Лагите на СДСМ одат на негова штета и нема да ја сокријат одговорноста на кадрите на СДСМ, на ДУИ и на Таравари во Гостивар, пишува во денешното соопштение на ВМРО-ДПМНЕ.

„СДСМ и Венко Филипче со лаги не можат да ја сокријат одговорноста на нивните кадри во Гостивар. Конструкциите, лагите и манипулациите на Венко Филипче и СДСМ за состојбите во Гостивар не можат да ја сокријат вината и неспособноста на нивните кадри во Гостивар.

СДСМ и Филипче покажаа елементарно непознавање на тоа како функционира системот и кој за што е надлежен, барајќи одговорност на погрешна адреса.

Фактите се јасни. Контролата на квалитетот на водата е во надлежност на локалните институции. Во Гостивар локалната власт ја предводат кадри поддржани од СДСМ, ДУИ и Арбен Таравари. Градоначалникот Валбон Лимани е нивен избор и нивна политичка одговорност.

Наместо да одговорат кој потфрлил таму каде што тие ја имаат локалната власт, СДСМ секојдневно пласира невистини и ја насочува јавноста кон погрешна адреса.

Додека надлежните институции и службите работат деноноќно за целосно надминување на состојбата со водоснабдувањето во Гостивар, СДСМ и Венко Филипче продолжуваат со старата пракса, политиканство, манипулации и обид за собирање евтини политички поени врз грбот на граѓаните.

Затоа, ако навистина бараат одговорност, нека почнат од сопствените редови. Наместо прес-конференции со обвинувања, нека им објаснат на граѓаните што направиле и зошто дошло до оваа состојба.

Институциите остануваат целосно посветени на решавање на проблемот. Веќе е обезбедена технички исправна вода за лична и домашна хигиена, а согласно проценките на надлежните служби, во најбрз можен рок се очекува да биде обезбедена и безбедна вода за пиење во Гостивар“ – се вели во соопштението од Центарот за комуникации на ВМРО-ДПМНЕ.

The post СДСМ И ФИЛИПЧЕ ПОКАЖАА ЕЛЕМЕНТАРНО НЕПОЗНАВАЊЕ КАКО ФУНКЦИОНИРА СИСТЕМОТ Контролата на квалитетот на водата е во надлежност на локалните институции appeared first on plusinfo.mk.

Валбон Лимани, кандидатот на Венко Филипче, Али Ахмети и Арбен Таравари, покажа дека за него најважно е да ја зачува функцијата, а не довербата на граѓаните. Наместо да излезе пред јавноста со чувство на одговорност и да признае дека како градоначалник ја носи најголемата одговорност за случувањата во Општина Гостивар, тој избра да се огради од скандалот со водата и да порача дека не чувствува никаква морална одговорност – пишува ВМРО-ДПМНЕ во соопштение.

„Токму тоа е суштинската разлика меѓу политичарите кои преземаат одговорност и оние кои секогаш бараат изговори. Кога целиот град е погоден од ваков сериозен проблем, граѓаните не очекуваат оправдувања, туку отчетност. Ако градоначалникот не е одговорен за работата на луѓето што самиот ги поставил да раководат со јавните претпријатија, тогаш кој е?

Дополнително загрижува молкот на СДСМ, ДУИ и на Таравари. Наместо да побараат одговорност од својот кандидат, тие избраа да молчат. Очигледно, кога станува збор за нивни функционер, стандардите се менуваат, а принципите исчезнуваат.

Никој не смее да биде заштитен од политичка или институционална одговорност. Ги повикуваме надлежните институции целосно да го расчистат случајот, без селективност и без политички калкулации.

Граѓаните на Гостивар заслужуваат одговорност, а не ароганција, заслужуваат градоначалник кој ќе стои зад своите одлуки. Оттука, сметаме дека моралната одговорност и политичките последици за Валбон Лимани се неизбежни доколку сака да покаже почит кон граѓаните на Гостивар.

The post ВАЛБОН ЛИМАНИ БЕГА ОД ОДГОВОРНОСТ ЗА СКАНДАЛОТ СО ВОДАТА ВО ГОСТИВАР Го штитат со молчење СДСМ, ДУИ и Таравари appeared first on plusinfo.mk.

„Апелирам да ги мобилизираме што повеќе членовите и да му дадеме поддршка на Валбон“, го повикуваше Венко Филипче, членството на СДСМ во Гостивар да даде поддршка за кандидатот Валбон Лимани за градоначалник на минатите локални избори, се наведува во соопштението со кое ВМРО-ДПМНЕ реагира на појавата на масовно труење на граѓаните на Гостивар, кое според МВР, е резултат на загадена вода во градскиот водовор.

„Неспособноста на ваквите кадри поддржани од СДСМ и Венко Филипче, станува опасна по животот и здравјето на македонските граѓани. Потврда за ова е и последниот случај од Гостивар каде поради нестручно, непрофесионално и неодговорно поставени пумпи на општината и гостиварски „Водовод“ во отпадни води, изминатите дена над 1.000 граѓани се затруле и побарале медицинска помош.

Општинската власт во Гостивар целосно потфрли во своето работење и на граѓаните не успеа да им го обезбеди елементарното право на чиста вода за пиење и тоа во 21 век, кога светот зборува за брз технолошки развој и вештачка интелигенција.

ВМРО-ДПМНЕ бара итно расчистување на случајот и одговорност за сите инволвирани кои несовесно, непрофесионално и неодговорно ги извршувале своите работни активности.

На Македонија и на македонските граѓани потребни им се одговорни лица кои достојно, професионално, одговорно и во нивен интерес ќе ги извршуваат функциите за кои се избрани. Македонските граѓани заслужуваат да ги водат луѓе со интегритет кои ќе се грижат за нивниот живот и здравје, а не луѓе кои поради нивната неодговорност животот им го ставаат во опасност“ – се вели во соопштението од Центарот за комуникации на ВМРО-ДПМНЕ.

The post НЕСПОСОБНОСТА НА КАДРИТЕ ПОДДРЖАНИ ОД СДСМ СТАНУВА ОПАСНА ПО ЖИВОТ Доказ за тоа е случајот во Гостивар appeared first on plusinfo.mk.

Демократското право на глас на иселениците и Изборниот законик, не смеат да бидат жртви на дневнополитички калкулации на СДСМ, Левица и ДУИ – порача ВМРО-ДПМНЕ во соопштение.

„Јавноста во Македонија е сведок на целосна конфузија предизвикана од опозициските партии СДСМ, Левица и ДУИ. Првиот ден седнуваат и се договараат за Изборниот законик, а веќе следниот ден, откако ќе преспијат, го блокираат истиот закон за кој првично постигнале договор. Во јавноста пласираат одредени тези, а зад затворени врати, всушност, преговарале и преговараат за сосема други прашања.

Наместо да учествуваат во носењето на Законот со кој ќе се зголемат демократските права за остварување на уставно загарантираното право на глас, оваа дезориентирана опозиција, сака враќање назад и намалување на правото на глас на дијаспората.

Како ВМРО-ДПМНЕ, им порачуваме на СДСМ, Левица и на ДУИ, како што се договорија да го блокираат, да седнат и да се договорат што сакаат од Изборниот законик, а како владејачко мнозинство ќе прифатиме сѐ што ќе побараат, само да се прошири и унапреди правото на глас и дијаспората да гласа по пошта или електронски. Демократското право на глас на македонските иселеници и Изборниот законик, воопшто, не смеат да бидат жртви на дневнополитички калкулации“ – се вели во соопштението на ВМРО-ДПМНЕ.

The post ИСЕЛЕНИЦИТЕ ИМААТ ДЕМОКРАТСКО ПРАВО НА ГЛАС Тоа не смее да биде жртва на калкулаците на СДСМ, Левица и на ДУИ appeared first on plusinfo.mk.

Македонско друштво „Илинден“ – Тирана во соопштение за јавноста ги осудува сите обиди за одземање на правото на глас на Македонците кои живеат надвор од Македонија.

Здружениетео оценува дека таквиот потег е неприфатлив и претставува израз на длабоко непочитување кон Македонците во дијаспората.

„Ние, Македонците надвор од Македонија, сакаме активно да учествуваме во градењето на слободна, демократска и просперитетна држава. Правото на глас ни припаѓа, пред сè, поради нашето потекло, грижата за татковината и нераскинливата врска што ја имаме со Македонија“, се вели во соопштението.

Во соопштението на „Илинден“-Тирана се додава дека Македонците надвор од Македонија се важен партнер на својата татковина и интегрален дел од нејзиниот развој.

„Нашиот придонес е особено значаен во надворешната политика, економијата, културата и во промоцијата на Македонија во светот. Поради тоа, Македонците надвор од Македонија мора да продолжат да го уживаат своето уставно и демократско право на глас“ – се нагласува понатаму во соопштението потпишано од претседателот Никола Ѓурѓај.

Друштвото ги повикува сите политички субјекти во Македонија да покажат почит и јасна заложба кон Македонците во дијаспората, со единствена цел – заеднички напредок и посилна Македонија.

The post МАКЕДОНЦИТЕ НАДВОР ОД МАКЕДОНИЈА НЕ ПРИФАЌААТ ДА ИМ СЕ ОДЗЕМЕ ПРАВОТО НА ГЛАС Реакција на Македонско друштво „Илинден“ – Тирана appeared first on plusinfo.mk.

Левица и Димитар Апасиев докажаа дека нивните зборови не вредат ништо кога ќе дојде време да се преземе одговорност. Апасиев повторно го погази зборот, алчни само за пари Левица го блокираат Изборниот законик – пишува ВМРО-ДПМНЕ во соопштение.

„Иако со консенсуз од сите политички партии беше прифатено она што Димитар Апасиев и Левица го бараа, а тоа е повеќе пари за финансирање на кампањата од Буџетот, квазилевичарите денес тој договор го поништуваат.

Левица со денови јавно зборува за принципи, демократија и една изборна единица, а кога на маса беше ставен договор во кој беа прифатени нивните барања, решија да го блокираат процесот и Изборниот законик.

Левица на чело со Апасиев потврди дека нивната политика не се темели на принципи, туку на дневен политички маркетинг и пресметана конфронтација. Левица избра да прави политички театар. И вештачки кризи со цел да соберат политички поен плус наместо напредок, реформи и современ и функционален Изборен законик.

Левица избра да се служи со провиден политички маневр иако фактите се јасни, беше постигнат широк политички консензус и беа прифатени решенија кои ги бараше и Левица. Левица избега од договореното, Апасиев се повлече и одлучи да го блокираат процесот. Граѓаните на дело го видоа лицемерието и двојните стандарди на Апасиев и Левица.

Единствено што му е важно на Апасиев се повеќе пари, Апасиев едно зборува пред камерите, друго прави зад затворени врати глумејќи тврдокорен. Левица нуди само популизам. Левица нема решенија, Апасиев нуди само блокади.

На Македонија ѝ се потребни институции што функционираат и политичари што стојат зад својот збор, а не политички претстави и евтини маневри како тие на Апасиев и Левица кои заедно со Венко Заев и СДС ги кочат реформите.

Граѓаните не им веруваат на квази политичари кои ги интересираат само сопствени интереси и пари, впрочем за тоа говорат и анкетите каде СДСМ и Левица ја губат поддршката од народот“ – пишува ВМРО-ДПМНЕ во сооопштение.

The post ПОРАДИ АЛЧНОСТА ЗА ПАРИ АПАСИЕВ ГО БЛОКИРА ИЗБОРНИОТ ЗАКОНИК Не му се важни реформите appeared first on plusinfo.mk.

Игор Ивановски, човекот кој денес се претставува како голем реформатор и носител на „Платформата за иднината на Мицкоски“, беше Генерален Секретар на СДСМ, потпретседател на СДСМ, а на последните парламентарни избори во 2024 година, кога партијата ја загуби власта, беше шеф на тимот кој ја пишуваше програмата и го подготвуваше програмскиот конгрес, заедно со својот близок соработник Андреј Петров – пишува СДСМ во соопштение.

„Други учесници во оваа таканаречена „платформа“ беа членови на Извршниот одбор и шефови на изборни штабови во првата изборна единица во 2024 година. Сега, истите тие луѓе кои беа дел од раководството и кои ја креираа програмата со која се изгубија изборите, се јавуваат како спасители на СДСМ и бараат реформи – но не од внатре, туку преку притисок однадвор, со вклучување на членови од други партии.

Особено е апсурдно кога во оваа „платформа“ се појавува и Славјанка Петровска – кој во 2024 година беше носител на листа и министерка во владата на СДСМ. Тогаш кога рејтингот е полош, за тоа е крив некој друг, а таа сега ќе прави реформи?

Во 2024 година имаше внатрепартиски избори. Во 2025 година повторно имаше. Зошто Ивановски, тогаш не направи своја реформска програма и не се кандидира против председателот Венко Филипче, кој победи со 18.000 гласови? Зошто не побара доверба од членството на СДСМ кога имаше шанса и кога беше на високи позиции во партијата?

Затоа што оваа „платформа“ не е за реформи во СДСМ. Да сакаа вистински да помогнат на СДСМ, ќе ги прифатеа повиците и понудите од Претсесателот Филипче да се приклучат и да работат за јакнење на органите на партијата.

Оваа платформа е ЗНАМ 2.0 – проект на Мицкоски за понатамошно слабеење и делење на опозицијата, по примерот на сестринската партија СНС и Вучиќ. Сега, кога партијата е консолидирана, кога го врати угледот и довербата кај граѓаните, кога рејтингот расте, токму оние што, според нас, ја доведоа партијата до изборен пораз на претходните избори, денес бараат „реформи“?! Реформи за да ја разбијат партијата токму сега, кога таа претставува сериозна закана за ВМРО“ – пишува СДСМ во соопштение.

The post ИГОР ШЕМА, АНДРЕЈ ПЕТРОВ И СЛАВЈАНКА ДА ТИ БИЛЕ ВИНОВНИ ШТО СДСМ ГИ ИЗГУБИ ИЗБОРИТЕ ВО 2024 ГОДИНА Нови смешки во соопштенијата на Бихаќка appeared first on plusinfo.mk.

„Кога луѓе кои со години работеа за СДСМ, како Петар Арсовски, почнуваат да ја продаваат ‘верата за вечера’, тогаш станува јасно дека не станува збор за анализа, туку за позиционирање. Тие не ја предаваат само партијата. Тие ја предаваат идејата“ – пишува СДСМ во соопштение, со кое ги навредува учесниците на неодамна промовираната Платформа „Разговори за иднината 12.05“.

„Наместо заедно со СДСМ и Фронтот за вистина и правда да се борат против корупцијата и заробената држава, тие сега работат на платформи и наративи кои директно служат на Мицкоски – за слабеење на опозициониот блок.

Сите овие кои денес се претставуваат како „независни аналитичари” или „нови гласови”, всушност се дел од истата машинерија која работи против Фронтот за вистина и правда: дел од партиите, дел од здруженијата, 40 отсто од медиумите во сопственост на Орбан кои работат за ВМРО под диригентската палка на Латас, фарми на тролови, сестрински бот-платформи од СНС, оркестрирани кампањи на социјалните мрежи и обиди за вештачко креирање на „платформи” кои треба да го ослабат СДСМ.

Петар Арсовски е само еден во низата луѓе без морал и без срам“- пишува СДСМ во соопштението.

Непосреден повод за овој напад врз Петар Арсовски е неговата најнова колумна во Дојче Веле под наслов „СДСМ на раскрсница: поделба или нов почеток?“ во кој тој ја нализира појавата на новата иницијатива во опозицијата насловена „Разговори за иднината 12.05“.

The post СДСМ СЕ НАФРЛИ СО НАЈДОЛНИ НАВРЕДИ ВРЗ АНАЛИТИЧАРОТ ПЕТАР АРСОВСКИ „Ја продал верата за вечера“ со колумна!? appeared first on plusinfo.mk.

Од Авалон продукција соопштија дека ја добиле информацијата од семејството на починатиот Владо Јаневски и ја пренесуваат до јавноста.

„Добивме информација од семејството на Владо Јаневски и презедовме обврска истата да ја споделиме со пошироката јавност“, соопштија од продукцијата.

Според објавата, сите кои сакаат да се збогуваат за последен пат со Јаневски ќе можат тоа да го сторат во капелата на Градските гробишта во Бутел, в среда (1 јули) во периодот од 10 до 11 часот.

Погребот ќе се одржи веднаш потоа на Градските гробишта во Бутел.

„Има нешто посилно од сѐ“, стои на крајот од соопштението.

The post ПОСЛЕДНО ЗБОГУВАЊЕ СО ВЛАДО ЈАНЕВСКИ Погребот ќе се одржи в среда на гробиштата во Бутел appeared first on plusinfo.mk.

СДСМ постојано зборува за европски вредности, но кога ќе дојде време да покаже нешто на дело, го нема никаде. Не е проблем ако опозицијата има различно мислење, туку тоа што од СДСМ цело време зборуваат за тие европски вредности и за реформи, а кога ќе дојде време да гласаат за законските решенија во Собранието не гласаат. Не гласаа за ниту едно законско решение, ниту во 2024, ниту во 2025 година – се вели во соопштение на ВМРО-ДПМНЕ.

„Притоа, избегаа од работната група за Изборниот законик, а таа работна група не спроведува никаква партиска агенда, туку има задача да ги имплементира препораките на ОБСЕ и ОДИХР, стандарди кои самата ЕУ ги бара и стандарди за кои од СДСМ велат дека ги сакаат, па сепак бегаат.

Што точно претставува европскиот пат за СДСМ? Имаат ли некоја идеја поинаква од онаа што самата ЕУ ја има?

Не е важно дали се во опозиција или се на власт, луѓе кои ѝ сакаат добро на државата и на граѓаните би ги поддржале законите кои се во нивен интерес. Тоа е минимумот што треба една опозиција да го направи покрај нејзината конструктивност. СДСМ не го исполнува ниту тој минимум.

Неделава беа дополнети Предлог-законот за судска служба, Предлог-законот за јавнообвинителска служба и Предлог-законот за користење на енергија од обновливи извори, а усвоени беа Предлог-законот за високи раководители, како и Предлог-законот за оружје.

Македонија и годинава ќе биде прва во регионот затоа што повторно ќе ги испорача обврските кои и се зададени и ќе ги донесе законите што се дел од Реформската агенда.

Доколку СДСМ продолжи со политиката на здружување со ДУИ и од опозиција се обиде преку опструкции да го забавува реформскиот процес, ВМРО-ДПМНЕ нема да се води од дневнополитички пресметки. Наш приоритет останува исполнувањето на реформската агенда и донесувањето на сите неопходни законски решенија во предвидениот рок“ – се вели во соопштението на ВМРо-ДПМНЕ.

The post СДСМ ПОСТОЈАНО ЗБОРУВА ЗА ЕВРОПСКИ ВРЕДНОСТИ, НО КАДЕ Е КОГА СЕ ГЛАСА? Не поддржа ниту еден закон од реформската агенда appeared first on plusinfo.mk.