Полицаец во американската сојузна држава Њу Џерси се маскирал во зелена грмушка за да ги открие возачите кои за време на возењето пишуваат пораки, пребаруваат на интернет или разговараат на мобилен телефон.

Полициската управа на Данелен на социјалните мрежи објави фотографии од својата необична „специјална единица“. На нив се гледа полицаец облечен во маскирно одело што наликува на зелена грмушка, со двоглед во рацете.

„Дали денес ја забележавте нашата ‘грмушка’? Ако погледот ви беше насочен кон телефонот, веројатно не сте ја забележале“, напишаа од полицијата.

Како што објаснија, акцијата била спроведена во фреквентен дел од центарот на градот, низ кој секојдневно минува голем број возила и пешаци.

За само шест часа биле изречени 74 казни на возачи кои користеле мобилен телефон додека управувале со возило.

Од полицијата упатија апел до граѓаните да не го користат телефонот додека возат.

„Нека ова ви биде потсетник, пораката или известувањето можат да почекаат. Гледајте го патот, а не во екранот“, порачаа од полицијата.

Според важечките прописи во Њу Џерси, казните за користење мобилен телефон зад волан започнуваат од 200 долари, а за повеќекратни прекршители можат да достигнат и 600 долари.

Возачите кои трипати ќе го повторат истиот прекршок може да останат без возачка дозвола во период до 90 дена.

The post 📽️ „ЖИВА ГРМУШКА“ ДЕМНЕШЕ НЕСОВЕСНИ ВОЗАЧИ Маскиран полицаец напиша 74 казни за шест часа appeared first on plusinfo.mk.

Во текот на изминатиот викенд, полицијата лишила од слобода 34 лица поради сторено кривично дело „безобѕирно управување со моторно возило“, информира Министерството за внатрешни работи.

Контролите биле спроведени во периодот од 31 јули до 2/3 август 2026 година на целата територија на државата.

Од МВР информираат дека најголем дел од приведените возачи, односно 23 лица, управувале моторно возило без возачка дозвола. Девет лица биле лишени од слобода затоа што возеле под дејство на алкохол, едно лице управувало нерегистрирано возило и без возачка дозвола, додека едно лице било затекнато како вози без дозвола и под дејство на алкохол.

„По целосно документирање на случаите, против лицата ќе бидат поднесени соодветни кривични пријави“, соопшти МВР.

Од Министерството апелираат до сите учесници во сообраќајот да ги почитуваат правилата и прописите и да не управуваат возила без возачка дозвола, со изречена забрана за управување или под дејство на алкохол.

„Одговорното однесување во сообраќајот е заедничка обврска и клучен предуслов за поголема безбедност на сите граѓани“, велат од МВР.

Од полицијата посочуваат дека контролите за санкционирање на несовесните возачи ќе продолжат и во следниот период, со цел намалување на сообраќајните прекршоци и зголемување на безбедноста на патиштата.

The post ФАТЕНИ БЕЗ ДОЗВОЛА И СО АЛКОХОЛ ЗАД ВОЛАН Полицијата лиши од слобода 34 несовесни возачи appeared first on plusinfo.mk.

Косовски државјанин е лишен од слобода откако полицијата го затекнала како управува автомобил со брзина од 220 километри на час на автопатот А1.

Како што информира Министерството за внатрешни работи, денеска (3 август 2026 година) во 08:41 часот, полициски службеници од СВР Струмица – ОВР Гевгелија го привеле Ш.З. (36) на паркингот „Милетково“.

При извршена сообраќајна контрола било утврдено дека тој управувал патничко возило „мерцедес“ со косовски регистарски ознаки со брзина од 220 километри на час.

Возачот се движел на делница каде максимално дозволената брзина е 120 километри на час, односно возел 100 километри на час над дозволената граница.

Од МВР информираат дека против него ќе биде поднесена кривична пријава за сторено кривично дело „безобѕирно управување со моторно возило“ според член 297-а од Кривичниот законик.

The post „ЛЕТАЛ“ СО СТОТКА НАД ДОЗВОЛЕНОТО Косовец фатен со 220 км/ч на автопатот А1, следува кривична appeared first on plusinfo.mk.

Дваесет и деветгодишен жител на Гевгелија е лишен од слобода откако бил фатен како вози со дури 204 километри на час на автопатот А1, на делницата кај клучката Смоквица, каде што максимално дозволената брзина е 120 километри на час.

Според информациите од Министерството за внатрешни работи, возачот со иницијали Ж.Д. бил запрен во средата околу 21:26 часот од полициски службеници од ОВР Гевгелија, кои при сообраќајна контрола со радар утврдиле дека управува автомобил „БМВ“ со гевгелиски регистарски ознаки со брзина речиси двојно поголема од дозволената.

Возачот веднаш бил исклучен од сообраќај, а за случајот бил известен јавен обвинител од Основното јавно обвинителство Гевгелија.

По целосното документирање на настанот, против него ќе биде поднесена кривична пријава за „безобѕирно управување со моторно возило“, кривично дело предвидено во член 297-а од Кривичниот законик.

The post ЛЕТАЛ СО 204 КМ/Ч НА АВТОПАТОТ Гевгеличанец уапсен по опасното дивеење со „БМВ“ appeared first on plusinfo.mk.

Осумнаесет возачи се лишени од слобода во текот на изминатото деноноќие поради безобѕирно управување со возила, а дури 15 од нив биле зад волан без возачка дозвола, меѓу кои и двајца малолетници. Акцијата била спроведена на целата територија на државата, соопшти Министерството за внатрешни работи.

Најголем број од приведените се регистрирани во Гостивар, каде биле лишени од слобода пет лица, меѓу кои еден малолетник, а едно од лицата претходно учествувало и во сообраќајна несреќа.

Во Скопје биле приведени четири возачи, во Кичево две лица, од кои едно малолетно, а по едно лице било лишено од слобода во тетовско, Кривогаштани, Прилеп и Битола.

Полицијата привела и еден возач во Делчево кој управувал возило под дејство на алкохол.

Дополнително, во Кичево и Кавадарци биле затекнати по еден возач кои управувале моторно возило и покрај тоа што имале изречена забрана за управување.

Од МВР информираат дека по целосното документирање на случаите против сите лица ќе бидат поднесени соодветни кривични пријави.

Воедно, Министерството повторно апелира до граѓаните да ги почитуваат сообраќајните правила, да не управуваат возило без положен возачки испит, доколку им е изречена забрана за управување или кога се под дејство на алкохол, со цел да се зголеми безбедноста на патиштата.

The post ЗАД ВОЛАН БЕЗ ДОЗВОЛА, НО И СО ЗАБРАНА И ПИЈАНИ Приведени 18 возачи, меѓу нив и двајца малолетници без возачка дозвола appeared first on plusinfo.mk.

Шестмина возачи се лишени од слобода во текот на изминатото деноноќие поради безобѕирно управување со возило, а петмина од нив возеле без возачка дозвола, меѓу кои и двајца малолетници, соопшти Министерството за внатрешни работи.

Од МВР информираат дека полициски службеници на целата територија на државата привеле шест лица кои сториле тешки сообраќајни прекршоци.

„Во текот на изминатото деноноќие на целата територија на државата, полициските службеници лишија од слобода шест возачи за безобѕирно управување со возило. Петмина управувале возило без возачка дозвола, од кои двајца се малолетници, а едно лице управувало патничко возило иако имало активна забрана за управување“, соопштија од МВР.

Според полицијата, без возачка дозвола биле затекнати по едно лице во Скопје (малолетник), Гостивар (малолетник), Куманово, Кавадарци и Прилеп, додека на граничниот премин „Деве Баир“ било приведено лице кое управувало возило и покрај изречената активна забрана.

Од МВР посочуваат дека по целосното документирање на случаите против сите ќе бидат поднесени соодветни кривични пријави.

Воедно, Министерството повторно апелира до сите учесници во сообраќајот доследно да ги почитуваат сообраќајните правила и прописи со цел зголемување на безбедноста на патиштата.

The post ПРИВЕДЕНИ ШЕСТ ВОЗАЧИ, МЕЃУ НИВ И ДВАЈЦА МАЛОЛЕТНИЦИ Полицијата не им простува на безобѕирните appeared first on plusinfo.mk.

Полицијата вчера околу 20:00 часот, на автопатот Скопје – Гевгелија, кај Милетково, го приведоа српскиот државјанин М.С. (60), откако со радар било утврдено дека управувал возило со екстремно надминување на дозволената брзина.

Според информациите од полицијата, тој управувал патничко возило „БМВ“ со српски регистарски ознаки со брзина од 221 километар на час, на делница каде што дозволената брзина е 120 километри на час.

Возилото било привремено одземено, а возачот бил задржан во полициска станица.

По целосно документирање на случајот, против него ќе биде поднесена соодветна пријава.

The post СРБИН ЛЕТАЛ СО 221 КМ/Ч НИЗ МАКЕДОНИЈА Возачот е приведен, а возилото одземено appeared first on plusinfo.mk.

Двајца малолетници биле фатени зад волан, а вкупно 13 лица возеле без возачка дозвола во акцијата што полицијата ја спроведе низ државата во изминатото деноноќие.

Министерството за внатрешни работи соопшти дека биле лишени од слобода 15 возачи поради безобѕирно управување со возило.

Шестмина биле затекнати во Скопје, меѓу нив и еден малолетник. По двајца возачи без дозвола биле откриени во Битола, од кои едниот исто така бил малолетен.

По еден возач без дозвола бил фатен во Делчево, Штип, Куманово, Неготино и во Македонски Брод.

Полицијата привела и по едно лице во Скопје и во Велес кои управувале возила под дејство на алкохол. По целосното документирање на случаите ќе бидат поднесени соодветни кривични пријави.

The post 13 ВОЗЕЛЕ БЕЗ ДОЗВОЛА, ДВАЈЦА МАЛОЛЕТНИ, ДВАЈЦА ПИЈАНИ Полицијата приведе 15 возачи за еден ден appeared first on plusinfo.mk.

Вкупно 16 возачи биле лишени од слобода во текот на изминатото деноноќие низ државата поради безобѕирно управување со моторни возила, информира Министерството за внатрешни работи.

Според податоците на полицијата, дури 14 од приведените возачи управувале возила без возачка дозвола, а меѓу нив имало и двајца малолетници. Дополнително, две лица биле затекнати како управуваат возило под дејство на алкохол.

Најголем број од прекршителите биле откриени на подрачјето на Гостивар, каде што биле лишени од слобода четири лица, меѓу кои и еден малолетник, поради управување возило без возачка дозвола.

Во Штип биле приведени три лица, при што едно од нив било и под дејство на алкохол. Во Тетово биле лишени од слобода две лица, меѓу кои и еден малолетник, додека во Скопје биле приведени уште две лица поради управување без возачка дозвола.

По едно лице без возачка дозвола било откриено во Кочани, Прилеп и Дебар.

Во однос на возењето под дејство на алкохол, полицијата привела по едно лице во Виница и Гостивар.

Од МВР најавуваат дека по целосното документирање на случаите против сите сторители ќе бидат поднесени соодветни кривични пријави.

Воедно, од полицијата апелираат до граѓаните строго да ги почитуваат сообраќајните правила и прописи и да не управуваат возило без положен возачки испит, со изречена забрана за управување или под дејство на алкохол.

The post 14 ЛИЦА ВОЗЕЛЕ БЕЗ ВОЗАЧКА, ДВАЈЦА БИЛЕ МАЛОЛЕТНИ Приведени 16 возачи низ државата за безобѕирно возење appeared first on plusinfo.mk.

Тринаесет возачи биле лишени од слобода во текот на изминатото деноноќие на територијата на државата поради безобѕирно управување моторно возило, информира Министерството за внатрешни работи.

Според податоците на полицијата, од вкупно 13-те приведени возачи, дури 11 управувале возило без возачка дозвола, еден бил затекнат како вози под дејство на алкохол, а едно лице управувало возило со брзина поголема од дозволената.

Во Скопје биле приведени две лица – едно поради управување возило без возачка дозвола и едно поради возење под дејство на алкохол.

Најмногу прекршоци биле регистрирани во Прилеп и прилепско, каде што биле лишени од слобода пет лица кои управувале возила без положен возачки испит.

По едно лице без возачка дозвола било затекнато и приведено во Гостивар, Кочани, Неготино, Кавадарци и Кичево.

Во Гевгелија, пак, полицијата лишила од слобода возач кој управувал возило со брзина поголема од дозволената.

Од МВР информираат дека по целосно документирање на случаите против сите сторители ќе бидат поднесени соодветни кривични пријави.

Воедно, полицијата повторно апелира до граѓаните да ги почитуваат сообраќајните правила и прописи, да не управуваат возила без возачка дозвола, за време на изречена забрана за управување или под дејство на алкохол, со цел зголемување на безбедноста во сообраќајот.

The post ПОЛИЦИЈАТА ПРИВЕДЕ 13 БЕЗОБЅИРНИ ВОЗАЧИ ЗА ЕДНО ДЕНОНОЌИЕ Дури 11 биле зад волан без возачка дозвола appeared first on plusinfo.mk.