Три девојки се повредени во сообраќајна несреќа што се случила денеска околу 14:20 часот на автопатот Скопје–Велес, на мостот по наплатната станица Сопот.

Според информациите од МВР, патничко возило „опел“ со велешки регистарски ознаки, управувано од 19-годишната Л.Ќ. од Велес, се превртело на коловозот.

Во несреќата повредени се возачката Л.Ќ., како и нејзините сопатнички Е.Ш. (20) и Т.Т. (17), двете исто така од Велес.

Сите три лица биле пренесени во Општата болница во Велес, каде им биле констатирани телесни повреди.

За случајот бил известен јавен обвинител, а увид на местото извршила екипа од СВР Велес.

The post ТРИ МЛАДИ ДЕВОЈКИ ПОВРЕДЕНИ ВО НЕСРЕЌА КАЈ СОПОТ Автомобил се преврте на автопатот Скопје–Велес appeared first on plusinfo.mk.

Екипите на „Македонија Пат“ вечерва околу 21 часот ги расчистија двата поголеми одрони од карпи на автопатот Скопје-Велес, на локација кај манастирите и на потпорниот ѕид на Тунелот кај Башино Село на влезот во Велес.

Подружицата на „Македонија пат“ Петровец вечерва работеа на расчистување на одроните од карпи, предизвикани од поројните дождови доцна попладнево.

Тие посочија дека додека траело расчистувањето на карпите, екипи на МВР го регулирале сообраќајот на двете коловозни ленти од автопатот Скопје-Велес.

Екипите на „Македонија Пат“ го отстраниле и паднатото дрво на левата коловозна лента пред велешката патарина Сопот, од автопатот Скопје-Велес.

Поради невремето што зафати повеќе региони во земјата, од 20:40 часот патниот правец Кочани – Виница – село Смојмирово е во прекин поради голема количина вода насобрана на коловозната лента и затворени испусни канали кај објектите на фирмите „Леда вин“ и „Ирибов“.

Сообраќајот е пренасочен преку селата Зрновци, Јакимово и Истибања.

The post ОТСТРАНЕТО Е ПАДНАТОТО ДРВО КАЈ СОПОТ Расчистени се одроните од карпи на автопатот Скопје-Велес appeared first on plusinfo.mk.

Денеска во СВР Велес било пријавено дека ноќеска околу 00.06 часот на автопатот Скопје – Велес, на наплатна станица Сопот, патничко возило „опел” со велешки регистарски ознаки, управувано од А.Д.(41) од Велес, удрило во столб од наплатната станица, информираше Министерството за внатрешни работи (МВР).

„Во несреќата со тешки телесни повреди се здобил Л.М.(41) од Велес, сопатник во возилото, а со телесни повреди се здобил возачот, констатирани во болницата во Велес. По овластување на јавен обвинител, увид на местото извршила увидна екипа од СВР Велес“, наведено е во соопштението.

The post СО ВОЗИЛО СЕ ЗАБИЛ ВО СТОЛБОТ ПРЕД ПАТАРИНАТА Двајца повредени на автопатот Скопје-Велес appeared first on plusinfo.mk.

Патниот правец од наплатаната станица Сопот према Гевгелија од 17:35 часот е повторно нормализиран кај крстосница Башино село, информираше АМСМ. Кон 16 часот попладнево на наплатната рампа кај Башино Село над Велес се случи сообраќајка, а сообраќајот беше пренасочен низ градот Велес.

Како што информира за МИА д-р Ќами Амзиу од Службата за брза помош од Велес, кој прв со медицинска екипа бил повикан на местото на настанот, во несреќата има тројца повредени, семејство од кое 43 годишната ќерка, возач има полесни повреди, а со потешки телесни повреди се здобиле нејзините татко кој бил совозач и мајката која седела назад. Сите повредени се вон животна опасност.

Тие по укажаната прва помош веднаш со медицинско возило се препратени на понатамошно лекување во Ургентниот центар на велешката Општа болница.

Повредената  73-годишна жена М.И. од Гевгелија од сообраќајката кај Башино Село кај Велес попладнево по приемот во велешката Општа болница и направени снимања поради сериозноста на повредите – скршеници на натколеница вечерва со возило на Итна помош е   препратена на понатамошно лекување во Скопските клиники. Таа е вон животна опасност, информира за МИА Марина Андова портпарол на ЈЗУ Општа болница Велес.

The post ТРОЈЦА ПОВРЕДЕНИ ВО СООБРАЌАЈКАТА КАЈ БАШИНО СЕЛО Татко, мајка и ќерка биле пренесени во Општата болница во Велес appeared first on plusinfo.mk.

Поради сообраќајна несреќа, од 16:10 часот се пренасочува сообраќајот на автопатот од наплатна станица Сопот кон Гевгелија, кај крстосница Башино село.

The post СООБРАЌАЈКА КАЈ ПАТАРИНАТА СОПОТ Возилата се пренасочуваат низ Велес appeared first on plusinfo.mk.

„Организираната група НН лица во подолг временски период заклучно со 06.11.2023 година, ги сториле наведените кривични дела со узурпација и градба на градежна парцела, државно земјоделско земјиште КП бр.963 КО Сопот, запишана во Имотен лист бр. 117 и на истата покрај узурпација, изградиле објект со функција Музеј – Меморијален центар“, информира денеска во соопштение Општина Куманово.

Кривичната пријава, заедно со сите обезбедени наводи и докази со кои Општината располага, е поднесена до Основно јавно обвинителство за гонење на организиран криминал и корупција, Основно јавно обвинителство Куманово и МВР-СВР Куманово, за нивно понатамошно поставување.

ИЗБРАВМЕ АЛБАНЦИТЕ ДА БИДАТ ГОСПОДАРИ ВО МАКЕДОНИЈА Ахмети го отвори музејот на УЧК во кумановско Сопот – „Голема Албанија“ е изгравирана на мермер, изложени се фотографии од борците

The post КРИВИЧНА ПРИЈАВА ЗА „ГРАДИТЕЛИТЕ“ НА МУЗЕЈ НА УЧК ВО СОПОТ Општина Куманово достави документација до надлежните обвинителства и до МВР appeared first on plusinfo.mk.

За музејот, пак, вчера со став се јави и министерот Бујар Османи кој рече дека објектот бил на приватен имот, а Али Ахмети бил само гостин.

Фатмир Лимани ја критикуваше и ДУИ дека за секој предизборен циклус ја злоупотребува темата за воениот конфликт и УЧК.

– Дали знамето во рацете на граѓанинот што се вееше на приемот на премиерот Албин Курти во Тетово беше приватна сопственост? Ако беше така (значи старо 145 години), зошто цела Влада и порталите што им служат на СДСМ и на ДУИ станаа и го обвинија Билал Касами дека е виновен за поттикнување меѓуетничка омраза? Зошто беа поднесени тужби против градоначалниците на општините Чаир и Тетово, а тие случаи не се сметаа за дела кои припаѓаат на минатото и историја? Ова докажува дека нашата држава се води врз основа на двојни закони кои ги третираат граѓаните со различни стандарди – рече Лимани.

The post ПЛОЧАТА СО „ГОЛЕМА АЛБАНИЈА“ ВО СОПОТ Е СТАРА 145 ГОДИНИ, А ЗНАМЕТО ВО ТЕТОВО НЕ Е? Фрчат критики од Беса кон Ковачевски appeared first on plusinfo.mk.

– Прво не се работи за музеј на УЧК, како што беше претставен, туку музеј којшто одбележува настан од 1944 година кога се убиени селани од Сопот, а господинот Ахмети беше таму како поканет гостин, така што сите прашања треба да ги упатите до организаторите. Како што велат тие, станува збор за семејно земјиште, семејството тоа го изградило за да ги одбележи соселаните, но ние немаме никаков удел во тоа, таму бевме поканети – се правдаше денеска Османи.

Но, новинарите не му останаа должни и го прашаа: Зошто тогаш целиот музеј е со иконографија на УЧК?

– Тоа е музеј којшто одбележува убиство на 60-тина селани на Сопот во 1944 меѓутоа беше погрешно претставен како музеј на УЧК – повтори Османи.

Впечатливо е тоа што во музејот доминира иконографија на УЧК, а не на убиените жители од Сопот. Централно место во музејот зазема кадар на Али Ахмети во униформа на УЧК, како и постери од Адем и Исмет Јашари и знамиња со амблемот на УЧК.

Премиерот Димитар Ковачевски вчера изјави дека според негови информации музејот на УЧК е изграден на приватно земјиште.

Кумановскиот градоначалник Максим Димитриевски, пак, по вонредниот инспекциски надзор изјави дека музејот е подигнат на државно земјоделско земјиште и најави кривична одговорност и уривање на објектот.

The post ТОА НЕ Е МУЗЕЈ НА УЧК, АХМЕТИ БЕШЕ САМО ГОСТИН Бујар Османи нè прави слепи при очи? appeared first on plusinfo.mk.

Од пред објектот е останат само каменот на кој била закачена мермерната плоча со спорната карта.

По бурата реакции во јавноста дека преку овој потег може да се предизвикаат меѓуетнички тензии, денеска во музејот стои само каменот без експонат и музејот е затворен.

Викендов во кумановското село Сопот беше отворен музеј во рамки на меморијалниот комплекс кој е посветен на жртвите од нападот во Сопот на 4 ноември 1944 година.

Кумановскиот градоначалник Мартин Димитриевски дека станува збор за дивоградба и најави кривична пријава против градителот кога ќе дознаат кој е, а не изостанува опцијата и музејот да се урне.

The post ЈА СНЕМА ПЛОЧАТА СО „ГОЛЕМА АЛБАНИЈА“ Во Сопот остана само каменот appeared first on plusinfo.mk.

Тој додава дека таа е ставена на приватен имот, не било побарано никаква дозвола од Општина Куманово и таквата карта ги отсликува односите на Балканот и ја има во секоја држава во регионот.

– Сметам дека она што ние го имаме како општество воопшто не ги прави релевантни таквите мапи. После 2001 година и по влегувањето во НАТО, ние имаме други релевантни мапи, а тоа се мапите на НАТО и наскоро мапата на Европа. Сè друго е задоцнето – изјави Ковачевски.

Лидерот на ДУИ Али Ахмети викендов во Сопот отвори музеј во кој главен експонат е знаме со карта на „Голема Албанија“ со делови на Македонија, Србија и Грција. Истата карта е изгравирана и на мермерна плоча пред влезот на самиот објект.

The post МАПИТЕ СО „ГОЛЕМА АЛБАНИЈА“ СЕ ЗАДОЦНЕТИ 145 ГОДИНИ Ковачевски вели дека секоја земја на Балканот си има таква своја карта appeared first on plusinfo.mk.