Десет лица се повредени во сообраќајна несреќа што се случила на магистралниот пат Кичево – Охрид, во близина на кичевското село Другово.

Од Министерството за внатрешни работи информираат дека несреќата била пријавена на 27 јули 2026 година во 13:35 часот во ОВР Кичево, а во неа учествувале три патнички возила.

Станува збор за возило „фолксваген тигуан“ со прилепски регистарски ознаки, управувано од Љ.М.(76) од Прилеп, „фолксваген голф“ со скопски регистарски ознаки, управувано од С.П.(41) од Скопје, и „цитроен“ со кичевски регистарски ознаки, управувано од Р.Р.(48) од кичевското село Грешница.

Во несреќата со тешки телесни повреди се здобил сопатникот од возилото „цитроен“, С.Р.(79) од село Грешница.

Со телесни повреди се здобиле тројцата возачи, како и нивните сопатници Г.Р.(45) од село Грешница, Ц.М.(76) од Прилеп, М.П.(34) од Скопје и нејзините две малолетни деца.

Сите повредени лица биле пренесени во Медицинскиот центар во Кичево, каде што им била укажана медицинска помош и биле констатирани повредите.

На местото на несреќата увид извршила увидна екипа од ОВР Кичево, а се работи на утврдување на причините и околностите под кои се случила сообраќајката.

The post ДЕСЕТМИНА ПОВРЕДЕНИ ВО СУДАР НА 3 ВОЗИЛА Хаос на патот Кичево-Охрид appeared first on plusinfo.mk.

Дваесет и седумгодишен жител на Тетово се здобил со тешки телесни повреди откако, според неговата изјава, бил ненамерно прегазен на ногата од неговиот чичко, кој управувал патничко возило наназад во семејниот двор.

Од СВР Тетово информираат дека на 26 јули 2026 година во 20:30 часот, од Клиничкиот центар во Тетово било пријавено дека кај нив со тешки телесни повреди бил донесен М.З. (27) од Тетово.

Во разговор со полициски службеници, повредениот изјавил дека околу 19:00 часот, во дворот на семејната куќа, неговиот чичко С.З. (61) од Тетово, управувајќи патничко возило наназад, ненамерно го прегазил на ногата, при што се здобил со тешките повреди.

Повредениот побарал против неговиот чичко да не биде поднесена пријава, бидејќи, како што навел, станува збор за несреќен случај.

Полициски службеници извршиле увид на местото на настанот и работат на целосно расчистување на случајот.

The post ЧИЧКО ГО ПРЕГАЗИЛ ВНУКОТ ДОДЕКА ВОЗЕЛ НАНАЗАД Млад тетовец заврши во болница по несреќен случај appeared first on plusinfo.mk.

Кумановка возела 5-годишо дете на четирицикл, изгубила контрола, се превртеле, при што детето е тешко повредено.

„На 25.7.2026 година околу 20:15 часот во СВР Куманово било пријавено дека на крстосница меѓу улиците Козјачка и Велко Стаменковски во селото Доброшане, кумановско, 30-годишната С.П. од с. Доброшане, управувајќи четирицикл со кумановски регистарски ознаки, изгубила контрола и се превртела на коловозот. Во несреќата со тешки телесни повреди се здобил нејзиниот 5-годишен сопатник. Со телесни повреди се здобиле и возач и 8-годишен сопатник, сите од Доброшане“, соопшти полицијата.

Извршен е увид од увидна екипа на СВР Куманово.

The post ТЕШКО ПОВРЕДЕНО 5-ГОДИШНО ДЕТЕ Кумановка го возела на четирицикл, изгубила контрола и се превртеле appeared first on plusinfo.mk.

Државјанин на Македонија е уапсен во Србија откако со камион учествувал во тешка сообраќајна несреќа во која бил повреден возач на итна медицинска помош од Врање.

Несреќата се случила додека возилото на Брзата помош превезувало дете кон Универзитетскиот клинички центар во Ниш. Возачот на амбулантното возило, роден во 1985 година, од ударот е тешко повреден и моментно се наоѓа во болница, во стабилна состојба, но лекарите и понатаму се борат за неговиот живот.

Повредениот возач е приклучен на апарати за вештачко дишење и е хоспитализиран на Клиниката за анестезија при Универзитетскиот клинички центар во Ниш, каде што бил префрлен по првичниот третман во Општата болница во Лесковац.

Според информациите од српските медиуми, осомничениот македонски државјанин денеска бил уапсен, а полицијата му одредила притвор од 48 часа. Информацијата ја потврдиле од Полициската управа во Лесковац.

Од Здравствениот дом во Врање објасниле дека трагичниот момент се случил за време на транспорт на мал пациент. Возилото на Итната медицинска помош патувало од Врање кон Ниш, кога поради дефект на електричната инсталација било принудено да запре.

Возачот, следејќи ги процедурите и водејќи сметка за безбедноста на детето и медицинскиот тим, излегол од возилото за да ја провери состојбата. Во тој момент бил удрен од товарен камион.

На местото на несреќата се нашол и лекар кој веднаш го презел детето и продолжил со транспортот до клиничкиот центар во Ниш, каде што пациентот бил успешно згрижен.

По несреќата, повредениот возач прво бил пренесен во болницата во Лесковац, каде што му била укажана итна помош и биле направени потребните прегледи. Поради сериозноста на состојбата, потоа бил транспортиран во Ниш на понатамошно лекување.

Надлежните органи продолжуваат со истрагата за да ги утврдат сите околности под кои се случила несреќата и да се утврди точната одговорност на учесниците.

The post МАКЕДОНСКИ КАМИОНЏИЈА УАПСЕН ВО СРБИЈА Удрил во возач на брза помош, се бори за живот! appeared first on plusinfo.mk.

Кејли Хотл, 18-годишна глува актерка која се здоби со популарност играјќи ја Џиа во неодамнешните филмови од франшизата „Годзила“, почина во сообраќајна несреќа во Мериленд, потврди нејзиниот татко, Џошуа Хотл кој бил информиран дека неговата ќерка е критично повредена и дека нејзиното срце застанало на пат кон болницата.

Таткото ѝ се обратил на јавноста преку емотивно видео во живо на американски знаковен јазик, опишувајќи го шокот што го доживеал кога морал да отпатува од Тексас во Мериленд за да го идентификува телото на својата ќерка, пренесува „Њузвик“.

Иако нејзиното име можеби не беше широко познато на овие простори, Кејли Хотл изгради исклучително значајна и инспиративна кариера во Холивуд. Родена е во Атланта, во семејство во кое генерации наназад живеат со оштетување на слухот. Со актерството почнала да се занимава уште како дете, настапувајќи во реклами и едукативни видеа.

Светската публика ја запозна во 2021 година преку филмскиот хит „Годзила против Конг“, каде што ја толкуваше улогата на девојчето Џиа. Нејзиниот лик имаше клучна улога во приказната бидејќи комуницираше со легендарниот Конг преку знаковен јазик.

Улогата успешно ја повтори и во продолжението „Годзила x Конг: Новото царство“ од 2024 година, освојувајќи ги симпатиите на гледачите со топлата врска што нејзиниот лик ја имаше со гигантското суштество на екранот.

Покрај филмските успеси, Хотл се појави и во популарната телевизиска серија „Magnum P.I.“

Трагедијата длабоко ја потресе и Тексашката школа за глуви лица, каде што Кејли била ученичка во завршна година. Од училиштето соопштија дека нејзината смрт оставила огромна празнина меѓу учениците и вработените и дека е организирана психолошка поддршка за сите на кои им е потребна.

– Нејзината насмевка, талент и позитивна енергија ќе останат засекогаш во нашите сеќавања – порачаа од училиштето, изразувајќи сочувство до семејството и блиските на младата актерка.

The post ПОЧИНА 18-ГОДИШНАТА АКТЕРКА ОД „ГОДЗИЛА“ Смртта на Кејли Хотл длабоко го потресе и училиштето за глуви во Тексас кадешто требаше да матурира appeared first on plusinfo.mk.

Загина 65-годишен велосипедист во тешка сообраќајна несреќа што се случи вчера кај Кочани.

„На 20.7.2026 година околу 15:30 часот во ОВР Кочани е пријавено дека на локалниот пат Кочани-Брана Гратче се случила сообраќајна несреќа помеѓу патничко возило „шкода“ со кочански регистарски ознаки, управувано од И.Б. (51) од Кочани и велосипед управуван од Д.Ѓ. (65) од Кочани. Од здобиените повреди на местото на несреќата починал велосипедистот, а лекар од Итната медицинска помош Кочани констатирал смрт“, соопшти полицијата.

По наредба на јавен обвинител, телото на починатиот е предадено за обдукција. Извршен е увид од јавен обвинител и увидна екипа од ОВР Кочани, се додава во соопштението.

The post ЗАГИНА 65-ГОДИШЕН ВЕЛОСИПЕДИСТ Тешка сообраќајна несреќа кај Кочани appeared first on plusinfo.mk.

Двајца тинејџери се повредени откако во нив удрил скопјанец додека возеле тротинети.

Како што соопшти полицијата, на 18.07.2026 околу 16 часот во СВР Скопје е пријавено дека на крстосницата од улицата Ќемал Сејфула и Павле Илиќ во Скопје се случила сообраќајна несреќа помеѓу патничко возило „југо“ со скопски регистарски ознаки, управувано од Е.Б.(71) од Скопје, електричен тротинет управуван од 15-годишник од Скопје и уште еден тротинет управуван од друг 15-годишник од Скопје.

Во несреќата со тешки телесни повреди се здобил едниот малолетник, а со телесни повреди се здобил другиот малолетник, констатирани во Комплексот клиники „Мајка Тереза“.

The post ДВАЈЦА ТИНЕЈЏЕРИ ПОВРЕДЕНИ ДОДЕКА ВОЗЕЛЕ ТРОТИНЕТ Се судриле „југо“ и два тротинета appeared first on plusinfo.mk.

Големи колони од возила и застој во сообраќајот се формираа вечерва на автопатот Тетово–Скопје, во близина на наплатната станица на влезот во главниот град, поради сообраќајна несреќа, јави неколку портали врз основа на неофицијални информации.

Според првичните информации, по несреќата сообраќајот на оваа делница се одвива значително отежнато, а кај патарината се создадени долги колони од автомобили.

Засега нема официјални информации за причините за несреќата, ниту дали има повредени лица. Надлежните служби работат на расчистување на местото на настанот и нормализирање на сообраќајот.

На возачите им се препорачува да возат внимателно, да ја почитуваат сообраќајната сигнализација и да бидат трпеливи додека целосно не се воспостави нормален проток на возилата.

The post ДОЛГИ КОЛОНИ ВОЗИЛА НА ПАТОТ СКОПЈЕ-ТЕТОВО Застој поради сообраќајна несреќа appeared first on plusinfo.mk.

Најмалку 13 лица загинале во тешка сообраќајна несреќа во Индонезија, кога два камиона згмечиле пикап со свадбени гости. Трагедијата се случила на автопат во близина на селото Кијаран Кулон, во областа Индрамају. Гостите се враќале од свадба во соседното село Пареан.

– Пикапот забавил и застанал на разделната лента за да направи полукружно свртување, кога одзади во него удрил камион кој се движел во иста насока – изјави началникот на локалната сообраќајна полиција, Унданг Сариф Хидајат.

Тој додаде дека од ударот пикапот бил исфрлен во спротивната коловозна лента, каде што повторно бил удрен од друг камион.

– Силниот судир исфрлил повеќе од десетина луѓе од пикапот на автопатот – изјави началникот.

Петмина преживеани се пренесени во болница со повреди.

„Властите ја истражуваат причината за несреќата“, соопшти полицијата.

The post 📽️ КАМИОНИ ЗГМЕЧИЈА ПИКАП СО СВАДБЕНИ ГОСТИ ВО ИНДОНЕЗИЈА Најмалку 13 лица загинаа во страшна несреќа appeared first on plusinfo.mk.

Четириесетгодишен скопјанец се здобил со тешки телесни повреди откако со своето „пежо“ излетал надвор од коловозот во близина на полигонот на улицата Лазар Личеноски, информираше полицијата.

Несреќата се случила на 11 јули околу 10 наутро. Повредениот бил пренесен во Комплексот клиники „Мајка Тереза“, каде му биле констатирани тешки телесни повреди.

Увид на местото извршила екипа на СВР Скопје.

The post „ПЕЖО“ ИЗЛЕТАЛО КАЈ ПОЛИГОНОТ ПОД КАЛЕТО Возач од Скопје е тешко повреден appeared first on plusinfo.mk.