Компании на ЕСМ за снабдување со топлинска енергија бараат зголемување на цената на парното за втората половина од годината, доколку Регулаторната комисија за енергетика (РКЕ) ги прифати барањата, граѓаните од 1 август ќе плаќаат за 54% повисоки сметки за парно, објави ТВ Телма.

Компаниите веќе ги доставиле пресметките до комисијата, а две од трите фирми за парно на ЕСМ бараат зголемување. Пресметки доставиле и ЕСМ Енергетика и Скопје Север.

-Дистрибуција бара зголемување за 50 отсто, снабдување за 54, 2 проценти, а за производство, намалување за 29,42 проценти. Во постапка сме на разгледување, за 10 дена ќе знаеме што е како е, се аналзираат нивните трошоци. Ако се прифатат барањата за 54% би било зголемувањето на цената на парното, изјави претседател на Регулаторна комисија за енергетика, Марко Бислимовски за Телма.

Во РКЕ ќе ги разгледаат барањата и како што е најави Бислимовски, за десетина дена, би се знаела новата цена на парното, која ќе важи од први август.

ДДВ-то за топлинска енергија, останува 5 отсто, и засега нема најава дека ќе се менува.

ЕСМ втора сезона менаџира со парното греење. Откако и се одзедоа лиценците за работа на БЕГ, Владата ги задолжи државните електрани да го прават тоа. За таа цел, ЕСМ формираше и три нови фирми, за производство, дистрибуција и за снабдување со топлинска енергија. Градско парно користат околу 60 илјади домаќинства.

The post ОД 1 АВГУСТ ЗА 54% ПОВИСОКИ СМЕТКИ ЗА ПАРНО? РКЕ ги разгледува барањата, за 10 дена ќе донесе одлука appeared first on plusinfo.mk.

– Минимум што можат да направат е да ги платат сметките за парно греење – кажа министерот за Бектеши во вечерашното гостување во дневникот на ТВелевизија Сител.

Како што информираше министерот, Градот Скопје и општините согласно Законот за енергетика и Законот за комунална дејност се задолжени да обезбедат сигурност во снабдувањето со топлинска енергија за граѓаните, за што треба да бидат подготвени во рамки на своите буџети кои ги усвоија на крајот на минатата година, кога веќе и беше прогласена енергетската криза, да обезбедат средства и да им излезат во пресрет на граѓаните

– Ако Градот Скопје и општините во склоп на Градот Скопје не се подготвени да покријат 20 отсто од разликата од актуелната до реалната цена на топлинската енергија, како што предложи Владата, тогаш подготвени сме ние целосно односно 100 проценти да ја покриеме оваа разлика – кажа Бектеши.

Во однос на прашањето што ќе се случи доколку БЕГ не се согласува со овој предлог, министерот Бектеши кажа дека Владата ќе ги искористи сите законски можности кои ги има на располагање, што значи доколку е потребно и одземање на лиценцата за работа и назначување на привремено управување.

– Се уште се чека одговор и од компаниите кои имаат лиценца за производство, дистрибуција и снабдување со топлинска енергија, за што во текот на утрешниот ден Владата ќе донесе конечна одлука која ќе биде по предлог на Комисијата која е формирана за да ја следи ситуацијата со кризната состојба – кажа министерот Бектеши и дополни дека ќе биде донесена одлука целосно да се стави во функција и ТЕ-ТО односно да работи и за време на викенд, да произведува и електрична и топлинска енергија во текот на целата недела, а не само во време на пикови.

The post БЕКТЕШИ БАРА АРСОВСКА ДА ГО ОДВРЗE ЌЕСЕТО Градот Скопје и општините барем за декември да платат парно appeared first on plusinfo.mk.