Здравствено-економската криза која трае веќе две години, како што велат, предизвика сериозно засегање на стопанството, а претпријатијата ги доведе во ситуација на тешко одржување на финансиска стабилност и на деловна активност. Надминување на состојбите е единствено можно со адекватни, добро испланирани и таргерирани мерки, кои ќе се дефинираат во блиска комуникација со реалниот сектор.

Според Горан Георгиевски, потпретседател на Агро-бизнис комората, за да  има позитивен ефект одлуката за ограничување на цените на одредени производи потребно е да биде донесена во корелација со други мерки.

-Прво потребно е влезните инпути во сите компании да се стабилизираат, односно суровините и репроматеријалите конкретно во прехранбената индустрија да се овозмозможи да имаат соодветна минимална цена – појасни Георгиевски.

Додаде дека е потребно стабилизирање на енергенсите во рамка во која државата  би гарантирала одредени цени на електричната енергија и на гасот, од кои значително зависи висината на цената на производите.

-Имено во дадени услови на многукратно зголемени трошоци на инпутите во производните процеси, а при забрана за зголемување на цените на крајните производи единствено можно решение е прекин на производството и отпуштање на вработените. Исто така, можно е и стимулирање на сивата економија, бидејќи во неможност производите да се набават по регуларен пат граѓаните ќе бидат принудени да ги набавуваат на друг начин што ќе донесе и до формирање на цени кои се многу повисоки од реалните но ќе предизвика и несигурност во квалитетот на производите,нагласи Георгиевски истакнувајќи дека наместо за замрзнување на цените треба да се размислува за замрзнување на маржите, бидејќи тоа е она што во вакви услови може да спречи нереално зголемување на цените.

Претседателот на Агро-бизнис комора, Огнен Оровчанец пак, смета дека за долгорочно стабилизирање на пазарот на храна, треба да се имплементираат и долгорочни мерки, како што е формирање на една надлежна државна институција. Сега надлежностите се поделени меѓу Министерството за земјоделство, шумарство и водостопанство како примарно, Министерството за економија во однос на економските мерки и политики и Агенцијата за храна и ветеринарство и Министерството за здравство како надлежни за безбедноста. Но, како што вели Оровчанец, секојдневната пракса покажува дека овие институции функционираат без меѓусебна поврзаност и координација, а при тоа никој не сноси одговорност за пропустите кои секојдневно се случуваат и од кои претпријатијата трпат штета.

-Одговорноста едноставно се префрла од еден на друг, без при тоа да се најде решение за проблемите кои постојат. Затоа сметаме дека е неопходно да постои едно министерство за храна, кое ќе биде целосно надлежно за сите прашања поврзани со оваа проблематика. Така ќе имаме системски и инклузивен пристап во регулирање на оваа значајна област, кој на граѓаните ќе им гарантира пристап до квалитетни прехранбени производи по реални цени. Ова барање Сојузот и Агро-бизнис комората досега неколку пати го има јавно истакнато, но веруваме дека состојбата во која се најдовме поради кризата уште еднаш ја апострофира неговата важност – рече Оровчанец.

The post ЗАМРЗНУВАЊЕТО НА ЦЕНИТЕ МОЖЕ ДА ЈА ПРОДЛАБОЧИ КРИЗАТА Парцијалните мерки носат големи проблеми appeared first on plusinfo.mk.

Арбитражата претставува алтернативен начин на решавање на споровите што овозможува брза и ефикасна наплата на побарувањата, избегнување на строгите формалности на судската постапка, како и доверливост и стручност во постапувањето од страна на непристрасни и независни лица (арбитри). Притоа, исходот на арбитражната постапка е ист како и на постапката пред редовните судови –донесување на одлука која е конечна и правнообврзувачка за странките.

Во рамки на своите заложби за развој на арбитражата и доближување на европските искуства кон македонската арбитражна практика, Постојаниот избран суд – Арбитража при Стопанската комора на Северна Македонија со поддршка на Централно-европската иницијатива (ЦЕИ) организира онлајн Меѓународна конференција на 11-12 мај 2021 година, на тема: „Бизнисот и арбитражата во ерата на глобализација: предизвици и перспективи“.

Во рамки на оваа конференција, која традиционално се организира по петти пат, учество како говорници ќе земат истакнати експерти, теоретичари и практичари од земјата и од странство, вклучувајќи адвокати од водечките светски адвокатски друштва, арбитри со децениско искуство и универзитетски професори со широки познавања во полето на арбитражата.

Програмата на Конференцијата ќе биде посветена на актуелни теми од областа на арбитражата, со посебен осврт на влијанието на глобализацијата и пандемијата на ковид-19 врз арбитражното решавање на споровите, практичните прашања поврзани со ефикасноста на арбитражните постапки, примената на арбитражата во клучните сектори, признавањето и извршувањето на странските арбитражни одлуки во земји од Централна и Источна Европа, како и легитиметот на меѓународната арбитража.

Арбитражата ги поканува сите заинтересирани лица од бизнис заедницата, правосудната фела и пошироката јавност да земат учество на настанот кое е без надоместок!

The post Онлајн Меѓународна конфренција – „Бизнисот и арбитражата во ерата на глобализација: предизвици и перспективи“ appeared first on plusinfo.mk.

– Станува збор за над 1.000 субјекти, кои се пред пропаѓање и во исклучително тешка состојба. Претпријатијата од овие дејности бараат итно протоколи за почеток со работа или доколку се одлучи принудно да останат затворени, да се донесат мерки за финансиска поддршка со кои ќе ја преживеат кризата. Овие сектори се принудно затворени, немаат никакви приходи и иако се уште им се генерираат трошоци за плати, наемнини и режиски трошоци за нив веќе со месеци нема никаква финансиска поддршка – потенцираат од Сојуз на стопански комори на Мак­­едонија.

Оттаму истакнуваат дека во континуитет се доставувани писмени барања со издржани предлози до надлежните институции, како и протоколи за работа согласно оние од земјите во регионот и пошироко, каде на овие дејности уште пред неколку месеци им е овозможено да работат.

Доколку се утврди дека нема можност за извршување на дејноста, економските оператори бараат да се донесе економски пакет од шест мерки за финансиска помош за опстанок.

Тие шест мерки се: субвенции за плати за сите досегашни и идни месеци додека се принудно затворени  од институциите, во износ на минималната бруто плата; одложување од обврските за плаќање кон претпријатијата кои вршат комунални дејности до крајот на годината; како и ослободување од обврските за аконтативно односно однапред плаќање на данок на добивка и персонален данок на доход. Потоа, како четврто барање е наведено ослободување од плаќање на данок на имот спрема општините и Градот Скопје за месеците за кои принудно не вршат дејност; петто-мораториум со репрограм за кредитните обврски спрема банките до крајот на годината и еднократна  парична  помош  за  сите  објекти врз основа на претходно определени критериуми и параметри засновани на годишни приходи и платените даноци во изминатите години.

– Со формирање на новата Влада, претпријатијата од овие дејности очекуваат во најкраток можен рок да се реши моменталната состојба, во спротивно својот револт ќе го истакнат на протест. Да се затворат принудно со месеци без услови со кои ќе можат да ја преживеат кризата е нечовечки и помош или деблокада се единствениот излез – велат од Сојуз на стопански комори на Мак­­едонија.

The post Повеќе од 1.000 игротеки и ресторани се пред банкрот: Новата влада итно да ни даде работа или парична помош appeared first on plusinfo.mk.