Во овие две години вратени се 4,6 милијарди евра стари долгови, а државата сепак проектира економски развој, буџетот се полни со предвидената динамика, додека долгот е намален како процент од БДП. Се справивме со најголемата енергетска криза во поновата историја, рече премиерот Христијан Мицкоски во поткастот „Каде се парите“.

– На дневна основа комуницирам со институциите кои се задолжени да го полнат буџетот, вклучително и со министерката за финансии, имам јасен преглед што се случува, како се случува, и во каква состојба сме и каква состојба требаше да исправаме што ја наследивме пред 2 години кога бевме избрани како влада. Апсолутно сите да бидат спокојни, буџетот се полни во динамиката која што е предвидена – рече премиерот Мицкоски и додаде дека имајќи ги предвид сите предизвици, вклучително и најголемата енергетска криза во поновата историја на човештвото, сигурен е дека владата успешно се справила.

Според него, моменталната ситуација со буџетот е многу подобра отколку во претходните години и покрај тоа што се враќа солидарниот данок на минатата влада, поради одлуката на Уставен суд.

– Заклучно со 15 јуни, реализацијата на буџетот е отприлика 43%, бидејќи на 15-ти се исплаќаат сите оние персонални даноци, сите пријави кои се однесуваат на платите и така натаму, на 25-ти се исплаќа ДДВ. Второ, не го гледате нетираниот солидарен данок, од отприлика милијарда и пол – две кој ние го нетиравме со компаниите, односно после одлуката на Уставниот суд, ние го вративме. Кога ќе го додадете нетираниот солидарен данок, ќе дојдеме со бројка над 44%. Во следното полугодие од годината, тоа се седмиот и десеттиот месец ние ќе го наплатиме тромесечниот данок на додадена вредност, додека во првото полугодие од годината само во април го наплаќаме. И конечно доаѓаме до декември, најчесто се исплаќаат сите даноци, бонуси, дивиденди и така натаму и тогаш по правило собирањето на даноци на крајот на годината е практично најголем. Така што мене апсолутно оваа состојба не ме загрижува, туку напротив е многу подобра отколку што беше годините наназад – изјави премиерот Мицкоски.

Тој вели дека хистерија креваат личности блиски до СДСМ и политичари кои ја довеле државата во тешка состојба, кои сега гледаат како оваа влада успеала да се справи со кризата и да обезбеди стабилно снабдување со нафтени деривати не само за македонските граѓани, туку и за граѓаните на соседните држави.

– Хистеријата која ја рефлектираат во јавноста одредени аналитичари блиски до СДСМ и некои политичари кои ја доведоа Македонија во оваа состојба, кои порано имаа допирна точка со економијата и финансиите, мене не ме загрижуваат, туку ме охрабруваат затоа што таа хистерија е соодветна на луѓе кои го изгубиле тлото под нозете, се во паника и гледаат дека и покрај сите кризи ние успеавме како држава без да очајуваме, без да држиме панични прес-конференции, како што тоа беше случај во соседството, да се справиме на еден мирен начин, да обезбедиме стабилно снабдување на граѓаните и бизнисот со нафта и нафтени деривати, да успееме да обезбедиме стабилно снабдување и за граѓаните на соседните држави. И конечно да дојдам до мојата поента, имајќи го предвид сето она што го презедовме на почеток – намалено ДДВ, потоа намалена акциза и да ги имаме овие наплати, тоа е голем успех – потенцираше премиерот Мицкоски.

The post ВЛАДАТА ЗА 2 ГОДИНИ ВРАТИЛА СТАРИ ДОЛГОВИ ОД 4,6 МИЛИЈАРДИ ЕВРА Мицкоски вели дека аналитичари блиски до СДСМ шират хистерија appeared first on plusinfo.mk.

Државата во текот на следниот месец треба да го исплати првиот дел од солидарниот данок што компаните во 2023 година го уплатија во согласност со Законот за данокот на солидарност.

Од Министерството за финансии за МИА велат дека процесот за враќање на средствата уплатени во согласност со Законот за солидарен данок е почнат.

– Донесен е правилник за изменување и дополнување на правилникот за формата и содржината на образецот на барањето за враќање повеќе или погрешно наплатен данок и веќе е објавен во „Службен весник“. Компаниите треба да достават барање за поврат на средствата до Управата за јавни приходи – информираат од МФ.

Со Законот за данокот на солидарност беа опфатени компании што во текот на 2022 година остварија вкупен приход поголем од 615 милиони денари и во согласност со Законот во буџетот во текот на 2023 година беа уплатени речиси 50 милиони евра од страна на 156 компании. По поништување на Законот од страна на Уставниот суд, државата имаше обврска да ги врати средствата што беа уплатени во буџетот по основ на Законот. Врз основа на оваа одлука на Уставниот суд, Министерството за финансии доби задолжение од Владата да пристапи заедно со компаниите кон утврдување модалитет за поврат на средствата, при што беше дефинирано повратот на средства да се изврши во две рати, односно во март 2026 година и во март 2027 година.

The post ВО МАРТ ЌЕ СЕ ВРАТИ ПРВИОТ ДЕЛ ОД СОЛИДАРНИОТ ДАНОК Државата треба да врати речиси 50 милиони евра appeared first on plusinfo.mk.

Компаниите не се откажуваат од враќање на парите уплатени за солидарниот данок, но има кои се откажаа од исплатата на зетезната камата, информира денеска министерката за финансии Гордана Димитриеска Кочоска.

– Голем број компании се откажаа од затезната камата, но не се откажуваат од главниот долг. Најголемиот дел од нив се согласија со исплата на долгот на два деа но има и такви кои понудија поинакво решение за исплатата – рече Димитриеска Кочоска.

Според неа, владата на следната седница ќе расправа за прашањето на начинот на враќање на парите од солидарниот данок кон компаниите.

– За ова прашање требаше владата да расправа на последната седница која требаше да биде затворена, бидејќи даноците се деловна тајна, но поради одредени причини, точката не се расправаше. На наредната седница на владата ќе се расправа за начинот на враќање на солидарниот данок по што ќе ја информираме јавноста за тоа – рече Димитриеска Кочоска.

Таа одби да каже имиња на компании кои понудиле поинаков модел на исплата на парите од солидарниот данок, повикувајќи се на одредбата за тајност.

The post КОМПАНИИТЕ НЕ СЕ ОТКАЖУВААТ ОД ВРАЌАЊЕ НА ПАРИТЕ УПЛАТЕНИ ЗА СОЛИДАРНИОТ ДАНОК Најголемиот број од нив ја простуваат затезната камата appeared first on plusinfo.mk.

Повратот на ДДВ кон стопанството се враќа што се евидентира преку податоците на трезорот на Министерството за финансии, а во тек е и процесот за поврат на солидарниот данок кон компаниите кои го уплатија по основ на законско решение. Ова го истакна министерката за финансии Гордана Димитриеска-Кочоска во гостување во ТВ 21.

– Податоците јасно кажуваат како се одвива повратот на ДДВ. Заклучно со 22 септември 2025 година вкупниот поврат на ДДВ, којшто е направен кон компаниите изнесува 24,85 милијарди денари, додека заклучно со 22 септември 2024 година повратот на ДДВ изнесува 23,56 милијарди денари, односно имаме повисок износ на поврат за 5,5% или за 1,29 милиони денари (20 милиони евра) во однос на  минатата година -рече Димитриеска- Кочоска.

Таа посочи дека доколку има реакции од одредени компании можеби станува збор за компании коишто се предмет на контроли во Управата за јавни приходи и дека врз тоа Министерството за финансии не може да влијае.

При тоа наведе дека УЈП со поддршка од Светска банка, Меѓународниот  монетарен фонд и Трезорот на САД, изработи индикатори врз основа на кои констатира кои компании се поризични и треба да се проверат теренски.

Министерката рече и дека е во тек повратот солидарниот данок.

– Тоа е постапка што ние ја спроведуваме. Останаа уште неколку компании коишто до овој момент немаат одговорено на прашањето што им го доставивмe, а кое во јавноста го комунициравме претходно. Односно прашањето беше дали се согласуваат со она што Владата го предлага, а тоа е на два пати да се врати солидарниот данок, еднаш во март 2026 и еднаш во март 2027 година. Голем дел од компаниите одговорија и во најголем дел се позитивни и се согласуваат -рече Димитриеска – Кочоска.

Таа додаде дека враќањето на средствата, кои, како што рече, на еден нефер начин биле земени,  е прилагодено согласно условите во Буџетот и при тоа упати благодарност до компаниите за прифаќање на доставениот предлог.

The post ЗАБЕЛЕЖАН РАСТ НА ПОВРАТОТ НА ДДВ КОН КОМПАНИИТЕ Солидарниот данок ќе се враќа на два пати во 2026 и во 2027 година appeared first on plusinfo.mk.

Државата мора да им врати речиси 50 милиони евра на 156 компании кои во 2023 година го платија таканаречениот данок на солидарност. Оваа обврска произлегува од одлуката на Уставниот суд, кој во февруари годинава го укина законот како неуставен.

Од Министерството за финансии велат дека се во постојана комуникација со стопанството и се работи на наоѓање на начин – и темпо – по кое овие пари ќе бидат вратени на компаниите.

„Бараме модалитет и динамика за враќање на средствата“, велат од Министерството, откако бизнис-заедницата побара парите да се вратат што побрзо.

Пет години рок за враќање, но фирмите велат – зошто толку долго?

Иако Уставниот суд ѝ даде на државата рок од пет години да ги врати парите, стопанствениците се прашуваат зошто процесот треба да трае толку долго – кога самите тие имаа рок од неколку месеци да уплатат милионски износи.

На неодамнешната средба меѓу министерката за финансии Гордана Димитриеска-Кочоска и Стопанската комора, токму ова било главна тема. Претседателот на Комората, Бранко Азески, нагласил дека оваа асиметрија е нелогична и дека парите треба да се вратат побрзо.

„Ако парите се вратат сега, државата ќе си ги поврати преку даноци!“

Бизнис-заедницата има јасен став: што побрзо се вратат парите во фирмите, толку побрзо тие ќе се вратат во буџетот – преку ДДВ, данок на добивка и придонеси.

– Ако државата ги пушти во обрт овие 50 милиони евра веднаш, во наредните пет години ќе ги врати назад преку даноци. Се проценува дека само од тие пари, годишно ќе влегуваат 8 до 12 милиони евра во буџетот – вели Миле Бошков, претседател на Бизнис конфедерацијата.

Тој предупредува – ако државата одолговлекува, ќе изгуби повеќе отколку што ќе заштеди.

Државата мисли дека компаниите можат „да издржат“ – ама вистината е поинаква

Бошков потсетува на уште еден проблем – ставот дека големите компании „можат да издржат“, па затоа државата се однесува како да не ѝ гори под нозе.

– Колку и да се богати фирмите, секогаш им требаат пари за обрт. Без свежи пари, нема инвестиции, нема развој. Ако државата навреме ги врати парите – тоа е добро и за фирмите и за неа – објаснува тој.

„Парите се кај државата – таа решава кога ќе ги врати“

Ангел Димитров од Организацијата на работодавачи вели дека бизнисот може да бара и да притиска, но државата го има последниот збор.

– Како што државата донесе противуставен закон, така сега може и да одолговлекува со враќањето. Бизнисот го знае тоа од искуство – вели Димитров.

Тој смета дека треба да се отвори прашањето за одговорност на оние кои го изгласале законот, иако знаеле дека ќе падне на Уставен суд.

Што беше тоа солидарен данок?

Данокот на солидарност беше воведен во 2023 година како еднократна, вонредна мерка. Со стапка од 30%, тој ги опфати сите компании кои во 2022 година имале приход над 10 милиони евра. Целта беше државата да собере средства за антикризни мерки и поддршка на граѓаните во време на инфлација и енергетска криза.

Но, законот предизвика бурни реакции – и правни, и економски – и на крајот падна на Уставен суд, токму поради тоа што делуваше ретроактивно, го нарушуваше принципот на правна сигурност, и се сметаше дека удира врз конкурентноста на домашните компании.

The post ПЛАТИВМЕ НАВРЕМЕ 50 МИЛИОНИ ЕВРА, ВРАТЕТЕ НИ ГИ БРЗО! Бизнис заедницата си ги бара парите од укинатиот солидарен данок appeared first on plusinfo.mk.

The post И ЕСМ КОЕ ДОБИВАШЕ ДРЖАВНИ СУБВЕНЦИИ ЗА ДА ПРЕЖИВЕЕ ПЛАТИЛО СОЛИДАРЕН ДАНОК Со компаниите ќе се договара начинот како државата да им ги врати парите appeared first on plusinfo.mk.

Димитар Цветковски, генерален директор на компанијата Макстил која беше засегната со овој данок вели дека нема да бараат камата на уплатениот данок, но парите ќе ги бараат по стапување на сила на одлуката на Уставниот суд.

– Ќе си ги бараме парите од солидарниот данок. Процесот ќе го почнеме и нема да чекаме 5 години за да ни се вратат парите зашто е потребно тоа за буџетирање и за трошење. Подготвени сме со Владата и со Министерството за финансии да разговараме за за да најдеме точен модалитет за враќање на парите за динамиката на исплата. Нема да бараме камата, бидејќи сме фирма од оваа држава, не помина долго време од уплатата на данокот и не сакаме дополнително да го оптовариме буџетот на државата со парите од каматата од 4,3% – рече Цветковски на прес-конференција  на Советот на странски инвеститори на стопанската комора.

Тој ја поздрави одлуката на Уставниот суд и одлуката на Владата да не се меша во работењето на судот.

Владата сè уште не излегла со план како ќе ги враќа парите од солидарниот данок на компаниите кои беа засегнати со овој данок. Околу 200 компании кои во 2022 година остварија вкупен приход повисок од 10 милиони евра во 2023 година го платија овој данок. Стапката на солидарниот данок изнесуваше 30%.

Цветковски рече дека Макстил не е засегнат од царините на САД бидејќи стапката ја плаќа и сега, но е загрижен доколку Европската Унија воведе контрацарина која ќе важи за сите земји надвор од Унијата.

– И сега ги плаќаме тие тарифни стапки од 2018 година наваму, но разлика за нас ќе има ако Европската Унија воведе царини кои ќе важат покрај за САД и за сите трети земји, односно за сите кои не се во ЕУ, бидејќи 60 до 70% од нашиот извоз се реализира во Европската Унија – рече Цветковски.

The post МАКСТИЛ ЌЕ БАРА ДА МУ СЕ ВРАТАТ ПАРИТЕ ОД СОЛИДАРНИОТ ДАНОК Се откажува од исплата на затезната камата appeared first on plusinfo.mk.

Премиерот Христијан Мицкоски нема да ја коментира судската одлука на Уставниот суд за враќање на парите од солидарниот данок и ја повика опозицијата да излезе пред граѓаните и да каже кој ќе ги врати сега тие 50 милиони.

– Судската одлука на Уставниот суд е конечна, јас нема да ја коментирам, таа мора да се почитува. Сега би ја прашал опозицијата, кои се тие уставни судии коишто Мицкоски ги навигираше? Нели, така велеа, дел од опозициските партии, дека по налог на Мицкоски работеле уставните судии. Сега пак по налог на Мицкоски работат? Еве нека излезат сега пред граѓаните и пред јавноста и нека кажат кој ќе ги врати овие 50 милиони. Од Соравија ли ќе ги вратиме? Од „ролс ројсот“ ли ќе ги вратиме? Од инстант фирмите за јаглен ли ќе ги вратиме? Еве нека излезат сега и нека им кажат на граѓаните – рече Мицкоски.

Тој вчера разговарал со министерката за финансии да се направи мапирање на компаниите на кои треба да им се вратат парите.

– Ќе пристапиме поединечно кон сите нив, една по една и ќе најдеме решение. Како и за сѐ друго што наоѓаме решение, така и за ова ќе најдеме решение. Јас сум сигурен дека на крајот од денот и за ова ќе најдеме решение и заедно ќе го премостиме и овој проблем, како и стотици други коишто ги поминавме изминатите месеци – рече Мицкоски.

Тој рече дека се разгледува можноста да се побара одговорност од тие што го имаат воведено овој данок.

– Нема ден откако сме избрани како Влада, а да не се соочиме со некое непријатно изненадување. Нема ден. Ако тоа на почетокот беа отприлика просечно од 8 до 10 дневно, сега таа бројка е намалена на 1 до 2 непријатни изненадувања коишто мораме да ги решаваме. Предупредувавме и тогаш, но она што мене ме вознемирува повеќе, не од овие коишто претходно беа Влада, од нив јас не очекував ништо повеќе, туку што имаа поддршка од некои меѓународни финансиски институции тоа да го прават. Тоа повеќе ме вознемирува. Сега кој ќе го врати ова? Еве да ги прашам, бидејќи тогаш бевме опозиција и на состаноците со претставниците на тие меѓународни финансиски институции, лично ги гледав во очи и им кажував дека ова дивеење еден ден некој ќе го враќа. Еве дојде денот кога вие треба да го враќате. Тие ќе си се спакуваат, ќе си отидат таму од кај што дошле, вие ќе треба да го враќате. И сега наместо нови 50 милиони за нешто друго, ние ќе треба хирови да враќаме на некој којшто правел грешка. Имаат право да си бараат луѓето затезна камата, имаат право на сѐ, не е тоа ништо чудно или невистинито – додаде Мицкоски.

The post ОД „СОРАВИЈА“ ИЛИ ОД „РОЛС РОЈСОТ“ ЌЕ ГИ ВРАТИМЕ ПАРИТЕ? На долгот од 50 милиони евра за солидарниот данок може да се накалеми затезна камата appeared first on plusinfo.mk.

Данокот на солидарност беше воведен како еднократна, вонредна јавна давачка во 2023 година. Со него беа задолжени сите компании кои оствариле профит над 615 милиони денари во 2022 година. Околу 150 компании мораа да платат задолжителен вонреден данок на солидарност на веќе одданочениот профит од претходната година.

Целта на законот, како што објаснуваше претходната влада на СДСМ, беше да се соберат средства за ублажување на последиците од здравствената и екномската криза и да се придонесе за јавните расходи на солидарен начин.

На седница лани во ноември Уставниот суд ги прифати како основани дел од наводите во иницијативите на пет подносители.

„Судот изрази сомнеж дека оспорениот закон ја повредува темелната вредност владеење на правото и фундаменталните принципи на кои почива, како што е правната сигурност на субјектите во нивната правна положба, правната предвидливост и правната извесност. Според дискусијата и аргументите, со донесувањето на законот е нарушена правната сигурност на компаниите кои оствариле профит над 615.000 000 денари во 2022 година, со тоа што во септември 2023 година е донесен закон кој им наложува задолжителен вонреден данок на солидарност на веќе одданочениот профит од претходната година. Уставните судии изразија сомнеж дека станува збор за закон кој произведува повратно дејство, што е во спротивност со Уставот. Судот го имаше во предвид фактот дека ретроактивноста и нејзиниот исклучок е дозволен само кога станува збор за тековни постапки, но во случајот засегнатите субјекти ги окончале односите со плаќањето на данок во 2022 година“, соопшти тогаш Уставниот суд.

• ЌЕ ИМ ВРАЌАМЕ ЛИ 50 МИЛИОНИ ЕВРА НА НАЈПРОФИТАБИЛНИТЕ КОМПАНИИ? Уставниот суд денеска ќе одлучи за данокот на солидарност

Премиерот Христијан Мицкоски, во јануари годинава рече дека одлуките на Уставниот суд не се коментираат, туку се спроведуваат и ако Судот донесе одлука да се вратат 50-те милиони евра од солидарниот данок ќе бидат вратени. Тој најави и потенцијална кривична одговорност за креаторите на оваа политика.

– Ние враќаме многу работи кои ги задолжиле претходните. Многу пати сум рекол дека нема да ги коментирам одлуките на Уставниот суд. Ако донесат таква одлука мора да ги вратиме тие пари, нема што да правиме, ќе скратиме од нешто друго и ќе направиме ребаланс. Воедно ќе ја разгледаме и можноста за кривична одговорност на тие кои донесоа одлука на ваков начин да се води економијата, зашто дефакто Буџетот е оштетен – рече Мицкоски.

The post НИЕ ЌЕ ВРАЌАМЕ 50 МИЛИОНИ ЕВРА, А КОЈ ЌЕ ОДГОВАРА ЗА НЕУСТАВНИОТ ЗАКОН? Уставниот суд го поништи Законот за солидарен данок appeared first on plusinfo.mk.

На седница лани во ноември Уставниот суд ги прифати како основани дел од наводите во иницијативите на пет подносители.

„Судот изрази сомнеж дека оспорениот закон ја повредува темелната вредност владеење на правото и фундаменталните принципи на кои почива, како што е правната сигурност на субјектите во нивната правна положба, правната предвидливост и правната извесност. Според дискусијата и аргументите, со донесувањето на законот е нарушена правната сигурност на компаниите кои оствариле профит над 615.000 000 денари во 2022 година, со тоа што во септември 2023 година е донесен закон кој им наложува задолжителен вонреден данок на солидарност на веќе одданочениот профит од претходната година. Уставните судии изразија сомнеж дека станува збор за закон кој произведува повратно дејство, што е во спротивност со Уставот. Судот го имаше во предвид фактот дека ретроактивноста и нејзиниот исклучок е дозволен само кога станува збор за тековни постапки, но во случајот засегнатите субјекти ги окончале односите со плаќањето на данок во 2022 година“, соопшти тогаш Уставниот суд.

• УПАД ВО ПРАВОТО НА СОПСТВЕНОСТ И ВО СЛОБОДАТА НА ПАЗАРОТ Законот за данок на солидарност ќе биде укинат или поништен

Судот оцени и дека со донесувањето на таков вид на данок, компаниите се ставени во нееднаква положба и дека Законодавецот направил упад во уставно загарантирано право на сопственост, како и упад во слободата на пазарот и претприемништвото.

Судијката Добрила Кацарска, во издвоено мислење предлага дека единствената исправна одлука на Судот сега ќе биде да ја запре постапката, затоа што законот имал еднократна намена, завршил и не постои во правниот поредок.

• МОЖНО Е ДРЖАВАТА ДА ИМ ВРАТИ 50 МИЛИОНИ ЕВРА НА НАЈПРОФИТАБИЛНИТЕ КОМПАНИИ Ако судот го укине солидарниот данок, ќе мора да ги вратиме парите

Министерката за финансии Гордана Димитриеска Кочоска по одлуката да се поведе постапката за оценка на уставноста рече дека ако судот го поништи законот, тие ќе ги вратат парите на компаниите.

The post ЌЕ ИМ ВРАЌАМЕ ЛИ 50 МИЛИОНИ ЕВРА НА НАЈПРОФИТАБИЛНИТЕ КОМПАНИИ? Уставниот суд денеска ќе одлучи за данокот на солидарност appeared first on plusinfo.mk.