На седницата беше истакнато дека одлуката за отфрлање на доставената документација од Фетаи, на претходната 94. седница кога Советот на ЈО едногласно даде позитивно мислење за кандидатот Љупчо Коцевски да биде нов државен јавен обвинител, е поради што била доставена нецелосна.

Како што посочи Иџет Мемети, член на Советот на ЈО, на одлуките на Советот право на жалба нема и во конкретниот случај се работи за техничка работа во која Советот не е надлежен.

– На нашите одлуки право на жалба нема. Ако некој не е задоволен со нашата одлука некој може да бара тоа што бара. Зошто моите документи не биле разгледани? Тоа е техничка работа во која Советот не е надлежен – рече Мемети.

Советот на ЈО на претходната седница едногласно даде позитивно мислење за кандидатот Љупчо Коцевски да биде нов државен јавен обвинител, кандидатот Лидија Раичевиќ не доби позитивно мислење од Советот, додека пак, за Фатиме Фетаи не се расправаше, поради нецелосно доставена документација.

Советот, на денешната седница, исто така, расправаше за донесувањето на одлука за формирање Комисија за подготвување на кандидатска листа за избор на кандидат за член на Советот на јавните обвинители на Република Северна Македонија, од подрачјето на Вишото јавно обвинителство во Скопје, како и донесување одлука за формирање на Комисија за спроведување на избори на членови на Советот од редот на јавните обвинители од подрачјето на Вишото јавно обвинителство во Скопје, во која за претседател беше избран Иџет Мемети, додека за членови на комисијата беа избрани Кети Петкова и Светлана Жупановска.

Претседателката на Советот, Димитриевска, информираше дека од страна на вишиот јавен обвинител било доставено писмено известување до Советот, во кое се наведува дека „јавен обвинител кој работел на конкретен предмет, во кој што од доказите по предметот дошол до одредени сознанија за постапувањето на друг јавен обвинител, го известил вишиот јавен обвинител“, за кое беше едногласно одлучено дека таквото известување ќе го достават до Јавното обвинителство, кое понатаму треба да го разгледа и постапи по истото.

The post ФЕТАИ НЕМА ПРАВО НА ЖАЛБА Советот на Јавни обвинители го отфрли барањето на обвинителката appeared first on plusinfo.mk.

– И затоа сметам дека треба да се реформира. Подоцна ваквиот избор што го прави Советот на јавни обвинители креира и клиентелистички однос на јавните обвинители кон тие што лобираат за нивниот избор и сето ова неминовно води кон систем којшто не може да одговори во борбата против корупцијата и високиот криминал – изјави Ристоска, пренесе Телма.

Според неа, треба да се разгледа опцијата Советот да биде ад-хок тело кое ќе се состанува по потреба бидејќи од неговото формирање во 2008 година досега потфрлил во исполнувањето на примарната функција, професионализација на Јавното обвинителство и изолирање на политички и други влијанија при избори и разрешување на обвинителите.

The post ОТВОРЕНО ИМ ВЕЛАТ ДЕКА НЕКОЈ ТРЕБА ДА СЕ ЈАВИ И ДА УРГИРА Ленче Ристоска смета дека Советот на јавни обвинители е извор на тргување со влијание appeared first on plusinfo.mk.