Во период кога енергетскиот сектор се соочува со значајни предизвици, а компаниите сè повеќе бараат сигурност, предвидливост и доверлив партнер, ЕДС бележи континуиран раст и ги зацврстува своите позиции на пазарот на електрична енергија. Овој раст се должи на иновативните понуди на пакети за снабдување со електрична енергија – меѓу кои последната, која нуди снабдување со струја во рок од 2 години со фиксна цена и можност за избор на вреден подарок за новите клиенти.

Во изминатите 18 месеци ЕДС го зголеми тројно бројот на клиенти, додека пазарниот удел на компанијата порасна за повеќе од 5 процентни поени. Денес, ЕДС снабдува повеќе од 10.500 мерни места и обезбедува електрична енергија за над 3.000 компании од различни индустрии низ државата.

Овие резултати се постигнати во период на значајни промени на енергетските пазари, што дополнително ја потврдува довербата што компаниите ја имаат во ЕДС како снабдувач и деловен партнер.

– Растот што го постигнавме во изминатиот период е резултат на јасна стратегија, посветеност кон клиентите и континуирано инвестирање во нови услуги и решенија. Денес компаниите не бараат само снабдувач со електрична енергија. Тие бараат партнер кој ќе им помогне да ги контролираат трошоците, да работат поефикасно и да имаат сигурност во услови на неизвесност. Токму тоа е вредноста што ЕДС ја носи на пазарот – изјави Александар Сарџовски, главен извршен директор на ЕДС.

Како дел од PPC-Group – една од најголемите енергетски групации во Југоисточна Европа – ЕДС успешно ги комбинира локалната експертиза и познавањето на пазарот со ресурсите, знаењето и искуството на регионален лидер во енергетиката.

Покрај растот на клиентската база, компанијата во изминатиот период работеше и на значајно унапредување на корисничкото искуство. Лансирана беше нова веб-страница, воведени се нови дигитални алатки и комуникациски канали, а фокусот е ставен на поголема достапност и едноставност во комуникацијата со клиентите.

Во согласност со стратегијата на PPC-Group, ЕДС продолжува да инвестира во дигитализација, развој на нови услуги и промоција на одржливи енергетски решенија. Компанијата е меѓу првите на пазарот што активно нуди снабдување со електрична енергија од обновливи извори, потврдено со Гаранции за потекло, овозможувајќи им на компаниите да ги исполнат своите ESG цели и да го намалат јаглеродниот отпечаток.

– Нашата амбиција е ЕДС да продолжи да расте заедно со своите клиенти. Ќе продолжиме да инвестираме во иновации, дигитални услуги и производи кои носат реална вредност за компаниите. Веруваме дека иднината на енергетиката ќе ја одбележат стабилноста, дигитализацијата и одржливоста, а ЕДС има јасна стратегија како да биде предводник на тие процеси на локалниот пазар – додава Сарџовски.

Со ваквиот раст и развој, ЕДС ја потврдува својата позиција како еден од најдинамичните и најбрзо растечки снабдувачи со електрична енергија, останувајќи фокусиран на својата основна мисија – обезбедување сигурни, конкурентни и иновативни енергетски решенија за бизнис заедницата.

The post ЕДС СО СИЛЕН РАСТ И ЗАЦВРСТЕНА ПОЗИЦИЈА НА ПАЗАРОТ Тројно зголемен број на клиенти за само 18 месеци appeared first on plusinfo.mk.

Новите канцеларии се симбол на „нови почетоци“ и јасна потврда за растот и стабилноста на компанијата, која повеќе од 13 години е сигурен снабдувач со електрична енергија за голем број компании, истакна главниот извршен директор на ЕДС, Александар Сарџовски на брифингот со новинари на кој присуствуваше и заменик главниот извршен директор на PPC Групацијата, Џорџ Каракусис.

– Нашата мисија отсекогаш била да понудиме решенија прилагодени на потребите на клиентите и да им помогнеме во нивниот раст и развој. Со новиот простор и новата организација, уште поефикасно ќе можеме да ја исполниме оваа цел – нагласи Сарџовски.

Тој ги најави плановите за регионално проширување, со акцент на снабдување со електрична енергија и на косовскиот пазар.

– Нашето искуство и стабилност ќе ги ставиме во функција и на компаниите во Косово, со цел да обезбедиме сигурни и конкурентни решенија и таму – додаде Сарџовски.

Заменик главниот извршен директор на PPC, Џорџ Каракусис рече дека како дел од PPC Групацијата – најголемата енергетска компанија во Југоисточна Европа – ЕДС има капацитет да понуди прилагодени решенија како за големите, така и за малите и средни претпријатија.

– Во последните години PPC значително го прошири своето присуство во регионот и денеска е водечка енергетска компанија во овој дел од Европа, со активности во Грција, Романија, Северна Македонија, Италија и Бугарија – рече Каракусис на брифингот.

Со вкупен инсталиран капацитет од 12,5 GW и годишно производство од околу 21 TWh од термални, хидро и обновливи извори, PPC е лидер во снабдувањето со електрична енергија во Грција и во Романија, обезбедувајќи над 33 TWh електрична енергија и широк спектар на додадени услуги за повеќе од 8,8 милиони корисници. Преку ЕДС, овој капацитет и експертиза се ставени во служба на компаниите, со цел да им се обезбеди стабилност и нови можности за раст.

Сарџовски истакна дека компанијата во иднина продолжува да работи со нагласен фокус на потребите на компаниите, да инвестира во дигитализација на услугите и да нуди на пазарот иновативни тарифни модели.

The post ЕДС ИМА ПЛАНОВИ ДА СЕ ШИРИ ВО РЕГИОНОТ Акцентот ќе биде на снабдување со електрична енергија на косовскиот пазар appeared first on plusinfo.mk.