Поранешната претседателка на Државната комисија за спречување на корупцијата, Татјана Димитровска, доби условна затворска казна од една година. Основниот кривичен суд Скопје ја прогласи за виновна за одавање службена тајна и за компјутерски фалсификат.

За првото дело судот ѝ утврди 8 месеци затвор. За второто ѝ утврди уште 6 месеци.

Двете казни судот ги спои во единствена условна казна од една година. Таа нема да се изврши ако Димитровска во следните 3 години не стори ново кривично дело. Ревизорот Миле Столевски, исто така, беше прогласен за виновен за компјутерски фалсификат.

Тој доби условна казна од 6 месеци затвор. Казната нема да се изврши ако во рок од 2 години не стори ново дело.

Третообвинетата Билјана Петровска-Мантева беше ослободена. Судот оцени дека Обвинителството не ја докажало нејзината вина надвор од разумно сомневање.

Судијата Илија Трпков нагласи дека одавањето службени информации го урива интегритетот на Антикорупциската комисија.

– Претседателот на ДКСК не само што раководи со работата на Комисијата, туку е и олицетворение на довербата во јавноста – рече Трпков.

Според обвинението, Димитровска му откривала службени информации на поранешниот директор на ТЕЦ „Неготино“, Небојша Стојановиќ. Стојановиќ е обвинет во предметот „Адитив“.

Обвинителството тврдеше и дека Столевски во нејзино име го полагал тестот за безбедносен сертификат. Сертификатот овозможува пристап до класифицирани информации.

Обвинителството побара осудителна пресуда и ја посочи функцијата на Димитровска како отежнителна околност. Одбраната бараше ослободување поради недостиг од докази.

Пресудата не е правосилна. Странките имаат право на жалба до Апелацискиот суд во рок од 8 дена.

The post УСЛОВНА КАЗНА ЗА ЕКС-ШЕФИЦАТА НА АНТИКОРУПЦИСКА Според судот, Димитровска оддала службена тајна appeared first on plusinfo.mk.

Поранешната претседателка на Државната комисија за спречување на корупцијата (ДКСК), Татјана Димитровска, денеска пред Судот рече дека ја разбира содржината, но не го признава делото и не се чувствува виновна за кривичното дело за кое се товари – оддавање службена тајна и компјутерски фалсификат.

– Сметам дека не сум сторила ништо за што сум обвинета – изјави Димитровска.

Димитровска, при произнесување пред Судот, рече дека сега е вработена во Државниот завод за ревизија, како помошник на државниот главен ревизор.

Димитровска е обвинета за две кривични дела – оддавање службена тајна на поранешниот директор на ТЕЦ „Неготино“, Небојша Стојановиќ, обвинет во предметот „Адитив“, како и за компјутерски фалсификат, односно дека ревизорот Миле Столевски во нејзино име го полагал тестот за добивање безбедносен сертификат за пристап до класифицирани информации.

Покрај Димитровска, на обвинителна клупа седнаа и ревизорот Столевски, како и Билјана Петровска-Мантева, која се товари за оддавање службена тајна.

Столевски и Петровска-Мантева пред судот рекоа дека не се чувствуваат виновни.

Билјана Петровска-Мантева, сега вработена во АД Електрани на Северна Македонија, подружница ТЕЦ Неготино, како самостоен референт за плаќање, на денешното судење рече дека го разбира обвинителниот предлог и рече дека не се чувствува виновна за делото што ѝ се става на товар.

Миле Столевски, вработен во Државен завод за ревизија, како виш ревизор, изјави дека го разбира обвинителниот предлог и дека не се чувствува виновен за кривичното дело што му се става на товар.

По произнесувањето на вина, Јавното обвинителство продолжи со изведување материјални докази, читајќи и презентирајќи потврди за извршени претреси и одземени предмети кај обвинетите.

На почетокот на денешното рочиште одбраната на Татјана Димитровска, адвокатот Владимир Туфегџиќ, се произнесе по доставен поднесок до Судот, со кој, како што рече, одбраната на Димитриеска бара јавниот обвинител да го повлече обвинението од причина што по доставената листа на докази одбраната се обратила со барање до ДКСК да се произнесе по четирите предмети по кои се терети Татјана и е доставено известување дека седниците се пренесувани јавно и се достапни и во овој момент и на нив биле елаборирани сите документи и докази кои Јавното обвинителство ѝ ги става на товар на обвинетата за оддавање на државна тајна.

– Ниту еден документ кој бил предмет на расправа на јавна седница немал класификација службена тајна – рече Туфегџиќ.

Обвинетата, како што рече Туфегџиќ, не спори дека имало комуникација со Миле, а таа била во насока на пополнување на апликацијата што ѝ се става на товар. Одбраната, нагласи Туфегџиќ, смета дека нема елементи на кривично дело зашто тоа не е забрането по закон, ниту е јасно дефинирано пополнувањето на апликацијата.

Јавната обвинителка Наташа Поп Трајкова, по ова го замоли Судот да укаже на одбраната дека е недозволено да се упатуваат коментари кон јавното обвинителство, пред излагањето на јавниот обвинител по листата на докази.

– Од тие причини ЈО го задржува правото да се произнесе по листата на докази доставени од одбраната во моментот кога одбраната ќе започне со изведување на доказите и по истата обвинителство ќе се произнесе по предложените докази. Сметам дека судот треба да продолжи со постапката на произнесување по обвинителниот предлог – изјави Наташа Поп Трајкова.

Во текот на досегашната постапка Обвинителството побара предметот да се спои со случајот „Адитив“, но судот одлучи постапката да се раздвои само во однос на обвинетиот Борче Најдов.

Бранителот на Димитровска, адвокатот Владимир Туфегџиќ, тврди дека информациите што таа ги споделила не претставуваат службена тајна, туку се јавно достапни податоци, а за делото поврзано со сертификатот посочува дека клучни биле безбедносните проверки на Агенцијата за национална безбедност, а не самиот тест.

Одбраната најави сведочење на претставници од АНБ и од ДКСК и очекува ослободителна пресуда.

Од Обвинителството, пак, посочуваат дека располагаат со цврсти материјални и вербални докази и анализа на податоците екстрахирани од мобилниот телефон на Димитровска, кои опфаќаат речиси 250.000 електронски записи.

Следното рочиште за случајот е закажано за 16 април оваа година.

The post ЕКС ШЕФИЦАТА НА АНТИКОРУПЦИСКА НЕ СЕ ЧУВСТВУВА ВИНОВНА ЗА ОДДАВАЊЕ СЛУЖБЕНА ТАЈНА Вели дека ревизорот Столевски само ѝ помагал да ја пополни апликацијата appeared first on plusinfo.mk.

По подолга постапка, новинарот Љупчо Златев, уредник и сопственик на Радио Лидер, денеска е ослободен од обвинението за одавање службена тајна, според член 360 од Казнениот Законик, објави самиот Златев на својот профил на Фејсбук.

„Имено, по 5 години кривичен прогон кој беше нарачан, оркестриран и спроведен од Виктор Димовски (кој на телевизија излажа дека сум осуден), Зоран Заев и длабоката држава во ОЈО – ова утро сум ослободен! Соочени со фактите, на рочиштето утрово, од ОЈО Скопје се повлекоа од обвинувањата за одавање службена тајна по член 360 од кз на РМ.

Поучени од одлуките на Европскиот суд за човекови права, извештајот на Стејт Департментот во кој бев споменат, и фактичката состојба презентирана од мојот генијален адвокат – обвинителите одлучија да го повлечат обвинението. Им благодарам на сите за поддршката“ – напиша Златев во објавата,

Тој додава дека „како вистински патриоти, се откажуваме од трошоците за постапката“.

„Парите ќе му ги барам лично на Виктор Димовски. Не е народот виновен што тој го злоупотребуваше системот за политички прогон“ – напиша Златев.

The post ПРОГОНОТ НАРАЧАН ОД ЗОРАН ЗАЕВ ЗАВРШИ БЕЗ УСПЕХ Отфрлено е обвинението дека сум одал службена тајна, објави новинарот Љупчо Златев appeared first on plusinfo.mk.

Членот на обезбедувањето на премиерот Христијан Мицкоски, Ангел Сарамаков требало да добие 50.000 евра за да открие доверливи документи, но наместо тоа, заврши во притвор. Обвинителството соопшти дека тој е осомничен за „оддавање службена тајна“, за што му е одреден 30-дневен притвор.

Според Обвинителството за организиран криминал и корупција, осомничениот, кој бил самостоен инспектор во Единицата за лично обезбедување на премиерот, на 30 март се сретнал со сведок во Велес и му покажал службени документи од МВР. Обвинителството истакнува дека Сарамаков му дозволил на сведокот да ги снима документите, објаснувајќи му нивната содржина, а неговата цел била да заработи 50.000 евра.

„Ценејќи ги околностите, јавниот обвинител утврди дека се исполнети условите, па на судијата на претходна постапка при Основниот кривичен суд Скопје му предложи на осомничениот да му определи мерка притвор во траење од 30 дена, кој предлог беше прифатен од судот“, соопштија од Обвинителството.

За кривичното дело „оддавање службена тајна“, според член 360 од Кривичниот законик, предвидена е затворска казна од една до 20 години.

Обвинителството нагласи дека случајот не е поврзан со групата од Грчец, како што пренесоа дел од медиумите.

ОБЕЗБЕДУВАЧОТ НА МИЦКОСКИ ЗАВРШИ ВО ШУТКА На Сарамаков му е одреден 30-дневен притвор

The post САРАМАКОВ ТРЕБАЛО ДА ЗЕМЕ 50.000 ЕВРА Обезбедувачот на премиерот падна поради продавање државни тајни appeared first on plusinfo.mk.

„При претресот пронајдени се пиштол, револвер, две рамки за пиштол, 321 парчиња разновидна муниција, над 20.000 евра и службена документација, односно оперативни извештаи кои во себе содржат класифицирани информации, меѓу другото и за граничното работење, анализи на рутите за мигранти итн. Од страна на ОВККИПС во координација со ОКП-СЕКК и СВР Битола поднесена е кривична пријава по член 396 ст.1 од КЗ до ОЈО – Битола пртив Б.Б. по брза постапка и од страна на надлежен судија му е изречена мерка притвор во траење од 30 денови“, се вели во соопштението.

Во однос на кривичното дело по член 360 од КЗ, извршен е увид во службена просторија на Регионален центар за гранични работи Југ лоцирана во кругот на СВР Битола, при што е одземен еден десктоп компјутер за понатамошна постапка.

„По извршениот увид во службената просторија и предметниот компјутер, извршен е разговор со полицискиот службеник Љ.К., кој во службениот разговор појаснил дека тој со неговата службена шифра во системот за контрола на патници и возила извршил проверки за министерот за внатрешни работи Панче Тошковски. Известен е јавен обвинител од ОЈО за ГОКК, по чии насоки полицискиот службеник Љ.К. е лишен од слобода и задржан во ПС Битола. Исто така на 25.01.2025 од страна на полициски службеници од ОВККИПС во координација со ОКП- СЕКК и СВР Битола, по наредба издадена од Основен суд -Битола, извршен е претрес на дом кај Љ.К.. При спроведениот претрес пронајдени и одземени се два преносни уреди – усб и еден мобилен телефон. Во координација со ОЈО-ГОКК се преземаат дополнителни мерки и активности со цел расчистување на кривично-правниот настан“, се вели во соопштението од МВР.

The post ПРИВЕДЕНИ СЕ ДВАЈЦА ПОЛИЦАЈЦИ ОД БИТОЛА Осомничени се дека оддале службена тајна appeared first on plusinfo.mk.

Приведен е син на поранешен висок функционер во Македонија. Станува збор за лице со иницијали Ќ.Б., а приведено е поради сомневање за кривично дело „Оддавање службена тајна“.

Според информациите, приведувањето се случило по извршен службен разговор во полициската станица, каде што лицето било повикано за да даде исказ во врска со ова кривично дело.

Во текот на разговорот, одземен е неговиот мобилен телефон, а полицијата презела и други мерки во рамки на истрагата.

– Лицето за коешто прашувате на 28.12.2024 беше приведено, при што во полициска станица беше извршен службен разговор во врска со кривично дело „Оддавање службена тајна“, одземен му е мобилен телефон, по што по насока на ОЈО лицето е ослободено – изјави портпаролот на Министерството за внатрешни работи (МВР), Гоце Андреевски.

The post СИН НА ПОРАНЕШЕН ФУНКЦИОНЕР Е ПОВИКАН ВО ПОЛИЦИЈА ПОРАДИ ОДДАВАЊЕ СЛУЖБЕНА ТАЈНА Одземен му е мобилниот телефон appeared first on plusinfo.mk.

Македонското здружение на млади правници (МЗМП) информира дека Европскиот суд за човекови права донел значајна пресуда по повод жалбата на г-ѓа Митровска, со која се упатува на неможноста да добие информации во врска со нејзиното посвојување. Постапката била иницирана од Здружението, а жалителката ја застапувала адвокатката Павлина Зефиќ.

Со жалбата се аргументирала повреда на член 8 од Европската конвенција за заштита на човекови права со кој се гарантира правото на почитување на приватен и семеен живот. Оваа пресуда е особено значење бидејќи упатува на правото на секој да знае кои му се биолошките родители, како и да има пристап до информации поврзани со здравјето, што севкупно е вклучено во опфатот на приватниот живот. Оттука, последиците кои оваа пресуда ќе ги наметне ќе предизвикаат итна и неодложна промена на Законот за семејство.

Станува збор за случајот на г-ѓа Митревска, која е посвоена уште додека била дете, на непрецизиран датум во постапка за целосно посвојување. Таа од надлежни институции побарала определени информации, како: нејзиното родено име, место на раѓање и информации за нејзините биолошки родители. Овие информации ѝ биле потребни поради медицински и здравствени причини. Но, информациите никогаш не ѝ биле дадени поради добиени образложувања дека завршените посвојувања се сметаат за службена тајна. Со пресудата, Судот упатува на прешироко поставената одредба од член 127-а на Законот за семејство со која е предвидено дека сите информации во однос на целосно посвојување претставуваат службена тајна. На овој начин Судот со пресудата потврдува дека индивидуалните околности на апликантката да го знае нејзиното потекло особено нејзиниот интерес да добие информации поврзани со нејзиното здравје, не се земени предвид од страна на македонските власти.

Во РСМ, законската рамка и практики по кои се спроведува посвојувањето се сложени и се водат исклучиво по правото на приватност, најдобар интерес на детето и потребата за транспарентност и одговорност во административните процедури. Законот за семејство утврдува дека целосното посвојување ги прекинува правата и одговорностите помеѓу посвоеникот и поранешното семејство, и информации за посвојувањата претставуваат службена тајна. Законот за посвојување пак од своја страна, не содржи одредби во врска со тајноста на информациите поврзани со посвојувањето. Законот за општа управна постапка го воспоставува принципот на пропорционалност во управните постапки преку кој обезбедува заштита на правата и правните интереси на инволвираните страни. Кривичниот законик предвидува казни за јавно објавување на информации класифицирани како службена тајна. Во линија на вака поставената законска рамка, праксата е одбивање на секој заинтересиран кој бил посвоен да пристапи кон евиденцијата и информациите за спроведено посвојување, што беше потврдено и со одлуката на Уставен суд да не поведе постапка за уставна оцена на членот 123-а од Законот за семејство со кој се наметнува тајноста на податоците.

На овој начин, со пресудата на ЕСЧП во предметот Митревска против Северна Македонија, уште еднаш се враќа вниманието на Конвенцијата за правата на детето што е дел од нашиот правен поредок, како и на Конвенцијата за заштита на децата и соработка во однос на посвојувањето меѓу државите, и се истакнува важноста од зачувување на идентитетот на детето и обезбедување пристап до информации во врска со неговото потекло.

The post ПОСВОЕНИТЕ ИМААТ ПРАВО ДА ЗНААТ КОИ ИМ СЕ РОДИТЕЛИ Дали пресудата од Стразбур во корист на Митровска ќе го смени Законот за семејство? appeared first on plusinfo.mk.

Во повеќе наврати во текот на јули 2020 година во Скопје, се појаснува во соопштението, обвинетиот, на возраст од 56 години, и сторил достапни на јавноста документи од поранешната Управа за безбедност и контраразузнавање, сегашна Агенција за национална безбедност, до кои дошол на незаконит начин. Документите биле класифицирани како службена тајна со степен на доверливост „строго доверливо“ и се однесувале на оперативно истражување на УБК.

„Така, на 07.07.2020 година обвинетиот на прес-конференција презентирал фотокопии од делови од работна верзија на документ – Извештај од разговор со лице кое соработува со УБК и една службена белешка. На 8, 9 и 12 јули 2020 година, на својот Фејсбук профил продолжил да објавува делови од класифицирани документи, меѓу кои и транскрипти од разговори со таргети во тогашната УБК“, се наведува во соопштението од Јавно обвинителство на Република Северна Македонија.

The post Едно лице обвинето за оддавање службена тајна appeared first on plusinfo.mk.

Ви го пренесуваме статусот на Златев во целост:

„На 29.09, во 09:30 часот ми е закажано рочиштето во кое ќе ме судат за оддавање на службена тајна. ‘Службената тајна‘ која јас ја објавив во мојот медиум е дека еден вработен во УБК бил отстранет од работа само затоа што неговиот татко присуствувал на протестите против промена на името. Она што јас го објавив е класичен јавен интерес и злоупотреба од страна на службите. Она за што јас пишував е класично кршење на човековите права и правото на протест! Уште од сега имам информација дека од судот било нарачано да добијам условна казна, за да се плашам да објавувам вакви злоупотреби од страна на службите. Но, драги мои, кај мене тие методи не палат. Јас не само што не се плашам, туку по ваков притисок сум уште похрабар. Злоупотребите, злоделата и криминалот не може да бидат службена тајна“, напиша Златев.

The post Љупчо Златев: Закажано е рочиште, но имам информација дека е нарачано да добијам условна казна appeared first on plusinfo.mk.