Чешкиот професионален рибар Јакуб Вагнер повторно го помести сопствениот рекорд и го воодушеви светот на спортскиот риболов.

Во раните утрински часови на 2 август годинава, на Врановското Езеро во Чешка, тој успеа да улови џиновски сом долг 2,68 метри – редок улов дури и за најискусните рибари. Фотографиите од уловот веќе се вирални на социјалните мрежи.

„50 минути возбуда, борба и издржливост“ – така Вагнер ја опиша драматичната сцена што се одигра додека ловел сам на чамецот. Тој потврди дека ова е најголемиот сом што досега го има фатено, надминувајќи го претходниот личен рекорд.

На својата официјална страница на Фејсбук, Вагнер го опиша моментот во детали:
„Бев исцрпен, скоро и да не спиев, функционирав на автопилот – но знаев дека нешто големо ме чека во водата“.

Додека веслал под една карпа обрасната со корени, Вагнер забележал нешто необично во водата.

„Мислев дека е големо парче дрво, но всушност беше џиновски сом што мирно пливаше“, напиша тој. Веднаш го спуштил мамецот – и чекал.

Првите 10 минути не се случувало ништо. Потоа – нападот.

„Едвај приметливо повлекување – и потоа моќта на рибата ми го повлече целиот чамец“, објаснува Вагнер. Сомот влечел метар по метар од рибарската линија – и покрај тоа што кочницата била целосно стегната.

Борбата траела цели 50 минути, по што конечно успеал да го извлече соменот. Само еден ден претходно, Вагнер уловил уште еден „џин“ долг 250 сантиметри, но како што самиот вели, во споредба со новиот улов, тој изгледал „како дете“.

„Не беше импресивна само должината, туку и масата на животното – дишев како да сум трчал маратон“, вели Вагнер.

The post 📷 РИБАР УЛОВИ СОМ КОЛКУ ПОЛОВИНА АВТОБУС Борбата со „чудовиштето“ траела 50 минути appeared first on plusinfo.mk.

– Сомот кој е позната езерска риба го фатив на Калиманско Езеро. Должината му е 2,4 метри, а тежок е 80 килограми, иако на вагата покажува 82,05 кг. Тоа е поради садот во кој е ставен на мерење кој тежи 2,05 килограми, вели Стојмирски.

Претходно во месец јули годинава спортскиот риболовец Горанчо Ќурчиски фати сом тежок 70 килограми.

– Со Ванчо сме често на риболов. Во мојот случај тој ми помогна да го извадиме од водите. Тежеше за 10 килограми помалку од оној на Стојмирски, значи 70 килограми и беше долг 230 сантиметри, додава Ќурчиски.

Калиманско Езеро изобилува со ретки примероци на сом, а токму делчевските риболовци се едни од рекордерите со најголем улов на познатото вештачко езеро.

The post ДЕЛЧЕВЕЦ УЛОВИ СОМ ОД 80 КИЛОГРАМИ Несекојдневен улов во езерото Калиманци appeared first on plusinfo.mk.