сопирачки Archives - plusinfo.mk

ОТКАЖАЛЕ СОПИРАЧКИТЕ Се испитува „мајбахот“ во кој се возел Абазовиќ

плусинфо — Sat, 05 Aug 2023 10:20:07 +0000

Надлежните утврдуваат зошто одеднаш откажале сопирачките на државниот „мерцедес“ во кој се возел премиерот на Црна Гора, Дритан Абазовиќ, соопштија од Министерството за внатрешни работи (МУП) за „Вијести“.

Според информациите на весникот, системот за сопирање на службеното возило целосно престанал да работи додека Абазовиќ бил на Обзовица, педесетина метри пред големата удолница. Инцидентот се случил на 31 јули, а Абазовиќ во тоа време бил во официјална посета на Тиват. Според неофицијални информации, во автомобилот немало никакви предупредувања – на контролната табла.

Откако возилото застанало на макадам покрај патот, Абазовиќ од придружба влегол во друг автомобил и оттогаш користи друго службено возило.

Од МУП велат дека досегашните контроли укажуваат дека се работи за дефект поради староста и значителната километража што возилото ја поминало, но потенцираат дека првиот човек на таа институција и сопартиецот на Абазовиќ, Филип Аџиќ иницирал вонреден надзор од страна на Управата за безбедносни надзорни задачи, „за утврдување на причините и околностите под кои се случил овој настан“.

Оттаму објаснуваат дека 12 години е просечна старост на службените моторни возила, кои се користат во рамките на Одделението за обезбедување на домашни заштитени лица со цел да се извршат работи за заштита на безбедноста на заштитените лица.

The post ОТКАЖАЛЕ СОПИРАЧКИТЕ Се испитува „мајбахот“ во кој се возел Абазовиќ appeared first on plusinfo.mk.

НЕМАЛЕ ИСПРАВНИ СОПИРАЧКИ, ВОЛАНИ, ЛИЦЕНЦИ Од сообраќај се исклучени 60 возила кои превезувале патници (ФОТО+ВИДЕО)

плусинфо — Thu, 20 Jan 2022 15:45:30 +0000

Денеска (20.01.2022) во периодот од 08.00 до 12.00 часот Министерството за внатрешни работи во рамки на оперативната акција „Дозвола“ спроведе зајакната акциска контрола на територијата на Република Северна Македонија на возила со кои се врши јавен превоз на патници, соопшти денеска портпаролот на МВР Тони Ангеловски.

– Контролирани се 576 автобуси и други возила со кои се врши јавен превоз, а неисправност е утврдена кај 60 возила. Од нив 21 на територија на СВР Тетово, 11 на територија на СВР Штип, девет на територија на СВР Струмица, осум на територија на СВР Скопје… Од овие 60 возила, кај 42 е утврден неисправен уред за запирање, кај пет неисправен уред за управување… Возилата се исклучени од сообраќај и ќе следуваат соодветни поднесоци – рече Ангеловски

Од страна на инспектори на Државен инспекторат за патен сообраќај и инспектори од единиците на локална самоуправа ( кои исто така учествуваа во акциската контрола) преземени се 18 мерки поради вршење на јавен превоз без лиценца.

– Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта – рече Ангеловски.

The post НЕМАЛЕ ИСПРАВНИ СОПИРАЧКИ, ВОЛАНИ, ЛИЦЕНЦИ Од сообраќај се исклучени 60 возила кои превезувале патници (ФОТО+ВИДЕО) appeared first on plusinfo.mk.

БЕЗ ИСПРАВНИ СОПИРАЧКИ ПРЕВЕЗУВАЛЕ ПАТНИЦИ МВР во акција во Битола и во Прилеп

плусинфо — Wed, 12 Jan 2022 17:52:59 +0000

Полициски службеници од СВР Битола денеска од 8 до 14 часот спровеле акциска контрола на возила кои вршат јавен превоз на патници. При контролата биле откриени и санкционирани пет возила со неисправни сопирачки, кои веднаш се исклучени од сообраќајот, а изготвени се и соодветни поднесоци.

Како што соопшти МВР, четири возила се на територија на Битола и едно возило на територија на Прилеп.

„Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта“, се наведува во соопштението од МВР.

The post БЕЗ ИСПРАВНИ СОПИРАЧКИ ПРЕВЕЗУВАЛЕ ПАТНИЦИ МВР во акција во Битола и во Прилеп appeared first on plusinfo.mk.