Премиерот Христијан Мицкоски вели дека градоначалникот на Општина Карпош Сотир Лукрвоски не дал оставка, туку оти од здравствени причини е на боледување. Додека се врати од боледување, нагласува Мицкоски, во Општината има законски избран заменик кој ќе го заменува во извршувањето на обврските и надлежностите.

– Градоначалникот на Општина Карпош Сотир Лукровски нема дадено оставка. Тој е на боледување. Во моментов во Oпштината има законски избран заменик-градоначалник кој што го заменува градоначалникот додека е на боледување поради одредени здравствени проблеми. Иако имаше и такви политички глодари кои што излегуваа и се ситеа на здравствена состојба на човек, јас нема да ги коментирам тие политички глодари. Му посакувам брзо опоравување на градоначалникот и што поскоро да се врати на својата работна позиција – рече Мицкоски во одговор на новинарско прашање по увидот во реконструираниот дел од ГОБ „8 Септември“.

Во меѓувреме, до тој момент, нагласи премиерот Мицкоски, ќе го заменува заменик градоначалникот кој согласно закон е именуван од страна на градоначалникот.

– Повеќе детали околу здравствената состојба ниту сум овластен, ниту би сакал да споделам – нагласи премиерот Мицкоски.

The post МИЦКОСКИ ВЕЛИ ДЕКА ЛУКРОВСКИ НЕ ДАЛ ОСТАВКА Додека е на боледување ќе го заменува заменик градоначалникот appeared first on plusinfo.mk.

Општина Карпош ги демантира наводите дека градоначалникот Сотир Лукровски си има поднесено оставка. Тој, како што велат, во овој момент користи боледување и е привремено отсутен поради здравствени причини, за што замолуваме за разбирање.

„Уверуваме дека Општина Карпош продолжува да функционира непречено, со целосен капацитет и посветеност кон потребите на граѓаните“,  посочуваат од локалната самоуправа.

Нагласуваат дека согласно законските процедури, надлежности привремено ќе ги извршува членот на Советот, Неделчо Крстевски.

„Општина Карпош апелира до јавноста и до медиумите за разбирање и почитување на приватноста на градоначалникот и неговото семејство во овој период“, порачуваат од локалната самоуправа.

The post ЛУКРОВСКИ НЕМА ПОДНЕСЕНО ОСТАВКА, НА БОЛЕДУВАЊЕ Е Општина Карпош ги демантира шпекулациите appeared first on plusinfo.mk.

Градоначалникот на Карпош Сотир Лукровски денеска ја посети баба Славка, која наполни 100 години.

„Со широка насмевка и полно срце, баба Славка ни откри дека љубовта, слогата и семејството се тајната на нејзиниот долг и спокоен живот. Родена во 1925 во Штип, а речиси целиот живот карпошанка, денес таа го слави стотиот роденден“, објави Лукровски.

Тој ја посетил госпоѓа Славка заедно со претседателот на Советот, Христо Саракинов, а од славеничката добиле подарок.

The post СОТИР ЛУКРОВСКИ ЗАПАЛИ СВЕЌИЧКИ ЗА СТОТИОТ РОДЕНДЕН НА БАБА СЛАВКА Торта, совети за долг живот и широка насмевка appeared first on plusinfo.mk.

Убад ден за нови почетоци, напиша на почетокот на својата објава новиот градоначалник на Карпош, Сотир Лукровски. Неговиот прв работен ден воедно се совпадна со Денот на ослободувањето на Скопје.

Лукровски објави и видеообраќање.

– Сакам уште еднаш да ви ветам дека во мене ќе имате сосед, пријател, имате човек кој ќе ги разбере сите ваши барања, ќе работам чесно, ќе работам отчетно и ве уверувам дека нема да се покаете што го дадовте вашиот глас, дури и оние кои не гласавте за мене – вели новиот градоначалник на Карпош.

The post 📽️ УБАВ ДЕН ЗА НОВИ ПОЧЕТОЦИ Лукровски со видеообраќање на првиот работен ден appeared first on plusinfo.mk.

Сотир Лукровски вечерва прогласи победа во општина Карпош во својот изборен штаб, опкружен со голем број поддржувачи кои со аплаузи ја дочекаа веста.

– Вечерва зборувам со срце полно гордост и благодарност. За секој човек кој веруваше дека чесноста, трудот и вистината повторно можат да победат. Денес не победувам јас, победува Карпош – рече Лукровски пред присутните, додавајќи дека во оваа кампања не се борел за функција, туку за доверба.

Кандидатот на ВМРО-ДПМНЕ потенцираше дека победата не е само на една партија, туку на сите граѓани кои се бореле за промени и кои не се откажале од својот град.

– Победуваат сите оние што секој ден ме запираа на улица и ми велеше: „Сотир, време е да се смени нешто!“ – рече тој.

Лукровски зборуваше и за проблемите со кои се соочувала општината во минатото.

– Гледавме како Карпош се бетонизира, како зеленилото исчезнуваше, како улиците стануваа депонии, а луѓето остануваа неми сведоци на неправда. Таа реалност завршува вечерва – рече тој.

Тој најави ново поглавје за општината, кое ќе донесе ред, визија и работа.

– Време е општината да стане сервис за граѓаните, а не алатка за лични интереси. Ќе се слуша секој глас и ќе се гледа секое дело. Нашата програма не е список на ветувања, туку договор со граѓаните. Ќе ја дигитализираме општината, ќе ги реконструираме фасадите и лифтовите, ќе создадеме нови паркинг места и повеќе зелени зони. Карпош ќе стане пример за современ, урбан и достоинствен живот – изјави Лукровски.

На крајот, Лукровски се заблагодари на својот тим, волонтерите и граѓаните кои го поддржале на овој пат.

– Јас ќе бидам секој ден со вас – на улиците, во маалата, кај проблемите, со решенија. Вечерва не славиме крај, туку нов почеток. Почеток на Карпош што повторно дише со народот – заклучи новиот градоначалник.

The post 📽️ ЛУКРОВСКИ ПРОГЛАСИ ПОБЕДА ВО КАРПОШ Ново поглавје за општината започнува вечерва appeared first on plusinfo.mk.

Во вториот круг од изборите граѓаните треба да одлучат дали ќе застанат зад човек кој носи визија за општина Карпош и промени или зад профил на личност како актуелниот градоначалник Стевчо Јакимовски кој е на црната листа на САД и зад кој стојат бројни неуспеси и криминали, вели кандидатот на ВМРО-ДПМНЕ за градоначалник на општина Карпош, Сотир Лукровски.

– Ако пробам да се сетам господинот Јакимовски во која сè партија бил и од кого сè бил низ годините поддржан, иницијативи, итн, јас ова не го гледам како судир на опозицијата и власта во Карпош, јас пред сè би рекол дека во Карпош се работи за едно референдумско гласање каде што граѓаните треба да се решат помеѓу два фронта, оние кои се обединуваат околу мене, значи луѓе кои носат нова визија, носат нов концепт, нешто ново, 65% од граѓаните во Карпош сметаат дека е време за промени, и од друга страна не опозициски, туку имаме еден блок кој треба да застане зади човек кој, пред сè, е на црната листа на САД и е со првостепена пресуда за криминал – вели Лукровски во гостување на Сител.

Лукровски во емисијата посочи дека Јакимовски во текот на својот мандат стекнувал имот во општината и влијаел врз урбанистичките решенија за лична корист.

Додаде дека со резултатите од првиот круг, жителите на општина Карпош веќе испратиле јасна порака за промени и нов концепт.

– Луѓето треба да проценат дали ќе застанат зад старите практики на распродавање на нашата општина за лични интереси. Деновиве излегоа неколку информации како досегашниот градоначалник Стевчо Јакимовски се стекнувал со имот низ нашата општина, некому бришел маркици, за да си ги додели себе, и на семејството и сметам дека воопшто не се работи за борба меѓу власта и опозицијата туку за борба меѓу црното и белото, за доброто и лошото, за нешто што треба да е мината практика. Тоа и го порачаа граѓаните во првиот круг, заеден нов концепт и една нова визија за подобар Карпош – рече Лукровски.

Тој ги повика граѓаните во недела да излезат масовно на гласање и да потврдат дека сакаат промени во Карпош.

Лукровски ја побара довербата и на младите и на повозрасните карпошани, потенцирајќи дека во програмата предвидени се проекти за сите генерации.

– Кога се работи за луѓето од третото доба или за пензионерите, нудиме една програма на активно стареење, да ги инволвираме, да направиме една инклузивност во општината, да ги внесеме да бидат општествено одговорни, да бидат редари во раните утрински часови, да се вклучат во наводнувањето на парковите итн, и за тоа се надевам дека ќе успееме да обезбедиме и една материјална поддршка. Ветив и до 12.000 денари по основ и на договори за пензионерите со кој ќе можат да го подобрат своето живеење. Исто така, медицински екипи со санитетски возила, кои пензионерите ќе ги земаат од дома, ќе ги однесат до одредени прегледи и снимања и ќе ги вратат назад – рече Лукровски.

Додаде дека планира Карпош хумано да се развива и за таа цел, предвидено е да се направи јавно претпријатие „Карпош план“, кое ќе се занимава со урбанизацијата во општината.

Запрашан дали мостот на реката Вардар кој треба да ги поврзе улицата Љубљанска со Скупи, ќе стане употреблив во скоро време, Лукровски истакна дека со кандидатот за градоначалник на ВМРО-ДПМНЕ за Град Скопје, Орце Ѓорѓиевски се обврзаа уште во првата година овој мост да се стави во функција.

– Уште во првата година мостот ќе биде во функција. Ќе се завршат сите технички работи кои треба да се завршат и конечно, мостот ќе ги поврзува Скупи и Љубљанска во Карпош 4 и ќе го олесни цел проток на возила што ќе биде заедно со клучката кај Момин Поток, која исто така ветивме дека ќе биде готова во првата година. И сето ова ќе значи големо олеснување за движењето на возилата и сообраќајот во Карпош – рече Лукровски.

The post ГРАЃАНИТЕ САКААТ НОВ КОНЦЕПТ ВО КАРПОШ, ЈАКИМОВСКИ Е НА ЦРНАТА ЛИСТА И Е ОСУДЕН ЗА КРИМИНАЛ Лукровски повика со масовно гласање да се донесе промената appeared first on plusinfo.mk.

Претседателот на ВМРО-ДПМНЕ и премиер Христијан Мицкоски денеска одговарајќи на новинарско прашање околу заедничката фотографија на Маја Мојсовска и кандидатот на ВМРО-ДПМНЕ за Карпош Сотир Лукровски и дали постои договор за поддршка, одговори дека карпошани на овие избори избрале да не поддржат човек кој е на црната листа на стратешкиот партнер САД.

– Карпошани на овие избори избраа да не поддржат човек кој е на црната листа на нашиот стартешки партнер САД, избраа да не поддржат човек којшто е осуден за криминал од прв степен од Основниот суд, и карпошани во првиот круг му дадоа огромна доверба на Сотир Лукровски, кој пред неговиот противкандидат води со 1.500 гласа разлика. Претпоставувам дека останатите кандидати и политички чинители во Македонија исто така ќе се согласат со ова што ќе го кажам, а тоа е дека нема да поддржат кандидати кои се наоѓаат на црната листа поради криминал кај нашиот стратешки партнер САД и нема да поддржат осудени во прв степен лица кои на овие локални избори излегуваат и се обидуваат со старите трикови да ја добијат поддршката на карпошани – рече Мицкоски денеска на мини митингот во Центар.

Тој појасни дека во тој контекст ја гледа и средбата меѓу кандидатката на СДСМ Маја Мојсова и како што рече, идниот градоначалник на Општина Карпош Сотир Лукровски.

– Можеби вистинското прашање за претседателот на СДСМ е дали тој поддржува лице кое е на црната листа за сторен криминал кај нашиот стратешки партнер и дали поддржува лице кое е осудено во прв степен поради сторен криминал. Можеби тоа е вистинското прашање – оцени лидерот на ВМРО-ДПМНЕ.

Венко Филипче денеска на прес-конференција го припиша на политичко неискуство, гестот на Мојсова да се фотографира со Лукровски.

The post ПРАШАЊЕ ЗА ФИЛИПЧЕ Е ДАЛИ ПОДДРЖУВА ЛИЦЕ ШТО Е НА ЦРНА ЛИСТА Мицкоски вели дека граѓаните нема да поддржат осудено лице appeared first on plusinfo.mk.

Кандидатот за градоначалник на Општина Карпош од ВМРО-ДПМНЕ, Сотир Лукровски, најави дека по неговото доаѓање на чело на општината, месечно по десет жени постари од 50 години ќе добиваат бесплатен преглед за остеопороза во приватната болница „Аџибадем Систина“.

Лукровски ја претстави иницијативата на средба со менаџментот и лекарскиот тим на болницата, каде што разговараа за нови модели на соработка меѓу здравствените установи и локалната самоуправа.

– Како човек кој веќе речиси три децении е дел од здравствениот систем, верувам дека локалната власт може да помогне во подобрување на превентивата и пристапот до здравствени услуги. Горд сум што имаме ваков здравствен капацитет како „Аџибадем Систина“, со кој можеме да соработуваме на општествено одговорни проекти – изјави Лукровски.

Според него, договорот предвидува 120 бесплатни прегледи годишно, односно 480 во текот на целиот градоначалнички мандат.

– Со менаџментот на болницата се договоривме месечно по десет жени од Карпош, постари од 50 години, да добиваат бесплатен ДЕКСА скен, стручно мислење и понатамошен третман. Ова е наш придонес во борбата против остеопорозата и во подигнувањето на свеста за здравјето на жените – рече Лукровски.

Тој додаде дека оваа иницијатива ќе биде само почеток на поширока соработка меѓу општината и здравствените институции, со цел да се воведе нов тренд на општествена одговорност и грижа за граѓаните.

– Сакам Карпош да стане пример за општина која се грижи за своите жители, не само преку инфраструктура, туку и преку здравје и превенција – истакна тој, додавајќи дека со ваквите иницијативи „се враќа довербата на граѓаните во институциите“.

На крајот, Лукровски им се заблагодари на тимот од „Аџибадем Систина“ за, како што рече, нивната подготвеност „да покажат дека приватниот здравствен сектор може да биде вистински партнер на заедницата“.

The post 📽️ БЕСПЛАТНИ ПРЕГЛЕДИ ЗА ОСТЕОПОРОЗА ВО „АЏИБАДЕМ СИСТИНА“ ЗА КАРПОШАНКИ Лукровски вети дека ниту една жена над 50 нема да биде заборавена appeared first on plusinfo.mk.

Претседателот на ВМРО-ДПМНЕ, Христијан Мицкоски, се обрати на мини митинг во Карпош, од каде повика на масовна излезност на вториот круг од локалните избори закажани за 2 ноември 2025 година.

– Денес сум овде како човек кој го поминал својот живот тука во овие улици тука низ Карпош, како карпошанец и како таков сакам да кажам неколку работи коишто сметам дека се важни. На овие локални избори народот јасно и гласно кажа која партија ја има довербата. После првиот круг ВМРО-ДПМНЕ и коалицијата освоија 33 градоначалници плус кандидатите кои се во втор круг како првопласирани и 6 како второпласирани, тогаш доаѓаме до бројка од 59 општини. Во 58 општини коалицијата предводена од ВМРО-ДПМНЕ и има мнозинство во советите. Ако на тоа се додаде и огромната предност која ја има Орце во однос на неговиот противкандидат којшто вчера видовте како на медиум јавно избегна да каже дали ќе ги поддржи кандидатите во Брвеница и во Кичево на ВМРО-ДПМНЕ. Тоа треба да се запомни, ние знаеме, но добро е скопјани да запомнат со какви измамници имаат работа. Затоа што еднаш измамник, цел живот измамник. Честа се стекнува на улица и таму се учат работи кои во училиште не можеш да ги научиш, а меѓу нив е и честа и таа се брани на улица, но овој човек не само што не ја има таа чест туку тој има од кого да учи од неговиот ментор, претседателот на таа политичка партија за која одамна вие знаете за каков измамник станува збор, тие луѓе ја изгубија својата чест и ја немаат – нагласи Мицкоски.

Тој истакна дека ВМРО-ДПМНЕ и коалицијата убедливо победиле со советничките листи. Мицкоски е убеден дека по вториот круг ВМРО-ДПМНЕ ќе има 60 градоначалници сосе Градот Скопје.

Мицкоски зборуваше за актуелниот градоначалник на општина Карпош, Стевчо Јакимовски.

– Никогаш порано не сум зборувал за тоа каде ни се разотидоа патиштата со Стевче Јакимовски кој беше дел од нашата коалиција, но мислам дека денес е добра можност да кажам некоја реченица за тоа. Ќе се вратам на таа 2021 година, пред 4 години. После првиот круг на локалните избори, дојде ненајавен, исплашен, во паника и нормално го примив. Велам што е работата Стевче? Вели „те молам ако треба и на колена ќе клекнам, те молам да ја имам вашата поддршка“. Јас го гледам и велам „немој, непријатно ми е, сепак си човек во години, не ти личи вакви работи, те молам седни на столчето, дај напиј се вода, ќе разговараме, да видиме како можеме да помогнеме, сепак сме коалиција, ние првиот круг победивме“. „Не, те молам пак ќе клекнам, што треба ќе направам, само да ме поддржите, вели народ може да те оправда, да те обели. Само народ може да ме обели да победам на избори и ништо не ми треба после.“ Велам „Стевчо, имам едно барање до тебе, сè друго те разбирам само те молам да нема бетонизација за Карпош, уморни се карпошани.“ Вели „не ме интересира ништо само народ да ме обели.“ Заврши состанокот, се вклучивме целото раководство во кампања, тој стана градоначалник. Поминаа неколку дена отидов да му честитам и ми вели дојди да ти покажам, една голема маса, кој бил знае, ги наредил сите детални урбанистички планови, 30 на ред и вика бирај. „Што да бирам“, му велам, „Па кои се за тебе“. „Чекај Стевчо, нели беше кај мене во кабинет нели молеше да те поддржиме да застанеме зад тебе нели рековме нема бетонизација.“ А вели „не тоа, јас морам да живеам од нешто.“ Го погледнав, само му се заблагодарив, „не, благодарам за ова од мене немаш поддршка и со заминав“ – истакна Мицкоски.

После тоа следувале напади кон родител на Мицкоски, па кон неговата сопруга, како и навреди кон двата сина.

– Ете за каква личност станува збор. Сакав ова да го кажам за да знаат карпошани со кого имаат работа. Но времето на овој итрец завршува. Сакам да ги потсетам карпошани дека станува збор за човек кој се наоѓа на црната листа на САД за криминал. Затоа ве повикувам на 2 ноември масовно да излеземе и да гласаме за Сотир, да го заокружиме бројот 9 – повика Мицкоски.

The post МИЦКОСКИ ПОРАЧА ДЕКА ЈАКИМОВСКИ ТРЕБА ДА СТАНЕ МИНАТО ЗА КАРПОШ Ги повика карпошани да го поддржат Лукровски appeared first on plusinfo.mk.

Христо Саракинов, носител на советничка листа на Општина Карпош од ВМРО-ДПМНЕ ги повика карпошани на масовна излезност во вториот круг.

– Карпошани го кренаа гласаа гласот против урбаната мафија и Стевчо Јакимовски, кој поддржан од Венко Филипче и од Зоран Заев сака да продолжи да го држи Карпош заробен во канџите на приватните интереси за висококатници, нови ДУП-ови и маркици со дебели профити. Карпошани во уште поголем број ќе излезат во вториот круг, и ќе гласаат за Сотир Лукровски, за ВМРО-ДПМНЕ, за бројот 9 – рече Саракинов.

Тој потсети дека Сотир Лукровски и ВМРО-ДПМНЕ ветуваат: Стоп за бетонизацијата, ревизија на сите ДУП-ови, формирање на општинско претпријатие Карпош-план, кое ќе ги подготвува сите идни ДУП-ови, каде ќе бидат вклучени и консултирани и граѓаните и активистите.

Меѓу ветувањата се и чист Карпош, изградба на нови катни и монтажни гаражи. Паркингот за карпошани да биде бесплатен, решавање на проблемот со бездомните кучиња и поголема безбедност.

The post КАРПОШАНИ ИЗБРАА ПРОМЕНИ Лукровски вети ревизија на ДУП-овите и бесплатен паркинг appeared first on plusinfo.mk.