Ова за бугарскиот ТВ канал Нова ТВ го соопшти Илхан Ќучук, копретседател на либералната партија АЛДЕ, европратеник од ДПС/„Обнови ја Европа“ и постојан известувач на Европскиот парламент за С Македонија.

Како што јави дописникот на МИА од Софија, според Ќучук, има тензија на историски, но не и на политички план. Тој рече дека работел со овие луѓе долги години и веќе ја има нивната доверба. Договорот меѓу двете земји од 2017 година, вели, го отвори евроатлантскиот пат за С Македонија.

Запрашан дали верува дека Бугарија треба да го укине ветото за почеток на преговорите на С Македонија со ЕУ, тој рече дека верува оти Бугарија треба активно да работи во рамките на правилата договорени меѓу двете соседни земји.

– Ќе биде голем пропуст на бугарската надворешна политика ако го дозволиме овој луксуз – Албанија да започне преговарачки процес, а С Македонија да се остави настрана – рече Илхан Ќучук.

The post БИ БИЛ ГОЛЕМ ПРОПУСТ ЗА БУГАРСКАТА НАДВОРЕШНА ПОЛИТИКА Ќучук смета дека земјава не треба да се остави надвор од преговорите со ЕУ appeared first on plusinfo.mk.

Телевизијата тврди дека  случаите биле откриени кога во еден ден од 45 патници на кои им бил направен брз тест на границата, 9 испаднале позитивни.

Според телевизијата, лажните сертификати за брз тест, се документи од овластен дијагностички центар, во кои без да биде извршено какво и да е тестирање, само се пополнуваат имињата на клиентите.

– Во суштина тоа е фабрика. Менаџерите на казината во соседната земја наоѓаат начин да не ги едуцираат своите клиенти бидејќи зголемените санитарни услови ги обесхрабруваат многумина да одат да си ја пробаат среќата. За да не изгубат клиенти, тие… го измислија овој начин за да заштедат пари и напор – се вели во прилогот.

Од МВР, изјавија дека до нив нема поднесено пријава дека некое казино издава вакви сертификати.

– Досега МВР нема добиено пријава за казиното кое го посочуваат грчките медиуми, но ќе бидат извршени проверки во врска со наведеното- изјавија  од МВР за Плусинфо.

The post ГРЧКА ТЕЛЕВИЗИЈА ТВРДИ ДЕКА МАКЕДОНСКО КАЗИНО ИЗДАВА ЛАЖНИ КОВИД СЕРТИФИКАТИ? МВР вели нема пријава, но ќе ги провери наводите (ВИДЕО) appeared first on plusinfo.mk.

Веќе неколку години пред крахот на финансискиот капитализам во 2008 година и подоцнежната криза во еврозоната, американскиот економист Џејмс Галбрајт ги истражуваше нееднаквостите во рамки на ЕУ, констатирајќи дека тие, според некои параметри, биле изненадувачки поголеми од нееднаквостите во САД. Галбрајт извлекол заклучок дека сиромашните Европејци ќе го интензивираат иселувањето кон големите градови во северозападна ЕУ, а што, напоредно на тоа, ќе предизвика засилување на нетрпеливоста кон емигрантите и ќе ја засили европската екстремна десница. Токму тоа денес и се случува, посебно во т.н. стара ЕУ.

Нееднаквостите и понатаму претставуваат сериозна закана за иднината на ЕУ, поради што, според Галбрајт, е неопходна силна регионална политика на расопределба на ресурсите. Отворениот европски пазар се темели врз такви претпоставки. Невработеноста во најсиромашните европски региони, како, на пример, во Бугарија и Романија, не е само бугарско и романско прашање, туку со прекуграничното слободно движење на работна сила станува заедничко европско прашање.

Но иселувањето на мигранти од Источна Европа, во потрага по подобар животен стандард, најчесто се одвива според принципот „дај што ќе дадеш“, при што условите за вработување остануваат во втор план. Основен двигател е висината на платите, кои на Западот се пет или десет пати повисоки од ниската заработувачка дома. Тоа се вклопува во сликата на она што се нарекува модерен „европски прекаријат“, Европејци кои немаат сигурни вработувања и се потиснати на маргините на системите на социјална и општествена заштита. Тие всушност и немаат повеќе што да изгубат, повеќе од она што веќе го изгубиле, чекајќи со години нешто позитивно да се случи за нив и за нивната иднина во долготрајниот процес на транзиција.

Интересни се податоците што покажуваат колку населението во ЕУ-членките просечно се зголемувало или намалувало на годишно ниво, пресметано врз основа на податоците за миграциите и разликата меѓу бројот на родени и умрени. Во негативната зона на долгорочен негативен природен прираст, почнувајќи од 2000 година па наваму, јасно се присутни прибалтичките земји, Грција, Полска, Унгарија, Хрватска, Естонија, Романија и Бугарија. Зависно од големината на земјите, тоа отприлика значи дека секоја година кај нив исчезнува по еден град во големина од 50 до 100 илјади жители.

Често се изнесува уверување дека членството во ЕУ ќе го запре иселувањето на младите. Но реалноста ги демантира таквите тврдења. Бројките што го покажуваат иселувањето на жителите на ЕУ во потрага по работа и подобар живот во други земји-членки, е во постојан пораст. На врвот на табелата убедливо се издвојува Романија со речиси 20 проценти од работноспособното население што ја напуштило земјата. 14 проценти од граѓаните на Хрватска и 12,5 проценти од граѓаните на Бугарија на возраст од 20 до 64 години лани биле регистрирани како жители во други земји-членки на ЕУ.

Преку 400.000 Грци, пред се млади и образувани луѓе, емигрирале во последните години, според извештај од Грчката централна банка. Вкупно земено, станува збор за околу четири проценти од грчкото население. Грците, како и народите од поранешна Југославија, масовно се иселувале и во минатото, во шеесетите и седумдесетите години од минатиот век, вработувајќи се во фабрики во Германија, Белгија, Шведска и во други западноевропски земји. Но во тој период главно се иселувала нискоквалификувана работна сила, додека сега главно емигрира високообразуваната генерација, која во нормални услови би требало да претставува иднина на земјата.

Но приказните за наезда од полски водоинсталатери, романски и бугарски питачи, или македонски шофери, западните десничарски популисти вешто ги користат за да ги потхрануваат стравувањата и чувствата на несигурност меѓу домицилното население.

Европа е компликуван континент со застрашувачка историја. ЕУ, која е поврзана со демократски институции, може да функционира само доколку се покаже разбирање за меѓусебните искуства, сеќавања и кошмари. Францускиот претседател Макрон успеа, барем привремено, да го прекине парализирачкиот ЕУ-песимизам со политика на една променета и пофанзивна ЕУ. Но се чини не направи многу кога станува збор за непосредното соседство, на пример кога е во прашање „вишокот историја“ што постојано ги конфронтира и го „парализира“ развојот на балканските земји. Брисел, по проблемите поврзани со еврокризата, мигрантската криза, климатските прашања, пандемијата и крахот на солидарноста, премолчено ѝ дозволи на Бугарија на голема врата во ЕУ да внесе уште еден повод за разидувања, наметнувајќи ги историско-ревизионистичките барања и редефинирањето на идентитетските прашања како предуслов за добрососедска политика и прием на нови ЕУ-членки. Да, членство во ЕУ како надеж дека населението малку ќе се исполни со оптимизам за да остане дома.

Сликата за „мртвите фабрики“ и иселените транзициски губитници во прозата на Анджеј Стасјук, лесно може да се препознае и во кој било демографски опустошен и економски девастиран дела на Македонија. Претпоставките за масовно иселување и понатаму се присутни и предупредувачки. Македонските иселеници, кои во последните години забрзано итаат кон западните индустриски развиени земји, се чини развиле психолошки одбранбен рефлекс за наједноставно да можат да ги објаснат мотивите за одлуката да ја напуштат својата земја. Дури и кога не ги прашувате зошто се иселиле, многумина од нив ќе ви кажат: „Можевме да продолжиме и некако да се снаоѓаме, да крпариме од месец до месец, но го направивме ова за децата, за нивна подобра иднина“.

Ваквите пораки тешко допираат до македонските политички партии, кои, целосно зафатени со меѓусебно уништување во заслепена борба за власт, со обвинувања кој повеќе украл, корумпирал и проневерил, кој повеќе се задолжил и ја упропастил економијата, и кој треба или не треба да лежи во затвор, однапред јавно осуден како мафијаш и криминалец, немаат време да забележат што се случува со нивниот сопствен народ. Македонските партии не покажуваат некаква посебна смисла и волја, туку пред сè немоќ да ја третираат дијаспората како неразделен дел од националниот корпус. Во најдобар случај, во бескрајните коалициски пазарења, се потфрла одвреме-навреме понекое министерско столче за дијаспората без ресор (читај: без ресурси).

Од која било Македонија, историски гледано, па и од оваа денешнава, Северна, деца се зарануваат за да се иселат од дома, сите оние кои можат да го направат тоа, со отворена можност пред нив да ѝ припаѓаат на Европа.

The post Кои деца припаѓаат на Европа? appeared first on plusinfo.mk.

Како што јави дописникот на МИА од Софија, според Јанев, Бугарија многу добро го соопштила својот став пред бугарското општество во однос на позицијата кон Северна Македонија, но не и пред партнерите од ЕУ.

Јанев, исто така, рече дека пред да ја преземе функцијата преодната влада во мај оваа година, позицијата не била јасно соопштена.

– Нема да отстапиме од нашата позиција – изјави премиерот на Бугарија Стефан Јанев.

The post НЕ ОТСТАПУВАМЕ ОД НАШАТА ПОЗИЦИЈА Јанев вели дека позицијата не е јасно објаснета пред европските партнери appeared first on plusinfo.mk.

Министерот за внатрешни работи Оливер Спасовски синоќа на прес-конференција истакна дека истрагата за автобуската несреќа ја водат бугарските истражни органи, како и дека е испратен наш тим од МВР да помогне во истрагата.

– Ние испративме тим кој е предводен од помошник директорот на Бирото за јавна безбедност на одделот за униформирана полиција, началникот на одделот за Крим техника и претставници од сообраќајната полиција. Исто така, напоменавме дека претставници од Јавното обвинителство и Судска медицина се таму се со цел да можат да асистираат за која било потреба за истрагата. Во рамки на МВР е формиран посебен штаб што работи целодневно исто како што работи штабот во МНР и секако дека во нашиот штаб е вклучено и политичкото аташе на Република Бугарија во Република Северна Македонија – рече Спасовски.

Во однос на можните причини за несреќата министерот за внатрешни работи потенцираше дека треба да се почека истражните органи кои ја вршат истрагата и кои извршија увид на лице место на настанот да дадат свој извештај.

Министерот за транспорт и врски Благој Бочварски соопшти дека е почната постапка за одземање на лиценцата за работа на „Беса транс“ бидејќи од добиените сознанија превозникот вршел меѓународен превоз без извод од лиценца за автобусот, а Владата го задолжила Државниот инспекторат за транспорт да изврши вонреден инспекциски надзор.

Опожареното возило не било пријавено од страна на превозникот согласно член 11 став 5 од Законот за превоз во патен сообраќај и поради тоа возилото го нема во електронската база на податоци на Министерството за транспорт и врски.

-Не можеме да знаеме во овој момент додека трае истрагата дали и  колку пати ова возило ја напуштило државата и вршело ваков тип на превоз и транспорт – рече Бочварски.

Јавниот обвинител на Република Северна  Македонија Љубомир Јовески во изјава за медиумите вчера пред болницата „Пирогов“ во Софија, каде се сместени седуммина од преживеаните патници, изјави дека до тој момент не може да се каже која е причината за незгодата. Според него, можни се два фактори, човечкиот фактор или, пак, техничката неисправност на возилото. 

– За причините во овој момент не може да се каже. Сите прашања се отворени. Впрочем затоа се води и истрагата. Нашите колеги јавни обвинители од Република Бугарија со кои имаме одлична соработка ги фиксираат сите траги, прибираат податоци и во овој момент не може воопшто ништо да се каже која е причината за незгодата – истакна Јовески.

Тој посочи дека обдукцијата на телата ќе се врши во Бугарија, додека биолошките траги на роднините на починатите ќе се земаат во Институтот за судска медицина во Скопје и веднаш ќе се достават во Бугарија.

Директорот на бугарската Национална истражна служба Борислав Сарафов, изјави дека заедно со македонските колеги го прецизирале начинот на кој ќе се работи истрагата за несреќата. Според Сарафов, за неколку дена се очекува да бидат готови резултатите од ДНК анализата, за со сигурност да се идентификуваат жртвите од несреќата на автопатот „Струма“ во Бугарија.

Автобусот со македонска регистрација влегол во Бугарија од Турција преку граничниот премин „Капитан Андреево“ нешто по 21 часот, а несреќата се случила околу 2 часот по македонско време на магистралниот пат „Струма“ на потегот Софија – Благоевград.

Поради несреќата Владата вчера  прогласи тридневна жалост на територијата на целата држава и откажани се сите јавни настапи. Ден на жалост денеска е прогласен и во Бугарија и во Косово.

The post СЕ ИСТРАЖУВА КАКО СЕ ЗАПАЛИ АВТОБУСОТ ВО КОЈ ИЗГОРЕА 45 ЛУЃЕ Во Бугарија се врши обдукција на телата на загинатите appeared first on plusinfo.mk.

– Во моментот сѐ уште нема докажани случаи, но веќе почнавме со правење брисеви во МАНУ и Институтот за јавно здравје, па да видиме што ќе се случува – вели Мемети.

Делта плус сојот на коронавирусот досега е потврден во повеќе од 40 земји, а како што велат епидемиолозите, прашање на денови е кога ќе се појави и во земјава. Овој сој се смета дека многу побрзо се шири од делта сојот, а клиничката слика е посериозна.

The post ДЕЛТА ПЛУС СОЈОТ НЕ Е ДОКАЖАН ВО ЗЕМЈАВА Почната е постапка за собирање брисеви за испитување appeared first on plusinfo.mk.

„Северна Македонија продолжува да ги исполнува условите за отворање на преговорите за членство и властите ја демонстрираа јавно својата цврста заложба да продолжат по ЕУ патот. Земјата задржа постојан и одлучен тек во напредувањето на ЕУ реформите и ги зголеми своите напори за испорачување на опипливи резултати и натаму“, се вели во извештајот за реформскиот напредок за С Македонија, кој ќе биде објавен во 15 часот попладне во Стразбур.

Еврокомесарот за проширување Оливер Вархеји ќе го презентира извештајот пред пратеници од комисијата за надворешни работи на Европарламентот.

Извештајот понатаму ќе гласи дека ЕУ реформите се процес на долг рок кој бара постојан ангажман од владата и од опозицијата, како и од сите општествени чинители.

С Македонија е поздравена во делот на усогласувањето на својата надворешна политика со таа на ЕУ со стапка од 96 отсто, што претставува зголемување од два процентни поени во споредба со 2020 година.

„Во март 2020 членовите на Европскиот Совет едногласно ја одобрија одлуката да се отворање преговорите за членство со Северна Македонија. Одлагањата во официјалниот старт на преговорите за членство имаат негативни последици врз кредибилитетот на ЕУ“, предупредува Европската Комисија.

Таа нагласува дека билатералните прашања помеѓу Софија и Скопје мора приоритетно да бидат решени.

„Комисијата со нетрпение очекува и ја истакнува важноста од постојано имплементирање на Договорот од Преспа и Договорот за пријателство, добрососедство и соработка со Бугарија од сите страни. Во согласност со заклучоците на Советот, Комисијата ја продолжува потребната подготвителна работа и очекува првата Меѓувладина конференција да се одржи што поскоро штом се усвои преговарачката рамка од страна на Советот и пред крајот на оваа година“, бара Европската Комисија.

The post ОБЈАВЕН ДЕЛ ОД ИЗВЕШТАЈОТ НА ЕК ЗА НАПРЕДОКОТ Билатералните прашања помеѓу Софија и Скопје мора приоритетно да бидат решени appeared first on plusinfo.mk.

Тоа, спорд агенцијата Балкан веб, од причина што тие во текот на вчерашниот ден престојувале во Орхид.

– Откривањето нови детали, ја прошири истрагата. Во текот на вчерашнот ден тие патувале за земјава, а по ручекот во Охрид, се вратиле во хотелот „Глорија“ каде што престојувале. Претходно, полицијата соопшти дека се сомневаат дека туристите починале од гушење, но не е исклучено тие да биле под дејство на алкохол. Исто така, дел од истрагата е и патувањето на туристите во Македонија, за евентуално труење со храна или консумирање психотропни супстанции – наведува агенцијата.

Во своето сведочење пред истражниот тим, една од вработените во хотелот им кажала на обвинителите дека било околу 22.30 часот кога отишла во просторијата за сауна, каде што биле двете брачни двојки, и неколкупати тропала на вртата, за да ги извести дека пијалоците и овошјето што ги нарачале ги однела во нивните соби, но откако не реагирале, влегла внатре каде што ја видела и шокантната слика.

Брачнот пар Наталија Буренкова (58), Сергеј Буренков (60), нивната ќерка Екатерина Буренкова (31) и нејзиниот сопруг Никита Белоусов(37) во Албанија допатувале на одмор минатата недела, преку туристичка агенција, кое за жал било и нивното последно патување. Заедно со нив допатувале и други четворица руски туристи.

Во експертизата, по барање на Амбасадата на Руската Федерација во Тирана, ќе бидат вклучени и стручни лица од оваа земја.

The post ОТКРИЕНИ НОВИ ДЕТАЛИ ОД ИСТРАГАТА ЗА СМРТТА НА РУСКИТЕ ТУРИСТИ ВО АЛБАНИЈА Русите вчера престојувале и во Охрид appeared first on plusinfo.mk.

Советот на ЕУ вчера ја стави земјава на сива листа на земји кои имаат потенцијално штетни даночни режими. Во македонскиот случај, како што објаснуваат во Брисел, ова се однесува на технолошко-развојните индустриски зони.

Одлуката на ЕУ се базира врз анализите на Организацијата за економска соработка и развој која претходно ги стави овие зони во проблематична категорија, нагласувајќи дека тие содржат потенцијално штетни особини.

Со ова, Северна Македонија се наоѓа во списокот на земји кои не ги исполнуваат сите меѓународни даночни стандарди, но кои се заложиле дека ќе ги донесат потребните измени за да се усогласат со бараните критериуми на меѓународно ниво.

Списокот на земји и територии кои не ги исполнуваат даночните стандарди се ажурира два пати годишно во ЕУ. 

The post ГИ СЛАВИМЕ КАКО ИЗВОР НА ИНВЕСТИЦИИ И ИЗВОЗ Технолошко-индустриските зони ја ставија земјава на „сивата листа“ за даноци на ЕУ appeared first on plusinfo.mk.

Според податоците од извештајот, најголем проблем остануваат емисиите на сулфур кога станува збор за електраните на јаглен.

– Oџаците на битолската електрана, Битола Б1+Б2 (60.422 тони) и Битола Б3 (24.091 тони), остануваат најголем извор на сулфур диоксид во земјата. Ова се количини што се девет пати над она што е дозволено да емитува електраната и се повисоки од вкупните емисии на сулфур диоксид од сите електрани во Германија – велат од Еко-свест.

Според извештајот, проблем е и високата емисија на прашина, односно ПМ честичките која е повеќе од двојно повисока од дозволеното.

„Лани вкупно од двете термоцентрали се емитувани  3.684 тони прашина што е скоро на исто ниво  како во 2019 и 2018 година“, се вели во извештајот.

Oд Еко-свест појаснуваат дека според ЕУ директивите кои се пренесени и во македонското законодавство се наложува земјава да ги има намалено емисиите од големите капацитети заклучно со јануари 2018 година. Но, според извештајот, во 2020 година емисиите и понатаму се на опасно ниво, повеќе пати над дозволеното.

РЕК Битола е меѓу поопасните по здравјето на луѓето во регионот, велат од Еко-свест.

„Доколку емисиите биле доведени во законските граници, само во 2020 година би можеле да се спречат скоро 300 предвремени смртни случаи од рак, респираторни и кардиоваскуларни заболувања“, се вели во Извештајот.

Според активистите на Еко-свест во последните 10 години нема скоро никаков прогрес во намалување на загадувањето од електраните на јаглен. Тие очекуваат покрај донесениот план за престанок на употреба на јагленот како погонско гориво во производството на електрична енергија , тој да се реализира многу побрзо.

The post ТЕЦ БИТОЛА ИСПУШТА СУЛФУР ДИОКСИД ДЕВЕТ ПАТИ ПОВЕЌЕ ОД ДОЗВОЛЕНОТО Еко-свест бара државата да реагира навреме за да не се губат животи appeared first on plusinfo.mk.