Лидерот на ВМРО-ДПМНЕ, Христијан Мицкоски, на народниот митинг во општина Сопиште во рамки на изборната кампања за локалните избори 2025 со слоган „Вистинскиот избор! Твојот човек! Твоето место! Твојата иднина!“, остро ја критикуваше состојбата во судството и обвинителството, нарекувајќи ги „последните бастиони на власта на СДСМ и ДУИ“.

– Многу ме прашуваат изминатиов период, зошто и како не правиме реформи во судството и обвинителството. Тоа е нешто што за сите нас претставува болка, бидејќи тие институции се уште се последните бастиони во одбрана на претходната влада – изјави Мицкоски, додавајќи дека бројни пријави од надлежните институции не се процесуираат, туку „се држат во фиока“.

Тој најави дека по локалните избори, реформите во правосудниот систем ќе станат приоритет.

– После овие локални избори, ќе се навратиме и на таа тема – рече Мицкоски.

Во своето обраќање, Мицкоски порача дека „моментот што го чекале генерации е пред нас“ и дека е време за ресет на системот и изградба на држава на правда, слобода и грижа за секого.

– Судството мора да биде непристрасно и непокорливо, со судии кои судат според законот, а не според влијанија. Правдата не смее да биде привилегија на малкумина, туку право на секој граѓанин – брза, достапна и ефикасна – нагласи Мицкоски.

Тој додаде дека ќе постават јасни правила, транспарентни процеси и нулта толеранција кон корупцијата, која, како што рече, „тоне животи и ја кочи промената“.

– Здравствениот систем ќе биде столб на државата со модерни болници, достапни лекови, стручен кадар и превенција што ќе ги штити семејствата, наместо да ги остава ранливите сами да се борат – изјави Мицкоски.

Во завршницата на говорот, тој предупреди дека „кочниците“ во институциите ја гушат државата.

– Не можеме да го чекаме утрото додека ситни и големи кочници ја гушат работата на државата. Тие кочници се вградени во институциите и претставуваат длабока држава во државата – заклучи Мицкоски.

The post МИЦКОСКИ НАЈАВИ РЕФОРМИ И „РЕСЕТ“ НА СИСТЕМОТ Премиерот порача дека правдата ќе биде достапна за сите appeared first on plusinfo.mk.

Мицевски им се заблагодари на Мицкоски и на граѓаните за присуството, велејќи дека настанот е потврда за континуитетот, визијата и идејата за развој на модерна и урбана Општина Сопиште.

„Благодарност до Вас граѓаните на општината. Ние сме победничкиот тим, ние ќе победиме, заедно со победничката советничка листа и носителот Јасмина Паметковска, заедно со Вас граѓаните. Општина Сопиште ќе биде во сигурни раце!“, напиша Мицевски во врска со промоцијата.

The post „СО МИЦЕВСКИ ЌЕ ИЗГРАДИМЕ СОПИШТЕ КАКВО ШТО СИТЕ ПОСАКУВАМЕ“ Мицкоски присуствуваше на промоцијата на кандидатот на ВМРО-ДПМНЕ appeared first on plusinfo.mk.

Без струја денеска од 08.00 до 16.00 часот ќе останат корисниците од селата Долно Соње, Ракотинци, Чифлик, Говрлево, Виничиште и Добри Дол, како и дел од корисниците од населба Сопиште.

Од ЕВН Македонија АД информираа дека во истиот период струја ќе немаат и објектите на Хербаленд, Механографија, Мобимак во село Горно Соње, ОНЕ во село Света Петка и ТС Гемиџии, во општина Сопиште.

The post НЕКОЛКУ СКОПСКИ СЕЛА ДЕНЕСКА БЕЗ СТРУЈА Прекинот ќе трае до 16 часот appeared first on plusinfo.mk.

Затворен е патот кон Теферич на Водно поради свлечиште, информираше Општината Кисела Вода.

„Сакаме да ве информираме дека поради новонастанатата ситуација на патот кон Теферич (улица Мариовска), кој тоне и на дел од конструкцијата се појавени пукнатини, тој е затворен за сообраќај, од безбедносни причини. Ќе биде затворен до отстранување на проблемот. Ги замолуваме граѓаните за трпение и за користење алтернативни патишта, сè до изнаоѓање на решение за надминување на оваа ситуација“, соопшти Општина Кисела Вода.

The post ТОНЕ ПАТОТ КОН ТЕФЕРИЧ, ОПАСЕН Е ЗА ВОЗАЧИТЕ Ќе биде затворен за сообраќај, да се користат алтернативни патишта appeared first on plusinfo.mk.

Во рок од само два дена, две православни цркви на територијата на Скопје беа мета на крадци. Грабежите се случиле со употреба на физичка сила и со погоден алат, а од едната црква, освен разни предмети, е однесено и ѕвоното од камбанаријата.

Првиот случај бил пријавен утрото на 19 мај во 09 часот, во Секторот за внатрешни работи Скопје. Според пријавата, непознати сторители во периодот меѓу 18 и 19 мај, упаднале во дворен објект на црква во селото Сопиште. Со насилно отворање и користење на погоден алат, од објектот се одземени повеќе предмети, меѓу кои и црковното ѕвоно – симболот на духовниот повик, кој со години ги повикуваше верниците в црква.

Само еден ден подоцна, на 20 мај, уште една кражба била пријавена – овојпат од црква во централното градско подрачје на Скопје. Пријавата во полиција стигнала во 10 часот, а според информациите, кражбата се случила на 18 мај во попладневните часови, помеѓу 17 и 17:45 часот. И во овој случај, крадците употребиле сила и алатки за да влезат во објект во кругот на црквата, од каде одзеле вреден предмет, за кој не се наведува што точно е украдено.

Во двата случаи, СВР Скопје соопшти дека се преземаат мерки за целосно расчистување на случаите и пронаоѓање на сторителите. Од полицијата не откриваат дали двете кражби се поврзани, но временската и методската сличност отвора сомнеж дека станува збор за организирана група која целно ги избира црковните објекти.

The post ОГРАБЕНИ СЕ ДВЕ ЦРКВИ ВО СКОПЈЕ Украдено е ѕвоното од црквата во Сопиште appeared first on plusinfo.mk.

Основното јавно обвинителство Скопје поднесе обвинение против 37-годишен жител на главниот град за тешко кривично дело – полов напад и силување, за што му се заканува сериозна казна затвор.

Според истрагата, нападот се случил вечерта на 21 февруари годинава, на паркинг во населеното место Сопиште, каде што осомничениот со употреба на сила и спротивно на јасно изразената волја на жената, ја принудил на полов однос.

Како што се наведува во обвинителниот акт, мажот најпрво почнал да ја допира без нејзина согласност, а кога таа се спротивставила, станал насилен. Ја удирал со тупаници, боксови, па дури и со нога во лицето, предизвикувајќи и сериозни телесни повреди – подливи, нагмечувања, како и скршеница на носните коски.

И покрај тоа што жртвата му кажала дека не сака да има ништо со него и се обидувала да се одбрани, осомничениот продолжил со нападот, ја соблекол и ја присилил на полов однос во возилото.

Јавниот обвинител, заедно со обвинението, до Кривичниот суд достави и предлог за продолжување на веќе определената мерка притвор, сметајќи дека постои ризик обвинетиот да избега или да влијае врз сведоци и жртвата.

The post ХОРОР НА ПАРКИНГ ВО СОПИШТЕ Ја удирал со боксови и со нога во лице, па ја силувал appeared first on plusinfo.mk.

Општина Сопиште денеска била домаќин на иницијативата „Каде што срцето е дома“, во рамки на која министерот за локална самоуправа, Златко Перински, заедно со неговиот заменик, Ерџан Селими, оствариле работна средба со градоначалникот Стефче Трпковски и со членовите на општинскиот Совет.

На средбата, како што соопштија од Министерството за локална самоуправа, се отвориле повеќе прашања од значење за граѓаните на Сопиште, општина составена од 12 населени места со различни, но еднакво важни потреби.

Посебен акцент бил ставен на подобрувањето на патната инфраструктура, обезбедувањето на стабилно и квалитетно водоснабдување, а на средбата се разговарало и за измените на Законот за локална самоуправа, кои значително ќе придонесат за поефикасни локални самоуправи.

„Министерот и градоначалникот заеднички ја истакнаа важноста од координирана соработка меѓу централната и локалната власт како клучен предуслов за долгорочен и одржлив развој. И двајцата беа согласни дека преку ефективни решенија, приспособени на реалните потреби на жителите, се гради стабилна основа за подобар животен стандард, а кога има визија и соработка, резултатите и напредокот се неизбежни“, се вели во соопштението од Министерството.

Токму со поддршка од централната власт, се додава, преку првиот владин повик за финансирање на општински инфраструктурни проекти, Општина Сопиште веќе реконструираше улици во населено место Варвара, Сопиште и две улици во Ракотинци, а во завршна фаза се и реконструкциите на улици во Долно Соње и Држилово. Во текот на неделава, Општината планира да достави пет апликации на вториот владин повик.

Министерот Перински посочил дека Министерството активно работи на воспоставување на Ресурсен центар за поддршка на развојот на општините, нов концепт кој ќе понуди стручна, административна и техничка поддршка, а ќе придонесе и за побрза и поефикасна реализација на развојни проекти на локално ниво.

Иницијативата „Каде што срцето е дома“ продолжува да го зајакнува дијалогот меѓу институциите, создавајќи услови за модерни, функционални и европски општини – со подобри услуги, подобра инфраструктура и подобар живот за сите граѓани.

The post СОРАБОТКАТА Е ДВИГАТЕЛ НА ЛОКАЛНИОТ РАЗВОЈ Перински на гости во Сопиште appeared first on plusinfo.mk.

Автобус на ЈСП со број 58 денеска се запали во Општина Сопиште.

Засега нема детали и не е позната причината за запалувањето на автобусот.

На теренот веднаш излегле екипи од противпожарната бригада.

Според последните информации, пожарот е изгаснат и нема повредени лица.

The post 📷 УЖАС ВО СОПИШТЕ Гори автобус на ЈСП appeared first on plusinfo.mk.

Снежната покривка во општина Сопиште достигна висина од над 25 сантиметри, додека на планинските села таа надмина 50 сантиметри. За да се обезбеди проодност на патиштата, сите главни правци до населените места се исчистени и проодни, вклучувајќи ги и локалните улици и нивните краци.

На терен работат 3 специјални возила за чистење снег, како и три багери, кои редовно ги одржуваат патиштата во добра состојба и безбедно движење на возилата.

– Снег има до половина метар, но без проблем се стасува до Долно Соње, па и до планинското село Држилово. Секоја чест за општинарите. Вака навистина можеме да уживаме во снежната идила – велат жители на Сопиште.

Чистењето се одвивало од 2 часот рано утрото, а патните правци во текот на денот се одржуваа во интервали од 2 до 3 часа.

The post 📷 СОПИШТЕ УЖИВА ВО СНЕЖНАТА ИДИЛА СО 25 САНТИМЕТРИ СНЕГ Проодни се патиштата и до планинските села appeared first on plusinfo.mk.

Тројцата соизвршители, на 9 август предизвикале пожар на шумско земјиште во државна сопственост, во месноста викана Дупки, во атарот на селото Патишка Река, општина Сопиште. Со запалива течност – моторно масло и бензин полеале и запалиле нискостеблеста шума и суви треви, предизвикувајќи општа опасност за животот и телото на луѓето и за имот од големи размери.

Осомничените ги забележал и ги пријавил очевидец.  Тие користеле запалка да го потпалат огнот. Кај нив биле најдени повеќе литри запалива течност. Пожарот зафатил и дел од ловиштето парк Јасен, а го гаснеле пожарникарски екипи.

Таткото и двајцата сина издржуваат мерка осумдневен притвор која им ја одреди судот бидејќи предметот се води по скратена постапка.

ТАТКО И ДВА СИНА ВО ПРИТВОР ПОРАДИ ПОЖАРОТ КАЈ ПАТИШКА РЕКА Ги пријавил очевидец, фатени со запалива течност

The post ОЈО ПОДНЕСЕ ОБВИНЕНИЕ ЗА ТATKOТО И ДВАЈЦАТА СИНОВИ КОИ ПОТПАЛИЈА ШУМА Предизвикале пожар во атарот на село Патишка Река appeared first on plusinfo.mk.