-На Град Скопје и на општините им беше понудено разликата од актуелната до реалната цена за парно греење да се покрие од буџетот во висина од 80 проценти, а  со 20 проценти да учествуваат самите, што не беше прифатливо, рече Арсовски на редовната прес-конференција.

Во фокусот на Владата во енергетската криза, рече тој, е да им помага на граѓаните и на малите потрошувачи.

-Наша обврска е да го спречиме ценовниот шок и тоа беше направено – граѓаните се заштитени од превисоки сметки за електрична енергија. Дополнително, Владата со низа мерки обезбеди сигурност и стабилност во снабдувањето со топлинска енергија во главниот град, со целосно покривање од државниот буџет, додаде портпаролот. 

The post СКОПЈЕ И ОПШТИНИТЕ САМИ ДА СЕ СНАОЃААТ СО СТРУЈАТА Владата нема да им помага со пари за плаќање сметки appeared first on plusinfo.mk.

Градоначалничката на Скопје Данела Арсовска и градоначалниците на скопските Општини по синоќешниот состанок побараа Владата итно да им даде пари за да можат да си ги платат сметките за струја, кои во јануари се повисоки поради поскапувањето. Од Владата едноставно им порачаа на oпштините, како и на државните институции навремено да си ги плаќаат сметките, за да може да има редовно снабдување со струја.

На состанокот на координативното тело на градоначалници на општините од Скопје кое го водеше градоначалничката Арсовска во вторникот, градоначалниците се пожалија дека сметките за струја им се многу високи, некаде зголемувањето е за 500 отсто и дека немаат начин со сопствени средства да ги подмират обврските. Како што велат градоначалниците, општините речиси целосно го имаат истрошено делот на редовниот буџет само за сметките за електрична енергија, а најголемиот дел од нив имаат средства за покривање на само уште неколку сметки, по што ќе недостигаат средства за реални проекти за граѓаните.

– Дел од градоначалниците кажаа дека покрај наследените милионски долгови, сега со зголемување на цената на електричната енергија, сметките за електрична енергија буквално ги јадат редовните општински буџети, кои чинат милиони евра на сметка на капиталните проекти кои се во интерес на граѓаните – кажа градоначалничката Арсовска.

Од тие причини донесен е заклучок дека е потребна итна интервенција од страна на Владата и надлежните министерства за решавање на енергетската криза со која се соочуваат општините во Градот Скопје, за што ќе биде побаран и состанок.

Владата пак ги прифати заклучоците на Министерството за финансии со кои се задолжуваат буџетските корисници од централната власт, во најкраток временски рок да ги подмират заостанатите обврски за потрошена електрична енергија и во утврдените рокови да ги плаќаат фактурите за испорачана електрична енергија.

„За подмирување на заостанатите обврски за потрошена електрична енергија и плаќањето на фактурите за испорачана електрична енергија е донесена препорака до единиците на локална самоуправа и институциите во нивна надлежност, како и за јавните претпријатија и акционерски друштва во државна сопственост“, се вели во владиното соопштение.

The post СКОПЈЕ БАРА ПОМОШ ЗА СТРУЈАТА Владата вели платете си ја сами appeared first on plusinfo.mk.