Утрово, во делови од Горски Котар и Лика во Хрватска, снегот паѓа и се задржува на земја. На делницата од автопатот А6 Загреб-Риека, помеѓу вијадуктот Залешина и тунелот Тухобиќ, патот е покриен со снег.

Поради зимските услови и снегот, сообраќајот е забранет помеѓу раскрсниците Босиљево 2 и Киковица за возила кои немаат пропишана зимска опрема, како и за камиони со приколки. Поради зимските услови на државниот пат Д3, камионите со приколки се пренасочуваат кон одморалиштето Вукова Горица во правец на Риека, односно пред раскрсницата Чавла во правец на Загреб, предупредува Хрватскиот автоклуб (ХАК).

Malo zimskog ugođaja s naše najviše meteorološke postaje, GMP Zavižan

Dragutin (Drago) Vukušić pic.twitter.com/zqM70mrbFF

— DHMZ (@DHMZ_HR) March 17, 2026

ХАК, исто така, наведува дека патиштата се влажни и лизгави во поголемиот дел од Хрватска. Зимски услови преовладуваат на одредени патишта во Горски Котар и Лика. На брегот дува силен ветер, а во подножјето на Велебит има и бурни налети на ветер. Забрани се на сила за одредени категории возила, а можни се и свлечишта.

Студеното време пристигна во средината на март и донесе вистински зимски пресврт и во Македонија, снегот ги покри планините низ нашата земја, додека температурите нагло паднаа под нулата. Слаби врнежи од снег има на Попова Шапка и во Крушево и на планинските премини Стража, Буково и Ѓавато. Според информациите од Јавното претпријатие „Македонија пат“ сите патни правци се проодни.

The post 📽️ БАБА МАРТА ГИ ПОТСЕТИ ХРВАТИТЕ ДЕКА СЀ УШТЕ Е ТУКА Зимски услуги на терен, возачите се советуваат да бидат внимателни appeared first on plusinfo.mk.

Попова Шапка утрово се разбуди со Дебела снежна покривка и со најниска температура во државава. Во 7 часот биле измерени -8 степени и 97 сантиметри снег.

По неа следуваат Крушево и Маврови Анови со -4 степени. Берово и Претор бележат -1. Нула степени се измерени во Крива Паланка, Охрид, Битола и во Прилеп. Штип и Виница имаат 2 степени. Тетово, Куманово и Струмица 3. Скопје-Зајчев Рид, Кавадарци и Демир Капија 4 степени. Скопје-Петровец и Велес 5, а најтопло е во Гевгелија со 6 степени.

Во изминатите 24 часа најмногу дожд наврнал во Струмица, 13 литри на метар квадратен. Во Берово се измерени 11. Претор и Гевгелија имаат по 8. Демир Капија 7. Битола 6. Тетово, Пожаране и Крушево по 5. Прилеп 4. Скопје-Петровец, Крива Паланка, Штип, Виница и Ѓуриште по 3. Скопје-Зајчев Рид, Велес и Охрид по 2. Кавадарци и Маврови Анови по 1 литар на метар квадратен.

Снежна покривка има и во Маврови Анови, 3 сантиметри. Во Берово 2. Во Ѓуриште 1 сантиметар.

Управата за хидрометеоролошки работи најави сончево време со мала до умерена облачност. Претпладне ќе дува умерен до засилен северен ветер, локално над 60 km/h. Особено по должината на Повардарието и во источните делови. Максималната температура ќе се движи од 3 до 11 степени.

Во Скопје ќе биде сончево со мала до умерена облачност. Ќе дува умерен до засилен северец, најизразен претпладне. Температурата ќе достигне до 9 степени.

The post 1 МЕТАР СНЕГ НА ПОПОВА ШАПКА Северец дува со 60 км на час и го лади Повардарието appeared first on plusinfo.mk.

Скопјани го видоа првиот снег за оваа година. Тенката снежна покривка на улиците, булеварите и во парковите ги израдува најмладите, но и постарите. Свежиот зимски воздух и благата зимска идила кои долго беа очекувани го разбистрија утрото.

Екипите на Град Скопје уште од раните утрински часови се постојано на терен и интензивно работат на расчистување на улиците, известуваат од градот, велејќи дека не се изненадени.

Службите ги чистат и пешачките патеки.

Неизвесно е до кога ќе потрае зимската идила во главниот град.

The post (ГАЛЕРИЈА) МАЛА СНЕЖНА ИДИЛА ВО СКОПЈЕ Првиот снег ги израдува најмладите, службите ги чистат улиците appeared first on plusinfo.mk.

Поради продор на многу ладен воздух од север, врнежите кои ги имаме во следните часови ќе се интензивираат, а снежната граница полека ќе се спушта па така врнежите од дожд ќе преминат во врнежи од снег и на пониските места (градовите). Сето ова ќе биде проследено со повремено засилен ветер од јужен а потоа и од северен правец (повремено и локално со брзина од над 60 км/час). Температурите во следните часови значително ќе опаѓаат и на повеќе места ќе се формира снежна покривка.

Повеќе за прогнозата на Славчо Попоски на следниот ЛИНК.

The post ДОЖД, СНЕГ И МИНУСНИ ТЕМПЕРАТУРИ Пристигнува ладен бран, ќе биде бело и во градовите appeared first on plusinfo.mk.

Хидрометеоролошкиот завод на Србија не престанува да издава предупредувања од утрово и се чини дека во наредните денови нè очекува сериозно зимско сценарио. Како што најавуваат, од 4 до 7 јануари 2026 година се очекуваат обилни врнежи во форма на влажен снег, како и локална појава на замрзнат дожд, што може да предизвика сериозни проблеми низ целата земја.

Според најновото предупредување од РХМЗ, најинтензивни врнежи се очекуваат во централниот појас на земјата – од западна и југозападна Србија, преку Белград, Шумадија, Поморавље и Хомоље, а поисточно и во Тимок и Неготинска Краина, со повремен влажен снег.

– Во недела, 4 јануари, се очекува формирање или зголемување на снежната покривка, со висина од 10 до 20 сантиметри, а локално и до 30 сантиметри – додаваат од РХМЗ.

Никогаш подраматично предупредување од РХМЗ

Исто така, во истите области, во недела во вечерните и ноќните часови, како и на почетокот на следната недела, од 5 до 7 јануари, се очекува локална појава на замрзнат дожд, додека понатамошно зголемување на снежната покривка се прогнозира само на север и запад од земјата.

– Можни се сериозни проблеми во сообраќајот и во снабдувањето на населението со храна, топлина и електрична енергија, како и можна целосна блокада на сообраќајот. Се очекуваат и големи оштетувања на преносните системи – далноводи, повреди на пешаци, како и оштетувања на дрвјата, вклучително и кршење гранки во шумите, парковите и кај поединечни дрвја. Поради врнежите и замрзнувањето, можни се оштетувања и на електричните железнички системи, жичарниците, телевизиските кули и другите антенски јарболи – предупредуваат од РХМЗ.

Специјално предупредување за Белград

РХМЗ издаде и посебно предупредување за Белград поради формирање снежна покривка и појава на замрзнат дожд.

– Во недела, областа на Белград ќе биде облачно и студено, со влажен снег и снежна покривка од 10 до 20 сантиметри. На почетокот на следната недела, од 5 до 7 јануари, се очекува и локална појава на замрзнат дожд – предупредуваат од РХМЗ.

The post ПОДГОТВЕТЕ ГИ ЗАЛИХИТЕ НА ХРАНА, МОЖНА Е ТОТАЛНА БЛОКАДА Никогаш подраматично предупредување, леден ѕвер подготвен да ја покоси Србија appeared first on plusinfo.mk.

Под влијание на влажен воздушен бран од Медитеранот од денеска попладне (вторник 23 декември) па до четврток (25 декември) во Македонија времето ќе биде облачно со повремени локални врнежи од дожд кои повремено ќе бидат пообилни.

Локално ќе наврне позначително количество на воден талог (над 30 литри дожд).

Поради продор на поладен воздух од север на планините над 1.200/1.300 метри надморска височина врнежите од дожд ќе преминат во врнежи од снег и ќе се формира снежна покривка со висина до околу 10 сантиметри.

Повеќе за прогнозата на метеопрогнозерот Славо Попоски на следниот линк.

The post ПООБИЛНИ ВРНЕЖИ ОД ДОЖД И ОД СНЕГ На планините ќе се формира снежна покривка од околу 10 сантиметри appeared first on plusinfo.mk.

Од утре кон крајот на денот и во следните два дена, 24 и 25 декември 2025 година, се очекуваат повремени локални врнежи од дожд, кои на одредени места ќе бидат пообилни. На планините, врнежите ќе бидат од снег, при што се предвидува формирање на снежна покривка од 5 до 10 сантиметри, информираат од Хидрометеоролошкиот завод.

Под влијание на влажни воздушни бранови, врнежите ќе бидат нестабилни и локални, со количини над 25 литри на метар квадратен за 24 часа на некои места. Поради спуштање на постуден воздух од север, снегот ќе се појави и на повисоките места, додека на планините снежната покривка ќе се формира постепено.

Во Скопје, дождот ќе започне утре кон крајот на денот и ќе продолжи повремено до Божиќ, со можност за пообилни врнежи. Се препорачува внимание при патување и на отворените простори.

Од петок, времето постепено ќе се стабилизира, со намалување на врнежите и повисоки температури на повеќе места.

The post ПЛАНИНИТЕ ЌЕ БЕЛЕАТ, А ГРАДОВИТЕ ЌЕ БИДАТ МОКРИ Еве кога и каде ќе има дожд и снег во Македонија appeared first on plusinfo.mk.

Најмногу наврнат воден талог има во Дебар 8 л/м2, 3 во Лазарополе, 2 Охрид, Крушево, Попова Шапка и 1 л/м2 во Тетово, Претор, Битола, Прилеп, Виница, Берово, Кавадарци, Гевгелија, Куманово и во Тополчани.

Висината на снежната покривка измерена во 7 часот изнесува 49 см на Попова Шапка, 40 во Маврови Анови, 22 Крушево, 15 Битола, 7 Тетово, 5 Демир Капија и Берово и 4 см во Штип и во Лазарополе.

The post СЕ НАМАЛИ СНЕЖНАТА ПОКРИВКА ВО ЗИМСКИТЕ ЦЕНТРИ На Попова Шапка се измерени 49 сантиметри appeared first on plusinfo.mk.

Во Берово утрово е најстудено со измерени – 9 степени Целзиусови, најтопло е во Охрид и Претор со 0 степени.

На Попова Шапка се измерени – 8 степени, -6 Дебар, -5 Штип и Крива Паланка, -4 степени во Струмица, Демир Капија, Кавадарци, Виница и Тетово, -3 Прилеп и Куманово, -2 Скопје-Петровец, Битола, Гевгелија, Маврови Анови  и Крушево, -1 Скопје-Зајчев Рид и Велес.

Во изминатите 24 часа има наврнато 8 литри на квадратен метар дожд во Кавадарци,  5 во Радовиш, 3 Тополчани и 1 литар во Велес.

Висината на снежната покривка е 54 сантиметри на Попова Шапка, 48 Маврови Анови, 31 Крушево, 22 Битола, 20 Дебар, 15 Тетово, 11 Штип, 10 Берово, 8 Демир Капија, 6 Прилеп, 3 Крива Паланка, Претор и 1 во Струмица.

Времето денеска ќе биде сончево и претежно тивко со мала до умерена облачност. Максималната температура ќе биде во интервал од 2 до 8 степени.

The post ДОЖДОТ ГО ЗАМЕНИ СНЕГОТ Во Кавадарци наврнаа 8 литри дожд appeared first on plusinfo.mk.

На Попова Шапка има и најмногу снег 57 сантиметри, во Маврови Анови 50, а во Крушево 30.

Денеска претпладне ќе има појава на магла по одделни котлини. Преку денот променливо облачно, а облачноста попладне особено во источните делови ќе се намалува. Понекаде и особено во планинските региони може краткотрајно да провејува слаб снег.

Максималната температура ќе биде во интервал од -1 до 7 степени.

The post УТРОВО НАЈПРИЈАТНО Е ВО ГЕВГЕЛИЈА На Попова Шапка се измерени минус 7 степени appeared first on plusinfo.mk.