Новиот музичко-театарски спектакл „Музичка beat-ка“ со омилените ликови од 5+ Фамилија, кој веќе ја освои публиката во Велес и во Битола со силни емоции, искрени насмевки и долги аплаузи, доаѓа и во Скопје. Овој уникатен проект се реализира во рамки на кампањата „Сонуваме.Менуваме“, која Стопанска банка ја спроведува седма година по ред, со доследна цел – да ја подигне јавната свест и да придонесе кон поголема инклузија на лицата со попреченост во нашето општество.

Претставата „Музичка beat-ка“ ќе се одигра пред скопската публика на 28 февруари (сабота), на големата сцена на Националната опера и балет (НОБ), со две изведби – во 14 и во 16 часот. Билетите по цена од 250 денари се достапни онлајн и на денот на настанот во билетарницата на НОБ. Но, тоа не е само билет за претстава, туку и билет за поддршка, солидарност и конкретна помош. Секој купен билет е директна донација за проекти на асоцијации кои работат со деца со попреченост, овозможувајќи им подобри услови, нови можности и повеќе причини за радост.

Седум години по ред, преку „Сонуваме.Менуваме“, Банката заедно со граѓаните создава вистинска заедница на добрина преку игра, песна, музика, но и преку донации кои оставаат траен белег. „Музичка beat-ка“ е уште еден чекор во мисијата уметноста да биде мост меѓу различностите и сцена на која секој има свое место.

Спектаклот се реализира во соработка со ОXО продукција, а на сцената заедно настапуваат популарните ликови од „5+ Фамилија“ и нивните другарчиња со попреченост. Тие не се само учесници во претставата, туку рамноправни ѕвезди на сцената, кои преку музика и танц испраќаат силна порака дека различностите не нѐ разделуваат, туку нè збогатуваат. Публиката не сведочи само на уметнички настап, туку на искрена лекција за прифаќање, емпатија и заедништво.

Стопанска банка останува посветена на мисијата да изгради подобар и поправеден свет за сите, свет во кој секое дете има можност да сонува, создава и да биде прифатено без предрасуди. Затоа, оваа претстава е повик за заедничка акција, отворање на срцата и за поддршка таму каде што е најпотребна.

The post МУЗИЧКО-ТЕАТАРСКИОТ СПЕКТАКЛ „МУЗИЧКА BEAT-КА“ ВО СКОПЈЕ Две изведби на 28 февруари во НОБ appeared first on plusinfo.mk.

Нови 16 здруженија и асоцијации на лица со попреченост ќе добијат грантови од Стопанска банка АД – Скопје за реализација на проекти кои ја поттикнуваат инклузијата и ги подобруваат условите за нив во заедницата. Стопанска банка ги објави добитниците на грантовите во вкупна вредност од 30.000 евра, како дел од годинешното издание на општествениот проект на Банката, „Сонуваме.Менуваме“ vol.7, кој од 2016 година ја подигнува јавната свест за поголема инклузија на лицата со попреченост и помага во градењето на подобро општество за сите.

Оваа година на јавниот повик на Стопанска банка се пријавија 28 здруженија и асоцијации од земјава кои аплицираа со конкретни проекти. Посебно формирана комисија во Банката ги оценуваше пристигнатите проекти, при што се вреднуваше бројот на лица што ги опфаќа проектот, дали овозможуваат континуирана работа со лицата со попреченост преку нови едукативни, инклузивни или физиотерапевтски методи или пак овозможува нивна поголема слобода при движењето и извршувањето на секојдневните активности. Комисијата селектираше 16 проекти кои ќе добијат финансиска поддршка од Банката за нивна реализација.

– Им благодариме на сите здруженија и асоцијации кои испратија барања и одговорија на повикот. Нѐ радува фактот што со годинешниот буџет достигнуваме 150.000 евра донирани во проекти кои значително го подобруваат секојдневието на лицата со попреченост – истакнуваат од Стопанска банка.

Преку платформата „Сонуваме.Менуваме“, во оваа и претходните години, Стопанска банка финансиски има поддржано реализација на околу 80 инклузивни проекти. „Сонуваме.Менуваме“ продолжува да биде платформа преку која Банката промовира инклузија на лицата со попреченост во општеството преку кампања, инклузивни музичко театарски претстави и донации.

Музичко-театарските претстави за деца кои се значаен и видлив дел од оваа општествено-одговорна кампања, покрај во Скопје, се прикажуваат годинава во Велес и во Битола, ширејќи ја на интересен и приемчив начин пораката за значењето на инклузијата.

The post СТОПАНСКА БАНКА ЌЕ ПОДДРЖИ 16 НОВИ ИНКЛУЗИВНИ ПРОЕКТИ Седмо издание на „Сонуваме.Менуваме“ appeared first on plusinfo.mk.

Во пресрет на Меѓународниот ден на лицата со попреченост, 3 декември, Стопанска банка АД – Скопје повторно објавува повик за доделување грантови за асоцијациите на лица со атипичен развој, насочени кон реализација на конкретни проекти со кои се поттикнува инклузијата и се подобруваат условите во средината во која учат и живеат лицата со попреченост. Грантовите се дел од општествено одговорниот проект на Банката, „Сонуваме.Менуваме“, кој годинава ќе го има седмото издание.

Јавниот повик е отворен за сите асоцијации, здруженија или проекти со фокус на лица со попреченост. Притоа, се очекува барателите да аплицираат за грант со конкретни проекти кои опфаќаат повеќе лица, овозможуваат континуирана работа со нив преку нови едукативни, инклузивни или физиотерапевтски методи или пак овозможуваат нивна поголема слобода при движењето и извршувањето на секојдневните активности.

Проектите со кои асоцијациите и здруженијата аплицираат треба да содржат информации за целната група, времетраењето на проектот, целта и очекуваните резултати, буџетот за реализација, како и за носителот на проектот (апликант, асоцијација, здружение и сл.). Барањата, заедно со контакт податоците, треба да се испратат на адресата csr@stb.com.mk , со назнака „Предлог проект за грант: Сонуваме.Менуваме 2025“, најдоцна до 30 ноември 2025 година.

Посебно формирана комисија во Стопанска банка ќе биде задолжена за евалуација на пристигнатите барања за грант, а избраните проекти кои ќе добијат финансиска поддршка ќе бидат објавени на 3 декември 2025 година.

Особено нѐ радува што оваа година музичко-театарските претстави кои традиционално се дел од кампањата „Сонуваме.Менуваме“, покрај во Скопје, ќе се прикажуваат во Битола и во Велес на 5 и 16 декември, ширејќи ја низ земјава пораката за значењето на инклузијата.

Како и во изминатите години, актерската екипа во претставите ќе вклучува и деца со попреченост, а инклузијата ќе биде главната инспирација.

The post СТОПАНСКА БАНКА ОБЈАВИ ПОВИК ЗА ГРАНТОВИ ЗА ЛИЦА СО АТИПИЧЕН РАЗВОЈ Седмо издание на проектот „Сонуваме. Менуваме“ appeared first on plusinfo.mk.

Од компанијата порачуваа дека „долгогодишните заложби на Стопанска банка АД-Скопје за промоција на инклузијата на лицата со пречки во развојот во сите општествени сфери преку конкретни проекти со кои се подобруваат условите за учење, социјализација и развој, продолжуваат и оваа година со исто темпо“.

Стопанска АД-Скопје порачува дека „поддршката на инклузивните проекти е значаен дел од корпоративната култура на Стопанска банка преку долгогодишната кампања „Сонуваме. Менуваме“, која на крајот од оваа година ќе се заокружи со музичко-театарскиот спектакл“.

Претставата „Необичен ден“ ќе се прикажува на 29 декември во Македонскиот народен театар од 18 и 20 часот, ден кога Стопанска банка го прославува својот јубилеен 80. роденден. Прикажувањето на музичко-театарскиот спектакл е заокружување на годинешната јубилејна кампања ДОМА, со која Стопанска банка преку многубројни активности во текот на целата година ги одбележа, како што велат, „изминатите осум децении успешна работа и континуирана поддршка на заедницата“.

Билетите за „Необичен ден“ наскоро ќе бидат пуштени во продажба на билетарницата на МНТ, а претставите ќе продолжат со прикажување и во јануари 2025 година. Зад овој спектакл стои Стопанска банка во соработка со ОXО продукција, при што на сцената ќе се појават популарните ликови од „5+ Фамилија“, Лина, Петко, детективот Цветко, Џими, Лука, Цвајнштајн, Алек, Лиз и Мира и нивните другарчиња со попреченост.

„Актерите на сцената, на која сите се рамноправни и еднакво придонесуваат за нејзината успешност, преку игра и песна уште еднаш ќе ја пренесат пораката дека е потребно сите заеднички да работиме на менување на јавната свест за потребата од инклузија, со што ќе создадеме свет без предрасуди во кој сите сме еднакви“, се вели во соопштението на Стопанска банка АД-Скопје.

„Ова е шесто издание на кампањата „Сонуваме. Менуваме“, која низ годините прерасна во платформа која вистински го менува светот на подобро преку конкретни проекти“, велат од компанијата.

За таа цел, велат од компанијата, Стопанска банка и годинава распиша јавен повик за доделување грантови на асоцијациите на лица со посебни потреби за реализација на проекти со кои се подобруваат условите во заедницата во која тие учат и живеат.

„Станува збор за проекти кои опфаќаат поголем број деца со попреченост, кои овозможуваат континуирана работа со нив преку нови едукативни, инклузивни или физиотерапевтски методи или пак овозможуваат нивна поголема слобода при движењето и извршувањето на секојдневните активности“, се вели во соопштението.

Преку платформата „Сонуваме.Менуваме“, во оваа и претходните години Стопанска банка ќе има инвестирани над 115.000 евра за реализација на повеќе од 60 проекти, што, велат до компанијата, е од големо значење за асоцијациите.

Асоцијациите кои сѐ уште не се пријавиле за грант имаат можност да аплицираат до 20 декември 2024 (петок), на мејл адресата csr@stb.com.mk со назнака „Предлог проект за грант: Сонуваме.Менуваме 2024“.

Пријавените проекти, како и во минатите години, ги оценува посебна комисија од Стопанска банка, а Банката ќе ги објави добитниците на грантови на 29 декември 2024 година.

The post СПЕКТАКЛОТ „НЕОБИЧЕН ДЕН“ СО ЈУНАЦИТЕ ОД „5+ ФАМИЛИЈА“ ЌЕ СЕ ОДРЖИ ВО МНТ Стопанска банка ја промовира инклузијата на лица со пречки во развојот appeared first on plusinfo.mk.

Петтото издание на „Сонуваме. Менуваме“ годинава започна со повик до асоцијации, училишта и здруженија на лица со попреченост да испратат барања за грантови за што Банката предвиде буџет од 20.000 евра. Годинава до банката пристигнаа рекорден број барања, вкупно 31, и голем дел од нив во следниот период ќе бидат реализирани.

Заедно со годинашните добитници на грантови Банката заокружува над 80.000 евра донации во реализација на речиси 50 проекти како дел од „Сонуваме. Менуваме“.

Во рамки на годинашното издание на оваа општествено-одговорна активност имаше пет прикажувања на новата инклузивна музичко – театарска претстава во Македонскиот народен театар во продукција на ОхО со омилените ликови од популарната ТВ-серија „5+ Фамилија“

– Низ игра, низ песна и низ смеа пренесовме порака до нашите најмлади сограѓани дека секој ден можеме да делуваме за да создадеме подобра иднина и подобар свет за сите. Богатата претстава изобилува со одлична сценографија, кореографија и впечатлива музика и ни претставува задоволство што можеме да најавиме дека во текот на 2024 година претставата ќе продолжи да се прикажува во МНТ и ќе продолжи да ја шири оваа значајна порака – велат од Стопанска банка.

Комисијата која одлучуваше во предвид ги зеде и одобрените проекти од претходните години за да се одржи континуитет во видот и формата на проектите чија цел е да дадат подолгорочни ефекти во секојдневието на корисниците и да помагаат во условите и пристапот неопходни за едукација и правилен развој на корисниците.

Проектите со кратко објаснување и одобрените износи се прикажани во продолжение. Банката ќе ги контактира сите добитници и ќе пристапи кон соодветна реализација веќе во јануари.

– ОУРЦ „Др. Златан Сремец“, Скопје за набавка на интерактивна маса. Одобрен износ: 1.600 евра.

– ООУ „Димитар Поп Георгиев – Беровски“, Скопје за набавка на електромоторен транспортер за инвалидска количка (гасеничар). Одобрен износ: 4.000 евра.

– Соѕвездие – градежна реконструкција на адаптиран тоалет за лица со телесна попреченост над 18 години. Одобрен износ: 3.500 евра.

– НВО „Пркос“ – НВО за грижа на лица со церебрална парализа за набавка на ортопедски помагала. Одобрен износ 1.700 евра.

– „Ластовица“ Асоцијација за деца и младинци со посебни потреби за набавка на логопедска опрема и уреди. Одобрен износ: 1.000 евра.

– „Детелинка плус“ – Центар за поддршка на деца и млади со пречки во развојот, Битола за набавка на дидактички материјали. Одобрен износ: 1.000 евра.

– ООУ „Кузман Јосифовски – Питу“ паралелка за деца со оштетен слух – набавка на училишен инвентар. Одобрен износ: 1.000 евра.

– Дневен центар за лица со церебрална парализа за набавка и поставување на роло завеси (ролетни) за прозорците во дневниот центар. Одобрен износ: 1.000 евра.

– ЈЗУ Здравствен дом Скопје – Компјутерска опрема. Одобрен износ: 1.000 евра.

– Здружение за давање услуги на лица со попреченост ХАНДИМАК – Тетово за опремување сензорна соба за потребите на децата и ученици со попреченост. Одобрен износ: 1.000 евра.

– Здружение за развој на општествена одговорност „Мој пат“ – Скопје. Поддршка во набавка на симулатор за одење. Одобрен износ: 2.000 евра.

– Здружение на лица со церебрална парализа и други попречености – Велес. Градежни работи за уредување на дворно место. Одобрен износ: 1.200 евра.

The post ДОНАЦИЈА ОД 20.000 ЕВРА ОД СТОПАНСКА БАНКА Банката ги избра проектите за инклузија на лицата со попреченост appeared first on plusinfo.mk.

Почнувајќи од 20 декември (среда), ќе се одржат пет изведби на музичката претстава „Необичен ден“ во Македонскиот народен театар (МНТ) во Скопје. Премиерната изведба е закажана за 20 декември во 20 часот, по што следат уште четири изведби и тоа две на 21 декември од 17:30 и 19:30 часот, една на 26 декември од 19 часот и последната на 27 декември од 19 часот. Билетите за спектаклот веќе се во продажба и чинат 250 денари. Тие може да се набават во билетарницата на МНТ и онлајн преку официјалната веб-страница на МНТ на следниот линк.

Зад спектаклот „Необичен ден“, покрај Банката, стојат ОхО продукција со омилените ликови од „5+ Фамилија“, Лина, Петко, детективот Цветко, Џими, Лука, Цвајнштајн, Алек, Лиз и Мира, заедно со повеќе деца со попреченост кои рамноправно со актерската екипа се носители на целото дејство. Режисер е Дејан Пројковски, така што целата екипа нуди одлична семејна забава, со која преку игра и песна присутните ќе сонуваат и ќе се обидат да го менуваат светот на подобро.

Кампањата „Сонуваме. Менуваме“ има цел да ја подигне свеста кај јавноста за потребата од поголема инклузија на лицата со попреченост во општеството. Организацијата на инклузивните претстави премина во прекрасна традиција за Стопанска банка, каде што јавноста ги препознава и ги поддржува заложбите за создавање подобар свет за сите. Тоа го покажуваат и преполните сали на секоја изведба на инклузивните претстави. Веруваме дека и оваа година ќе биде така.

Покрај кампањата и претставата, како и претходните години, „Сонуваме. Менуваме“ е проект преку кој се реализираат и грантови за Асоцијациите на лица со попреченост, за кои Банката веќе објави јавен повик.

The post „НЕОБИЧЕН ДЕН“ СО ЈУНАЦИТЕ ОД „5+ФАМИЛИЈА“ Билетите за инклузивната претстава во билетарницата на МНТ appeared first on plusinfo.mk.

„Јавниот повик за доделување грантови е објавен на веб-страницата на Банката, а на повикот може да се пријават сите асоцијации на деца со посебни потреби, инвалидитет или со периферни оштетувања. Организациите треба да аплицираат со конкретни проекти кои опфаќаат поголем број деца, овозможуваат континуирана работа со нив преку нови едукативни, инклузивни или физиотерапевтски методи или пак овозможуваат нивна поголема слобода при движењето и извршувањето на секојдневните активности“, информираат од банката.

Во соопштението исто така се вели дека испратените проекти треба да содржат информации за целната група, времетраењето на проектот, целта и очекуваните резултати, буџетот за реализација, како и за носителот на проектот (апликант, асоцијација, здружение и сл.). Проектите, заедно со контакт податоците, треба да се испратат најдоцна до 20 декември 2023 година, на мејл адресата csr@stb.com.mk со назнака „Предлог проект за грант: Сонуваме. Менуваме. 2023″.

Проектите ќе ги оценува посебно формирана комисија од Стопанска банка, а избраните проекти кои добиле финансиска поддршка ќе бидат објавени на 29 декември 2023 година.

„Во изминатите години, неколку десетици асоцијации и организации на лица со посебни потреби добија грантови за реализација на повеќе проекти. Дел од нив се специјализирани училишта и институции за деца со оштетен слух или вид, организации за помош и поддршка на лица со Даунов синдром, здруженија за лица со церебрална парализа и др“, велат од Стопанска банка.

Кампањата „Сонуваме. Менуваме“ своја кулминација ќе достигне повторно со театарско-музичкиот спектакл кој ќе се прикаже во МНТ во Скопје, во пет термини од 20 до 27 декември. Зад претставата стојат ОхО продукција со омилените ликови од „5+ фамилија” и режисерот Дејан Пројковски, па очекуваме одлична семејна забава.

Деталите за претставите и продажбата на влезници ќе следуваат наскоро.

The post ПЕТТО ИЗДАНИЕ НА „СОНУВАМЕ. МЕНУВАМЕ“ Стопанска банка доделува грантови за реализација на проекти за лица со посебни потреби appeared first on plusinfo.mk.