Канцеларијата на Обединетите нации за координација на хуманитарни прашања соопшти дека целото население на северниот дел на Појасот Газа е во опасност од смрт.

– Стотици Палестинци наводно се убиени. Десетици илјади се принудени повторно да избегаат. Болниците се погодени, а здравствените работници се уапсени. Засолништата се испразнети и изгорени. Амбулантите се спречени да ги извлечат луѓето од под урнатините. Семејствата се раздвоени, а мажи и момчиња се однесени со камиони – рече вршителката на должност генерален секретар на ОН за хуманитарни прашања и координаторка за итни случаи, Џој Мсуја.

Таа нагласи и дека не смее да им се дозволи на израелските сили да продолжат да дејствуваат во опколената Газа.

– Огромното непочитување на основната хуманост и на законите на војната мора да престане – рече Мсуја.

The post ВО СМРТНА ОПАСНОСТ Е ЦЕЛОТО НАСЕЛЕНИЕ ВО ГАЗА Стотици Палестинци се убиени, засолништата се изгорени, а мажи и момчиња се однесени со камиони appeared first on plusinfo.mk.