Како што соопшти полицијата, денеска во 04.00 часот кај наплатна рампа Кадрифаково, Светиниколско, во правец кон Свети Николе, полициски службеници од Мобилната единица за компезаторни мерки при Одделот за гранични работи и миграции запреле и извршиле контрола на патничко возило „мерцедес“ со струмички регистарски ознаки, управувано од Т.С. од селото Радово, Струмичко.

Притоа, било констатирано дека со возилото се врши јавен превоз на патници без лиценца издадена од надлежен орган. На истото место во 04.20 часот, полициски службеници од Мобилната единица за компезаторни мерки при Одделот за гранични работи и миграции запреле и извршиле контрола и на патничко возило „мерцедес“ со струмички регистарски ознаки, управувано од Г.Г. од селото Дабиле, Струмичко.

При контролата, исто така, било констатирано дека со возилото се врши јавен превоз на патници без лиценца издадена од надлежен орган. За настаните бил известен Државниот инспекторат за транспорт, од чија страна на возачите им е изречена глоба, а сообраќајните дозволи им се одземени и возилата се исклучени од сообраќај.

The post СО „МЕРЦЕДЕСИ“ АМА БЕЗ ЛИЦЕНЦА ПРЕВЕЗУВАЛЕ ПАТНИЦИ На двајца возачи им се одземени сообраќајните дозволи appeared first on plusinfo.mk.

Од Владата во изјава за МИА велат дека работна група треба да изнајде соодветно решение за ова.

„По ова прашање работната група треба да изнајде соодветно решение и да ја информира Владата на некоја од наредните седници каде треба да се донесе заклучок“ – се вели во одговорот од Владата.

Со свој став околу ова прашање денеска излегоа и Народниот правобранител и Комисијата за заштита од дискриминација.

Според Народниот правобранител, ваквата одлука е дискриминирачка, додека од Комисијата за заштита од дискриминација оценија дека нема дискриминација, туку нееднаков третман на граѓаните.

Народниот правобранител смета дека оваа одлука е директна дискриминација и ставање во нерамноправна положба на граѓаните кои веќе ги извадиле овие документи и за кои платиле. Според Народниот правобранител, Владата под итно треба да најде начин како да им ги рефундира средствата на граѓаните.

– Владата и сите надлежни органи треба да седнат и убаво да размислат кои се најдобрите решенија за излез од ситуацијата во која западнавме и да донесат одлуки во полза на граѓаните, а не на нивна штета. Владата под итно треба да најде начин како да им ги рефундира средствата на граѓаните. Тука не треба да има никој дилема дека ова мора да се стори во најкраток можен рок, затоа што државата ризикува тужби за дискриминација – вели Народниот правобранител.

Од Комисијата за заштита од дискриминација повикуваат институциите да преземат мерки за обезбедување на еднаков третман на сите граѓани во постапките на промена на важечките документи со новото име на државата.

„Во овој случај, не се работи за дискриминаторска основа, постои нееднаков третман, но не и дискриминација. Институциите треба да преземат мерки за обезбедување на еднаков третман на сите граѓани во постапките на промена на важечки документи со новото име на државата“ – се наведува во соопштението од КСЗД.

Вицепремиерот за економски прашања Фатмир Битиќи вчера во одговор на новинарско прашање, во однос на тоа дали ќе им бидат рефундирани средства на граѓаните кои на време извадиле документи, рече дека ова е прашање кое ќе се разговара на владина седница.

– Ако сакате моето лично мислење, сметам дека е дискриминација за оние кои биле совесни да постапат според законските измени и тоа што се барало од нив. Поднеле на време барање за патни исправи, возачки и сообраќајни дозволи и сметам дека треба соодветно да се постапи, за да се изнајде начин како да им се оддолжиме, затоа што биле совесни граѓани на нашата држава – рече Битиќи.

The post НЕЕДНАКОВ ТРЕТМАН И ДИСКРИМИНАЦИЈА Се бара решение за граѓаните кои платиле за вадење нови возачки и сообраќајни дозволи appeared first on plusinfo.mk.