Советот на јавните обвинители на денешната седница донесе одлука за престанок на функцијата претседател на Советот на Душица Димитриеска, поради истек на мандат на 1 октомври годинава.

Изборот на нов претседател Советот го одложи за после локалните избори. До изборот на нов претседател со Советот на јавните обвинители ќе раководи заменик претседателот на Советот, Башким Бесими.

Под точка разно, се вели во соопштението по седницата, државниот јавен обвинител Љупчо Коцевски се осврнал на проблемите со кои се соочува Јавното обвинителство, како што се недостиг на јавнообвинителски кадар, јавнообвинителски службеници, како и на финансиски средства за нормално функционирање.

The post ИЗБОРОТ НА НОВ ПРЕТСЕДАТЕЛ НА СОВЕТОТ НА ЈАВНИТЕ ОБВИНИТЕЛИ ОДЛОЖЕН ЗА ПО ИЗБОРИТЕ Со советот ќе раководи заменик претседателот Башким Бесими appeared first on plusinfo.mk.