Осум лица, меѓу кои и четири малолетници, се повредени во тешка сообраќајна несреќа што се случила вчера на локалниот пат меѓу селата Љуботен и Радишани во скопскиот регион.

Од Министерството за внатрешни работи информираат дека на 12 јуни во 15:30 часот било пријавено дека дошло до судир помеѓу патничко возило „мерцедес“, управувано од 35-годишната Ф.М. од село Љуботен, и патничко возило „фолксваген голф“, управувано од 20-годишниот А.Љ., исто така од Љуботен.

Во несреќата со тешки телесни повреди се здобиле возачката на „мерцедесот“ Ф.М., нејзината сопатничка Б.И. и возачот на „голфот“ А.Љ.

Со телесни повреди се здобиле и четири малолетници на возраст од 12 до 15 години кои се наоѓале во возилото „мерцедес“, како и 50-годишната сопатничка С.Љ. од село Љубин, која се превезувала во „голфот“.

Повредите биле констатирани во Ургентниот центар при Комплексот клиники „Мајка Тереза“ и во болницата „Свети Наум Охридски“ во Скопје.

За несреќата бил известен јавен обвинител, а увид на местото на настанот извршила увидна екипа на СВР Скопје.

The post ТЕШКА НЕСРЕЌА КАЈ РАДИШАНИ Осум повредени, меѓу нив и четири деца appeared first on plusinfo.mk.

Две лица го загубиле животот, а едно е тешко повредено во тешка сообраќајна несреќа што се случила на новиот експресен пат Прилеп – Градско, во близина на клучката за Кавадарци, потврдија за МИА од Итната медицинска помош Кавадарци и Територијалната противпожарна единица, кои интервенирале на терен.

Според докторот Антоан Паракеов, раководител на Итна медицинска помош Кавадарци, се работи за директен судир помеѓу две патнички возила.

Во едното возило на местото на несреќата загинале две лица – маж и жена, додека од другото возило е извлечено тешко повредено лице на 39-годишна возраст од Прилеп.

Повредениот во тешка здравствена состојба бил итно пренесен во Општата болница во Кавадарци, каде му е укажана лекарска помош.

Засега нема повеќе информации за причините за несреќата.

Очевидци кои се нашле во близина изјавиле за МИА дека екипите на Брза помош и пожарникарите пристигнале многу брзо на местото на несреќата. Пожарникарите учествувале во извлекување на повредениот од едно од возилата, по што веднаш бил пренесен во болница.

На местото на несреќата е извршен увид, а повеќе детали се очекуваат по завршување на истрагата.

The post ДВЕ ЛИЦА ЗАГИНАА, ЕДНО ВО ТЕШКА СОСТОЈБА Брутален судир на новиот пат Прилеп–Градско appeared first on plusinfo.mk.

Двајца млади државјани на Обединетото Кралство биле учесници во сообраќајна несреќа што се случила на магистралниот пат Кичево – Охрид, при што 23-годишна девојка се здобила со тешки телесни повреди.

Несреќата се случила на 10 јуни околу 17:50 часот, кога патничко возило „ауди“ со скопски регистарски ознаки, управувано од К.У.К. (23) од Обединетото Кралство, удрило во метална заштитна ограда и излетало надвор од коловозот.

Во несреќата тешко била повредена неговата 23-годишна сопатничка Б.А., исто така државјанка на Обединетото Кралство. Повредите биле констатирани во Специјалната болница „Свети Еразмо“ во Охрид, каде што ѝ била укажана лекарска помош.

Увид на местото на несреќата извршила увидна екипа на СВР Охрид, а се утврдуваат сите околности под кои дошло до излетувањето на возилото.

The post УДРИЛЕ ВО ОГРАДА И ИЗЛЕТАЛЕ ОД ПАТОТ Несреќа на двајца Британци, тешко повредена 23-годишна девојка appeared first on plusinfo.mk.

СВР Скопје поднесе кривична пријава до Основното јавно обвинителство Скопје против А.С. (23) од Скопје, поради сомнение за сторено кривично дело по член 300 став 2 во врска со член 297 став 1 од Кривичниот законик.

Несреќата се случила на 28 мај 2026 година околу 23:00 часот на улица „34“ во населбата Илинден, кога дошло до судир помеѓу патничко возило „БМВ“ со скопски регистарски ознаки, управувано од А.С. (23), и мопед управуван од П.С. (20), двајцата од истата населба.

Во несреќата, 20-годишниот возач на мопедот се здобил со тешки телесни повреди, по што бил пренесен во Комплекс клиники „Мајка Тереза“ во Скопје, каде и покрај укажаната лекарска помош починал на 1 јуни 2026 година.

По целосно документирање на случајот, против возачот на автомобилот е поднесена кривична пријава, а истрагата ја води надлежното обвинителство.

The post 20-ГОДИШЕН МОТОЦИКЛИСТ ПОЧИНА ПО СУДИР СО „БМВ“ Кривична за возачот на возилото по сообраќајката во Илинден appeared first on plusinfo.mk.

Основниот кривичен суд Скопје донесе ослободителна пресуда за З.Ј., сопственик на возилото со кое беше предизвикана кобната сообраќајна несреќа на булеварот „Партизански одреди“. За истата несреќа веќе е осуден неговиот син, пренесува 4news.mk.

Против З.Ј. се водеше постапка за кривично дело „Загрозување на безбедноста на сообраќајот“. По анализа на доказите, судот оцени дека дејствијата за кои тој се товари не ги исполнуваат законските обележја на ова кривично дело.

Според образложението на Судот, самата сопственост на возилото не претставува основа за кривична одговорност во ваков случај.

„Имено, согласно образложението на пресудата, судот оцени дека кривична одговорност не може да се заснова врз самата околност што обвинетиот е сопственик на возилото и што неговиот полнолетен син управувал со тоа возило без возачка дозвола.“

Судот појаснува дека ваквото однесување во македонското законодавство е регулирано и санкционирано како прекршок согласно Законот за безбедност на сообраќајот на патиштата. Поради тоа, не може преку проширено толкување на кривичниот закон да се создаваат нови облици на кривична одговорност.

Во пресудата јасно се прави разлика помеѓу прекршочно и кривично дело.

„Повторувањето на едно прекршочно однесување, само по себе, не го претвора во кривично дело. Бројот на прекршоците не може да создаде нов правен квалитет на дејствие доколку не се исполнети законските обележја на конкретното кривично дело“.

АПЕЛАЦИЈА МУ ЈА ЗГОЛЕМИ КАЗНАТА НА ВАСИЛ ЈОВАНОВ Беше осуден на 12 години затвор, сега доби казна од 13 години

The post ТАТКОТО НА ВАСИЛ ЈОВАНОВ Е ОСЛОБОДЕН ОД ВИНА Сопственоста на возило не е кривична вина, вели Судот appeared first on plusinfo.mk.

Тројца луѓе загинаа, а најмалку 13 се повредени во тешката сообраќајна несреќа што се случи на булевар во софиската населба Челопечене, откако автомобил кој, според истрагата, учествувал во нелегална улична трка, со брзина поголема од 150 километри на час, удрил во автобус на градската линија 119 и го превртел на страна. Според бугарското обвинителство, двајцата возачи кои се осомничени дека се тркале по сообраќајницата се сметаат за директно одговорни за трагедијата.

Меѓу загинатите се двајца патници во автобусот, мажи на возраст од 27 и 31 година. Едниот починал на местото на несреќата, а другиот им подлегнал на тешките повреди во болница. Подоцна починал и трет маж кој бил хоспитализиран во болницата „Св. Ана“. Меѓу повредените има лица со тешки повреди на главата, скршеници и повеќекратни трауми, а дел од нив се наоѓаат во критична состојба. На местото на несреќата биле испратени десет екипи на брза помош, кои повредените ги пренеле во неколку болници во Софија.

Заменик-градскиот обвинител на Софија, Ангел Канев, изјавил дека досегашните докази укажуваат оти станувало збор за импровизирана трка меѓу два автомобили. Според него, автомобилот што удрил во автобусот го погодил странично со огромна брзина, по што возилото на јавниот превоз се превртело во одводен канал покрај патот. Истражителите утврдиле дека на коловозот речиси и да нема траги од кочење, што дополнително упатува на екстремно висока брзина непосредно пред ударот.

Во едниот автомобил се наоѓале две лица, а во другиот тројца. Според обвинителството, дел од учесниците немале валидни возачки дозволи, а во едното возило дури настанала расправија околу тоа кој всушност управувал со автомобилот во моментот на несреќата. Тестовите за алкохол и наркотични супстанци биле негативни, но одземени се дополнителни примероци за анализа. Еден од автомобилите по судирот продолжил неконтролирано да се движи и уништил автобуска постојка на околу 25 метри од местото каде што бил удрен автобусот.

Несреќата предизвика целосен сообраќаен колапс во североисточниот дел на Софија. Патниот правец кон Казичене и Челопечене со часови беше затворен додека екипите на полицијата, пожарната и форензичарите ги отстрануваа остатоците и вршеа увид. Градоначалникот на Софија, Васил Терзиев, изрази сочувство до семејствата на жртвите, а бугарските власти најавија темелна истрага за околностите под кои дошло до една од најтешките сообраќајни трагедии во главниот град во последните години.

The post 🎥 📷 ХОРОР ВО СОФИЈА • ТРОЈЦА ЗАГИНАТИ, 13 ПОВРЕДЕНИ ВО БЕЗГЛАВА УЛИЧНА ТРКА Летале со над 150 км на час, удриле во автобус и го превртеле, јавноста гневна! appeared first on plusinfo.mk.

Драматични сцени се случиле во грчкиот град Нафпактос, каде безбедносните камери забележале момент кој во неколку секунди можел да заврши трагично, но завршил со херојска реакција на една мајка.

Инцидентот се случил на улица во близина на пристанишниот плоштад, додека жената го ставалa своето мало дете во паркирано возило.

Во тој момент, автомобил што се движел од спротивна насока, под засега неразјаснети околности, изгубил контрола, скршнал од коловозот и со голема брзина се забил во возилото до кое стоела мајката, пренесуваат локалните медиуми.

Она што следи е сцена која го шокира јавноста. Штом ја забележала опасноста, мајката реагирала инстинктивно и во дел од секундата го зграпчила детето во раце и се оддалечила од местото, влегувајќи во блиска продавница.

Ηλικιωμένος οδηγός στην Ναύπακτο έχασε τον έλεγχο του αυτοκινήτου του και έπεσε πάνω σε σταθμευμένα ΙΧ και μοτοσυκλέτες. Μια γυναίκα που βρισκόταν στο σημείο πρόλαβε να απομακρύνει το παιδί της δευτερόλεπτα πριν τη σύγκρουση.
https://t.co/NAX6fbz7GO pic.twitter.com/8xFkxFsY8o

— iEidiseis.gr (@iEidiseisGR) June 4, 2026

Неколку моменти подоцна, автомобилот целосно излетал од контрола и со силен удар го погодил паркираното возило, предизвикувајќи значителна материјална штета.

Според првичните информации, нема потешко повредени лица, што најмногу се должи на брзата реакција на мајката, која буквално во последен миг успеала да го извлече детето од опасната ситуација.

Настанот е снимен од безбедносни камери и видеото брзо се прошири на социјалните мрежи, предизвикувајќи бројни реакции и коментари за храброста и присебноста на жената.

The post 📽️ ВО ДЕЛ ОД СЕКУНДА ГО СПАСИ ДЕТЕТО ОД СМРТ Херојска реакција на една мајка во Грција appeared first on plusinfo.mk.

Уште една сообраќајна несреќа се случи на нелегалниот пешачки премин во скопската населба Бит Пазар, место кое со години важи за една од најризичните точки за пешаците во главниот град.

Во несреќата што се случила вчера попладне, автомобил удрил жена и маж кои го преминувале коловозот. Двајцата се здобиле со телесни повреди и биле пренесени на лекарска помош, но според првичните информации нивните животи не се во опасност.

На местото на настанот интервенирале екипи на Итната медицинска помош и полициски службеници, кои извршиле увид и работат на целосно утврдување на околностите под кои се случила несреќата.

Инцидентот повторно ги отвори прашањата за безбедноста на оваа локација, каде во изминатите години се регистрирани десетици сообраќајни незгоди со пешаци.

Жителите и случајните минувачи велат дека проблемот е одамна познат и дека е неопходно итно решение.

„Ги видов само кога паднале, не видов подалеку, но велат дека дошле од тука и таму. Тука треба да се постават семафори, нема друг начин“, изјави еден граѓанин кој бил во близина на местото на несреќата.

Граѓаните бараат преминот конечно да биде легализиран и соодветно обележан со бели линии, вертикална сигнализација и семафори, со цел да се намали ризикот од нови сообраќајни незгоди и да се зголеми безбедноста на пешаците.

The post 📽️ ДВАЈЦА УДРЕНИ СО КОЛА НА „ДИВИОТ“ ПРЕМИН КАЈ БИТ ПАЗАР Жена и маж завршија под тркалата на автомобил appeared first on plusinfo.mk.

Мотоциклист од Скопје е повреден во сообраќајна несреќа што се случила на магистралниот пат кај превојот Стража.

Според информациите од полицијата, во несреќата учествувале три возила – „цитроен“ со кичевски регистарски таблички управувано до С.Ј (69), „рено“ со скопски таблички управувано од Љ.А.(43) и мотоцикл „кавасаки“, исто така со скопски регистарски ознаки.

Несреќата била пријавена вчера околу 18:40 часот во ОВР Кичево.

Во судирот повреден бил 45-годишниот мотоциклист И.М. од Скопје. Тој бил пренесен во Медицинскиот центар во Кичево, каде лекарите му констатирале повреди.

На местото на несреќата увид извршила полициска екипа, а причините за судирот се утврдуваат.

The post ПОВРЕДЕН МОТОЦИКЛИСТ ВО НЕСРЕЌА КАЈ СТРАЖА Се судрија две возила и мотоцикл appeared first on plusinfo.mk.

55-годишниот З.С. од селото Конче се здобил со тешки повреди откако тракторот што го управувал излетал од патот и паднал во провалија на регионалниот пат од Дедино кон Конче, во местото „Лакавица“.

Несреќата се случила вчера во периодот меѓу 12:00 и 15:30 часот, кога возачот управувајќи трактор „Торпедо“ со штипски регистарски таблички изгубил контрола над возилото.

На терен интервенирале екипи на Територијалната противпожарна единица Радовиш и Итната медицинска помош, кои успеале да го извлечат повредениот и да го пренесат во Клиничката болница во Штип. Лекарите констатирале тешки телесни повреди.

Од полицијата информираат дека по извршените проверки е утврдено дека мажот управувал трактор без возачка дозвола.

Увид на местото на несреќата извршила екипа од ОВР Радовиш.

The post ТРАКТОР ЛЕТНАЛ ВО ПРОВАЛИЈА, ВОЗАЧОТ ТЕШКО ПОВРЕДЕН Пожарникари и итна помош во спасувачка акција кај Конче appeared first on plusinfo.mk.