Синоќа, обвинител од Основното јавно обвинителство за организиран криминал и корупција (ОЈО ГОКК) координираше акција на Одделот за сузбивање организиран и сериозен криминал при МВР, во која три лица беа лишени од слобода.

„Оваа акција е резултат на опсежно истражување кое започна пред неколку месеци. Сите осомничени се поврзани со организираната криминална група „Дуќанџик“ од село Грчец и се товарат за сериозни кривични дела, вклучувајќи злосторничко здружување и оддавање на службена тајна“, велат од Обвинителството.

Според информациите, осомничените, меѓу кои двајца поранешни главни инспектори, пренесувале важни службени информации кои го отежнувале функционирањето на истражните органи во периодот од декември 2019 до март 2023 година.

„Осомничените, од користољубие, се поврзале со организираната криминална група „Дуќанџик“ од с.Грчец и како припадници со посебна улога, поттикнати со умисла од првосомничениот во предметот „Грчец“, Шеваљ Муареми пренесувале службени информации. Во наведениот период осомничените од кои двајца поранешни главни инспектори за имотни деликти, односно недозволена трговија со дрога, преку третоосомничениот за криминалната група прибавувале, пренесувале и споделувале информации за постапки што се од значење за јавната безбедност, како и за безбедносни и разузнавачки активности на државните органи. За ваквото неовластено откривање со кое предизвикале штета во работењето и ефикасноста на истражните органи и органите на прогонот и го отежнувале или оневозможувале обезбедувањето на доказите, осомничените добивале награда“, додаваат од Обвинителство.

• УАПСЕНИ ТРИ ЛИЦА, ДВАЈЦА СЕ ПОЛИЦАЈЦИ Приведените сториле кривични дела поврзани со злосторничко здружување

Според содржината на наредбата за истрага осомничените, заедно или поединечно, со информациите што ги споделувале, го отежнале докажувањето во кривичните постапки и тоа:

– за кривично-правен настан случен во декември 2019 година, секој посебно заканувајќи се дека повторно ќе биде нападнат тој или членовите на неговото семејство, влијаеле врз оштетен – жртва на обид за Убиство по нарачка, а сега починат, да ја смени изјавата дадена пред овластени полициски службеници;

– за Убиство во месец август 2020 година осомничените споделиле значајни информации за криминалната група;

– во текот на втората половина од 2020 година осомничените споделувале службени информации за примена на посебни истражни мерки за тогаш актуелно криминалистичко истражување под кодно име „Планина“ во кое беа опфатени лица од оваа организирана група;

– за кривично – правен настан случен во септември 2020 година во кој петмина беа осомничени за кривично дело Грабнување биле пренесени информаци за обезбедените докази и изјави на сведоции задржани лица;

– за двојното убиство од март 2021 година во Скопје за кое биле пренесени информации кој е задржан во полициска станица, кои активности се преземаат и кои службени лица се вклучени во криминалистичкото истражување.

Тројцата приведени ќе бидат изведени пред судија на претходна постапка при Основниот кривичен суд во Скопје, каде јавниот обвинител ќе предложи мерка притвор.

Министерството за внатрешни работи соопшти детали за вчерашната акција во која беа приведени Д.Г.(58), Е.А.(58) и О.П.(44), сите од Скопје. Тие заработија кривични пријави поради постоење основи на сомнение за сторени кривични дела „злосторничко здружување”, „оддавање службена тајна”, „попречување на правдата” и „противправно стекнување и прикривање имот”.

„Пријавените Д.Г. и Е.А., во периодот кога биле вработени во Министерството за внатрешни работи, заедно со О.П., се приклучиле на организирана криминална група за која прибавувале, соопштување, пренесување или на друг начин овозможувале достапност на податоци што претставуваат службена тајна. Во периодот од декември 2019 година до март 2021 година, знаејќи за постоење на интерес на поголем број на личности за добивање на вакви податоци и службени информации за актуелни криминалистички истражувања, планирани мерки и активности за лишување од слобода, со посебен акцент за податоци дали и против кои личности и од кои причини се спроведуваат оперативни и истражни дејствија, како и дека таквите податоци и информации можат да се прибават со давање на парични награди, се поврзале со оваа криминална група во која имале посебна улога за пренесување службени информации, поврзани со организирани криминални групи инволвирани во извршување на криминални активности од повеќе области, особено на тешки кривични дела, од кои за некои е предвидена и казна доживотен затвор“, велат од МВР.

Оттаму додаваат дека Бирото за јавна безбедност при МВР во координација со јавен обвинител од ОЈО ГОКК, од октомври 2023 година до јануари 2024 година спроведуваше истрага за македонски државјани, кои како членови на меѓународна криминална група, користејќи ја енкриптираната SKY/ECC апликација договарале и преземале активности за организирање на набавка и пренесување на кокаин од земјите на Јужна Америка до земјите на ЕУ и РС Македонија и учествувале во извршување на други кривични дела, а која заврши со кривична пријава против 16 лица. По поднесување на кривичната пријава, Одделот за криминалистичка полиција продолжи со анализа на податоците добиени од Еуропол и Еуроџаст и во координација со јавен обвинител од ОЈО ГОКК обезбедени се докази врз основа на кои е дојдено до сознание дека пријавените ги сториле делата.

„Начинот на кој пријавените ги извршувале делата предизвикало штета врз работењето на државните органи во постапките за кривичен прогон на лица, кои се од значење за јавната безбедност, безбедносните и разузнавачките активности на органите, како и прибирање и пренесување на информации кои не се наменети за јавна употреба, а со чие откривање се намалила ефикасноста на работењето на државните органи. На 03.11.2024, по преземени оперативно – тактички мерки и активности, како и врз основа на наредби од Основен кривичен суд Скопје, извршен е претрес во домовите на лицата, при што се пронајдени и одземени повеќе мобилни телефони, лап – топ компјутер и разновидна документација. Лицата се лишени од слобода“, се вели во соопштението од полицијата.

The post РАБОТЕЛЕ ЗА ШЕВАЉ МУАРЕМИ И МУ ОТКРИВАЛЕ ТАЈНИ Двајца пензионирани полицајци и уште едно лице поврзани со групата „Дуќанџик“ appeared first on plusinfo.mk.

Социјалната мрежа „Икс“ ги направи приватни допаѓањата (лајковите) на објавите со последното ажурирање вчера. Тоа значи дека корисниците не можат да видат што останатите лајкнуваат, ниту пак да видат кој „лајкнал“ одредена објава.

Сопственикот на мрежата, милијардерот Илон Маск, објави дека е „важно да им се дозволи на луѓето да ‘лајкнуваат’ објави без да бидат нападнати за тоа“.

Пред неколку недели, еден од директорите во компанијата, Хаофеи Ванг, рече дека оваа промена служи за да се заштити јавниот имиџ на луѓето бидејќи многумина не „лајкнуваат“ содржини кои може да бидат протолкувани како провокативни или контраверзни.

likes are now private pic.twitter.com/Xt7ziR5u4D

— X (@X) June 12, 2024

Досега, секој профил на Икс имаше дел „Лајкови“ каде што можеа да се видат сите лајкнати објави од таа личност, а сега тоа веќе не е достапно. Корсниците ќе може да видат кој ги лајкнал нивните објави, а за туѓите ќе може да го видат само бројот на лајкови.

Критичарите на Маск и на оваа промена велат дека таа е направена за да може на социјалната мрежа да се форсираат радикални десничарски ставови, без притоа да се гледа дали тие користат ботови за собирање на лајкови.

The post НЕ МОЖАМ ДА ВИДАМ КОЈ МУ СТАВИЛ „ЛАЈК“ Зошто Илон Маск ги направи приватни допаѓањата на „Икс“? appeared first on plusinfo.mk.

Поради овој хакерски напад, анкетата била веднаш отстранета, откако МОФ добил поплаки од загрижени родители за содржината што можеле да ја видат нивните деца.

„Со голема загриженост и жалење ве известуваме дека во изминатото деноноќие бевме жртва на хакерски напад. Нашата организација, Младински образовен форум, подготви прашалник за деветоодделенци, за потребите на истражувањето за перцепции за средното стручно образование на учениците од 9-то одделение и истиот беше компромитиран. Организацијата го подготви прашалникот со намера да собере информации кои ќе ни помогнат подобро да ги разбереме образовните потреби на младите во нашата заедница. Меѓутоа, неодамна откривме дека прашалникот бил компромитиран од непознат хакер, кој додал несоодветен јазик што им бил проследен на децата“, се вели во соопштението на Младинскиот образовен форум.

Оттаму велат дека откако им било посочено дека во прашалникот има додадено страници со вулгарни содржини кои не се дел од нивното истражување, прашалникот бил веднаш отстранет.

„Како организација посветена на образованието и развојот на младите, ја разбираме сериозноста на хакерскиот напад и потенцијалната штета што може да ја предизвика. Сфаќаме дека инцидентите како овој ја нагласуваат важноста да се биде внимателен во заштитата на себе и на нашите деца од заканите преку интернет. Би сакале да нагласиме дека нашата организација не е сама што е жртва на хакерски напади. Државните институции ширум светот се соочуваат со слични предизвици, бидејќи компјутерскиот криминал продолжува да се развива и станува пософистициран. Сепак, ние ја преземаме целосната одговорност за овој немил инцидент и ќе направиме сѐ што е во наша моќ да се погрижиме тоа да не се повтори. Сакаме да го изразиме нашето искрено извинување за каква било штета или непријатност што може да биде предизвикана како резултат на овој инцидент“, велат од МОФ на нивната интернет-страница.

Дополнително од форумот додаваат дека ќе спроведуваат сесии за обука со нивниот персонал и волонтери за да се осигурат дека се воспоставени соодветни безбедносни мерки за да се спречат какви било идни хакерски напади.

„Би сакале да нагласиме дека безбедноста и благосостојбата на младите во нашата заедница е наш врвен приоритет. Ја преземаме целосната одговорност за овој немил инцидент и ќе направиме сѐ што е во наша моќ да бидеме сигурни дека тоа нема да се повтори. Ние сме посветени да бидеме транспарентни и одговорни во текот на овој процес и ќе продолжиме да обезбедуваме ажурирања кога ќе станат достапни повеќе информации. Ги охрабруваме сите што имаат загриженост или прашања директно да контактираат со нас и ви благодариме за разбирањето и поддршката додека работиме на решавање на оваа ситуација“, посочуваат од Младинскиот образовен форум.

The post ХАКЕРИ ГО КОМПРОМИТИРАЛЕ ПРАШАЛНИКОТ НА МОФ Линкови со порно содржини им се појавувале на деветтоодделенци appeared first on plusinfo.mk.

Тој закон стапи на сила во март 2021 година, откако Фејсбук накратко престана да објавува вести во Австралија и Владата можеше да преговара со тие платформи за да потпише договор.

Сега е можно овој закон да се прошири и на други платформи. Откако тој закон стапи на сила, интернет гигантите склучија повеќе од 30 договори со медиуми и им платија за содржината, објави австралиското Министерство за финансии.

Барем некои од тие договори им овозможија на медиумите да направат нови инвестиции и да ангажираат дополнителни новинари.

Според тоа, можеме да констатираме дека Законот до денес е успешен. Законот сега треба да се измени „за да може да се прошири и на други платформи, се вели во извештајот.

– Дигиталните платформи мора да продолжат со добра волја да преговараат со новите компании за да бидат фер платени за содржината што ја создаваат – рече австралискиот помошник-секретар за финансии Стивен Џонс.

The post ВЕЌЕ НЕМА НИШТО БЕСПЛАТНО, НИТУ ЗА ЗАКЕРБЕРГ Фејсбук и Гугл почнаа да им плаќаат на медиумите, засега само во Австралија appeared first on plusinfo.mk.

Главниот секретар за правда – официјалниот орган во Финска овластен да ги ревидира законитоста во постапките на членовите на Владата, денеска соопшти дека „не гледа причина за сомнеж за незаконско однесување на премиерката или за занемарување на нејзините службени должности”.

До секретарот беа доставени десетици поплаки во врска во видео-снимката од август годинава на која се гледа 36-годишната Сана Марин како танцува и се забавува со пријатели и познати личности, објавена преку социјалните мрежи.

Снимката покрена прашања за однесувањето на официјалните личности во приватниот живот, со осуди, особено по однос однесувањето на жените на раководни државни функции.

Критиките за најмладата премиерка одеа дотаму што беше изразен сомнеж за нејзината способност да раководи, како и забелешки дека нејзиното однесување наштетува на „угледот и безбедноста” на државата.

Финскиот секретар за правда, сепак, цени дека ниту една од забелешките не докажува повреда на „специфичните функции”. Според него, за да биде покрената официјална истрага по жалбите за приватниот живот на Сана Марин, истите треба да имаат „правна врска со нејзините постапки како премиер”.

Според неговите зборови, „моралните и социјалните аспекти” од приватниот живот на член на финската Влада се во надлежност на Парламентот.

Во обид да отфрли дел од сомнежите инциирани од видеото, Сана Марин дури направи тест за дрога чиј резултати беше негативен. Неколку дена подоцна случајот повторно се разгоре кога беше објавена фотографија на две жени со подигнати блузи на свечен настан одржан во владината резиденција, за што премиерката повторно беше приморана да се извинува.

Младата политичарка се најде на удар на критики и минатата година кога се дозна дека посетила ноќен клуб, пред да биде известена дека била во контакт со лице заразено со коронавирус.

Сана Марин е премиерка на Финска од 2019 година и ќе се бори за втор мандат на изборите закажани за април следната година.

The post НЕМА КАЗНА ЗА МАРИН Финската премиерка нема да биде санкционирана за видеото кое се појави во јавност appeared first on plusinfo.mk.

Хрчакот, познат и како „Mister Hamster“, е снимен како од шега успешно ги надминува сите препреки во лавиринтот, што сопственикот му ги направил.

Секојпат кога ќе поминеше една пречка и ќе помислеше дека е на крајот од патот, ќе се појавеа нови пречки, и тој трпеливо заобиколуваше сè.

Неговите напори не беа залудни. Покрај тоа што стана ѕвезда на Интернет, сопственикот го награди со слатки.

Видеото собра неверојатни 60 милиони прегледи за само три месеци од своето постоење на „Јутуб“.

The post Овој хрчак е една од најголемите sвезди на „Јутјуб“ и целосно ја заслужи титулата! (ВИДЕО) appeared first on plusinfo.mk.

Активната состојка на двете вакцини се модифицирани делови на вирусниот генетски материјал, познат како мРНК, што на организмот му служи како „генетска вреќа за удирање за да наичи како да се бори против протеинот кој и помага на коронавирусот да направи инвазија во нашите клетки“.

Во исто време е и мешавина од шеќер, маст и сол, кои треба да го ублажат ефектот на вакцината врз телото.

Вакцината на Фајзер се состои од модифицирана низа информациски РНК, потоа соединенија на липиди, калиум-хлорид, монокалиум-фосфат, натриум-хлорид (кујнска сол), динатриум-фосфат и сахароза.

И вакцината на Модерна има модифицирана низа информациски РНК, а состојките се липиди, трометамин-тимонометан, трометамин-хлорохлорид, ацетна киселина, натриум-ацетат и сахароза (шеќер).

The post Мешавина од шеќер, маст и сол дел од состојките на вакцините на Фајзер и Модерна за ковид-19 appeared first on plusinfo.mk.

– Зоран Заев, Димитров и Пендаровски молчат веќе цела една недела дали и што договарале во Берлин. Странски медиуми и новинари веќе објавуваат дека Заев, Пендаровски и Димитров договориле нон-пејпер во Берлин, а тука во Република Македонија молчи цела Влада и буквално за ништо не ја информира јавноста. Се обидуваат повторно на најподмолен начин СДСМ и целата свита околу Заев, да ги изиграат граѓаните и да ги доведат пред свршен чин во овие преговори. Што е договорено и што прифатиле и што пишува во тој нон-пејпер кој го има Владата? Дали Заев има намера да објави за каков нон-пејпер станува збор и кога ќе им соопшти на граѓаните и медиумите што содржи во него и каква е содржината? – прашува Арсовски.

Тој додава дека меѓународната политика на Заев и останатите кои ја водеа доживеа тотално фијаско.

– Лажните ветувања и пазарџиското однесување, за жал класично несериозно и неопростливо однесување на Заев и СДСМ на меѓународен план, ги доведе Република Македонија и граѓаните до ќорсокак, од каде излезот е или асимилација и негација или недобивање на датум за преговори и блокада. Јасно е дека Заев се што може ќе направи да остане што повеќе во фотелјата за да може неговото семејство што повеќе пари да украде од граѓаните и од државата. За жал, додека тие крадат, граѓаните и државата страдаат. Потребно е веднаш да се повлече Заев и сите околу него од Владата и да се формира Влада за национален спас, која ќе има јасна стратегија и визија да ја извади Република Македонија од овој ќорсокак во кој ја внесоа Заев, Димитров, Пендаровски, Шеќеринска и останатите – заклучи Арсовски.

The post Арсовски: Странски медиуми објавија за нон-пејперот, а тука кај нас молчат appeared first on plusinfo.mk.

И покрај фактот што ова видео го прикажува „Јутуберот“ како два часа гледа во празно, многу бргу стана вирално и го привлече вниманието на јавноста.

– Не очекував толку голема популарност. Видеото го направи од шега и беше наменето за моите пријатели кои постојано ме следат кога ќе објавам едукативна содржина. Не сметав дека ќе го прегледаат толку многу луѓе – вели тој.

Тој на својот канал објавува видео содржини во кои експериментира со храна, а сосема случајно одлучил да се оттргне од кулинарската тематика и да сними нешто невообичаено.

– Замислете да го правите ова два часа и притоа да заборавите да притиснете да се снима – стои во едено од коментарите под видеото.

– Луѓето мислат дека не може да се заработат пари седејќи и гледајќи во празно, но овој дечко докажа дека и тоа како може – се пошегувал друг.

– Најдобар дел од ова видео е кога гледа во празно и не работи ништо – заклучи трет.

The post „Јутубер“ два часа гледал во празно и собрал 3 милиони прегледи (ВИДЕО) appeared first on plusinfo.mk.

Од политички аспект е впечатливо дека предлог рамката на Европската Комисија јасно го користи терминот македонски јазик, во делот во кој се истакнува дека целото ЕУ законодавство ќе треба да биде преведено на јазикот на земјата преговарач, во случајов македонски.

Впрочем Северна Македонија веќе со години има акредитирани преведувачи на и од македонски јазик, акредитација што официјално ја издава Европската Комисија, па така кога премиерот Зоран Заев се обрати на македонски на пленарна седница во Европскиот Парламент, се употреби и тогаш официјално македонски јазик. Слично беше и за време на техничките скрининзи минатата година.

За македонската страна ова претставува потврда дека јазикот се признава од страна на Европската Комисија, но официјален јазик на ЕУ ќе може да стане само откако Северна Македонија ќе стане полноправна членка на Унијата, како што предвидуваат повелбите на Унијата.

Но, преговарачката рамка содржи и други важни елементи.

Северна Македонија, заедно со Албанија, ќе бидат првите земји што ќе преговараат согласно новата методологија на Европската Унија усвоена во март. Конкретно, тоа значи дека наместо отворање и затворање на триесеттина поглавја, сега тие се групирани во шест кластери, метод кој, се надева Европската Комисија, ќе овозможи побрз и подинамичен процес, наместо досегашните долги и макотрпни процедури низ кои минуваат Подгорица и Белград со години.

– Преговорите се отвораат врз основа на тоа дека Северна Македонија исполни висок степен на усогласување со критериумите за членство, посебно политичките критериуми поставени во Копенхаген од страна на Европскиот Совет во 1993 (…) Унијата очекува Северна Македонија да продолжи да работи кон целосно почитување на овие критериуми и услови и да обезбеди целосна имплементација на клучните реформи и законодавство – стои во предлог преговарачката рамка на ЕК.

Северна Македонија, која од 2009 има препорака за отворање на преговорите со ЕУ, технички одамна работи на преточување на ЕУ законодавството во националната рамка, но со години блокадата доаѓаше од спорот со Грција. Решавањето на овој спор несомнено одигра клучна улога во добивањето на зелено светло за старт на преговорите во март оваа година.

Впрочем, добрососедските спогодби со Грција, а и со Бугарија, се исто така централен дел од овој предлог преговарачка рамка.

Како и во речиси секој документ од ЕУ, од Северна Македонија се очекува целосна посветеност на добрососедските односи, односно имплементација на Преспанскиот договор и на Договорот за добрососедски односи со Бугарија. Оттука, секој обид да се ревидираат или да не се почитуваат овие договори ќе значи враќање назад и блокада на ЕУ перспективата за Северна Македонија. Иако ЕУ не се меша во билатералните односи, јасно е дека очекува од сите страни во пријателски и конструктивен европски дух да ги надминат сите разлики, што до сега Северна Македонија докажа дека е способна да го реализира.

Важно е да се напомене дека оваа преговарачка рамка, како резултат на новата методологија подразбира и можност во секое време да се запре процесот на преговори доколку земјата покаже застој или назадување во исполнувањето на реформите.

– Предвидливоста на пристапниот процес бара одлучни и пропорционални мерки што ќе ги санкционираат сите сериозни или продолжени стагнација и назадувања во имплементација на реформите – стои во документот, како јасно предупредување до новите земји преговарачи дека треба по секоја цена да се избегнат искуства како она со Србија, каде растечкиот авторитаризам на власта доведе до забавување на процесот.

Доколку Комисијата преку сопствена иницијатива или на барање на доволен број земји членки оцени дека Северна Македонија не напредува или назадува во реформите, таа може да предложи суспензија на преговорите. Крајната одлука ја носат земјите членки преку гласање со обратно квалификувано мнозинство, и само откако ќе ги слушнат аргументите на земјата и само откако ќе се истрошат сите други можности за враќање на правиот колосек.

Суспензија на преговорите може да има доколку се констатира конзистентен застој или назадување во најважните поглавја како владеењето на правото и правдата.

Со новата методологија на појасен и поедноставен начин ќе може да се врши овој надзор врз земјите кандидати. Тука важна улога ќе одигра внесувањето на политичка димензија во преговорите преку инволвирањето на земјите членки на ЕУ.

– Земјите членки систематски ќе придонесуваат кон пристапниот процес, вклучително преку мониторинг на терен на своите експерти, преку директен придонес за годишните извештаи и преку секторска експертиза.

Што се очекува од Северна Македонија?

Нацрт рамката за преговори на Европската Комисија сега ќе треба да биде одобрена и евентуално модифицирана во одредени делови доколку за тоа има консензус помеѓу сите 27 земји членки на ЕУ. Но, она што е важно за Северна Македонија е дека и таа треба да подготви своја преговарачка рамка. Преговорите со ЕУ не претставуваат штиклирање на закони, туку до одредена мера и битка со ЕУ за заштита на клучни економски, социјални и други национални интереси.

Првиот чекор сега откако се преговарачките рамки влезени во процедура е Северна Македонија да изготви патоказ за поглавјата поврзани за владеењето на правото, поглавјата 23 и 24. Овој кластер на поглавја мора прв да биде отворен и ниту еден друг не може да биде отворен пред овој.

– Напредокот во фундаменталниот кластер ќе го одреди целокупниот ритам на преговорите и ќе биде земен предвид во одлуката за отворање и затворање на нови поглавја и кластери.

Европската Комисија очекува од македонските власти сега да го усвојат патоказот за овие преговарачки поглавја, во кои мора да фигурираат клучните реформски приоритети и според кој ќе се водат преговорите во овие поглавја. Имплементацијата на овој патоказ ќе биде под постојан мониторинг од страна на ЕУ на секоја од меѓувладините конференции.

Освен патоказот за владеење на правото, Северна Македонија треба да изготви и патоказ за функционирањето на демократските институции и реформата на јавната администрацијата, другиот суштински елемент од преговорите со ЕУ.

Тука се очекува Северна Македонија да поднесе јасен роковник и кои се главните чекори што планира да ги преземе за исполнување на критериумите. Како и со владеењето на правото, демократските институции и јавната администрација ќе бидат под постојан надзор на ЕУ.

Следни чекори

Откако Советот ќе ја усвои рамката за преговори, Северна Македонија ќе помине низ процес на билатерален скрининг, кој треба да е значително пократок од претходните земји кандидати, бидејќи техничкиот скрининг заврши минатата година. Овој скрининг, за разлика од техничкиот, е интерактивен, ЕУ ја информира Северна Македонија до каде е ЕУ законодавство во секоја област, како се развива и менува и се идентификуваат клучните теми кои ќе бидат дел од самите преговори. Овој крајно технички дел овозможува подобра подготвеност и одредување на таканаречените “бенчмаркс“ или одредници врз основа на кои се носи одлуката за отворање на кластер на поглавја.

По исполнувањето на одредниците следуваат преговорите по кластери, односно отворање на сите поглавја од еден кластер наеднаш, за разлика од досегашното отворање поглавје по поглавје.

Европската Комисија бара рокот помеѓу отворање на еден кластер и затворањето на поглавјата од кластерот да не биде повеќе од една година, ако е возможно, и целосно во зависност од напредокот на земјата преговарач.

Северна Македонија ќе треба јасно да ја изрази својата позиција во однос на ЕУ законодавството и да известува за својот напредок во исполнувањето на одредниците. Брзината на исполнување на критериумите и проактивноста на земјата преговарач треба да е единственото мерило на брзината на преговорите и нивното завршување.

Преговорите ќе се водат главно на министерско ниво, со помош на работни групи, а политичкиот импулс ќе ги даваат Меѓувладините конференции, каде ЕУ и Северна Македонија се застапени на највисоко ниво.

Според нацрт агендата на германското претседателство кое ќе раководи со главните министерски состаноци на ЕУ во наредните шест месеци, и пред сѐ со Советот за општи работи, каде се одлучува за проширувањето, преговарачките рамки за Северна Македонија и Албанија ќе бидат на дневен ред на 10 ноември.

До тогаш двете страни, ЕУ и Северна Македонија, треба да ги подготват на најдобар начин своите преговарачки позиции.  Доколку Советот даде зелено светло за Северна Македонија на 10 ноември, може да се очекува првата меѓувладина конференција, со која се означува формалното отворање на преговорите со ЕУ, да се одржи во текот на декември оваа година.

The post Што содржи нацрт преговарачката рамка на ЕУ со Северна Македонија? appeared first on plusinfo.mk.