Бројот на загинати во катастрофалниот пожар што избувна вчера во станбен комплекс Wang Fuk Court во Хонг Конг се искачи на најмалку 55, според градската противпожарна служба, објави Си-Ен-Ен.

Најмалку 123 лица се повредени во пожарот, меѓу кои 8 пожарникари.

Меѓу загинатите, 51 лице загина на самото место, додека четворица починаа во болница, соопштија официјални лица.

Како исчезнати се водат исчезнати 279 луѓе. Околу 900 жители се во привремени засолништа.

Пожарот е најлошиот во Хонг Конг од Втората светска војна.

HORRIFIC fire scene, like war zone in Hong Kong

At least 44 killed, 279 missing, 3 arrested for MANSLAUGHTER pic.twitter.com/VU28YRQVVt

— RT (@RT_com) November 27, 2025

Властите започнаа кривична истрага, а полицијата уапси тројца работници од градежната компанија – двајца директори и еден консултант – под сомнение за убиство од небрежност, со обвиненија за тешка небрежност. Во времето на пожарот, комплексот бил опкружен со бамбусови скелиња и со заштитни мрежи поради реновирања.

Пожарникарите уште се борат со пламенот во најмалку три од седумте згради, а градските власти предупредуваат на можноста од уривање на зградите.

Пожарот избувнал во населеното предградие Таи По, кое се наоѓа на околу 18 километри од главниот остров Хонг Конг. Областа е позната по големи станбени блокови и популарни места за пикник.

Првичните наоди укажуваат дека пожарот можеби бил забрзан од лесно запаливи полистиренски плочи што ги блокирале прозорците на неколку станови. Има сомневања за непрофесионална работа и за непочитување на безбедносните стандарди.

Директорот на Противпожарната служба, Енди Џеунг, изјави дека во неколку станови имало полистирен, заштитни мрежи, церади и пластични облоги што „не биле во согласност со прописите“.

Зградите биле целосно обложени со бамбусови скелиња, традиционална техника што датира од пред векови. Иако техниката е флексибилна и широко се користи во Хонг Конг, бамбусот и во минатото бил поврзан со пожари. Владата претходно најави премин кон метални скелиња за дел од јавните проекти, што предизвика поделени реакции во јавноста.

Комплексот има голем број постари жители, поради што се стравува дека бројот на жртви би можел драматично да се зголеми. Многу граѓани сè уште ги бараат своите најблиски.

A major fire accident has occurred in Hong Kong, in which 75 people have died so far and more than 500 have been injured.
My deepest condolences to those who lost their lives in this fire and I wish the injured a speedy recovery.#HongKongFire pic.twitter.com/ReTLPSCecF

— Subham singh RFS (@SUBHAMSINGH112) November 27, 2025

Кинескиот претседател Си Џинпинг изрази сочувство за погодените семејства и одобри два милиони јуани за итна помош.

Голем број странски земји испратија сочувство.

Главниот извршен директор на Хонг Конг, Џон Ли, објави дека сите станбени блокови во градот кои се подложени на големи реновирања ќе бидат проверени за безбедноста на скелињата и градежните материјали.

Хонг Конг има 7,5 милиони жители и една од најгустите концентрации на едносемејни куќи и високи згради во светот.

JUST IN – Three men arrested and charged with manslaughter as deadliest fire in years rips through Hong Kong apartment complex. Death toll rises to 44 with 279 missing. pic.twitter.com/mzjvNIIVBn

— Confidential Post (@TheCPostNews) November 27, 2025

СКЕЛЕТО ОД БАМБУС, ПРИЧИНА ШТО СЕ ПЕПЛОСАА 7 ОБЛАКОДЕРИ ВО ХОНГ КОНГ? Бројот на жртви порасна, станарите не ги слушнале противпожарните аларми

The post 🎥 НАЈМАЛКУ 55 МРТВИ, НАД 250 ИСЧЕЗНАТИ, ТРОЈЦА УАПСЕНИ ПО СТРАОТНИОТ ПОЖАР Два дена горат облакодерите во Хонг Конг appeared first on plusinfo.mk.

Премиерот Христијан Мицкоски изрази сочувство по повод смртта на папата Франциск во кое посочува дека тој како духовен водач зад себе остава неизмерно хуман, чесeн и посветен траг во историјата на современиот свет.

„Неговата порака за мир, солидарност, грижа за најранливите и дијалог меѓу народите беше светлина за милиони луѓе, без разлика на верата или нацијата. Беше глас на совеста во време на глобални предизвици и неизмерен пример за човечност и морална храброст. Папата Франциск низ годините континуирано ја изразуваше својата поддршка за Македонија – за нејзините напори за мир, соживот и почитување на различностите“, се истакнува во објавата на премиерот Мицкоски на неговиот офијален фејсбук профил.

Премиерот додава дека неговите зборови секогаш охрабруваа, а неговиот однос кон нашиот народ беше исполнет со топлина и почит.

„Во мое лично име, во име на Владата и на граѓаните, упатувам најискрено сочувство до Ватикан, Католичката црква и сите верници кои денес тагуваат. Вечна му слава и благодарност“, се наведува во изразеното сочувство на Мицкоски за Папата Франциск. 

The post КОНТИНУИРАНО ЈА ИЗРАЗУВАШЕ СВОЈАТА ПОДДРШКА ЗА МАКЕДОНИЈА Мицкоски оцени дека папата Франциск остави хуман белег во историјата appeared first on plusinfo.mk.

Претседателот на Собранието, Африм Гаши во сочувството по повод смртта на папата Франциск посочува дека смртта на папата е длабока загуба за целото човештво.

– Како духовен лидер на нашето време, тој ги вгради принципите на мирот, социјалната правда и меѓурелигиозниот дијалог, станувајќи симбол на посветеноста кон заедничкото добро. Со својата едноставност, со безусловната љубов кон човекот и природата, Папа Франциск допре до срцата на милиони луѓе низ целиот свет, надминувајќи верски, национални или идеолошки граници – вели Гаши.

Тој додава дека неговото наследство ќе остане водич за идните генерации за изградба на поправеден, помирен и поединствен свет.

„ Во мое лично име и во име на Собранието на Република Северна Македонија, изразувам најискрени сочувства за оваа незаменлива загуба за католичкиот свет и за целото човештво. Нека биде вечен споменот за него!“, се вели во сочувството на Гаши за Папа Франциско.

The post ДОПРЕ ДО СРЦАТА НА МИЛИОНИ ЛУЃЕ НАДМИНУВАЈЌИ ВЕРСКИ И НАЦИОНАЛНИ ГРАНИЦИ Гаши сочувствува со католиците по смртта на папата Франциск appeared first on plusinfo.mk.

Првите луѓе на институциите на Европската Унија во објави на социјалните мрежи изразија жалење поради смртта на поглаварот на Римокатоличката црква, папата Франциск и сочувство со милионите католички верници низ светот.

– Им се придружувам на повеќето милиони луѓе ширум светот кои тагуваат за смртта на неговата светост, папата Франциск. Беше длабоко сочувствителен. Тој се грижеше за големите глобални предизвици на нашето време – миграцијата, климатските промени, нееднаквостите, мирот, како и за секојдневните борби на еден и на сите – наведе претседателот на Европскиот совет Антонио Кошта.

Тој посочи дека со својата најнова порака за Светскиот ден на мирот, папата предложи три активности за да може да дојде до „трајна промена“ – простување на меѓународниот долг, укинување на смртната казна и прераспределба на средствата за воените потреби за ставање крај на гладот.

– Нека неговите идеи продолжат да не водат кон иднината на надеж. Requiescat in pace (Нека почива во мир) – додаде Кошта.

Претседателката на Европската комисија, Урсула фон дер Лајен, пак, оцени дека денеска светот жали за смртта на папата Франциск.

– Тој инспирираше милиони луѓе, и надвор од Католичката црква, со својата понизност и толку чиста љубов за помалку среќните. Моите мисли се со сите кои ја чувствуваат оваа длабока загуба. Нека најдат утеха во идејата дека наследството на папата Франциск ќе продолжи да не води сите нас кон поправеден, мирен и сочувствителен свет – истакна Фон дер Лајен.

Претседателката на Европскиот парламент, Роберта Мецола наведе дека Европа жали за смртта на неговата светост, папата Франциск.

– Неговата заразна насмевка ги освои срцата на милиони луѓе ширум светот. „Народниот папа“ ќе остане запаметен по неговата љубов кон животот, надежта за мир, сочувството за еднаквоста и социјалната правда. Нека почива во мир – додаде Мецола.

The post СВЕТОТ ЖАЛИ ЗА СМРТТА НА ПАПАТА Европските лидери изразија сочувство со католиците appeared first on plusinfo.mk.

Од Амбасадата на Турција во РСМ соопштија дека писмо со сочувство испратил и министерот за надворешни работи на Република Турција, Хакан Фидан упатено до министерот за надворешни работи надворешна трговија на Република Северна Македонија Тимчо Муцунски.

„Со длабока жал ја примив веста за лицата кои загинаа и се повредија при пожар што се случи во градот Кочани, Северна Македонија. Изразувам сочувство до Вашата Државничка Висост и сите граѓани на братска и пријателска Северна Македонија, на чело со блиските на загинатите, додека на повредените им посакувам брзо заздравување“, се вели во писмото од турскиот претседател Ердоган.

Турскиот амбасадор Улусој вчера се потпишал во книгата на жалост отворена во Министерството за надворешни работи и надворешна трговија на Република Северна Македонија за лицата кои ги загубија своите животи за време на пожарот во Кочани. Амбасадорот потоа остварил средба и со државниот секретар на наведеното Министерство, Елена Кузманоска, при што изразил сочуство, како и желби за побргу закрепнување на повредените лица.

„Туркије како и во минатото, секогаш е подготвена да му помогне на пријателскиот и братски народ на Северна Македонија, се наведува во соопштението од Амбасадата.

Во Амбасадата на Република Туркије спуштено е на пола копје турското знаме во знак на почит.

The post „БРАТСКА ТУРЦИЈА Е СО ВАС ВО ОВИЕ ТЕШКИ МОМЕНТИ“ Ердоган со писма со сочувство до Сиљановска Давкова и Мицкоски appeared first on plusinfo.mk.

„Упатувам сочувство до семејството и пријателите на прерано загинатата Фросина Ќулакова.

Некогаш нема утешни зборови, но она што можам да се заложам е дека мојата политичка позиција и мојата човечка мисија ќе ја насочам за менување на работите од корен. Целиот систем мора да се менува однадвор и одвнатре“, вели министерот во соопштение до јавноста.

The post СИСТЕМОТ МОРА ДА СЕ MEНУВА ОД КОРЕН Министерот за правда изрази сочувство до семејството на Фросина appeared first on plusinfo.mk.

Во болница се хоспитализирани 115 лица, од кои 60 се во тешка состојба. Министерството за здравство потврди дека меѓу загинатите има и три деца.

Група од пет терористи упадна во концертна сала во северозападниот дел на Москва во петокот околу 20 часот по московско време. Напаѓачите влегле во еден од споредните влезови и веднаш отвориле оган врз луѓето во салата, по што крвавиот пир продолжил во концертната сала на првиот кат, каде требало да започне концертот на рок групата „Пикник“.

Потоа напаѓачите подметнале пожар во салата и избегале во истото бело „рено“ со кое дошле.

Пожарот брзо се проширил од концертната сала до целата зграда, го зафатил и покривот, а гаснењето од воздух не можело веднаш да започне бидејќи се стравувало дека на последниот кат има многу луѓе.

Хеликоптерите потоа фрлиле 160 тони вода за да го локализираат пожарот, кој не беше целосно изгаснат до раните утрински часови во саботата.

Напаѓачите, кои биле облечени во маскирни одела и не носеле маски, пукале во присутните со „калашникови“ и скратени ловечки карабини. На местото на терористичкиот напад безбедносните сили пронашле оружје и муниција од калибар 5,45 за Саига и 7,62 за А.К. Очевидци наведуваат дека некои од терористите носеле и канистри со запалива течност.

pic.twitter.com/ICJnjYe61P

— Pluton (@Pluton45873221) March 23, 2024

Телеграмскиот канал SHOT наведува дека на концертот бил и пратеникот во Думата Ајдар Метшин кој успеал да побегне неколку минути пред терористите да упаднат во салата.

– Ме спаси тоа што бев практично блиску до сцената во вториот ред. Се евакуиравме преку бината, а потоа и преку официјалниот влез пред терористите да влезат низ споредната врата и да почнат да пукаат. Заминавме преку службениот влез и не знаевме дали ќе удрат одзади – изјави Метшин.

Концертната сала вообичаено има повеќе од 6.000 седишта и сите билети биле распродадени. Засега не е познато колку луѓе имало внатре во салата во моментот на нападот.

Телеграмскиот канал SHOT наведува дека многу тела биле пронајдени во тоалети и помошни простории каде луѓето барале засолниште од пукањето. Само во еден тоалет се пронајдени 10 тела без повреди, што значи дека се задушиле од чадот.

Одговорноста за нападот ја презеде Исламската држава, но засега нема официјална потврда за оваа информација.

„Борците на Исламската држава нападнаа голем собир на христијани во градот Красногорск, предградие на руската престолнина Москва. Тие убија и ранија стотици луѓе и предизвикаа големи разурнувања пред безбедно да се повлечат во своите бази“ – соопшти ИСИС на својот канал Телеграм.

Повеќе од 50 земји досега испратија сочувство до Русија.

Администрацијата на американскиот претседател Џо Бајден изрази сочувство до Москва и го осуди терористичкиот напад.

Портпаролката на Советот за национална безбедност на Белата куќа, Адриен Вотсон изјави дека Вашингтон имала информации за планиран терористички напад во Москва на почетокот на март.

– Владата на САД сподели информации со руските власти во согласност со својата долгогодишна политика – рече Вотсон.
Бајден сè уште не се огласи за нападот.

Терористичкиот напад во Красногорск го осуди и францускиот претседател Емануел Макрон.

– Макрон најостро го осудува терористичкиот напад – пренесува АФП, повикувајќи се на Елисејската палата.

Француското Министерство за надворешни работи претходно изрази солидарност со Русите по терористичкиот напад во Красногорск.

pic.twitter.com/ICJnjYe61P

— Pluton (@Pluton45873221) March 23, 2024

The post 📸🎥 СИТЕ ДЕТАЛИ ЗА ЗЛОСТОРНИЧКИОТ МАСАКР ВО МОСКВА Повеќе од 90 загинати, 115 ранети, терористите во бегство appeared first on plusinfo.mk.

„ Телефонски разговарав со премиерот на Република Северна Македонија Зоран Заев. Изразив сочувство за загинатите граѓани на неговата земја во сообраќајната несреќа на автопатот Струма, напиша на Фејсбук Борисов.

Тој изрази уверување дека надлежните институции ќе ги утврдат причините за несреќата.

Борисов исто така го уверил Заев дека настраданите кои се хоспитализирани во болницата „Пирогов“ во Софија ќе ја добијат најквалитетната медицинска нега.

The post БОРИСОВ ИЗРАЗИ СОЧУВСТВО ДО ЗАЕВ Го уверив дека преживеаните ќе добијат најквалитетна нега appeared first on plusinfo.mk.

– Поддршка за нашите пријатели во Република Хрватска. Првичните информации за земјотресот се застрашувачки. Сочувство до претседателот Зоран Милановиќ и од и до семејствата на сите настрадани – напиша Пендаровски на Фејсбук.

Земјотрес со интензитет од 6,2 степени по Рихтер денеска околу 12:20 часот го погоди хрватскиот град Петриња. Во земјотресот што беше почувствува во цела Хрватска и во соседните земји, според првичните информации, има загнати и повредни.

The post Пендаровски упати сочувство за настраданите во земојотресот во Петриња appeared first on plusinfo.mk.

„Со голема жалост ја примивме веста за упокојувањето на Неговата Светост Патријархот Српски Иринеј. Српската Православна Црква и Православието во целост, во неговата личност имаа редок духовник, посветен пастироначалник и неуморен архипастир. Тој достоинствено и смирено го носеше својот патријаршиски крст и крстот на своето духовно паство, и во сè се трудеше да се покаже за достоен наследник на своите претходници. Во овие тешки мигови за вашите Црква и народ, дозволете ми, во свое и во името на Светиот архијерејски синод, на свештенството, на монаштвото и на сите верни чеда на Македонската Православна Црква – Охридска Архиепископија, да ве увериме во искрената скрб на македонскиот православен народ, кој сочувствува со сите коишто тагуваат поради упокојувањето на Патријархот Иринеј“, стои во телеграмата.

Во телеграмата со сочуство од погклаварот на МПЦ-ОА, г.г. Стефан упатена до СПЦ понатаму се додада:

„Споделувајќи ја тагата со вас и со сите во Српската Православна Црква, се молиме за душата на новопретставениот ваш првојерарх, та милостивиот Бог да го прими во прегратките на праотецот Авраам и во населбите на праведниците. Бог да го прости и нека му е споменот вечен!

The post Г.г. Стефан до Синодот на СПЦ: Македонскиот православен народ сочувствува со сите коишто тагуваат поради упокојувањето на Патријархот Иринеј appeared first on plusinfo.mk.