Кина и Велика Британија треба да ги надминат несогласувањата и да ја прошират агендата за соработка, му порача кинескиот претседател Си Џинпинг на новиот британски премиер Енди Барнам за време на нивниот прв телефонски разговор.

Откако му ја честиташе изборната победа на Барнам, Џинпинг порача дека Кина и Велика Британија „негуваат сеопфатно стратешко партнерство“.

– И покрај тоа што имаат различни социјални системи и национални услови, Кина и Велика Британија имаат повеќе заеднички интереси отколку несогласувања. Двете страни треба да се почитуваат и да си веруваат меѓусебно, да ги надминат несогласувањата, да најдат заеднички јазик и да ја прошират агендата на заемно корисна соработка – рекол кинескиот претседател, пренесе портпаролката на кинеското Министерство за надворешни работи, Мао Нинг.

Џинпинг претходно оваа година во Пекинг беше домаќин на претходниот британски премиер Кир Стармер, кој рече дека билатералните односи се „од витално значење“. Посетата на Стармер беше прва посета на британски премиер на Кина од 2018 година.

Велика Британија беше „првата голема западна земја што го призна“ Пекинг во 1950 година, а двете страни ги унапредија односите во „сеопфатно стратешко партнерство“ во мај 2004 година.

Со годишна билатерална трговска размена која лани  достигна 134,7 милијарди фунти (182 милијарди долари), двете страни воспоставија и механизми за дијалог на високо ниво, вклучувајќи ги Годишната средба на премиерите, Економскиот и финансискиот дијалог, Стратешкиот дијалог и Дијалогот на високо ниво за размена меѓу луѓето.

The post КИНА ЈА ПОВИКА ВЕЛИКА БРИТАНИЈА НА ПОГОЛЕМА СОРАБОТКА Џинпинг го повика Барнам државите да ги надминат несогласувањата appeared first on plusinfo.mk.