The post НОВО ПОГЛАВЈЕ ВО СОРАБОТКАТА МАКЕДОНИЈА-ГРЦИЈА Муцунски очекува иновациите и ИКТ секторот да станат силен дел од економската агенда со Грција appeared first on plusinfo.mk.

Шведскиот премиер Улф Кристерсон оцени дека, и покрај очигледната географска оддалеченост од Европа, Канада би можела да биде дел од поширокиот европски политички простор, бидејќи Европската Унија, како што изјави, не е само прашање на мапа, туку и на заеднички вредности.

Во интервју за канадската телевизија CTV, Кристерсон рече дека самото име на Европската Унија се однесува на географијата, но дека прашањето со кои земји-членки сакаат да се интегрираат политички, економски и вредности е подеднакво важно.

Шведскиот премиер ја опиша ЕУ како „многу гостопримлив клуб за истомисленици“, нагласувајќи ја блискоста на Канада со европските демократии.

Во западните политички и медиумски кругови, сè повеќе се зборува за можноста Канада, како еден од најблиските трансатлантски партнери на Европа, институционално да се приближи уште повеќе до Брисел.

Таа дискусија беше особено оживеана по изјавите на американскиот претседател Доналд Трамп за Канада како можна 51. американска држава, што предизвика силни политички реакции во Отава и го забрза барањето алтернативни сојузи.

Идејата дека Канада припаѓа на европскиот круг на вредности не е нова.

Шефицата на европската дипломатија, Каја Калас, на почетокот на мај, на состанокот на Европската политичка заедница во Ереван, изјави дека „Европа не е прашање на географија, туку на вредности и принципи“, додавајќи дека Брисел затоа е задоволен што Канада учествувала во тој формат.

Сепак, формалното членство на Канада во Европската Унија останува далеку од реално сценарио.

Според правилата на проширување, пристапувањето кон ЕУ е отворено за европските земји кои ги прифаќаат фундаменталните вредности на Унијата и ги исполнуваат политичките, економските и правните услови.

Токму затоа во Канада и ЕУ, наместо за полноправно членство, многу поконкретно се зборува за зајакнување на партнерствата во областите на безбедноста, трговијата, одбраната, дигиталната политика и енергетската соработка.

Канадскиот премиер Марк Карни минатата година во Брисел со лидерите на ЕУ објави ново стратешко партнерство меѓу Канада и Европската Унија, со посебен акцент на безбедносната и одбранбената соработка.

Во официјалното соопштение на канадската влада беше наведено дека ова е чекор кон подлабока врска меѓу двете страни, но не и за започнување на процесот на пристапување кон Унијата.

Засега, затоа, пораката на Кристерсон има повеќе политичко отколку правно значење.

Таа покажува дека во Европа Канада сè повеќе се смета за природен сојузник во време на глобални превирања, но исто така дека Брисел отвора простор за нови форми на поврзување со земјите што ги делат европските политички и безбедносни приоритети, дури и кога тие не се на европскиот континент.

The post ШВЕДСКА ПРЕДЛАГА КАНАДА ДА ВЛЕЗЕ ВО ЕВРОПСКАТА УНИЈА!? Европа веќе не е само географски поим appeared first on plusinfo.mk.

Продлабочување на соработката меѓу Македонија и Хрватска, регионалната стабилност, европската перспектива и заедничките предизвици, биле главни теми денеска во Охрид на средбата меѓу македонскиот премиер Христијан Мицкоски и неговиот хрватски колега Андреј Пленковиќ, кој престојува во официјална посета на Македонија.

Мицкоски изрази задоволство од средбата, и рече дека таа е потврда на добрите односи и пријателство помеѓу Македонија и Хрватска.

„Денес имав чест и задоволство да го пречекам претседателот на Владата на Република Хрватска, Андреј Пленковиќ. Оваа средба претставува потврда за добрите односи и пријателството помеѓу Македонија и Хрватска, како и важноста на меѓусебната соработка, европските вредности и регионалната стабилност“, напиша Мицкоски на социјалните мрежи.

Според објавата на Мицкоски, средбата се одржала во пријатна и конструктивна атмосфера, се разговарало за продлабочување на соработката меѓу двете држави, регионалната стабилност, европската перспектива и заедничките предизвици.

Според агендата, следуваше владина билатерална средба во хотел „Инекс Олгица“. Потоа двајцата премиери потпишаа договори за стратешка соработка помеѓу двете земји, а македонското Министерство за енергетика, рударство и минерални суровини и хрватското Министерство за економија потпишаа меморандум за соработка.

На прес-конференцијата по потпишувањето на договорите, Мицкоски и Пленковиќ истакнаа дека со нив се продлабочуваат и онака добрите и пријателски односи меѓу двете земји, а Хрватска, која исто така е дел од НАТО, како и земја членка на ЕУ, останува еден од нашите главни партнери во евроинтеграцискиот процес.

– Особено сме задоволни што ја подигнуваме нашата соработка на повисоко ниво преку потпишување на договорот за стратешка соработка помеѓу двете влади. Овој договор е повеќе од диполоматски акт. Тој претставува рамка за долгорочно партнерство и јасна стратешка определба за продлабочување на нашите односи во области што се од суштинско значење за иднината на двете држави – рече Мицкоски.

Со договорот што денеска се потпиша ќе се овозможи уште поинтензивна соработка во повеќе стратешки сектори, како транспортот, енергетиката, ИКТ, индустријата, производството, здравството, образованието, јавната безбедност, цивилната заштита, одбраната, кибербезбедноста и управувањето со границите.

– Особено позначајно е што договорот отвора простор за подлабока поврзаност помеѓу институциите, компаниите, инвеститорите, академската заедница, граѓанскиот сектор и експертските заедници на двете земји – рече, меѓу другото, Мицкоски.

За време на престојот на Пленовиќ во Македонија предвидена е и бизнис средба на сопственици на компании од двете држави.

The post МНОГУ МОЖНОСТИ ЗА СОРАБОТКА И ЗАЕДНИЧКА ЕВРОПСКА ПЕРСПЕКТИВА Мицкоски и Пленковиќ по конструктивната и пријатна средба во Охрид appeared first on plusinfo.mk.

Американскиот претседател Доналд Трамп на приемот во Пекинг наздрави за блиските и историски врски помеѓу САД и Кина. Тој средбите во Пекинг ги оцени како исклучително позитивни и продуктивни и му се заблагодари на кинескиот претседател Си Џинпинг на големата чест и величествена церемонија за добредојде.

Според Трамп односот помеѓу САД и Кина е „еден од најзначајните во светската историја“. Тој потенцира дека двете земји имаат „многу заеднички работи“ како што се „напорна работа“, „храброст“ и „достигнување“.

– Светот е посебно место кога ние двајцата сме обединети и заедно – посочи Трамп.

Тој го покани кинескиот претседател да ги посети САД на 24 септември.

Претходно, Си изјави дека Кина и САД треба да бидат партнери, а не соперници.

– И кинескиот и американскиот народ се големи народи. Остварувањето на големата преродба на кинеската нација и враќањето на величината на Америка можат да одат рака под рака, наведе Си.

Тој додаде дека двете држави можат да работат за општото добро.

– Можеме да си помагаме едни на други да успееме и да придонесеме за благосостојбата на целиот свет. Нашите две земји треба да бидат партнери, а не соперници – истакна Си.

The post ДОНАЛД ТРАМП ГО ПОКАНИ СИ ЏИНПИНГ ДА ГИ ПОСЕТИ САД Средбата би била на 24 септември appeared first on plusinfo.mk.

Да се зголеми размената од 207 милиони на една милијарда евра, да се отворат коридори за сите земји што немаат море, да се укинат царинските бариери, а Драч да стане алтернатива за солунското пристаниште, порачаа стопанствениците од Македонија и Албанија на денешниот бизнис форум „Преку границите“, што се одржува во Скопје.

Тие укажаа на потребата од подобра поврзаност, добра инфраструктура и заеднички настап на трети пазари.

– Економската соработка е добра, но може да биде многу подобра. Имајќи ја предвид поврзаноста на двете држави, бројките се незадоволителни. Минатата година размената достигнала 180 милиони евра или зголемување од 40 милиони споредено со 2020 година. Во првиот квартал од 2026-та размената е 38 милиони евра. Ова е добро, но имајќи ја предвид поврзаноста на двете држави, тогаш овие бројки се незадоволителни и треба да бидат многу, многу повисоки. Чудно е како успеваме да тргуваме со Германија, Франција, Велика Британија, а не и меѓу себе, во регионот. Тоа мислам дека е сериозен предизвик – истакна вицепремиерот и министер за транспорт, Александар Николоски.

Според него, освен подобра поврзаност и подобра инфраструктура, на Македонија и Албанија им е потребна и промена на менталитетот.

-Ако нешто е произведено во Македонија или е нешто произведено во Албанија, а ги има сите потребни стандарди зашто веќе светот или барем овој развиен дел од светот јасно се стандардизираше, тогаш не гледам зошто размената да не е тука и да очекуваме истото да го добиеме од некоја друга држава за два, три или четири пати повисока цена. Да продаваме домашни или локални производи и размената да е во таа насока. Нашата задача, на двете влади и на бизнисмените, размената да биде во милијарди, а не во стотици милиони евра. Тоа е потенцијал што двете држави го имаат – порача Николоски.

Албанскиот амбасадор во земјава, Денион Мејдани, рече дека клучен предизвик за Македонија и Албанија е да ги засилат врските и да ја интензивираат соработката.

– Коридорот 8 е стратешки проект кој ги става нашите земји во европската транспортна архитектура. Патот кон просперитетот е повеќе доверба, повеќе инвестиции, енергија, заеднички проекти,… Албанија ја гледа Македонија како природен партнер. Работа на избор е дали ќе останеме на периферија или ќе бидеме дел од современите текови и ќе градиме добро соседство – рече амбасадорот.

Според претседателот на Стопанската комора, Бранко Азески, криминалците повеќе од бизнисмените ги користат „предностите” за поголема соработка.

– Срам да им е на бизнисмените, криминалците се пред нас. Да се обединиме, да ги затвориме дупките и да ги искористиме потенцијалите за јакнење на соработката, за зголемување на трговијата и размената – нагласи Азески.

Инвестициите, поврзаноста и туризмот, се во фокус на форумот што го организира Стопанска комора на Северна Македонија во соработка со Амбасадата на Република Албанија. Најавени се три панели на овие теми,  а присуствуваат претставници на институции, инвеститори и деловни лидери од двете земји.

Како што беше речено, следниот форум се очекува да биде во Тирана.

The post РАЗМЕНАТА ДА СЕ МЕРИ ВО МИЛИЈАРДИ, А НЕ ВО СТОТИЦИ МИЛИОНИ ЕВРА Македонија и Албанија засега не успеваат да го искористат тој потенцијал appeared first on plusinfo.mk.

Администрацијата на американскиот претседател Доналд Трамп подготвила интерен список на „добри и лоши“ членки на НАТО, како дел од разгледувањето можни мерки против сојузниците кои не ја поддржале американската воена операција против Иран, се вели во текст на Политико.

Според дипломатски извори и американски претставници, земјите биле рангирани според нивниот придонес во Алијансата и нивната подготвеност за соработка со Вашингтон. Планот бил подготвен во пресрет на последната посета на генералниот секретар на НАТО Марк Руте на Вашингтон.

Овој потег се смета за уште еден сигнал дека претседателот Доналд Трамп има намера да го засили притисокот врз сојузниците кои, според него, не ги исполнуваат обврските кон НАТО и американските интереси. Воедно, тоа дополнително ги продлабочува тензиите во Алијансата, која веќе се соочува со предизвици поради ставовите на Трамп од барањата поврзани со Гренланд до заканите за можно американско повлекување од НАТО.

Американскиот министер за одбрана Пит Хегсет уште во декември ја најави оваа политика, посочувајќи дека „примерните сојузници“ како Израел, Полска, Германија, балтичките држави и други партнери ќе уживаат „посебна наклонетост“ од Вашингтон, додека оние што не вложуваат доволно во колективната одбрана ќе се соочат со последици.

Еден дипломатски извор изјавил дека Белата куќа веќе располага со документ во кој земјите се поделени на „добри“ и „лоши“ сојузници, но засега не е познато какви конкретни награди или санкции би следувале.

Портпаролката на Белата куќа порача дека САД „ќе запомнат“ кои земји не ја поддржале операцијата „Епски бес“, додавајќи дека Вашингтон со години ги штити своите сојузници со илјадници војници, без секогаш да добива соодветна поддршка за возврат.

Според извештаите, меѓу земјите кои би можеле да имаат корист од новата политика се Романија и Полска, кои важат за блиски партнери на Вашингтон и се подготвени да примат дополнителни американски сили. Полска веќе покрива голем дел од трошоците за околу 10.000 американски војници распоредени во земјата, додека романската база „Михаил Когалничеану“ има капацитет за проширување.

Од друга страна, Шпанија, како и Велика Британија и Франција, наводно ги одбиле или одложиле американските барања поврзани со операцијата. Во меѓувреме, Бугарија дискретно ја поддржала американската логистика на Блискиот Исток.

Шпанија веќе се најде под критики поради противењето на барањето трошоците за одбрана да достигнат 5 проценти од БДП, додека балтичките земји и Полска беа пофалени поради високите инвестиции во безбедноста.

Сепак, дел од поранешните американски функционери се сомневаат дека администрацијата на Трамп има доволно простор дополнително да ги влошува односите со европските сојузници.

The post ТРАМП ПРАВИ ЦРНА ЛИСТА ВО НАТО Кои земји се добри, а кои ќе бидат казнети? appeared first on plusinfo.mk.

Поранешната пејачка на легендарниот сплитски бенд „Стијене“, Изабела Мартиновиќ, сними дует со партнерот на нејзината сестра Данијела Мартиновиќ, Јосип Плавиќ. Станува збор за хит кој е стар 15 години, „Ако немам те“, чиј автор е Зоран Белоша, поранешен член на бендот Радио Луксембург.

Плавиќ е фронтмен на рок-групата „Izvan zakona“, а соработката се случи за време на посетата на Изабела кај нејзината сестра и зет во Загреб.

– Изабела и јас отсекогаш имавме многу заедничко кога станува збор за музика, бидејќи таа е рокерка како мене. Соработката навистина се случи случајно. Таа дојде да нè посети мене и Данијела, дојде да го види мојот бенд на проба и кога ја слушна песната што ја свиревме, навистина ѝ се допадна. Имаше резервен микрофон, таа го вклучи и тогаш се роди идејата да ја снимаме песната како дует. Авторот на песната, Зоран Белоша, исто така беше воодушевен кога слушна дека снимаме песна со Изабела бидејќи ја обожава како пејачка. Па малку си поигравме и песната „Ако немам те“ беше создадена во сосема поинаков тон – вели Плавиќ за хрватските медиуми и открива дека ќе продолжи да соработува со Изабела.

– Апсолутно, мислам дека следната заедничка песна ќе биде авторска и  Изабела ќе биде главен вокал, а планираме и да преработиме еден од нејзините хитови, но повеќе за тоа подоцна – раскажува Плавиќ.

Тој ги открил и своите и ставовите на Данијела за нивна евентуална заедничка соработка.

– Нашата музика е различна, како и нашиот интензитет на ангажирање со музиката. На Данијела музиката ѝ е целиот живот, а за нас е тоа само многу убаво хоби. Не планираме да соработуваме, но со оглед на тоа колку сме стари досега, животот нè научил никогаш да не велиме никогаш. Дует може да се случи ако ни се допаѓа нешто заедничко музички, сигурно нема да избегаме од тоа.

Инаку, реакциите на песната се одлични, и меѓу публиката и од страна на Данијела.

– Песната е поинаква, малку е предизвикувачки да се преработи толку голема песна што е сè уште присутна во етерот денес во нејзината оригинална верзија. Нашата верзија на песната има малку поинаква нота, малку е побавна и бидејќи е машко-женски дует, е поинтимна. Досега, сите се задоволни, а и Данијела е многу задоволна од нашиот дует бидејќи стилски се совпаѓаме, и двајцата сме поп-рокери, па едноставно се сложивме. Навистина ѝ се допаѓа нашата комбинација на бои на гласовите, рече дека стилски се вклопуваме навистина добро – изјавила и Изабела.

The post 🎥 „МОЈАТА СВЕСКА Е ВИСТИНСКА РОКЕРКА“ Слушнете ја песната што ја сними партнерот на Данијела Мартиновиќ со нејзината сестра appeared first on plusinfo.mk.

Македонија и Казахстан ќе ги засилуваат економската соработка и трговската размена. За таа цел, вториот македонско-казахстански бизнис-форум во Скопје и потпишувањето два значајни документи ќе дадат нов импулс на соработката меѓу бизнис-заедниците и ќе придонесат за зголемување на трговската размена. Ова беше заклучено на заедничката прес-конференција меѓу министерот за надвореши работи и надворешна трговија Тимчо Муцунски и министерот за трговија и интеграции на Казахстан, Арман Шакалиев, кој престојува во официјална посета на земјата.

– Оваа посета е јасен сигнал за заедничката подготвеност за продлабочување на економската соработка и унапредување на севкупните билатерални односи. Во разговорите отворено констатиравме дека сегашното ниво на економска размена не го одразува реалниот потенцијал меѓу двете земји. Но исто така се согласивме дека постојат конкретни и достижни можности тој јаз да го затвориме во периодот што следува – рече Муцунски.

Во таа насока, Муцунски информира дека разговарале за одржување на втората седница на Заедничката македонско-казахстанска комисија за трговска и економска соработка во Астана, како важен чекор за поинтензивна и пофокусирана економска динамика.

– Паралелно останува наша заедничка задача да ги надминеме предизвиците поврзани со географската оддалеченост преку зајакнување на директната комуникација меѓу компаниите и стопанските комори, како и преку поактивна организација на бизнис-форуми, саеми и промотивни активности, вклучително и во областа на културата и туризмот – рече Муцунски.

Тој изрази уверување дека вториот македонско-казахстански бизнис-форум во Скопје, како и потпишувањето на два значајни документа, ќе дадат нов импулс на соработката меѓу бизнис-заедниците и ќе придонесат за зголемување на трговската размена.

– Создавањето на предвидлива и конкурентна деловна клима и привлекувањето на странски инвестиции останува врвен приоритет на Владата. Во таа насока остануваме отворени за казахстански инвеститори, како во технолошко-индустриските развојни зони, така и пошироко, во согласност со нивните инвестициски интереси – заклучи Муцунски.

Шакалиев од своја страна рече дека Казахстан и Северна Македонија продолжуваат постојано да ги зајакнуваат билатералните односи, ставајќи особен акцент на развојот на трговската, економската и инвестиционата соработка.

– Казахстанската делегација, која што ја сочинуваат претставници на деловната заедница, агроиндустрискиот сектор и академската заедница, пристигна денес во Северна Македонија како дел од трговската и економската мисија на нашата земја. Главната цел ни е да ја зголемиме билатералната трговија, да ги прошириме деловните контакти и да воспоставиме конкретни области на соработка – истакна Шакалиев.

Тој нагласи дека Казахстан активно го развива својот транспортен и логистички сектор, гради одржливи патишта меѓу Азија и Европа.

– Клучна улога во тој процес игра Транскаспискиот меѓународен транспортен пат, односно Средниот коридор, кој ја обликува новата конфигурација на евроазиската трговија. Во тој контекст, Северна Македонија се гледа како ветувачка врска на европскиот пат. Нејзината географска локација и интеграцијата во балканските транспортни мрежи создаваат дополнителни можности за воспоставување отпорни логистички синџири, за пласирање на казахстанските производи на пазарите во Југоисточна и во Источна Европа – рече Шакалиев.

Казахстанскиот министер посочи дека еден од клучните практични чекори ќе биде воспоставувањето на деловен совет, кој ќе ја олесни директната интеракција меѓу деловните заедници на двете земји и ќе овозможи брз развој на споделени проекти.

– Таквите иницијативи, вклучувајќи ги и трговските мисии и создавањето на институционални платформи за дијалог, се гледаат како почетна точка за премин кон поструктурирана и одржлива трговска и економска соработка меѓу нашите две земји. Фокусот се става на развојот на индустриската соработка, воспоставување заеднички деловни проекти и проширување на инвестицискиот ангажман, што ќе придонесе кон заеднички модели кои носат придобивки за двете земји – заклучи Шакалиев на заедничката прес-конференција со Муцунски.

The post КАЗАХСТАН ЈА ГЛЕДА МАКЕДОНИЈА КАКО КЛУЧНА ВРСКА СО ЕВРОПСКИТЕ ПАЗАРИ Двете земји ќе ги засилуваат економската соработка и трговската размена appeared first on plusinfo.mk.

ВМРО-ДПМНЕ му одговори на лидерот на СДСМ Венко Филипче дека никакви тајни бизнис врски со Виктор Орбан и дека Македонија и Унгарија имаат соработка на повеќе полиња заснована на договори.

„Венко Филипче, верен чувар на фотелјата на Зоран Заев во СДС заедно со неговото ново раководство, време е да почнат да живеат тука и сега. Да му објасниме што значи тоа. Прво, нема никакви тајни бизнис врски со Виктор Орбан и неговата партија. Второ, има официјални државни договори и соработка. Тоа значи договори меѓу Македонија и Унгарија, има соработка како две држави од ист континент Европа кои соработуваат на повеќе полиња. Можеби Филипче со неговиот ментор Заев работел така па мисли сите работат тајно и криминално. Оттука, Филипче нека се свести и нека се фати за неговата примарна задача, а тоа е да го оттргне СДС од Заев, поточно да се огради јасно од неговите криминални бизнис врски, криминални зделки и слично“, се наведува во реакцијата на ВМРО-ДПМНЕ.

Оттаму ги повикуваат надлежните институции во правосудството да постапат по сѐ што е изведено во јавноста како информација.

The post МАКЕДОНИЈА И УНГАРИЈА ИМААТ ОФИЦИЈАЛНА СОРАБОТКА Во главата на Филипче тоа се „тајни бизнис врски“ appeared first on plusinfo.mk.

Министерот за надворешни работи и надворешна трговија Тимчо Муцунски му ја честиташе победата на Петер Маѓар на изборите во Унгарија.

„Граѓаните на Унгарија го кажаа својот збор, а нема ништо поважно од демократската волја на народот. Ги цениме силните билатерални односи изградени со текот на годините и со нетрпение очекуваме да ја продолжиме нашата соработка – заснована на заемно почитување, партнерство и нашата заедничка европска иднина“, напиша Муцунски на мрежата Х.

Congratulations to @magyarpeterMP on the election results. The citizens of Hungary have spoken, and there is nothing more important than the democratic will of the people. We value the strong bilateral relations built over the years and look forward to continuing our…

— Timco Mucunski (@TimcoMucunski) April 13, 2026

The post ЧЕСТИТКИ ОД МУЦУНСКИ ЗА ПОБЕДАТА НА МАЃАР Очекува да продолжи соработката со Унгарија appeared first on plusinfo.mk.