– Анализата покажува дека целиот регион е во ист епидемиолошки ризик. Дискутиравме и, денеска, а  ќе продолжиме и утре и ќе решиме. А денес разговараме и со министерствата за здравство во соседните земји. Дали и ние ќе бараме тестови ако при влез од некоја земја од нашите граѓани тоа се бара, тоа ќе биде една од темите. Има и други опции, на пример потпишување документи за следење, што на почетокот на кризата се практикуваше во авион – додаде Филипче.

Тој нагласи дека викендите предизвикуваат пораст на бројот на новозаразени од вирусот.

– Анализата покажува дека опаѓа бројот на новодијагностицирани во Скопје. Со резерва ги кажувам  предвидувањето оти оваа така и ќе продолжи, бидејќи има повеќе фактори коишто влијат на новозабоните. Викендите со недели наназад прават промена на бројот – и на тестови и на новодијагностицираните. Важно е дека се прави проверка на контактите, со сите проблеми со коишто  се соочуваат епидемиолозите, А на наше барање, се вклучија и техничари и епидемиолози од Министерството за одбрана и од Воено медицинскиот центар – рече министерот Филипче.

The post Со тест или без преку граница и дали во странство ќе нѐ следат – договараме со соседите appeared first on plusinfo.mk.

Од над 70 пријавени позитивни лица пред неколку дена, дури 20 изјавиле дека не контактирале со  заразен со вирусот.

Во врска со тоа како тогаш се заразиле овие лица – дали можеби кријат дека се позитивни, министерот за здравство, Венко Филипче, изјави:

– Има бројни податоци во кои не ги кажуваат контактите и пациентите, точно, одбиваат да кажат и дека имаат симптоми, па ги пријавуваат соседите. Тоа се наоди од Државниот санитарен и здравствен инспекторат. А проверката кога ќе се направи со епидемиолошката анкета, се покажува дека тоа се контакти од постојните кластери.

За тоа која е казната за оние коишто ќе пријават лажни податоци во услови на епидемија, директорката на Државниот санитарен и здравствен инспекторат, д-р Ирина Сотирова Бухова, појаснува:

– За давање лажни информациии се казнува според Кривичниот законик, а не по Законот за здравствена  заштита. Точно, имаме случаи каде комшиите пријавуваат сомнителни или заразени со вирусот во Брза помош, екипата оди на лице место и прашува, а дел од граѓаните велат дека не сакаат хоспитализација. А Брза помош нема право да ги пренесе до болница, ако тие одбиваат, за тоа треба да се задолжени други институции. Имаме изјава од службата за Брза помош дека пациентот којшто пред некој ден одбил да се хоспитализира, утредента починал.

Според Кривичниот законик, член 206 (1), тој што за време на епидемија на некоја опасна заразна болест не постапи според прописите или наредбите со кои се определуваат мерки за нејзиното сузбивање или спречување, ќе се казни со парична казна или со затвор до една година. (2) Ако делото од овој член го стори правно лице ќе се казни со парична казна.

The post Соседите ги пријавуваат, бидејќи кријат дека се заразени со корона вирусот appeared first on plusinfo.mk.