Две малолетни девојчиња се тешко повредени во сообраќајна несреќа што се случила на регионалниот пат Куманово-Липково, во атарот на селото Никуштак, Општина Липково.

Несреќата се случила на 4 октомври околу 15:50 часот, кога автомобил „пежо“ со кумановски регистарски ознаки, управуван од 33-годишната В.А. од Никуштак, излетал од коловозот и се превртел.

Двете малолетни девојчиња биле сопатнички во автомобилот и во несреќата се здобиле со тешки телесни повреди.

Возачката В.А. исто така била повредена, а нејзините повреди биле констатирани во Општата болница во Куманово.

Увид на местото на несреќата извршила увидна екипа од СВР Куманово.

The post ДВЕ ДЕЦА ТЕШКО ПОВРЕДЕНИ КАЈ КУМАНОВО Жена со „пежо“ излетала од патот и се превртела appeared first on plusinfo.mk.

Две 20-годишни девојки од Сараево ги загубија животите, а возачот е тешко повреден откако автомобил „голф“ излета во клисура во местото Брадина, во близина на Коњиц, соопшти Министерството за внатрешни работи на Херцеговачко-неретвскиот кантон (ХНК).

Во возилото имало уште две лица, чиј степен на повреди засега не е прецизиран.

„Во оваа сообраќајна несреќа загинаа патниците од возилото, А.М. и Н.З. од Сараево. Возачот, А.Б., се здобил со тешки повреди. Повреди со неутврдена тежина се здобиле патниците, А.Ј. (20) од Илиџа и Д.Д. (20) од Сараево“ – соопшти полицијата.

Според пишувањата на медиумите, несреќата се случила синоќа околу 23:45 часот на магистралниот пат М-17. На местото на настанот излегле надлежн екипи за утврдување на точните причини кои довеле до оваа сообраќајна несреќа.

 

View this post on Instagram

 

A post shared by Crna Hronika BiH (@crnahronikabih)

The post СТРАОТНА НЕСРЕЌА, ЗАГИНАА ДВЕ 20-ГОДИШНИ ДЕВОЈКИ „Голф“ излета во клисура кај Коњиц appeared first on plusinfo.mk.

Две момчиња, на возраст од 18 и 19 години, загинаа во тешка сообраќајна несреќа во романскиот округ Прахова, а сè поради ТикТок предизвик, тврдат романски медиуми,. Според наводите на романскиот портал „Observator News“, момчињата се обиделе да го повторат предизвикот што го виделе на ТикТок. Наводно, сакале да соберат што повеќе прегледи.

За време на ноќното возење ги изгаснале фаровите, а само неколку секунди подоцна автомобилот излетал од патот и удрил во дрво. Михај и Андреј загинаа во несреќата, а третото момче, кое седело на задното седиште, успеало да преживее.

Преживеаното момче раскажало што се случило непосредно пред несреќата.

– Сакавме да одиме во паркот. Се возевме и мојот пријател, се шегуваше и за да ме исплаши рече дека ќе ги угасне светлата… фаровите. Ги изгасна на околу две секунди, а потоа повторно ги запали и додаде гас. Беше многу блиску до кривината и баш тогаш, во кривината, повторно забрза – раскажало преживеаното момче, пренесува Б92.

Автомобилот во кој се наоѓале тројцата пријатели се движел по патот DJ 140, во општината Пучењи Мари. Во кривината, осумнаесетгодишниот возач ја изгубил контролата врз возилото, излетал од патот и силно удрил во дрво.

Деветнаесетгодишниот Михај, кој седел на местото на совозачот, починал на лице место. Возачот Андреј, стар 18 години, бил пренесен во болница, но неколку часа подоцна и тој им подлегнал на повредите. Преживеаното момче рече дека во еден момент постоела можност автомобилот да не удри во дрвото.

– Да не го свртеа воланот, ќе завршевме во поле со пченка и ќе беше подобро. Сврте налево и удривме во дрво – рече тој.

Сведоци тврдат дека осумнаесетгодишниот возач пред несреќата возел многу брзо, околу 120 километри на час.

Полицијата покрена кривична постапка за предизвикување сообраќајна несреќа со смртен исход. Истрагата треба да ги утврди сите околности и што точно довело до трагедијата.

Само во текот на минатата година, на патиштата во Руманија животот го изгубиле речиси 1.300 луѓе, додека повеќе од 3.000 лица здобиле тешки повреди.

The post ТИК-ТОК ПРЕДИЗВИК ЗАВРШИ ТРАГИЧНО ЗА ДВАЈЦА ТИНЕЈЏЕРИ Возеле ноќе со исклучени фарови!? appeared first on plusinfo.mk.

47-годишен жител на струмичкото село Секирник загинал откако бил удрен од автомобил „ренџ ровер“ на влезот во селото.

Несреќата се случила ноќеска, околу 1:30 часот. Според информациите од полицијата, со возилото со струмички регистарски ознаки управувал 39-годишниот М.И. од Ново Село.

Во ударот, пешакот Ѓ.К. (47) се здобил со тешки повреди и починал на местото на несреќата. Смртта ја констатирал лекар од Итната медицинска помош од Струмица.

По несреќата, возачот бил лишен од слобода и задржан во СВР Струмица.

На местото на трагичниот настан извршиле увид јавен обвинител и увидна екипа на СВР Струмица. Се утврдуваат околностите под кои дошло до несреќата.

The post ТРАГЕДИЈА КАЈ СТРУМИЦА Пешак загина откако бил удрен од „ренџ ровер“ appeared first on plusinfo.mk.

Средното градежно училиште „Здравко Цветковски“ се прости од својот ученик Михаел Арсовски, кој заедно со својот татко го загуби животот во тешката сообраќајна несреќа на патот Илинден – Миладиновци.

„Со длабока тага ја споделуваме веста за трагичната и ненадејна загуба на нашиот ученик Михаел Арсовски, ученик во Г-4а клас, кој заедно со својот татко трагично го загуби животот.

Во овие тешки моменти, нашето училиште упатува најдлабоко сочувство до семејството, роднините, пријателите, соучениците и сите кои ги познаваа.

Михаел ќе остане засекогаш во нашите сеќавања како дел од нашето училишно семејство“ – се вели во објавата на СГГУ „Здравко Цветковски“.

Како што информираа од Обвинителство, несреќата се случи вчера околу 2 часот по полноќ, кога автомобил „опел корса“ со кумановски таблички, управувано од 19-годишен кумановец, се судрил директно со автомобил „хјундаи И30“ управуван од 51-годишен жител на Марино, таткото на Михаил.

ТАТКО И СИН ЗАГИНАА ВО ТЕШКА СООБРАЌАЈКА КАЈ СКОПСКИОТ АЕРОДРОМ Тројца млади се тешко повредени

The post МИХАЕЛ ЗАСЕКОГАШ ЌЕ ОСТАНЕ ДЕЛ ОД НАШЕТО УЧИЛИШНО СЕМЕЈСТВО Трогателно простување со ученикот што загина заедно со својот татко appeared first on plusinfo.mk.

Две 13-годипни деца се судрија со мотоцикли во Струмичко, соопшти полицијата.

„На 7.9.2026 година околу 13:40 часот во СВР Струмица е пријавено дека во селото Мокриево, струмичко, се случила сообраќајна несреќа помеѓу мотоцикл без регистарски ознаки, управуван од 13-годишен малолетник од село Мокрино, струмичко, без возачка дозвола и мотоцикл со струмички регистарски ознаки, управуван од 13-годишен малолетник од .Мокриево, без возачка дозвола. Во несреќата малолентикот од .Мокрино се здобил со тешки телесни повреди, а со телесни повреди се здобил другиот малолетник, констатирани во Медицински центар Струмица. Увид на местото изврши екипа од СВР Струмица“, соопшти полицијата.

The post СЕ СУДРИЈА 13-ГОДИШНИ ДЕЦА СО МОТОЦИКЛИ Возеле без дозволи, двајцата се повредени appeared first on plusinfo.mk.

67-годишен жител на Кадрифаково е приведен откако со автомобил „форд“ излетал од патот во селото, а полициската контрола покажала дека возел пијан и без важечка возачка дозвола.

Станува збор за Д.Б., кого полицијата го лишила од слобода на 2 септември околу 16:13 часот.

По сообраќајката, полицајците утврдиле дека во крвта имал дури 2,09 промили алкохол.

Дополнително, било утврдено дека 67-годишникот немал важечка возачка дозвола, додека сообраќајната дозвола на автомобилот била со истечена важност.

Полицијата извршила увид на местото на настанот, а за случајот бил известен и јавен обвинител.

По целосното расчистување и документирање на случајот, против возачот ќе следува соодветна пријава.

The post СЕДНАЛ ЗАД ВОЛАН СО 2,09 ПРОМИЛИ И ИЗЛЕТАЛ ОД ПАТОТ Приведен жител на Кадрифаково кој бил без возачка и со истечена регистрација appeared first on plusinfo.mk.

Такси возило синоќа се забило во оградата на мостот „Близнаци“ на булеварот Србија во Скопје, објавија неколку македонски портали заедно со слика од настанот.

Несреќата се случила на делот од мостот кој гледа кон Ново Лисиче.

Засега нема други информации за случајот.

The post ДРАМА НА БУЛЕВАРОТ СРБИЈА Такси возило се забило во оградата на мостот „Близнаци“ appeared first on plusinfo.mk.

Дваесетгодишен мотоциклист е тешко повреден во сообраќајна несреќа што се случила вчера попладне на магистралниот пат Подмолје – Ќафасан, во близина на Струга.

Несреќата се случила околу 15:20 часот, а во неа учествувале автомобил „голф“, мотоцикл „кавасаки“, две паркирани возила и пешак.

Со „голфот“ управувал 61-годишниот Д.П. од струшкото село Радожда, додека мотоциклот го управувал 20-годишниот Т.Б. од Струга.

Во сообраќајката учествувале и паркиран „мерцедес“ со албански регистарски ознаки, сопственост на 51-годишниот П.Х. од Поградец, како и „крафтер“ со струшки регистарски ознаки, сопственост на 40-годишниот З.Џ. од струшкото село Франгово.

Во несреќата бил повреден и пешак, 61-годишниот Б.Д. од Албанија, кај кого биле констатирани телесни повреди.

Мотоциклистот се здобил со тешки телесни повреди, кои му биле констатирани во болницата „Св. Еразмо“ во Охрид.

На местото на несреќата бил извршен увид од јавен обвинител и полициски екипи. Засега нема информации за дополнителни околности за причините поради кои дошло до несреќата.

The post КАРАМБОЛ КАЈ СТРУГА, СЕ СУДРИЛЕ ПА УДРИЛЕ ВО ПАРКИРАНИ ВОЗИЛА И МИНУВАЧ Тешко повреден мотоциклист, во болница завршил и пешакот appeared first on plusinfo.mk.

Тешко е повреден 30-годишен мотоциклист, а со телесни повреди се здобила и неговата 22-годишна сопатничка, во сообраќајна несреќа што се случила синоќа на улицата „Филип Втори“ во Свети Николе.

Според информациите од Министерството за внатрешни работи, несреќата била пријавена во 22:31 часот во ОВР Свети Николе. Во неа учествувале патничко возило „пежо“, со светиниколски регистарски ознаки, управувано од 68-годишниот Љ.Д. од Свети Николе, и мотоцикл „хонда“, исто така со светиниколски регистарски ознаки, управуван од 30-годишниот С.П. од селото Преод.

Во судирот, мотоциклистот се здобил со тешки телесни повреди, додека неговата 22-годишна сопатничка В.С. од Свети Николе била повредена.

Повредите кај двајцата биле констатирани во болницата во Штип.

По извршениот увид од увидна екипа на ОВР Свети Николе, било утврдено дека возачот на „пежото“ управувал под дејство на алкохол.

Алкотестирањето покажало присуство на 1,19 промили алкохол во крвта.

Од МВР информираат дека по целосното документирање на случајот ќе следува соодветна пријава.

The post СЕДНАЛ ПИЈАН ЗАД ВОЛАН И УДРИЛ ВО МОТОР Мотоциклист тешко повреден, сопатничката во болница appeared first on plusinfo.mk.