САД и Иран се блиску до договор за завршување на војната, изјави добро упатен извор од Пакистан, кој посредува во преговорите. Тој го потврди пишувањето на американскиот сајт „Аксиос“ за предложениот меморандум, кој има само една страница. „Аксиос“ цитираше американски функционери.

– Ќе го затвориме ова многу брзо. Се доближуваме – рече пакистанскиот извор за „Ројтерс“.

Во Пакистан минатиот месец се одржа единствената средба на САД и Иран и земјата продолжува да делува како посредник и да препраќа пораки и предлози помеѓу двете страни.

„Аксиос“ објави дека Белата куќа верува дека е блиску до меморандум за завршување на војната со Иран и дека очекува одговор од Техеран на неколку клучни точки во следните 48 часа. Извештајот дојде неколку часа откако Доналд Трамп ја прекина тридневната поморска мисија за повторно отворање на Ормускиот Теснец со помош на американската војска, што го загрози кревкото примирје.

Меѓу другите одредби, договорот би вклучувал обврска на Иран за мораториум на збогатување ураниум, укинување на санкциите, ослободување милијарди долари замрзнати ирански средства и укинување на ограничувањата за транзит низ Ормускиот Теснец од двете страни.

Според „Аксиос“, меморандумот со 14 точки бил договорен низ директни и индиректни разговори помеѓу американските преговарачи Стив Виткоф и Џаред Кушнер и неколкумина ирански претставници. Во сегашната форма, меморандумот би прогласил крај на војната во регионот и почеток на 30-дневен период на преговори за детален договор за отворање на Теснецот, ограничување на нуклеарната програма на Иран и укинување на санкциите на САД.

The post САД И ИРАН СЕ БЛИСКУ ДО ДОГОВОР ЗА ЗАВРШУВАЊЕ НА ВОЈНАТА? Се чека согласност од двете страни во следните 48 часа appeared first on plusinfo.mk.

Обединетото Кралство не се согласило да одобри користење на своите воени бази за потенцијален напад врз Иран, пишува британски Тајмс. Споед весникот, поради тоа американскиот претседател Доналд Трамп, ја повлекол поддршката за договорот на британскиот премиер Кир Стармер да ги предаде островите Чагос на Маврициус.

Белата куќа, имено, разработува детални воени планови за напад врз Иран, кои би вклучувале користење на базата Диего Гарсија и аеродромот Ферфорд на британската Кралска воена авијација (РАФ) во Глостершир, каде што е стационирана американската флота на тешки бомбардери за Европа.

Меѓутоа, долгогодишните договори со Вашингтон диктираат дека овие бази може да се користат само за воени операции со претходно одобрение од британската влада. Се дознало дека Обединетото Кралство сè уште не им дало зелено светло на Соединетите Држави да ги користат базите во случај Трамп да нареди напад, поради загриженост дека тоа би го прекршило меѓународното право.

Според меѓународното право, нема разлика помеѓу државата што го извршува нападот и онаа што го поддржува, ако втората има „знаење за околностите на меѓународно нелегален чин“.

Уште во 2021 година, сегашниот министер за одбрана Џон Хили побара од Долниот дом да ги разјасни правилата за користење на британските бази. Тој доби одговор од конзервативната влада во тоа време дека секоја предложена воена операција мора да биде во согласност со британските закони и британското толкување на меѓународното право.

Во периодот пред војната во Ирак, тогашниот државен обвинител Лорд Голдсмит тврдеше дека меѓународното право дозволува употреба на сила само во самоодбрана, во случај на вистински или непосреден напад. Голдсмит дури подоцна тврдеше дека резолуција на Обединетите нации за Ирак би ја направила таа војна легална.

Трамп и Стармер разговараа во вторникот вечерта за ултиматумот на САД до Иран поврзан со неговата нуклеарна програма. Веќе следниот ден, Трамп објави изјава во која го нападна договорот од Чагос, директно споменувајќи го Иран и улогата на Обединетото Кралство.

Се чини дека тој сугерираше дека британската поддршка би била легална бидејќи Иран потенцијално би можел да ја нападне и Велика Британија.

„Ако Иран одлучи да не постигне договор, Соединетите Држави можеби ќе мора да го користат Диего Гарсија и аеродромот во Ферфорд за да спречат потенцијален напад од страна на многу нестабилен и опасен режим“, напиша Трамп на својата социјална мрежа Трут соушал.

„Напад што потенцијално би можел да биде насочен кон Обединетото Кралство, како и кон други пријателски земји.“ Потоа додаде: „Секогаш ќе бидеме подготвени, спремни и способни да се бориме за Обединетото Кралство, но тие мора да стојат цврсто пред „вокизмот“ и другите проблеми кои претстојат“.

Британската влада постојано инсистира дека договорот за предавање на островите на Маврициус, што треба да ги чини даночните обврзници 35 милијарди фунти, е неопходен од безбедносни причини и за да се избегне скапа правна битка за териториите.

Министерката за жртви Алекс Дејвис-Џонс денес изјави дека премиерот ќе го „исполни“ ветувањето од договорот и ќе го врати законот во парламентарна процедура што е можно поскоро.

„Ќе продолжиме да работиме со нашите сојузници, вклучувајќи ги и Американците, по ова прашање, но националната безбедност мора да биде на прво место и тоа е она што оваа влада е решена да го обезбеди“, изјави таа за Тајмс радио.

„До неодамна, имавме поддршка од САД за договорот. Разговорите со Американците и другите сојузници ќе продолжат, но, како што кажав, приоритет се нашата база и националната безбедност“. Сепак, високи владини претставници неофицијално признаа дека договорот не може да се реализира без одобрение од САД, опишувајќи ја ситуацијата како „мрачна“.

The post БРИТАНИЈА НЕ ПОДДРЖУВА НАПАД НА САД ВРЗ ИРАН Не дава да се користат нејзини клучни воени бази appeared first on plusinfo.mk.

Министерството за финансии одговорило позитивно и навреме за вработувањата во тетовската болница, изјави, министерката за финансии, Гордана Димитриеска Кочоска, коментирајќи ги изјавите од протестот на медицинскиот персонал во оваа болница.

Таа рече дека постои процедура за одобрување и добивање согласност за нови вработувања, но не знаеше да каже каде запрела постапката.

-Процедурата за барање за согласности за вработување оди така што Министерството за здравство испраќа допис за барање за согласности, без разлика дали е за договори на дело, за определено или неопределено време, до Фондот за здравство, оттаму се испраќа допис до Министерството за финансии кое врши проверки, дали има или нема средства. Во случај да нема, не се одговара позитивно, а ако има средства рокот за одговор е триесет дена – рече таа.

Според неа досега не се случило Министерството за финансии да не одговори во определениот рок кога станува збор за позитивните согласност.

– Во конкретниот случај со тетовската болница, одговорено е навреме и одговорено е позитивно, пред тие да почнат, да кажеме да реагираат. А, каде застанало се, истиот пат се враќаме назад до Фондот за здравство, па фондот за здравство до Министерството, по министерството до болницата во Тетово. Каде застанало во движењето, треба да одговорат од Фондот за здравство или Министерството за здравство. Но, ве уверувам кај нас не е запрена постапката бидејќи сè се евидентира за се има архива  – рече Димитриеска Кочоска.

The post ТЕТОВСКАТА БОЛНИЦА ДОБИЛА СОГЛАСНОСТ ЗА ВРАБОТУВАЊЕ Димитриеска Кочоска советува да се провери каде запрела постапката appeared first on plusinfo.mk.

Денешното гласање уследи по петочниот состанок помеѓу премиерите на двете земји Виктор Орбан и Улф Кристерсон, на кој се договорија да ги стават своите несогласувања настрана.

Унгарија и Шведска објавија и нов воен договор, при што Будимпешта ќе добие уште четири шведски борбени авиони „грипен“, покрај претходно купените 14.

Откако Турција ја даде својата согласност минатиот месец, Унгарија остана последната членка на НАТО која требаше да ја ратификува апликацијата на Шведска. Одлуката сега треба да ја потпише и привремениот унгарски претседател Ласло Ковер, по што ќе биде известен Вашингтон.

Шведска го поднесе своето барање во мај 2022 заедно со Финска, откажувајќи се од повеќевековната воена неутралност во екот на руската инвазија на Украина.

The post УНГАРИЈА ГО ОДОБРИ ЗАЧЛЕНУВАЊЕТО НА ШВЕДСКА ВО НАТО Унгарскиот парламент ja ратификува одлуката appeared first on plusinfo.mk.

Со овие измени се укинува „согласноста за вработување“ па институцијата ќе може да вработува само со изјава од раководно лице на институцијата дека се обезбедени средства за вработување.

– Секој министер ќе одлучува колку нови луѓе му требаат и тие треба да бидат во согласност со буџетот на институцијата. Во случај да се надмине буџетот одговорноста паѓа врз министрите. Тие претходно ќе пишуваат изјава дека ќе вработуваат согласно буџетот, а ако го надминат ќе одговараат кривично – рече на брифингот со новинарите министерот за финансии Фатмир Бесими.

Фатмир Бесими не смета дека со ова ќе настане хаос од вработувања во јавниот сектор, напротив, според него, со ова се става ред. Тој додаде дека доколку станува збор за претпријатија кои се загубари и ако имаат потреба од нови вработувања, одлука за тоа ќе носи владата.

The post „СОГЛАСНОСТ ОД ФИНАНСИИ“ ОДИ ВО ИСТОРИЈАТА По нова година секоја државна институција сама ќе одлучува за нови вработувања appeared first on plusinfo.mk.

На прес-конференцијата во Будимпешта, тој посочи дека е прерано да се започнат официјални разговори со Киев за пристапувањето на земјата во ЕУ, разурната од војна, и дека Унгарија нема да даде согласност за започнување дискусии за време на средбата на лидерите на ЕУ во средината на декември.

„Имаме работа со целосно предвремен предлог“, рече Гујас, додавајќи дека Унгарија „не може да придонесе за заедничка одлука“ односно покана на Украина да го започне процесот за пристапување во блокот.

На почетокот на овој месец Европската комисија препорача да ѝ се дозволи на Украина да започне преговори за членство откако ќе ги реши прашањата за управување кои вклучуваат корупција, грижи поврзани со лобирање и ограничувања што би можеле да ги спречат националните малцинства да учат и да читаат на нивните јазици.

The post УНГАРИЈА ЌЕ ЈА БЛОКИРА УКРАИНА ЗА ПОЧЕТОК НА ПРЕГОВОРИТЕ СО ЕУ Го смета предлогот за „целосно предвремен“ appeared first on plusinfo.mk.

Експертката за сексуалност, Дина Карсон, вели дека родителите треба да побараат дозвола од своето бебе пред да му ја сменат пелената. Таа смета дека ова е начин да се воспостави таканаречената култура на согласност. Како точно таа го замислува тоа, објаснила во емисијата Good Morning Britain.

„Децата постојано комуницираат со нас, невербално. По изразот на лицето на бебето можеме да забележиме дали детето се согласува со нешто или не. Движењето на рамената може да биде знак за дозвола”, вели Карсон.
„Сега ќе ти сменам пелена, дали е тоа во ред?“. Ова е, според Карсон, пример за прашањата што родителите треба да му ги постават на своето дете пред да го пресоблечат.
„Вака му давате до знаење на бебето дека се грижите за неговиот одговор и дека ви е важен“, вели Карсон.

Видеото во кое експертката го објаснува својот став, можете да го видите ТУКА.

The post СЕГА ЌЕ ТИ СМЕНАМ ПЕЛЕНА, ДАЛИ Е ТОА ВО РЕД? Дали барате согласност од вашето бебе пред да го пресоблечете? appeared first on plusinfo.mk.

– Не ми беше јасно зошто секогаш треба согласност од Министерството за финансии за вработувања во здравство. Некој ќе се пензионира, друг ќе си оди од државата или ќе се префрли во друга клиника, зошто по автоматизам не можат да се надополнуваат тие места? Ние одлучивме веќе и со министерот за финансии, имаше разбирање и по негова иницијатива, Министерството за финансии веќе да не одлучува за вакви случаи. Самите институции веќе да имаат законска одговорност и Министерството за здравство да потврди без да бараме согласност во финансии. Ако има резервирано таков буџет во сите здравствени клиники, тогаш нема потреба да се побара согласност од финансии – појасни Меџити.

Меџити додаде дека на овој начин се скратуваат административните процедури.

– Ни одземаат многу време и не ни се корисни. Барам тоа што треба во здравството да биде подобро и порелаксирано и да ги поедноставиме веќе овие процедури – подвлече министерот.

The post ВО ЗДРАВСТВО АВТОМАТСКИ ЌЕ СЕ ПОПОЛНУВААТ ИСПРАЗНЕТИТЕ РАБОТНИ МЕСТА Бесими нема да дава согласност за позиции за кои веќе се резервирани пари appeared first on plusinfo.mk.

Неговата изјава беше дадена како одговор на прашање на пратеник на седница на собраниска Комисија за надворешна политика во бугарскиот Парламент.

– Тоа е сложена и политичка работа. Треба да се разговара со тамошните власти. Немаме намера да излеземе со таква одлука. Таков потег нека преземе редовната влада – одговори Милков.

Во однос на генералниот конзул во Битола, министерот Милков објасни дека неговиот мандат истекува на 15 јануари.

– На негово место ќе има привремен вршител на должност, бидејќи македонската страна во оваа фаза нема издадено егзекватура за нашиот нов генерален конзул, кој одамна е решен да си замине. Таа работа се прави со месеци – објасни Милков.

Егзекватура е согласност што владата на земјата домаќин ја издава за вршење конзулска дејност. 

The post БУГАРИЈА НЕ ЗНАЕ ШТО СО СВОЈОТ КОНЗУЛ ВО БИТОЛА? Оворањето конзулат „сложена и политичка работа“ appeared first on plusinfo.mk.

Генералниот секретар на НАТО, Јенс Столтенберг говорејќи за моменталното барање на официјална Приштина за членство на Косово во НАТО, рече дека „членството во НАТО се заснова на консензус“.

– Сите сојузници мора да се согласат. Затоа, единствениот начин да се постигне членство за сите е да се согласат сите сојузници – беше цитиран од Јенс Столтенберг од „Косово онлајн“.

Според него, најважната работа што Косово може да ја направи сега е да продолжи да се занимава со дијалогот со Србија.

Пет земји од Европската унија, во кои живеат околу 90 милиони луѓе, не го признаа Косово како држава – Шпанија, Романија, Грција, Словачка и Кипар одбија да го признаат едностраното прогласување на независност на Косово повеќе од 12 години, а сите освен Кипар се НАТО членки.

The post Столтенберг: Косово може во НАТО, но под еден услов appeared first on plusinfo.mk.