Повеќе возила утрово се судриле на автопатот Штип–Миладиновци, поради што сообраќајот се одвива отежнато по една сообраќајна лента.

Според информациите објавени од „М-нет“, во несреќата учествувале најмалку пет автомобили. На местото на настанот се создала колона од возила.

Засега нема официјални информации за состојбата на возачите и патниците кои биле вклучени во сообраќајката.

Од снимките објавени на социјалните мрежи може да се забележи дека возилата се излизгале, а граѓани во коментарите посочуваат дека на коловозот имало голомразица, што најверојатно придонело за несреќата.

Од Министерството за внатрешни работи засега нема официјална потврда и повеќе детали за случајот.

Надлежните апелираат возачите да бидат внимателни и да ја прилагодат брзината на условите на патот.

The post 📽️ ХАОС НА АВТОПАТОТ ШТИП–МИЛАДИНОВЦИ Се судрија пет возила, сообраќајот забавен appeared first on plusinfo.mk.