По повеќегодишен застој поради нерешени имотно-правни односи, изградбата на клучката „Момин Поток“ повторно се одвива со засилена динамика, информираше градоначалникот на Скопје, Орце Ѓорѓиевски, кој изврши увид во тековните градежни активности.

Ѓорѓиевски истакна дека веднаш по преземањето на функцијата биле преземени конкретни чекори за надминување на долгогодишните пречки што го блокирале овој капитален инфраструктурен проект.

– Уште од првиот ден силно се заложивме да ги решиме проблемите што со години ја блокираа изградбата на клучката „Момин Поток“. Денес, на терен се гледаат конкретни резултати и проектот конечно напредува со динамиката што ја заслужува – изјави Ѓорѓиевски.

Во рамки на градежните работи веќе е поставен нов асфалт на коловозните ленти за влез во Скопје, а по целосното расчистување на трасата ќе продолжи изградбата и на коловозните ленти во правец кон булеварот Словенија.

Паралелно се реализира изградбата на три моста. Во моментов се урива стариот дел од мостот над реката Серава, додека првиот дел од новиот мост е веќе изграден. Во следната фаза ќе продолжи неговото целосно комплетирање.

 

View this post on Instagram

 

A post shared by Plusinfo.mk (@plusinfo.mk)

Истовремено се гради и нова атмосферска канализација, која треба да обезбеди поефикасно одведување на атмосферските води во овој дел од градот.

Според градоначалникот, по завршувањето на проектот значително ќе се подобри протокот на сообраќајот на една од најоптоварените сообраќајни точки во главниот град.

– По долгогодишниот застој, денес на терен се гледа напредок. Продолжуваме посветено, затоа што пред Скопје се уште многу големи инфраструктурни проекти – порача Ѓорѓиевски.

Со целосната реализација на клучката „Момин Поток“ се очекува значително растоварување на сообраќајот, побрзо и побезбедно движење на возилата и современо сообраќајно решение за овој дел од Скопје.

The post 📽️ ПО ДОЛГОГОДИШЕН ЗАСТОЈ, „МОМИН ПОТОК“ ЗАБРЗАНО СЕ ГРАДИ На терен веќе се гледаат конкретни резултати, вели Ѓорѓиевски appeared first on plusinfo.mk.

Возачите кои летово патуваат во Грција треба да бидат особено внимателни, бидејќи грчката полиција сè почесто користи необележани службени возила опремени со современа технологија за откривање на сообраќајни прекршоци.

Како и голем број европски држави, грчките полициски власти вложуваат во користење возила без полициски ознаки, со цел полесно да ги откриваат возачите кои ги прекршуваат сообраќајните правила кога мислат дека никој не ги следи.

Целта на ваквиот начин на контрола е, наместо присуството на полицијата да делува само превентивно, да се регистрира реалното однесување на возачите на патиштата.

На овој начин ќе се откриваат возачи кои ја надминуваат дозволената брзина, опасно претекнуваат, користат мобилен телефон додека возат или учествуваат во нелегални улични трки, без да бидат свесни дека полицијата ги следи.

Оваа практика не е новина во Грција. Сообраќајната полиција веќе со години користи необележани возила на автопатите и на делници каде што се регистрираат голем број прекршоци.

На островот Крит, на пример, во изминатите години биле користени моќни SUV-модели и други обични патнички возила за контроли на Северната магистрала на островот, со посебен акцент на пречекорување на брзината, опасни маневри и нелегални трки.

Необележаните возила се опремени со современа технологија. Камери со висока резолуција, системи за видеоснимање и пренослива опрема им овозможуваат на полициските службеници веднаш да ги евидентираат прекршоците.

Во наредниот период се очекува на грчките автопати да има уште повеќе вакви необележани полициски возила, бидејќи насочените контроли се еден од клучните елементи на стратегијата за намалување на бројот на загинати во сообраќајот и за поефикасен надзор на патната мрежа.

Во многу европски држави веќе се користат и системи за автоматско препознавање на регистарски таблички (ANPR), кои во реално време откриваат неосигурени, украдени или возила по кои се трага.

Ваков модел на контрола е широко распространет во Германија, Франција, Италија, Шпанија и Велика Британија, каде што возачите знаат дека речиси секој обичен хечбек, SUV или караван може да биде полициско возило.

Слична практика постои и во Соединетите Американски Држави, каде што одредени полициски служби користат сè – од пикап-возила до спортски и електрични автомобили – за надзор на автопатите.

Грција постепено го прифаќа истиот концепт, особено во време кога безбедноста во сообраќајот е еден од главните државни приоритети. Статистиката за сообраќајни несреќи и понатаму предизвикува загриженост, а меѓу најчестите причини за тешки несреќи се пречекорувањето на брзината, користењето мобилен телефон при возење и ризичните маневри.

Истовремено, овој начин на контрола е дел од пошироката дигитална модернизација на грчката полиција. Воведувањето електронски системи за надзор, проширувањето на мрежата на сообраќајни камери, поврзувањето на информатичките системи и дигитализацијата на полициските процедури треба да овозможат поефикасни и попрецизни контроли.

The post ВОЗИТЕ ВО ГРЦИЈА? ВНИМАВАЈТЕ! Полицијата воведе „ново оружје“ за откривање сообраќајни прекршоци appeared first on plusinfo.mk.

Возач од Тетово е лишен од слобода откако со специјално полициско возило-пресретнувач бил фатен како управува автомобил со брзина од 179 километри на час на делница каде максимално дозволената брзина е 80 километри на час.

Од Министерството за внатрешни работи информираат дека случајот се случил на 12 јули 2026 година, околу 19:35 часот, на патниот правец Тетово–Гостивар, пред клучката Врапчиште.

– Од страна на полициски службеници од Мобилната единица за безбедност на сообраќајот на патиштата при Секторот за сообраќајни работи на МВР, со специјално возило пресретнувач била измерена брзина на движење на возило од 179 километри на час, на место каде брзината е ограничена со сообраќаен знак на 80 километри на час – велат од МВР.

По насоки на јавен обвинител, полициските службеници го лишиле од слобода возачот Л.М. (27) од Тетово.

Возилото кое го управувал, автомобил марка „мерцедес“ со тетовски регистарски ознаки, е одземено и ќе биде предмет на понатамошна постапка.

Од МВР информираат дека против возачот се преземени соодветни мерки и дека ќе одговара согласно член 297-а од Кривичниот законик кој се однесува на безобѕирно управување со моторно возило.

Полицијата најавува дека сообраќајните контроли ќе продолжат низ целата држава, со цел откривање и санкционирање на несовесните возачи и зголемување на безбедноста на патиштата.

The post ВОЗЕЛ 179 КМ/Ч КАДЕ ШТО Е ДОЗВОЛЕНО 80 Возач со „мерцедес“ запрен од пресретнувач, автомобилот одземен appeared first on plusinfo.mk.

Во текот на изминатите 24 часа, полициски службеници на територијата на целата држава лишиле од слобода 13 возачи поради безобѕирно управување со моторно возило, соопшти Министерството за внатрешни работи.

Од МВР информираат дека најголемиот дел од приведените, односно 10 лица, управувале возила без воопшто да имаат положен возачки испит.

„Четири лица се приведени во Скопје, три во Прилеп, а по едно лице во Тетово, Долнени и Градско. Дополнително, по едно лице во Охрид и Битола било затекнато како управува возило под дејство на алкохол, додека во гевгелискиот регион едно лице е лишено од слобода поради возење со брзина значително поголема од дозволената“, соопштија од МВР.

Од Министерството додаваат дека по целосното документирање на сите случаи ќе бидат поднесени соодветни кривични пријави против приведените.

Воедно, МВР повторно апелира до сите учесници во сообраќајот да ги почитуваат сообраќајните правила и прописи.

The post ВОЗЕЛЕ БЕЗ ВОЗАЧКА, ПИЈАНИ И ПРЕБРЗИ Во еден ден приведени 13 несовесни возачи appeared first on plusinfo.mk.

Обична расправија во сообраќајот прерасна во физичка пресметка меѓу три жени во скопската населба Ѓорче Петров.
Според информациите од полицијата, по претходно недоразбирање, дошло до тепачка меѓу 30-годишна жена од една страна и две жени, на возраст од 51 и 21 година, од другата страна. Сите се од Скопје.
По целосното расчистување на случајот ќе следуваат соодветни поднесоци.

The post СЕ СТЕПАА ТРИ ЖЕНИ ПО КАВГА ВО СООБРАЌАЈОТ Инцидент во Ѓорче Петров appeared first on plusinfo.mk.

Возачот кој е осомничен дека влетал со автомобил во насобрана маса луѓе за време на прославата по повод Светското првенство во Кабо Сан Лукас, Мексико, им подлегнал на повредите откако, според локалните власти, бил претепан од присутни граѓани.

Во инцидентот биле повредени 17 лица. Веднаш по судирот, дел од насобраните го нападнале возачот, нанесувајќи му тешки телесни повреди. Инцидентот се случи на 24 јуни, а вчера беше соопште но дека возачот им подлегнал на повредите.

Тој бил пренесен во болница во критична состојба, но подоцна починал како последица на повредите.

Локалните власти соопштија дека истрагата е во тек и дека паралелно се испитуваат околностите под кои возилото влетало во толпата, како и нападот врз возачот. Засега не се соопштуваат дополнителни детали за мотивите или за евентуални приведени лица.

 

View this post on Instagram

 

A post shared by Patriot Press 24 (@patriot.press24)

The post 🎥 ВОЗЕНИМИРУВАЧКО • УМРЕ ВОЗАЧОТ ШТО БЕШЕ ЛИНЧУВАН, ОТКАКО ЗГАЗИ 17 ЛУЃЕ Насобраните го претепаа до смрт appeared first on plusinfo.mk.

Дури 13 возачи биле лишени од слобода во текот на изминатото деноноќие поради безобѕирно управување со моторни возила, при што 11 од нив возеле без возачка дозвола, а меѓу нив имало и тројца малолетници, информира Министерството за внатрешни работи.

Полициските контроли биле спроведени на целата територија на државата, а против сите приведени ќе бидат поднесени соодветни кривични пријави по целосното документирање на случаите.

Според МВР, четири лица биле приведени во Скопје, три во Гостивар, меѓу кои двајца малолетници, како и по едно лице во Тетово, Прилеп и Дебар.

Во Кочани, пак, бил приведен малолетник кој управувал возило без возачка дозвола и се движел во спротивен правец по еднонасочна улица.

Освен возачите без дозвола, во Скопје бил приведен и еден возач кој управувал возило под дејство на алкохол.

Во Гостивар, полицијата лишила од слобода уште едно лице кое управувало моторно возило иако имало активна мерка за забрана за управување.

Од Министерството за внатрешни работи апелираат граѓаните строго да ги почитуваат сообраќајните правила и прописи, да не управуваат возило без положен возачки испит, со изречена забрана за управување или под дејство на алкохол, со цел да се зголеми безбедноста во сообраќајот.

The post ВОЗЕЛЕ БЕЗ ДОЗВОЛА И ВО СПРОТИВНА НАСОКА Приведени 13 возачи, меѓу нив и тројца малолетници appeared first on plusinfo.mk.

Четворица возачи во текот на изминатото деноноќие се лишени од слобода на различни локации низ државата, откако било утврдено дека управувале моторни возила без положен возачки испит.

Како што информираат од МВР, лишувањата од слобода се извршени во Скопје, Кочани, кичевско и тетовско, во рамки на редовните контроли на полициските службеници насочени кон зголемување на безбедноста во сообраќајот.

По документирање на случаите, против лицата ќе бидат поднесени соодветни кривични пријави.

Од МВР упатуваат апел до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит, како и да не седнуваат зад волан доколку им е изречена забрана за управување или доколку се под дејство на алкохол.

The post БЕЗ ДОЗВОЛА, НО ЗАД ВОЛАН Четворица возачи веднаш приведени appeared first on plusinfo.mk.

Мостот „Генерал Михајло Апостолски“ конечно се става во функција, напиша попладнево скопскиот градоначалник Орце Ѓорѓиевски на Фејсбук, нагласувајќи дека со години бил симбол на застојот.

„Кај скопјани остана запаметен како ‘мостот што водеше во дневна соба’ или ‘мостот за ловење риба’. Конечно, станува мост што ќе ги поврзува луѓето, ќе го забрзува сообраќајот и ќе го менува секојдневието на граѓаните. Ова е резултат на силна волја, чесен збор и секојдневна, макотрпна работа“, вели градоначалникот во објавата објавувајќи фотографии.

Тој посочи дека кога ја презел одговорноста да го води Скопје, ветил оти овој проблем ќе биде решен во текот на четиригодишниот мандат. Ѓорѓиевски истакна дека со гордост може да каже дека тоа ветување се исполнува за помалку од една година.

Во изминатиот период, посочи тој, решен бил најголемиот предизвик, експропријацијата.

„По истекот на рокот за преселување на семејствата кои живееја на трасата, денес започнуваме со расчистување на булеварот „АСНОМ“, токму од мостот „Генерал Михајло Апостолски“, со што започнува неговото конечно ставање во функција. Паралелно продолжува и процесот на експропријација на преостанатиот дел од булеварот, сѐ до неговото целосно завршување. Од срце сакам да им изразам благодарност на луѓето со кои денес заеднички испишуваме едно ново поглавје. Благодарам на чесните, достоинствени и домаќински семејства кои покажаа разбирање и мудрост, кои подадоа рака таму каде што со години имаше застој. Благодарам за довербата, за човечкиот однос. Денес, тие не се дел од проблемот, туку решението “, додаде Ѓорѓиевски.

Тој им се заблагодари и на неговите колеги, градоначалниците на општините Аеродром и Гази Баба – Дејан Митески и Бобан Стефковски, за нивната посветеност, поддршка и заедничка борба овој долгогодишен проблем конечно да стане минато.

– Но, ова не е единствениот откочен проект. За само неколку месеци ги откочивме „Момин Поток“, булеварот „Борис Трајковски“, мостот на „Љубљанска“ и подземната сообраќајница на булеварот „Македонија“ – проекти кои со години изгледаа како недостижна желба, а денес чекор по чекор стануваат реалност. Тоа е разликата кога има визија. Тоа е разликата кога има храброст да се носат одлуки. Тоа е разликата кога се работи секој ден, без изговори. Тоа е разликата кога дадениот збор пред народот е света обврска, а не празно политичко ветување – подвлече градоначалникот.

Ѓорѓиевски нагласи дека секоја завршена улица, секој откочен проект, секој нов мост е доказ дека Скопје повторно се движи напред.

– Ова е резултат на силна, искрена и неуморна работа. Но, повеќе од сѐ, ова е резултат на довербата што секојдневно ми ја давате вие, мојот народ. Таа доверба е мојата најголема сила и најголема обврска. Кога има искрена намера, кога има чесен пристап и кога постои љубов кон својот град, нема невозможни проекти. Продолжуваме уште посилно. За Скопје што повторно победува. За Скопје какво што го сакаме. За Скопје, какво што го заслужуваме – се додава во објавата на Ѓорѓиевски на Фејсбук.

The post НЕМА ПРЕЧКИ, МОСТОТ „ГЕНЕРАЛ МИХАЈЛО АПОСТОЛСКИ“ ЌЕ БИДЕ ПУШТЕН Експропријацијата е решена со мудрост и разбирање, вели Ѓорѓиевски appeared first on plusinfo.mk.

Пратеникот на ВМРО-ДПМНЕ, Александар Велјановски, на денешната прес-конференција истакна дека проектот „Безбеден град“ дава конкретни резултати во подобрувањето на безбедноста во сообраќајот, посочувајќи дека системот има силен превентивен ефект и придонесува за намалување на бројот на сообраќајни прекршоци и жртви.

Според Велјановски, системот, кој започнал со пробна примена на 1 декември минатата година, уште во првите 24 часа регистрирал околу 110.000 прекршоци, при што над 90 проценти се однесувале на пречекорување на дозволената брзина. Дополнително, биле евидентирани околу 5.000 поминувања на црвено светло и околу 1.000 нерегистрирани возила.

Тој нагласи дека веќе вториот ден бројот на прекршоците бил речиси преполовен, а до почетокот на целосната примена на системот, на 1 февруари годинава, дневниот број на регистрирани прекршоци се намалил на околу 500 до 600, што, според него, претставува намалување од над 99 проценти во однос на првиот ден од тестирањето.

Велјановски истакна дека главната цел на проектот е намалување на бројот на тешки сообраќајни несреќи и спасување човечки животи, со цел до 2030 година да се преполоват смртните случаи и сериозните повреди на патиштата.

Тој потсети дека системот најпрво бил имплементиран во Скопје, Тетово, Куманово и на коридорите 8 и 10, а потоа и во Велес. Според него, минатата недела биле поставени камери и на автопатот кај Ново Село во општина Дебарца, додека паралелно започнало и неговото воведување во Охрид.

Повикувајќи се на податоци од првите пет месеци од функционирањето на системот, Велјановски рече дека бројот на загинати лица во сообраќајни незгоди е намален за 40 проценти – од 55 во истиот период минатата година на 33 годинава.

– Намалувањето на бројот на прекршоци и на жртвите во сообраќајни незгоди покажува дека реформата ја исполнува својата основна цел – спасување човечки животи и создавање побезбедни патишта за сите граѓани – изјави Велјановски.

Тој додаде дека Владата ќе продолжи со проширување на системот „Безбеден град“ и со инвестиции во современи технологии, нагласувајќи дека безбедноста на граѓаните останува еден од главните приоритети.

The post ОД 110.000 ПРЕКРШОЦИ ДО САМО 500 ДНЕВНО „Безбеден град“ ги натера возачите да ја намалат брзината, тврди Велјановски appeared first on plusinfo.mk.