91.663 граѓани го направија вистинскиот избор во градот Скопје и го заокружија бројот 9 за Орце Ѓорѓиевски и ВМРО-ДПМНЕ. Оваа бројка и огромна победа во градот Скопје е јасен знак дека граѓаните сакаат просперитет, проекти и работа. Од друга страна пак, нашиот директен опонент, СДСМ, освои 26.737 гласови, со што Каја Шукова е четврти избор на граѓаните во Скопје, соопшти ВМРО-ДПМНЕ.

И во Советот на Град Скопје ВМРО-ДПМНЕ е апсолутен победник со освоени 18 советнички места или 81.735 гласови. СДСМ е петта партија со едвај 5 советнички места или 24.612 гласови во Скопје.

„Големата победа во градот Скопје во однос на СДСМ, поаѓа и од огромните победи на општините кои се дел од градот. Убедливите победи на Бети во Кисела Вода со над 10.000 разлика, Дарко во Бутел со разлика приближно 7.500 гласови, Боби во Гази Баба со победа над 10.000 гласови, во Ѓорче Петров разликата е околу 7.500 во корист на Александар, како и во Карпош, разликата во однос на СДСМ е околу 6.500 гласа за Сотир, а во Аеродром со Дејан разликата е приближно 9.500 гласови и во Шуто Оризари победа за Ерџан од 1.400 гласови разлика.

Во делот на советничките листи сме апсолутни победници, а во дел имаме и апсолутно мнозинство во општините во Скопје. Во Аеродром имаме 15 советници, во Бутел имаме 9 советници, во Гази Баба и во Кисела Вода имаме по 17 советници, во Ѓорче Петров 14 советници, во Карпош 11, а во Шуто Оризари 4“, соопшти ВМРО-ДПМНЕ.

Оттаму додаваат дека ВМРО-ДПМНЕ го слуша народот и ги реализира нивните барања.

„ВМРО-ДПМНЕ на овие избори има програма која ќе ја реализира во сите општини и градот Скопје. Ние ветуваме работа и дела, наспроти отменост, криминал, корупција и неспособност од страна на СДСМ. На 2 ноември граѓаните имаат лесен избор, а тоа е вистинскиот избор и заокружување на бројот 9. За твојот човек, за твоето место, за твојата иднина!“, порача ВМРО-ДПМНЕ.

The post УБЕДЛИВА ПОБЕДА НА ВМРО-ДПМНЕ ВО СКОПЈЕ И НА ОРЦЕ ВО ПРВИОТ КРУГ Во Советот на Градот СДСМ е петта партија по број на советници appeared first on plusinfo.mk.

ВМРО-ДПМНЕ во првиот круг од локалните избори освои 50% од освоените градоначалнички места кои ги освоила 2021 година, односно со овие резултати во 2021 година би освоила 80% од местата уште во првиот круг, вели Валентин Манасиевски од партиската говорница.

Во соопштение до јавноста Манасиевски ги повика граѓаните на 2 ноември да ја потврдат победата на партијата.

„Со огромната победа на 19-ти октомври, граѓаните направија вистински избор, гласаа за работа, перспектива и иднина. Гласаа за нови улици, нови булевари, мостови и клучки, гласаа за нови градинки, училишта, гласаа за нови паркинг места, нови катни гаражи, гласаа за континуираната поддршка од локалните самоуправи кон граѓаните, преку субвенции за инвертер клими, велосипеди, електрични тротинети, полагање на возачки испити и за поддршка на социјално ранливите категории.

Едноставно кажано, гласаа за квалитет и докажани луѓе, односно за ВМРО-ДПМНЕ.

Граѓаните ја препознаа надежта и работата на кадрите на ВМРО-ДПМНЕ, затоа имаме и раст во гласовите од минатите локални избори од 2021 година. Имаме пораст во делот на советничките места од 17,5% или 82 повеќе советници во советите.

Имаме пораст и во делот на освоени градоначалнички места во првиот круг, ако во 2021 година имавме 22 градоначалнички места, сега имаме 33, што е за 50% повеќе, со што би освоиле околу 80% од вкупниот број на градоначалници на локалните избори 2021 година, кога освоивме 42 општини вкупно. И тоа, само во првиот круг. 10 спрема 1 е разликата по првиот круг во сооднос со СДСМ.

Поддршката на граѓаните е од големо значење, но и знак дека избраа вистински луѓе, со визија, проекти и работа, наместо стагнација, криминал и неспособност.

Затоа на 2 ноември, на гласањето во вториот круг, ве повикуваме повторно масовно да излезете и да го дадете својот глас за бројот 9, за ВМРО-ДПМНЕ, за вистинскиот избор, за нови победи во Аеродром, Брвеница, Валандово, Виница, во Дебрца и во Демир Капија, во Дојран и Долнени, Зрновци, Карпош, Кичево, Конче, Кочани и Крушево, нови победи во Лозово, Македонска Каменица, Македонски Брод, Могила, Неготино, Пробиштип, Ранковце и Росоман, Чешиново Облешево, Чучер Сандево, Шуто Оризари и секако Градот Скопје.

За твојот човек, за твоето место, за твојата иднина!“, вели Манасиевски од ВМРО-ДПМНЕ.

The post МИНАТИТЕ ИЗБОРИ 22, СЕГА 33 ГРАДОНАЧАЛНИЦИ ВО ПРВИОТ КРУГ Голем пораст во гласовите за ВМРО-ДПМНЕ во однос на 2021 година appeared first on plusinfo.mk.

ВМРО-ДПМНЕ е апсолутен победник на овие избори со 50% подобар резултат од 2021 година каде што имавме 22 градоначалници во прв круг, сега во прв круг доби градоначалници во 33 општини, велат од партијата во сопштение, нарекувајќи ја победата потврда за чесната работа и посветеност на Владата, но и на градоначалниците од ВМРО-ДПМНЕ во последните 4 години. 

„На овие локални избори ВМРО-ДПМНЕ победи и во бастионот на СДСМ – Струмица, каде со победата во прв круг, струмичани им кажаа збогум на лошите локални политики на Заев и неговите марионети. Делчево, Берово и Старо Нагоричане се општини каде што локалната власт ја водеше СДС и каде што граѓаните, кадрите на дуото Заев-Филипче ги испратија во пензија“, се вели во соопштението. 

ВМРО-ДПМНЕ овие избори доби околу 325.000 гласови за градоначалници, а на советничките листи приближно до 302.000 гласови. Споредбено со 2021 година и локалните избори, очигледен е растот на гласовите, велат од партијата. 

 ВМРО-ДПМНЕ победи во следните 33 општини:

1.Берово,

2.Битола,

3.Босилово,

4.Бутел,

5.Василево,

6.Вевчани,

7. Велес,

8.Гази Баба,

9.Гевгелија,

10.Ѓорче Петров,

11.Градско,

12.Делчево,

13.Демир Хисар,

14.Зелениково,

15.Илинден,

16.Јегуновце,

17.Кавадарци,

18.Карбинци,

19.Кисела Вода,

20.Кратово,

21.Новаци,

22.Ново Село,

23.Охрид,

24.Петровец,

25.Пехчево,

26.Прилеп,

27.Радовиш,

28.Ресен,

29.Свети Николе,

30.Сопиште,

31.Старо Нагоричане,

32.Струмица и

33.Штип,

Додека пак водиме во:

1.Валандово

2.Дојран

3.Конче

4.Демир Капија

5.Неготино

6.Виница

7.Зрновци

8.Македонска Каменица

9.Кочани

10.Чешиново-Облешево

11.Пробиштип

12.Ранковце

13.Карпош

14.Аеродром

15.Брвеница

16.Македонски Брод

17.Кичево

18.Дебрца

19.Могила

20.И градот Скопје, каде што Орце Ѓорѓиевски води околу 3:1 во однос на второпласираниот кандидат.

„Со одвоени 550 советнички места во општинските совети, а од друга страна СДСМ има 230 советнички места, или 2,5 пати помалку. Историскиот резултат од овие избори, покажува дека граѓаните го направија вистинскиот избор за секое, маало, за секоја општина, за државата да продолжи да се движи напред.

Оваа историска победа и доверба од граѓаните за ВМРО-ДПМНЕ и за избраните градоначалници и советници, претставува  чест, но и обврска да продолжи посветената работа за развој и напредок на Македонија“, велат од ВМРО-ДПМНЕ и порачуваат дека партијата ќе продолжи посветено, често и принципиелно да работи во интерес на граѓаните.

The post 550 СОВЕТНИЧКИ МЕСТА, ПОТВРДА ЗА РАБОТАТА НА ГРАДОНАЧАЛНИЦИТЕ ВО ПОСЛЕДНИТЕ 4 ГОДИНИ Резултатот на ВМРО-ДПМНЕ е историски, велат од партијатa appeared first on plusinfo.mk.