Двајца полициски службеници се повредени во сообраќајна несреќа што се случила доцна навечер на улицата Крушевска Република во Скопје.

Според информациите, во судирот учествувале патничко возило „рекстон“, сопственост на Министерството за внатрешни работи, и такси возило „тојота корола“.

Во несреќата со телесни повреди се здобиле 35-годишниот возач на службеното возило и неговиот 29-годишен сопатник. Тие биле пренесени во Комплексот клиники „Мајка Тереза“, каде им била укажана лекарска помош.

На местото на настанот извршен бил увид, а се утврдуваат причините за судирот.

The post ПОВРЕДЕНИ ДВАЈЦА ПОЛИЦАЈЦИ ВО СКОПЈЕ Такси возило се судри со полициско, две лица завршија на Клиника appeared first on plusinfo.mk.

Сообраќајна несреќа во која учествувало службено возило на Министерството за внатрешни работи се случи денеска претпладне во скопската населба Црниче.

Несреќата била пријавена денес околу 11:30 часот на улицата Востаничка, каде се судриле „шкода октавија“ сопственост на МВР и „шкода фабиа“, двете со скопски регистарски ознаки.

Во незгодата повреден е возачот на службеното возило, кој бил пренесен во Ургентниот центар при комплексот клиники „Мајка Тереза“ за укажување лекарска помош.

Од МВР информираат дека увидот е во тек, а за настанот се известени јавен обвинител и Одделот за внатрешна контрола.

The post 📽️ ПОЛИЦИСКО ВОЗИЛО УЧЕСТВУВАШЕ ВО СООБРАЌАЈКА Повреден возач по судар со возило на МВР во Црниче appeared first on plusinfo.mk.

Јавната обвинителка Фатиме Фетаи изјави дека Обвинителството не бара одмазда, туку правда што ќе спречи идни трагедии и ќе испрати силна порака дека човечкиот живот е неприкосновен.

Таа говореше по денешната јавна седница пред Апелациониот суд во Скопје, на која се разгледуваше случајот за смртта на Фросина Кулакова.

– Преку барање на повисока казна, не бараме освета, бараме правда која ќе спречи идни трагедии, правда што ќе испрати јасна порака дека човечкиот живот е неприкосновен – изјави Фетаи.

Таа објасни дека ставот на Вишото јавно обвинителство е жалбата на Обвинителството да биде уважена, а жалбата на одбраната да биде одбиена како неоснована.

– Првостепената пресуда со која обвинетиот Васил Јованов е огласен за виновен треба да биде преиначена, на начин што истиот ќе биде осуден на повисока казна затвор. Максимумот за ова дело е 20 години – нагласи обвинителката.

Фетаи додаде дека судската пракса не може да биде единствено мерило, бидејќи секој случај е уникатен и бара разгледување на сите околности, вклучително и на личноста на сторителот.

– Казната затвор не е само бројка, туку став — одраз на тоа какви вредности како општество ги штитиме – додаде таа.

Таткото на трагично загинатата Фросина Кулакова изјави дека очекува Апелациониот суд да ја исправи неправдата и конечно да стави крај на, како што рече, „озлогласената пракса на минимални казни за најтешките сообраќајни злосторства“.

– Како е можно во земја каде секојдневно гинат луѓе на улиците, да нема ниту еден случај со максимална казна? Тоа не е случајност, тоа е корупција што ја изеде правдата. Апелациониот суд мора да го исправи ова беззаконие – рече Кулаков.

Тој најави и поднесување кривични пријави против судијките Даниела Алексовска и Снежана Марковска, како и претставка до Судскиот совет за нивно разрешување.

Мајката на Фросина Кулакова, видно потресена, истакна дека на денешната седница се зборувало само за обвинетиот, а никој не ја споменал нејзината ќерка.

– Повеќе од четири часа слушавме колку млад и успешен спортист бил Васил Јованов, а никој не ја спомена Фросина. Каде сме ние? Ние сме духовни инвалиди станати – рече мајката.

Таа го оспори признанието на вина како олеснителна околност.

– Какво е тоа каење кога првиот ден во притвор се снабдува со мобилен телефон? Тоа не е искрено каење, тоа е манипулација за да добие пониска казна. За мене 12 години се ништо. Ништо нема да ја врати. За еден човечки живот, тоа е премалку – додаде таа.

Инаку, Основниот кривичен суд – Скопје на 13 мај годинава го осуди Васил Јованов на 12 години затвор, откако тој призна вина за делото „тешки дела против безбедноста на луѓето и имотот во сообраќајот“ за сообраќајката во јануари, кога на булеварот Партизански одреди ја прегази Фросина Кулакова.

Семејството, Обвинителството и јавноста сега очекуваат од Апелациониот суд одлука која, како што велат, ќе биде тест за довербата во правосудството и почитта кон човечкиот живот.

The post НЕ БАРАМЕ ОСВЕТА, ТУКУ ПРАВДА, ВЕЛИ ФЕТАИ Семејството на Фросина бара максимална казна за Васил Јованов appeared first on plusinfo.mk.

Возач на мотоцикл од Скопје (32) се здобил со тешки телесни повреди по сообраќајна несреќа што се случила на булевар Александар Македонски, соопшти денеска Министерството за внатрешни работи.

Од полицијата информираа дека несреќата се случила при судир помеѓу мотоцикл со скопски регистарски ознаки, управуван од повредениот М.Ј.(32), и патничко возило марка „шкода јети“, исто така со скопски регистарски таблици.

– Двајцата возачи се договориле на самото место и си заминале, по што подоцна мотоциклистот побарал лекарска помош, при што бил донесен во Градската општа болница „Св. Наум Охридски“ со тешки телесни повреди – велат од МВР.

Од полицијата додаваат дека е извршен увид и се преземаат мерки за целосно расчистување на случајот.

The post СЕ ДОГОВОРИЛ СО ВОЗАЧОТ, А ПОТОА ЗАВРШИ ВО БОЛНИЦА Моторџија од Скопје со тешки повреди по судирот appeared first on plusinfo.mk.

Тешка сообраќајна несреќа се случи вчера на автопатот Гоце Делчев, на потегот од Свети Николе кон Скопје, во близина на клучката Коњари.

Според информациите од МВР, патничко возило марка „Хонда“ со скопски регистарски ознаки, управувано од З.Н. (36) од Скопје, излетало од патот и се превртело.

Во несреќата со тешки телесни повреди се здобила малолетна сопатничка, која итно била префрлена во Комплексот клиники „Мајка Тереза“. Со полесни повреди се извлекле возачот З.Н., сопатничката С.Н. (36) и уште еден малолетен сопатник.

На местото на несреќата излегла увидна екипа од СВР Скопје, која извршила целосен увид за причините поради кои дошло до превртувањето.

The post ХОНДА СЕ ПРЕВРТЕ НА АВТОПАТОТ ГОЦЕ ДЕЛЧЕВ Повредени четири лица меѓу кои и малолетници appeared first on plusinfo.mk.

72-годишен пешак загина на лице место откако во него удри моторцикл на улицата Шар Планина во Скопје, а 22-годишниот мотоциклист е приведен и задржан во полициска станица, информира Министерството за внатрешни работи.

Несреќата се случила на 30 јуни 2025 година, околу 13:45 часот, кога мотоцикл марка „БМВ“ со бугарски регистарски таблички, управуван од М.О. (22) од Скопје, удрил во пешакот К.Г. (72) од Скопје. Според информациите од полицијата, од ударот пешакот починал на лице место, а смртта била констатирана од страна на лекар од Итната медицинска помош.

– На местото на настанот веднаш беше упатена увидна екипа на СВР Скопје и јавен обвинител. По извршениот увид, по наредба на јавен обвинител, возачот на мотоциклот е лишен од слобода и задржан во полициска станица за понатамошна постапка – информираат од МВР.

Од Министерството додаваат дека по целосно расчистување и документирање на случајот, против М.О. ќе биде поднесена соодветна пријава.

The post МОТОЦИКЛИСТ УДРИ ПЕШАК И ГО УБИ НА МЕСТО Уапсен 22-годишник од Скопје кој со лудо возење усмрти пешак appeared first on plusinfo.mk.