Поранешниот претседател на државата, Стево Пендаровски испрати јасна порака до раководството на неговата СДСМ – дека партијата се наоѓа на сериозен раскрсник и дека без длабоки промени може да се соочи со понатамошен пад, па дури и со политичка маргинализација.

Пендаровски во изјавата оценува дека актуелната политичка состојба покажува парадокс – иако владејачката коалиција предводена од ВМРО-ДПМНЕ го изгубила дел од традиционалната поддршка, СДСМ не успеала да го искористи тоа и да го канализира опозиционото расположение кај гласачите.

-Кога не успеавте тоа да го направите, рецептите се јасни – или ја менувате политичката стратегија и пристапот кон граѓаните, или носите нови луѓе кои ќе знаат да допрат до различни слоеви од гласачкото тело – вели Пендаровски.

Со ова, поранешниот претседател директно укажува дека проблемот не е во комуникацијата, туку во суштината на политичкото делување – односно во стратегијата, кадровската поставеност и начинот на кој партијата се обраќа до јавноста.

Пендаровски предупредува дека со актуелниот тренд на пад на поддршката, СДСМ може да се соочи со уште полош резултат на следните избори.

-Постои реална опасност партијата да оди кон исчезнување или да влезе во статистичка маргина на грешка – вели тој.

Ваквите ставови доаѓаат како силен сигнал од висок функционер и поранешен шеф на државата, кој и самиот произлегува од редовите на СДСМ, што дополнително ја нагласува тежината на пораката – дека потребата од промени не е само критика однадвор, туку доаѓа и одвнатре.

@vanco.trkalevski

ДОБРЕДОЈДЕНИ СЕ УКАЖУВЊАТА ОД ПОРАНЕШНИОТ ПРЕТСЕДАТЕЛ Stevo Pendarovski КОН НАЈГОЛЕМАТА ОПОЗИЦИОНА ПАРТИЈА СДСМ – Социјалдемократски сојуз на Македонија ОКОЛУ ТОА ДЕКА ТРЕБА ДА СЕ МЕНУВА НЕШТО ВО ПРИСТАПОТ И НОСЕЊЕТО НА НОВИ ЛИЦА СО НОВИ ПОЛИТИКИ КОИ БИ ПРИСТАПИЛЕ СО ИСКРЕНОСТ КОН ГЛАСАЧКОТО ТЕЛО ИЛИ ИЗБОРНАТА КОНСТИТУЕНТА КОЈА ТРЕБА КАКО ШТО ВЕЛИ ПРЕТСЕДАТЕЛОТ ДА СЕ ОБЕДИНИ ПРИДОБИЕ ОКРУПНИ А ИСТО ТАКА МОРАМЕ СИТЕ ДА СЕ #ОБЕДИНИМЕ КАКО #ОПОЗИЦИЈА ЗА ДА БИ ИЗЛОБИРАЛЕ #ПРЕДВРЕМЕНИ #ИЗБОРИ ! НИЕ КАКО МЛАДИ ПОЛИТИЧАРИ ВО СКЛОП ИЛИ КОРЕЛАЦИЈА СО ПОСТАРИТЕ И ПОИСКУСНИ СЕ РАЗБИРА ЧЕСНИ ПОЛИТИЧАРИ СМЕ РЕШЕНИ ДА ОДИМЕ КОН КРАЈНАТА ЦЕЛ ПРАВЕЊЕ НА ПРАВНА ЕКОНОМСКИ СТАБИЛНА БОГАТА И ФУНКЦИОНАЛНА ДРЖАВА РЕДОТ Е НА ЧЕЛНИЦИТЕ НИЕ ПОДАВАМЕ РАКА И СМЕ ПОДГОТВЕНИ ДА ДЕЛУВАМЕ ! ФАКТ Е ДЕКА СЕ ГЛЕДА КРАЈОТ НА #ОВАА ВЛАДА НО НЕ Е РАБОТАТА САМО ДА СЕ СМЕНИ ТУКУ И ДА СЕ ПОДОБРИ ОПШТАТА СИТУАЦИЈА И ДА СЕ НАПРАВИ ДРЖАВАТА ДА ФУНКЦИОНИРА !

♬ original sound – Vanco Trkalevski

The post 🎥 ПЕНДАРОВСКИ СО ОТРЕЗНУВАЧКА ПОРАКА ДО РАКОВОДСТВОТО НА СДСМ Без промена на политичката стратегијата, СДСМ ќе стане маргинална партија appeared first on plusinfo.mk.