички прашања, во превод тоа би значеле прашања од граѓаните кои што дошле до нас како советници и сега на нас е редот да ги поставиме до градоначалникот. Бидејќи повеќе од граѓаните имаат прашање до градоначалникот токму, ние бараме тој градоначалник да е присутен тука и да се соочиме со него, т.е тој да се соочи со прашањата на граѓаните, а граѓаните од другата страна кој што во моментот ја следат седницата да ги слушнат одговорите на нивните реални прашања за нивните реални потреби, реални проблеми со кои што се соочуваат. Но, ние за жал и денеска како и ред месеци не можеме да обезбедиме присуство на градоначалничката да ни одговори на овие прашања – кажа Андоновска.

Андоновска на крајот од своето обраќање исто така запраша на кого тие како советници ќе постават прашања, ако таа што и е местото денеска да одговори на граѓаните, не е овде.

– Повторно ќе кажам овие прашање не се наши, лични, ова се прашања на граѓаните, за кои што таа има одговорност и обврска да им одговори на истите. Од тие причини бидејќи како Совет и денеска едногласно сите советници се согласивме дека треба да има советнички прашања, а тоа е и по деловник барам претседател да се обезбеди присуство на градоначалникот на која што ќе можеме да и ги поставиме прашањата од граѓаните. На кого да поставиме прашања, ако таа каде што и е местото денеска да одговара пред граѓаните, не е. Јас навистина не знам како може да биде лидер на партија, а да не сака да дојде да одговори на граѓаните, навистина не ми е јасно, така да од лидерот нема ни „Л” – додаде Андоновска.

The post ОД ШТО СЕ ПЛАШИ АРСОВСКА? Советничката Андоновска прашува зошто градоначалничката со месеци не се појавува да одговори на прашања appeared first on plusinfo.mk.

Градоначалничката и директорот на ЈСП повторно истакнаа дека за време на нејзиниот мандат возниот парк на ЈСП бил зголемен за двојно повеќе автобуси, а како што посочи директор на ЈСП, можеби некому му пречи тоа што што ЈСП станува вистински сервис на граѓаните и станува подобар превозник од приватните превозници.

– ЈСП на почетокот на овој мандат работеше со 140 исправни возила. Во изминатите 12 месеци се ставија во функција 270 исправни возила. Мојот впечаток е дека сите ние тука сме да го штитиме јавниот интерес. Доколку треба да го штитиме приватен интерес и приватни џебови, тоа е друго – рече Арсовска. Во тој момент еден од советниците од место ѝ дофрла на градоначалничката: „Не лажи“.

Седницата продолжи со прашања од други советници, кои се интересираа за истиот проблем, но според одговорите и текот на дискусијата ништо не навестува дека во скоро време би можело да се изнајде решение што ќе ја одблокира раскрсницата кај „Мавровка“

– Ние сме тука во интерес на граѓаните, доколку некој решил да го опструира јавниот интерес нека му е на чест – рече градоначалничката Арсовска, одговарајќи на прашање на советникот од СДСМ и коалицијата во Град Скопје, Гордан Шутаров.

Шутаров побара одговор од Арсовска колку картички им се издадени на приватните превозници и колку од нив се продадени, бидејќи, како што рече, обвинувањата на градоначалничката дека тие се продавале, а не се пријавувале фискални сметки се многу сериозни.

– Ако велите дека имало такви злоупотреби, кажете колку билети се издадени од јавното претпријатие и за нив не се платени пари. Тие билети некој мора да ги издаде, не може приватниците да ги добијат од мене или некој советник. Покажете колку такви карти се издале ако е точно тоа ваше тврдење, бидејќи приватните превозници велат дека такви карти не земале од ЈСП – рече Шутаров, советник од СДСМ.

Возачите од приватните превозници „Слобода превоз“ и „Макекспрес“ утрово ја блокираа крстосницата кај трговскиот центар „Мавровка“ во центарот на Скопје и најавија дека блокадите ќе продолжат и во наредните денови на повеќе крстосници, се` додека не се седне на маса и не се реши проблемот кој го предизвика Арсовска. Сопствениците на „Слобода превоз“ и „Макекспрес“ присуствуваат на седницата на градскот Совет.

Ниту Арсовска ниту Стојковски не одговорија како и кога ќе се надмине проблемот, туку им порачаа на приватниците да го тужат Градот и ЈСП и така да си го наплатат долгот. Не појаснија ниту како утврдиле дека се издавале билети кои приватниците ги продавале и парите си ги ставале во џеб, како што претходно обвини Арсовска.

Советникот од ВМРО-ДПМНЕ Стефан Андоновски ги праша Арсовска и Стојковски зошто досега не е подмирен долгот и кога ќе се подмири, затоа што додека тоа не се случи јавниот превоз во Скопје ќе биде во колапс.

– Сте виделе ли дека луѓе со саати чекаат на станиците, сте виделе ли дека автобусите се преполни. Граѓаните доцнат на работа и мрзнат по постојките. Не можете да велите „нека не` тужат“, па ако го тужат Градот после ќе треба да се плаќаат пенали и судски трошоци и пак ќе нема ЈСП пари, па ќе барате од нас да гласаме да им се дадат субвенции – рече Андоновски.

Советниците реагираа дека градоначалничката и директорот на ЈСП не одговараат на прашањата што им се поставуват, туку зборуваат на сосема други теми. Советникот од ЛДП Никола Пановски револтиран од ваквиот однос на Арсовска ја напушти седницата.

– Десет месеци го трпам ова ваше однесување односно неодговарање на прашања. Немате култура на одговарања прашање. Ниту едно прашање не сте одговориле досега од почетокот на мандатот. Јас ќе ја напуштам седницата, а службите нека ми го земат слободно паушалот што ми следува од оваа седница – ѝ рече Пановски на Арсовска и излезе од салата.

The post „ГО ЗГОЛЕМИВМЕ БРОЈОТ НА АВТОБУСИ“ – „НЕ ЛАЖИ!“ Данела и директорот на ЈСП (не) одговараа на советнички прашања appeared first on plusinfo.mk.