Радоичиќ денеска беше сослушан во ВЈТ поради сомнение дека со, засега повеќе непознати лица, извршил кривични дела здружување заради извршување кривични дела, недозволено производство, држење, носење и тргување со огнено оружје и експлозивни материи и тешки прекршоци против општата безбедност.

ВЈТ соопшти дека на распитот осомничениот го негирал извршувањето на кривичните дела кои му се ставаат на товар, пренесува Н1.

Обвинителството по сослушувањето му предложи на судијата за претходна постапка на Вишиот суд во Белград на осомничениот да му одреди притвор поради опасност од бегство.

Наредбата за спроведување на истрагата опфаќа неколку, засега непознати лица, кои се товарат за кривично дело тешки дела против општата безбедност.

Според наредбата за спроведување истрагата, Радоичиќ се товари дека од Тузла набавувал оружје, муниција и експлозивни направи со голема разорна моќ, кои му биле доставени на територијата на Белград, најчесто на релација Бубањ Поток – Врчин.

„А кои потоа ги транспортирал и складирал на неутврдени локации на територијата на Косово, каде ги криел во напуштени згради и шуми, па како водач на група со неколку непознати лица, со заедничка акција и општо опасна акција на 24 септември, предизвикал опасност по животот на луѓето во местото Бањска“, се наведува во соопштението на ВЈТ.

Радоичиќ пред неколку дена одговори на поканата на српските државни органи.

Тогаш беше соопштено дека ВЈТ во Белград ќе биде известена во форма на извештај, која ќе преземе дополнителни мерки и дејствија во нејзина надлежност.

Радоичиќ ја презеде целосната одговорност за настаните во селото Бањска на северот на Косово.

На 24 септември во селото Бањска беше убиен косовски полицаец, по што следеше акција на специјалните единици на косовската полиција насочена кон вооружена група која се обиде да најде засолниште во манастирот Бањска.

Во акцијата загинаа тројца Срби, по потекло од северот на Косово.

The post НЕГИРА ВИНА Радоичиќ денеска беше сослушан appeared first on plusinfo.mk.

Лидерот на ДУИ Али Ахмети на 2 октомври ќе биде повикан на распит во обвинителството за случајот „Попис“. Обвинителката Фатиме Фетаи за Телма потврдила дека поканата е подготвена за 2- октомври.

Предметот СЈО го отвори во март 2018 година, а го презема Обвинителството за организиран криминал пред една година. Предметот се однесува на пропаднатиот попис од 2011. Тогаш владините  партнери Никола Груевски и Ахмети се осомничени за злоупотреба на службената положба и штета на државаа од  2,8 милиони евра.

Ахмети ќе треба да се изјасни зошто на 5 дена пред завршвањето пописот бил запрен откако претходно оставки поднесоа сите тогашни членови на пописната комисија, откако оценија дека поради недоследности во процедурата, ќе се добијат нерелевантни податоци. Освен Ахмети, за намерно пропаѓање на пописот, СЈО го сомничеше и тогашниот премиер Никола Груевски.

– Иако биле свесни дека ќе настанат штетни последици, лицата пристапиле кон спроведување на пописот. Кога виделе дека немаат капацитет да ги сокријат демографските факти за земјата, тие, со цел да избегнат одговорност, се договориле да претстават дека причините за стопирање на пописот се од техничка природа – соопшти СЈО на 21 март 2018 година.

The post Али Ахмети на 2 октомври ќе биде сослушан во обвинителството за предметот „Попис“ appeared first on plusinfo.mk.

Според косовските медиуми, како и некои меѓународни медиуми, Ахмети е повикан од Меѓународниот суд на правдата, со седиште во Хаг, како сведок, како еден од припадниците на Ослободителната војска на Косово (ОВК) од нејзиното формирање и активен учесник во војната на Косово во периодот 1998-99 година.

Сослушувањето на Ахмети во Специјалното обвинителство за Косово траеше два дена. Тој самиот изјави дека е повикан како сведок.

The post Заврши сослушувањето на Ахмети во Специјалното обвинителство за Косово, детали не се откриваат appeared first on plusinfo.mk.