Министерот за транспорт Александар Николоски вели дека се во целосна комуникација со транспортерите и дека веќе се договориле да се сретнат по состанокот што треба да се одржи во вторник во Брисел и заедно да ги разгледаат предлозите што ќе произлезат од тој состанок со цел да се понудат најдобрите решенија за транспортерите, кои се клучен двигател на македонската економија.

Николоски порачува дека е задоволен од тоа што ЕУ ја забрза постапката и го објави документот порано од планираното. Во вторник, како што вели, ќе се одржи состанок кој една година не беше закажуван, а првично бил договорен за 6 февруари, но вчера терминот бил поместен за во вторник.

– Се работи за документ од 19 страници, којшто целосно ги опфаќа новите правила на Шенген зоната и таму има еден клучен збор, баш во овој дел којшто го издвоив на мојата објава, каде што возачите на камиони односно транспортерите се прифаќаат како професионалци, со останатите категории коишто се наведени тука, како спортисти, уметнции итн, што е првпат ЕУ на тој начин да го реши проблемот. Во суштина тоа беше и еден од начините да се излезе од проблемот, затоа што транспортерите кога ги почнаа протестите бараа да се почне дијалог, се понудија три решенија и ова е едно од трите решенија – рече Николоски во гостување на ТВ Сител.

Цели градови во Македонија, како што кажа, живеат од транспортот – Гевгелија, Радовиш, Богданци како помало место, но и Кавадарци.

– Сакам да им честитам на сите оние храбри луѓе кои што излегоа на протестите овие денови, кои што покажаа дека проблемот е навистина сериозен. Да честитам на одлучноста, на храброста, јас ја имав честа и да ги посетам и да ги поддржам. Излегов заедно со нив, и мислам дека покажаа дека навистина е голем проблемот и дека мора сериозно да му се пристапи. Тоа што беа единствени и истрајни и што никој не успеа да ги скрши, даде резултат – посочи Николоски.

Тој истакна дека самиот дал целосна поддршка, но дадоа и премиерот и Владата, со цел решавање на проблемот.

Додаде дека процесот се води во целосна координација со превозниците.

– Денеска имав средба со претседателката и потпретседателката на најголемото здружение на превозници, на Макамтранс, се договоривме во вторник, по завршувањето на состанокот со Брисел, повторно да се сретнеме и заеднички да ги разгледаме предлозите кои што ќе дојдат од таму. Мојот одговор ќе го работам заедно со нив, односно во координација со нив. Сакам да понудам најдобри можни решенија кои што ќе одговараат на нашите транспортери. Мора да даваме целосна поддршка на овој сектор – истакна Николоски.

Рече дека не мора да има решение за проблемот на транспортерите до 10 април кога целосно стартува ЕЕС системот во ЕУ, бидејќи има простор и по април.

– Сметам дека до летото треба да го најдеме решението и затоа е оптимално што протестите на транспортерите почнаа токму сега. Со вчерашниот договор што се постигна со ЕУ оптимист сум дека брзо ќе биде најдено решение. Очекувам да има уште во вторник решение, но потребно е тоа подоцна да биде изгласано во земјите-членки и во Европската комисија за што треба одреден временски период. Токму целта на протестот на транспортерите беше да почне дијалог, а не веднаш да се најде решение за 7 дена, колку што беше предвидено да трае – рече Николоски.

Нагласи дека во официјален документ на ЕУ превозниците веќе се класифицирани како професионалци и сега, додаде, треба само да се види дали овие 90 дена во 180 ќе станат 120, дали ќе има посебни визи и работни дозовли. Кога се случи портестот на транспортерите, нагласи, сите сфатија зашто станува збор. Ова, додаде, не е политички, туку бирократски проблем. Не случајно отидов во Хрватска и разговаравме со грчкиот министер и со Бугарија. Постојано на средби го потенциравме овој проблем, а неколку пати беше и ставан на седница на Валада.

– Не знам што ќе се случуваше со транспортот и економијата ако не се средеше сега ова со транспортерите, бидејќи најмалку 9 ипол години од сега се потребни за да влеземе во Шенген зоната, доколку се исполнат предвидувањата дека до 2030 година ќе станеме членка на ЕУ – потенцира Николоски.

The post РЕШЕНИЕТО ЗА ПРЕВОЗНИЦИТЕ НИКОЛОСКИ ЌЕ ГО БАРА ЗАЕДНО СО НИВ Има време до летото за да се реши проблемот appeared first on plusinfo.mk.

Унгарскиот премиер Виктор Орбан вчера го поддржа договорот за огромен пакет помош за Украина. Иако се шпекулираше дека Орбан повторно ќе го блокира договорот на вчерашната средба на ЕУ, неочекувано дојде до пресврт. Состанокот траеше само еден час, по што беше соопштено дека договорот е поддржан од сите земји членки.

Политико сега пишува дека за убедувањето на Орбан најзаслужни се италијанската премиерка Џорџа Мелони и францускиот претседател Емануел Макрон.

– Мелони разговараше со Орбан поради нивната долгогодишна врска – потврдиле двајца дипломати за Политико.

Одлуката донесена вчера на самитот во Брисел, беше клучна за лидерите на ЕУ кои сакаа да и покажат поддршка на Украина, а во исто време покажаа и дека се способни да го задржат унгарскиот бунт. Орбан постојано се закануваше дека ќе користи тактичко вето за низа европски прашања за да извлече пари од ЕУ.

Влегувајќи на состанокот вчера, лидерите истакнаа дека, иако е можен договор без Унгарија, тоа ќе и сигнализира на Русија недостаток на европско единство.

Луѓе блиски до Мелони рекоа дека таа ја започнала својата таканаречена „дипломатска работа“ пред неколку месеци, одржувајќи разговори и состаноци со различни министри и официјални претставници, дури и пред декемвриската средба на која 27-те лидери не успеаја да постигнат договор за помош за Украина, бидејќи немаше поддршка од Орбан.

И во средата вечерта, делегациите работеа до доцна во ноќта за да се погрижат Орбан да не го поткопа договорот.

Мелони ги засили своите напори оваа недела, пишува Политико, разговарајќи со Орбан по телефон и состанувајќи се со него во луксузниот бриселски хотел Амиго на еден час и повторно во четврток наутро пред почетокот на состанокот.
Во средата вечерта, францускиот претседател Емануел Макрон исто така се сретна со Орбан, по неколкунеделни обиди да воспостави врска со него. На почетокот на овој месец, тој се обиде да го придобие унгарскиот лидер за време на ручекот во Елисејската палата. За време на тој ручек, Макрон побарал од Орбан да ја сподели својата визија за тоа како подобро да се интегрираат источните земји на ЕУ.

Макрон одигра клучна улога во овие преговори, нагласија дипломатите.

– Тој никогаш не сакаше да го антагонизира Орбан, туку сакаше да го придобие. Тоа е пристап кој денес се исплати – изјави извор близок до францускиот претседател.

– Овие офанзиви му овозможија на претседателот на Европскиот совет, Шарл Мишел, веднаш да го започне самитот со објавување на долгоочекуваниот договор – рече еден функционер запознаен со дискусијата во просторијата.

Мишел ги прескокна формалностите, брзо изложувајќи ги деталите од договорот со Орбан, на што ниту еден од лидерите не се спротивстави, со мали отстапки за Унгарија.

-Годишна дебата за пакетот помош и „ако е потребно“ ревизија за две години, ќе му овозможи на Орбан да го спаси образот дома – рече еден дипломат на ЕУ.

Развојот на ситуацијата во Будимпешта е претставен како победа. Политичкиот директор на Орбан, Балаш Орбан, тврдеше дека Будимпешта го добила тоа што го сакала од самитот.

– На крајот на првата година, ќе мора повторно да се преговара за помошта за Украина, а на крајот на втората година, целото прашање ќе се преиспита во контекст на буџетот на ЕУ за следниот период – напиша Балаш Орбан на Твитер.

Претседателката на Европската комисија, Урсула фон дер Лајен, нагласи дека на Орбан не му се дадени дополнителни отстапки, а истото го направи и германскиот канцелар Олаф Шолц на прес-конференцијата по самитот.

Уште поважно од придобивањето на Будимпешта беше додадената реченица во текстот што се однесува на претходните заклучоци од самитот, кои гарантираат дека начинот на кој Европската комисија го оценува владеењето на правото во Унгарија е фер и објективен. Тоа е направено за да надмине длабоката недоверба што Будимпешта ја има кон Комисијата во однос на исплата на пари на Унгарија.

Дипломатите и официјалните лица рекоа дека Орбан едноставно морал да попушти за да избегне голема политичка криза. А пред објавата во четврток, лидерите не се срамеа да и покажат на Унгарија кој е главен.

– На Унгарија и треба Европа. Треба да види и што добива Унгарија со припадноста кон Европа – рече естонската премиерка Каја Калас при влегувањето на состанокот.

The post 📷 МЕЛОНИ ГО ОМЕКНА ОРБАН Пред пресвртот во Брисел, со часови биле во хотел appeared first on plusinfo.mk.

– Ќе разговараме и за ситуацијата на Западен Балкан, каде што гледаме сецесионистичка реторика која носи раздор во Босна и Херцеговина и малигни обиди за сеење раздор, вклучително и од Русија – рече Столтенберг на прес-конференција пред дводневниот состанок на министрите за надворешни работи на НАТО која почнува утре во Брисел.

Генералниот секретар на НАТО го спомена и сериозното насилство на северот на Косово. Тој додаде дека министрите ќе разговараат со високиот претставник на ЕУ за надворешна и безбедносна политика, Жозеп Борел, за тоа како да се зајакне стабилноста во регионот.

– НАТО веќе испрати дополнителни илјада војници на Косово и размислуваме за потрајно зголемување на нашиот мировен контингент – рече Столтенберг.

Тој нагласи дека Србија и Косово мора повторно да се вклучат во дијалогот под покровителство на ЕУ.

– Стабилноста зависи од тоа дали сите страни ќе изберат дијалог и дипломатија наместо конфликт и хаос – додаде генералниот секретар на НАТО.

The post „ИМА МАЛИГНИ ОБИДИ ОД РУСИЈА ЗА РАЗДОР НА ЗАПАДЕН БАЛКАН“ Предупреди генералниот секретар на НАТО пред средбата во Брисел appeared first on plusinfo.mk.