Од 17 часот повторно е запрено движењето на Граничниот премин Евзони (ГП Богородица), информираат од АМСМ, додека на остатокот од државните патишта сообраќајот се одвива нормално.

Сообраќајот на државните патишта денеска се одвива непречено, по суви коловози и со умерен интензитет, соопштуваат од Авто-мото сојузот на Македонија. Од таму додаваат дека на останатите гранични премини од македонска страна нема подолги задржувања при влез или излез од државата.

Од АМСМ потенцираат дека застојот на ГП Евзони започнал повторно околу 17:00 часот, без најави за тоа колку долго ќе трае блокадата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post СООБРАЌАЈОТ НА ЕВЗОНИ ПОВТОРНО БЛОКИРАН Возачите предупредени да бидат внимателни на повеќе патни делници appeared first on plusinfo.mk.

Долги колони возила повторно ја забавуваат динамиката на патувањето утрово, откако на граничните премини „Дојран“ и „Табановце“ се регистрира зголемени задржувања. На „Дојран“ времето на чекање изнесува околу 30 минути, додека на излез од државата на „Табановце“ возачите чекаат до 40 минути.

На останатите гранични премини од македонска страна засега нема подолги задржувања, но надлежните внимателно ја следат состојбата поради зголемена фреквенција на возила во утринските часови.

Паралелно со граничниот метеж, сообраќајот на државните патишта се одвива по наместа влажни коловози, а поради магла е намалена видливоста на планинските превои Ѓавато и Пресека. ЈП „Македонија пат“ информира дека е можен појава на поситни одрони на делници што минуваат низ усеци и клисури, кои редовно се расчистуваат.

Од претпријатието апелираат за внимателно возење, прилагодена брзина и доследно почитување на сообраќајните правила, особено на патиштата со намалена видливост.

The post ГОЛЕМИ ГУЖВИ НА ГРАНИЦА УТРОВО Возачите чекаат до 40 минути на Табановце и на Дојран appeared first on plusinfo.mk.