Замислете да патувате низ живописен пејзаж, а одеднаш да забележите холивудска ѕвезда како снима опасна акциска сцена.

За еден среќник, токму таков надреален момент станал реалност.

Додека се возел со автомобил паралелно со пругата по која се движел воз, забележал филмска екипа – и ни помалку ни повеќе, самиот Том Круз – како снимаат сцена за еден од филмовите од франшизата Mission: Impossible – Dead Reckoning.

Видеото, кое првично се појави на социјалните мрежи пред неколку години, повторно стана вирално и ги воодушеви фановите.

Познат по тоа што ги поместува границите на акцијата на големото платно – висејќи од авион или возејќи мотор по карпа – Круз и овојпат отишол чекор подалеку. Овојпат изведувал смела акробација на покрив од воз што јури додека снимањето се одвивало во Норвешка, опкружено со спектакуларни природни пејзажи.

Во видеото се гледа како актерот и каскадерите се подготвуваат за сцената додека возот минува низ зелена долина. Во еден момент, човекот од автомобилот што се движел паралелно со возот извикал: „Еј!“ На изненадување на сите, Круз ги забележал, се свртел и им мафнал – претворајќи го краткиот, неочекуван момент во спомен за цел живот.

Како што се гледа, актерот седел на работ од покривот, обезбеден со сигурносни ремени, видно опуштен и насмеан додека екипата се подготвува за снимање. Луѓето што го забележале првично не можеле да поверуваат што гледаат, а во видеото се слуша нивната смеа и воодушевување.

Откако видеото повторно се појави на Инстаграм, корисниците не штедеа пофалби за актерот.