Тајната служба во Вашингтон уапси маж осомничен за обид за соборување на хеликоптерот на „Мarine One“ во кој се наоѓал американскиот претседател Доналд Трамп со ласер.

Ова беше објавено синоќа од „NBC News“.

Инцидентот наводно се случил во саботата навечер на авенијата Конститушн во Вашингтон, каде што Диего Сантијаго, агент на Тајната служба задолжен за обезбедување на шефот на кабинетот на Белата куќа, забележал маж гол до половината кој „зборувал сам со себе и бил гласен“.

Човекот го набљудувал хеликоптерот на американскиот претседател.

– Поради лошото осветлување на тротоарот, Сантијаго насочил лампа (кон осомничениот) за подобро да види. Потоа осомничениот насочил и запалил црвен ласерски зрак кон лицето на Сантијаго, очигледно за да возврати. Црвениот ласерски зрак го погодил Сантијаго во очите и накратко го дезориентирал – според судските документи објавени во врска со инцидентот.

Потоа Сантијаго се приближил до мажот, подоцна идентификуван како Џејкоб Самуел Винклер, кој го насочил истиот црвен ласерски покажувач кон „Мarine One“ и го активирал ласерскиот зрак.

Сантијаго изјави дека знаел дека ова претставува опасност за „Мarine One“ и сите во хеликоптерот бидејќи „постоел ризик од ненадејно губење на видот и дезориентација на пилотот, особено за време на летот на ниска надморска височина во близина на други хеликоптери (полиција за паркови на САД, маринци), како и споменикот Вашингтон“.

Ова го стави претседателскиот хеликоптер во опасност од судир во воздух, како што веќе се случи во главниот град на САД.

Сантјаго го уапси човекот, го одзеде ласерскиот покажувач и му стави лисици.

Осомничениот потоа „падна на колена и почна да кажува работи како „Треба да му се извинам на Доналд Трамп“ и „Му се извинувам на Доналд Трамп““.

За време на претресот, кај осомничениот беше пронајден и нож.

За време на испрашувањето, Винклер призна дека го насочил црвениот ласерски покажувач кон „Мarine One“, но дека не знаел дека е забрането да се насочува ласерот кон авиони и тврдел дека го насочил кон разни предмети, вклучително и сообраќајни знаци.

Се наведува дека не е познато дали на Винклер му е доделен адвокат.

Осомничениот се соочува со затворска казна до пет години и парична казна од 250.000 долари.

Трамп отпатува за Њујорк каде што денес треба да одржи говор на отворањето на Генералното собрание на ОН и да се сретне со украинскиот претседател Володимир Зеленски на маргините на настанот.

The post 📽️ СПРЕЧЕН ОБИД ЗА СОБОРУВАЊЕ НА ХЕЛИКОПТЕРОТ НА ТРАМП Брза акција на Тајната служба во Вашингтон, еве што е пронајдено кај уапсеното лице appeared first on plusinfo.mk.

Американскиот претседател Доналд Трамп изјави дека доколку сегашниот ирански режим не е во состојба „повторно да го направи Иран голем“, тогаш можеби ќе биде потребно да се промени режимот во оваа земја, јави ДПА.

– Не е политички коректно да се користи терминот „промена на режимот“, но ако сегашниот ирански режим не е во состојба повторно да го направи Иран голем, зошто да не се случи промена на режимот?“ МИГА!“- напиша Трамп на својот профил на мрежата Truth Social, користејќи го акронимот MIGA за „Make Iran Great Again“, како алузија на акронимот MAGA, или „Make America Great Again“, што беше слоганот на претседателските кампањи на Трамп.

Тој додаде дека пилотите на американските бомбардери Б-2 кои ги извршија нападите врз иранските нуклеарни постројки безбедно слетале во американската сојузна држава Мисури.

„Ви благодарам за добро завршената работа! Доналд Џ. Трамп, претседател на Соединетите Американски Држави“, напиша Трамп.

Претходно вчера американскиот министер за одбрана Пит Хегсет изјави во Пентагон дека ноќниот напад врз нуклеарните објекти во Исфахан, Натанц и Фордоу бил извршен за да се елиминира заканата за американските интереси што ја претставува нуклеарната програма на Иран, а не за да се предизвика промена на режимот во Техеран.

-Претседателот одобри прецизна операција за неутрализирање на заканите за нашите национални интереси што ги претставува иранската нуклеарна програма и колективната самоодбрана на нашите трупи и нашиот сојузник Израел – рече Хегсет пред новинарите во Пентагон.

Американскиот потпретседател, Џ.Д. Венс, исто така, нагласи дека нуклеарната програма на Иран беше цел.

-Ние не сме во војна со Иран, ние сме во војна со нуклеарната програма на Иран – изјави тој вчера за Ен-Би-Си.

Меѓутоа, пренесува ДПА, додека Хегсет и Венс тврдат дека нападите не беа насочени кон соборување на иранското раководство, во Републиканската партија на Трамп постои и табор кој долго време бара политичко соборување во Техеран.

Израел на 13 јуни започна големи напади врз ирански воени цели, наведувајќи дека има за цел да ја спречи земјата да изгради нуклеарно оружје, обвинение што Техеран постојано го негира.

Иран возврати со бранови ракетни и беспилотни летала врз Израел, а жестоките воздушни и ракетни напади денеска влегуваат до десетиот ден.

The post НА ТРАМП НЕ МУ Е ДОВОЛНО УНИШТУВАЊЕТО НА НУКЕЛАРНАТА МОЌ НА ИРАН Планира да го собори и режимот appeared first on plusinfo.mk.

Николовски ги коментираше актуелните состојби со пописот и кворумот на седниците на собранието.

– Пописот е многу важна операција, а власта сака да прваи политички попис. Ние дадовме шанса заеднички да усогласиме текст ни еден амандман не се усвои. Очекуваме Пендаровски да не го потпише законот, ако тоа не се случи, ВМРО-ДПМНЕ веднаш ќе поднесе иницијатива до министерството за правда да се соберат потписи, минималната бројка е 10 илјади, но мислам ќе има многу повеќе – рече Николоски.

На прашањето дека сепак во Собранието ќе биде потребно мнозинство за нов закон Николски рече:

– Мислам дека возможно е да се обезбеди мнозинство требаат три пратеници. Стојам на тоа што сум го кажал за соборување на оваа влада, а тоа е влада за национален спас, тоа не помина и сега треба да се оди на нејзино соборување зошто немаат капацитет за ништо. Најдобар доказ дека им виси мнозинството е тоа што не можат да соберат кворум за да одржат седница. Еве веќе два месеци има интерпелација за Никола Димитров и не се става на дневен ред. Координаторот на СДСМ рече кога би се ставила на дневен ред СДСМ нема да учествува на расправата, што значи се плашат дека некој можеби би гласал Димитров да не е вицепремиер – рече Николоски.

The post Николоски: Тројца пратеници не делат од мнозинство за соборување на владата appeared first on plusinfo.mk.

Таквиот извештај навестува нова фаза во истрагата за соборениот украински авион од страна на иранската Револуционерна гарда, при што загинаа 176 луѓе.

Иранските власти првично негираа одговорност, но го сменија ставот  откако западните држави изнесоа докази дека иранска ракета го соборила авионот.

Во новиот извештај се посочени низа детали кои укажуваат дека можело да биде избегнато соборувањето на украинскиот патнички авион.

The post Извештај: Многу околности предизвикаа соборување на украинскиот авион во Иран appeared first on plusinfo.mk.

– Да им се даде правда на 298 жртви од експлозијата при летот на МХ17 е и ќе остане најголем приоритет на Владата. Со преземањето на овој чекор денеска… се приближуваме кон оваа цел, изјави холандскиот министер за надворешни работи Штеф Блок.

Според него оваа одлука има за цел да им понуди „максимална поддршка“ на роднините на жртвите.

Во ноември 2018 година, роднините на 65 холандски државјани кои загинаа во експлозијата на авионот, поведоа постапка против Русија пред ЕСЧП, барајќи од Москва да ја „признае одговорноста“ за катастрофата. „Боингот 777“ на „Малезија ерлајнс“, кој полета од Амстердам за Куала Лумпур на 17 јули 2014 година, беше соборен од страна на ракета од типот „Бук“ од советска изработка на територијата каде имаше на вооружен судир меѓу проруските сепратисти и украинските сили на истокот од Украина. Притоа загинаа 298 патници од кои 196 Холанѓани.

Холандија отворено ја обвини Русија за смртта на нејзините државјани. Москва, од своја страна, секогаш жестоко негираше било каква вмешаност во несреќата и го обвини Киев. Холандската Влада во декември 2018 година предупреди дека планира да преземе правни мерки против Русија во овој случај, бидејќи разговорите меѓу двете земји се во ќор-сокак.

Холандија продолжува да им „придава важност на продолжувањето на средбите со Русија“, со цел да се најде решение кое ќе им даде правда за огромните страдања и штети предизвикани“ од трагедијата, соопшти холандското Министерство за правда.

Во март годинава во Холандија почна судењето на четворица осомничени, тројца Руси и еден Украинец, обвинети за предизвикување на несреќата.

The post Холандија ја тужи Русија во Стразбур за соборување на авионот на „Малезија ерлајнс“ appeared first on plusinfo.mk.