До крајот на јуни ќе се формализира реконструкцијата на Влада, а до 1 јули очекува списокот да се најде пред пратениците, изјави денеска премиерот Христијан Мицкоски.

Тој оцени дека вчерашната средба со претставници на Вреди поминала во добра атмосфера, но не изнесе детали.

– Во интерес на процесот не би зборувал премногу околу конкретни кадровски решенија, имиња и слично. Се разгледуваат секакви опции. Во добра, пријатна атмосфера беше вчера состанокот. Се разгледуваат опции за промена на ресори, така што мислам дека многу бргу ќе го затвориме овој прв дел од процесот во условно кажано првиот ешелон. Денеска ќе видиме со ЗНАМ, во два часот имаме состанок со нив. Ќе разговараме отворено за сите добри страни, но и слабости, се разбира. Така што до крајот на следната недела, како што кажавме и до крајот на јуни сето ова ќе го формализираме и најдоцна до први јули списокот да се најде во Парламент пред парламентарците – изјави Мицкоски одговарајќи на новинарски прашања по поставување камен-темелник на градинка во Козле.

Мицкоски најави дека по реконструкцијата ќе продолжат и во другите структури и на локално ниво.

– Ние имаме и на локално ниво прилично голема бројка директори на јавни претпријатија. Имаме свои мислења за работата на дел од тие луѓе. Имаме места каде што можеме подобро. Имаме места каде што сме исклучително задоволни. Такви се повеќето, но има и таму каде што е потребно да се поправиме и на ниво на општини, но и на локално ниво од аспект на подрачни единици. Така што процесот ќе продолжи во втората фаза во текот на летото и паралелно со тој процес, бидејќи горе-долу е оформена и структурата на партијата, ќе отпочнеме процес таму некаде во втората половина на јули, кој што евентуално би траел до крајот на септември на ажурирање на членството и ново зачленување во ВМРО ДПМНЕ – рече Мицкоски.

Според премиерот, овој процес на реконструкција длабински и суштински ќе промени многу нешта, заклучно со крајот на летото.

Министерот за социјална политика, демографија и млади, Фатмир Лимани, одговарајќи на новинарски прашања за реконструкцијата, рече дека не разговарал со премиерот за оваа тема, и нема да разговара, бидејќи, според него, секој мандатар си прави свој тим, и тие се на таа функција за да работат во полза на народот.

– Истакнав дека не сме овде за да бидеме товар, но да олесниме за да изградиме вакви проекти, градење на детски градинки кои чекаат и старски домови и слични објекти кои ќе бидат во полза на нашиот народ. Што се однесува до измените, иако денес завршува мојот мандат, јас мислам дека повеќе треба да се насочиме на тоа што направивме ние за доброто на оваа држава и народот, без разлика на тоа која е цената што треба ние да ја платиме. Не сме во овие позиции да бидеме товар ни на премиерот, ни на мандатарот, ни на никого. Сме овде да играме улога на играчи кои ќе ја сработат работата во полза на народот – рече Лимани.

The post СПИСОКОТ ЗА НОВАТА ВЛАДА ДО 1 ЈУЛИ ЌЕ БИДЕ ПРЕД ПРАТЕНИЦИТЕ Мицкоски најави и смени на директори appeared first on plusinfo.mk.

Црногорската полиција денеска ја уапси поранешната црногорска министерка за образование, наука и култура Весна Братиќ, поради сомнение за злоупотреба на положбата.

Братиќ ја извршуваше функцијата министерка во владата на Здравко Кривокапиќ од 2020 до 2023 година, првата по смената на власта на ДПС на Мило Ѓукановиќ.

Според објавеното од црногорските медиуми, Братиќ одговарала пред Специјалното јавно обвинителство на прашања за смената на директори на училишта во 2021 година, додека била на чело на ресорното министерство. Таа тогаш сменила повеќе од 140 директори на црногорски основни и средни училишта, со образложение дека не формирале училишни одбори. Сепак, судовите утврдиле дека смените биле незаконски, по што државата им исплатила на оштетените над 280 илјади евра отштета

По сослушувањето, на Братиќ ѝ е одреден 72-часовен притвор поради опасност од влијание врз сведоци.

Братиќ била блиска и со Српската православна црква (СПЦ), а многу од нејзините ставови за време на функцијата предизвикале поделби во црногорското општество.

The post 🎥 УАПСЕНА ПОРАНЕШНА ЦРНОГОРСКА МИНИСТЕРКА ЗА ОБРАЗОВАНИЕ Незаконски сменила 140 директори на школи appeared first on plusinfo.mk.

– Не постои никаква селективност, бидејќи, колку што знам, на Детската клиника, покрај тоа што оставка си поднесе директорката, беше разрешен и економскиот директор. Врз основа на извештаите што ги има министерот за здравство, дел од директорите решиле да се повлечат, а еден бил разрешен. Министерот продолжува во рамки на својата надлежност да ја врши работата и ќе видиме во натамошниот период, согласно со анализите што ќе ги добијат, какви чекори во однос на кадровските прашања ќе бидат преземени. Јас не би прејудицирал ништо, но сметам дека тоа што беше направено е во согласност со она што како податоци го имаа самите директори и Министерството за здравство – изјави Ковачевски, одговарајќи на новинарски прашања, по посетата на ГОБ „8 Септември”.

Министерот Беким Сали рече дека во прва фаза се испитуваат финансиските неправилности во исплатата на платите на директорите.
– Од дел од директорите, кај кои се забележаа одредени неправилности, беше побарано да се повлечат и морам да изразам благодарност дека тука имаше разбирање и се согласија на самоволно повлекување од функцијата, што е многу добар показател за свесноста на еден менаџер да ја прифати грешката која е направена во континуитет – изјави Сали.
Тој порача дека контролите од страна на Фондот за здравство продолжуваат и оти ниту една јавна здравствена установа нема да биде исклучена од нив.
– Во прва фаза сме на контрола на финансиска неправилност при распределба на плати на директори, на менаџерите само, затоа што, кога би навлегле во целокупното работење на институциите, тоа би траело подолг период. Во прва фаза се само менаџерите според Колективниот договор, дали се почитувал, дали има злоупотреба во делот на правото на дежурство, имајќи предвид дека дежурството на директори е дадено како можност, а не како обврска за оние директори каде нема доволно кадар за пружање услуга во континуитет. Опслужувањето 24/7 бара број на кадар што е спремен за пружање квалитетна услуга кон пациентот – појасни Сали.
На негово барање пред една недела поднесоа оставки директорите на Клиниката за детски болести Аспазија Софијанова и на Клиниката за радиотерапија и онкологија Никола Васев. Беше разрешен и организацискиот директор на Универзитетската клиника за детски болести, Аљајдин Мемеди.

The post ЌЕ ПРОДОЛЖАТ РАЗРЕШУВАЊАТА ВО ЗДРАВСТВОТО Се раководиме од контроли и анализи, тврди премиерот Ковачевски appeared first on plusinfo.mk.