Во едно деноноќие полицијата приведе 9 возачи низ државата. Најголем дел управувале без дозвола, додека два случаи вклучуваат алкохол и активна забрана, информираа од Министерството за внатрешни работи.

Случаите се регистрирани во Скопје, во тетовско, во Куманово, во Гевгелија, во Прилеп, во Валандово и во Свети Николе.

Седум возачи биле фатени без возачка дозвола. Двајца се приведени во Скопје, а по еден во тетовско, во Куманово, во Гевгелија, во Прилеп и во Валандово.

Од МВР велат дека станува збор за безобѕирно управување возило.

Во Валандово бил приведен возач под дејство на алкохол.

Во Свети Николе полицијата затекнала возач кој управувал и покрај активна забрана. Тој бил и под дејство на алкохол.

Од Министерството за внатрешни работи најавуваат кривични пријави по целосно документирање на случаите.

Полицијата повторно апелира до возачите да не седнуваат зад волан без дозвола, под дејство на алкохол или со изречена забрана.

The post ВОЗЕЛЕ И ПОД ЗАБРАНА, БЕЗ ДОЗВОЛА, ПИЈАНИ Девет случаи на безобѕирно возење за еден ден appeared first on plusinfo.mk.

Полицијата лиши од слобода шест возачи поради безобѕирно управување возило во текот на изминатото деноноќие, соопшти Министерството за внатрешни работи.

„Од нив, петмина возеле без возачка дозвола, од кои двајца во Скопје и по еден во Куманово, Струга и Прилеп. Додека, еден возач управувал возило под дејство на алкохол во Велес и предизвикал сообраќајна незгода.“

По целосно документирање на случаите, ќе следуваат соодветни кривични пријави.

„Да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.“

Од Министерството апелираат до сите учесници во сообраќајот да ги почитуваат правилата и прописите.

The post ШЕСТМИНА ПРИВЕДЕНИ ЗА БЕЗОБЅИРНО ВОЗЕЊЕ Петмина возеле без дозвола, еден предизвикал сообраќајка appeared first on plusinfo.mk.