Сослушана е М.К. (46), мајката на момчето Коста К. (13), кој уби 9 ученици и чувар, а потоа рани уште шестмина, меѓу кои и наставничката во Основното училиште „Владислав Рибникар“. Сослушувањето се одржало вчера во полициската управа во Белград. Мајката беше осомничена за запуштање и злоупотреба на момчето.

Српските медиуми пренесуваат дека на мајката ѝ биле поставени следниве 10 прашања:

1.Колку често го гледала синот, односно со кого престојувал повеќе, со неа или со таткото?

2. Дали знаела дека одел на стрелиште?

3. Ако да, каков бил нејзиниот став за тоа?

4. Дали се однесувал чудно?

5. Дали момчето било злоставувано и запоставено, односно дали нешто му било ускратувано, дали се пожалило на нешто…?

6. Што последно ѝ кажал пред да го изврши масакрот?

7. Дали имал некакво трауматско искуство?

8. Каков однос имал со неа, со татко му, со семејството, со пријателите?

9. Колку била упатена во неговите интереси и кои биле тие?

10. Во каков однос била со таткото на Коста?

Првото основно јавно обвинителство во Белград утврдува дали М.К., мајката на момчето кое го изврши масовното убиство во ОУ „Владислав Рибникар“, сторила кривично дело запуштање и малтретирање малолетно лице.

Обвинителството во понеделникот испрати барање до Полициската управа за град Белград за прибирање на потребните информации, со наредба да биде сослушана осомничената М.К..

The post 10 ПРАШАЊА Ѝ БИЛЕ ПОСТАВЕНИ НА МАЈКАТА НА КОСТА Полицијата прашала и што последно ѝ кажал пред да го изврши масакрот appeared first on plusinfo.mk.

Иванка Трамп, ќерка и советник на американскиот претседател Доналд Трамп, беше испрашувана под заклетва во граѓанска постапка поврзана со злоупотреба на непрофитни средства за инаугурацијата на нејзиниот татко пред четири години.

Обвинителството на округот Колумбија, Карл Расин, вчера во дуски допис откри дека сослушувањето се одржало тој ден.

Во судска постапка од јануари 2020 година, Расин тврди дека компаниите за недвижнини и други субјекти на Доналд Трамп злоупотребиле непрофитни фондови за да го збогатат семејството Трамп.

Според тужбата, непрофитна корпорација ослободена од даноци, наречена „58. претседателски основачки комитет“, координирала со семејството Трамп значително да преплати за простор за настани во хотелот „Трамп Интернешнл“ во Вашингтон.

Во еден случај, непрофитна организација наводно платила повеќе од 300.000 долари за да одржи приватен прием во хотелот Трамп за трите најстари деца на претседателот – Доналд Jуниор, Иванка и Ерик – на вечерта на инаугурацијата на 20 јануари 2017 година.

– Окружниот закон налага непрофитни организации да ги користат своите средства за свои јавни цели, а не за корист на приватни лица или компании –  рече Расин на почетокот на оваа година.

Со тужбата, Расин сака да ги врати милионите долари кои наводно биле упатени директно на семејната компанија Трамп.

Портпарол на Белата куќа не одговори веднаш на барањето за коментар. Основачкиот одбор тврди дека нивните финансии биле независни и дека сите пари биле потрошени легално.

The post Иванка Трамп сослушана поради злоупотреба на средства appeared first on plusinfo.mk.