Министерството за внатрешни работи поднесе кривина пријава против поранешниот министер за внатрешни работи Оливер Спасовски поради сомнение за злоупотреба на службената положба и овластување.

Според пријавата, додека ја извршувал функцијата министер за внатрешни работи, во текот на 2021 година, искористувајќи ја својата службена положба и овластување Спасовски овозможил на правен субјект- технички преглед во општина Сарај да се стекне со противправна имотна корист во износ од повеќе од 90.000 евра, односно 5.565.927 денари.

„Пријавениот делото го сторил на начин што во законски предвидениот рок не донел решение за одземање на овластување за технички преглед врз основа на предлог, доставен од надлежна организациска единица за граѓански работи“, соопшти МВР.

Според МВР, Спасовски не ја извршил својата службена должност иако знаел дека рокот за донесување решение за одземање на овластувањето е најдоцна до 15 дена од денот на доставување на предметот.

The post МВР ПОДНЕСЕ КРИВИЧНА ПРИЈАВА ПРОТИВ ОЛИВЕР СПАСОВСКИ Поранешниот министер за внатрешни осомничен за злоупотреба на службена положба и овластување appeared first on plusinfo.mk.

По повеќемесечна предистражна постапка што се водеше во рамките на Основното јавно обвинителство за гонење на организиран криминал и корупција, во текот на вчерашниот ден под раководство на предметниот јавен обвинител, Министерството за внатрешни работи спроведе акција во која беа извршени претреси на повеќе локации на подрачјето на Скопје, Велес, Тетово и Гостивар. Во акцијата од слобода се лишени 23 лица, а едно лице не е достапно на органите на прогонот. Станува збор за основано сомнение за извршени низа кривични дела со кои е направена штета на државниот буџет.

Постапувајќи по кривичната пријава, предметниот обвинител донесе Наредба за спроведување на истражна постапка против 49 лица.

Имено, во текот на 2023 година првоосомничената порано вработена на универзитетска клиника заедно со други двајца осомничени создале злосторничко здружение – група, која имала за цел вршење на кривични дела „Злоупотреба на службената положба и овластување“, „Примање поткуп“, „Давање поткуп“, „Примање награда за противзаконито влијание“ и „Давање награда за противзаконито влијание“. Во меѓувреме припадници на групата станале уште деветмина осомничени од кои двајца како лекари специјалисти биле претседатели на Стручната комисија за издавање на наод, оцена и мислење за потребата од помош и нега од друго лице во рамките на ЈЗУ Општа болница Велес, а останатите лекари специјалисти вработени во ЈЗУ Општа болница Велес, Универзитетска клиника за неврологија Скопје, ПЗУ – ординација за општа медицина и специјалистички ординации од Велес, адвокат од Велес и службено лице во ЈУ Центар за социјална работа – Тетово.

Заради стекнување со противправна имотна корист, криминалната група од лица баратели на социјалното право помош и нега од друго лице – туѓа нега, барала и примала парични средства – поткуп или награда за противзаконито влијание. За возврат организаторите и припадниците на криминалната група преземале противправни дејствија на директно или индиректно давање или нудење на парични награди, поткуп на службени лица, како и противправни дејствија на директно или индиректно примање на парични награди или поткуп со што на барателите им обезбедувале исполнување на условите за успешно водење на постапката за стекнување со право на туѓа нега. За остварување на право на туѓа нега тие ги пријавувале барателите што давале поткуп кај матични доктори кои вршат дејност во Велес со цел надлежна за постапување да биде Стручната комисија за издавање на наод оцена и мислење при ЈЗУ „Општа болница Велес“ чиј поранешен и актуелен претседател на комисијата се членови на групата. Така, членовите на групата без присуство на лицата кои давале поткуп обезбедувале фиктивни медицински прегледи кај матичните доктори, како и клинички или болнички прегледи кај лекари и медицински лица. Воедно осомничените со преземање на противправни дејства изготвувале, обезбедувале и употребувале медицинска документација во вид на медицински упати, отпусни писма, медицински извештаи, контроли и контролни прегледи, психолошки тестови, конзилијарни мислења, потврди за медицински помагала и друга медицинска документација со невистинита содржина. Со преземените дејства осомничените ги заобиколиле одредбите од Законот за социјална заштита каде се утврдени условите за добивање на парична помош за туѓа нега и помош за лица со попреченост и неспособност за самостојно живеење. Припадниците на криминалната група влијаеле и овозможувале успешно водење на постапките и донесување одлуки во корист на барателите надвор од нивното место на живеење, иако законски надлежна институција за водење на оваа постапка се Центрите за социјална работа според местото на живеење на барателот.

Паралелно, во истиот временски период во текот на 2023 година вработена на Универзитетска клиника за уво, нос и грло Скопје и член на Комисијата за ревизија на наод, оцена и мислење за утврдување на инвалидност односно неспособност за работа при Министерството за социјална политика, демографија и млади, заедно со првоосомничената и двајца други осомничени создале злосторничко здружување – група, која имала за цел вршење на истите кривични дела како и претходната група. Припадници на групата станале уште 12 осомничени од кои тројца се припадници и на првата група. Оваа група континуирано ги извршувала кривичните дела при што нејзините членови се стекнале со противправна имотна корист. Организаторите и припадниците со координирани дејствувања барале и примале парични средства – поткупи од лица баратели на право на инвалидска пензија користејќи идентичен modus operandi како и првата група. Со преземените дејствија осомничените членови на групата на барателите им обезбедувале исполнување на услови за успешно водење на постапките за стекнување со право на инвалидска пензија, врз основа на која припадниците на криминалната група-членови во Комисиите со искористување на своето реално влијание и службената положба овозможиле успешно водење на постапката за стекнување со право на инвалидска пензија, како и донесување одлуки во корист на барателите на право на инвалидска пензија кои дале поткуп.

Според дејствијата содржани во диспозитивот на Наредбата за спроведување на истражна постапка на останатите осомничени им се ставаат на товар кривичните дела и тоа: на три матични лекарки кривично дело – Злоупотреба на службената положба и овластување, 16 осомничени кои понудиле и дале поткуп заради обезбедување на медицинска документација со невистинита содржина се осомничени дека сториле кривично дело Давање награда за противзаконито влијание и кривично дело – Давање поткуп, додека на девет осомничени кои се согласиле и дале парична награда на товар им се става кривичното дело – Давање награда за противзаконито влијание. Припадниците на групите освен за кривично дело Злосторничко здружување се осомничени и за други кривични дела и тоа: пет лица за кривично дело – Давање поткуп, кривично дело – Примање награда за противзаконито влијание, кривично дело – Давање награда за противзаконито влијание и кривично дело – Злоупотреба на службена положба и овластување, четири лица за кривично дело – Давање поткуп, кривично дело – Примање награда за противзаконито влијание и кривично дело – Давање награда за противзаконито влијание, едно лице за кривично дело – Примање награда за противзаконито влијание, кривично дело – Давање награда за противзаконито влијание и кривично дело – Злоупотреба на службена положба и овластување, две лица за кривично дело – Злоупотреба на службена положба и овластување, кривично дело – Примање поткуп и кривично дело – Примање награда за противзаконито влијание, едно лице за кривично дело – Злоупотреба на службена положба и овластување, две лица за кривично дело – Злоупотреба на службена положба и овластување и кривично дело – Примање награда за противзаконито влијание и две лица за кривично дело – Злоупотреба на службена положба и овластување, три лица за кривично дело – Примање награда за противзаконито влијание и кривично дело – Давање награда за противзаконито влијание и едно лице за кривично дело – Злоупотреба на службена положба и овластување, кривично дело – Примање поткуп, кривично дело – Давање награда за противзаконито влијание и и кривично дело – Примање награда за противзаконито влијание.

Во текот на денешниот ден осомничените се изведени пред судија на претходна постапка при Основниот кривичен суд. Обвинителството имајќи ги предвид кривичните дела сторени од секој осомничен поединечно како и висината на запретените казни и исполнетоста на околностите за определување на мерки за обезбедување за 12 осомничени предложи определување на мерка притвор, додека за три лица мерка куќен притвор, за останатите лица се предложени мерки на претпазливост.

The post СЕ БАРА ПРИТВОР ЗА 12 ОСОМНИЧЕНИ ВО НОВАТА „МЕТАСТАЗА“ Две лекарки од Клиниката за уво, грло и нос создале злосторничко здружување appeared first on plusinfo.mk.

Обвинетиот, кој во текот на 2022 и 2023 година бил в.д. директор на јавно претпријатие, се товари за серија незаконски исплати. Како службено лице, тој ги пречекорил овластувањата и без правен основ им исплаќал дополнителни средства за работна успешност на шест вработени во претпријатието. Исплатите биле направени и покрај тоа што претпријатието во континуитет работело со загуби.

„Обвинетиот, без да има правен основ, доделил дополнителни средства на вработени кои не ги исполнувале условите од правилникот за систематизација“, велат од ОЈО.

Вкупниот износ на незаконски исплатените средства за кои е предизвикана штета на претпријатието изнесува 577.640 денари. Оваа серија незаконски исплати била откриена и потврдена со наодите од Конечниот извештај за извршена ревизија од страна на Државниот завод за ревизија за 2022 година.

„Овој случај покажува сериозноста на злоупотребата на службената положба и ќе биде предложен како еден од доказите во процесот“, додаде обвинителството.

Претпријатието за кое е извршена злоупотребата, со континуирани загуби, нема правен основ за исплата на овие средства, што ја прави оваа акција уште поозбилна во контекст на одговорноста на службените лица.

Денес, обвинителството продолжува со преземање мерки за расчистување на случајот и по натамошно утврдување на одговорноста.

The post КРИВИЧНА ПРИЈАВА ПРОТИВ БИТОЛСКИ В.Д. ДИРЕКТОР Исплатени стотици илјади денари без правен основ appeared first on plusinfo.mk.

Срамни се постапките на началникот на ОВР – Кочани кој ја злоупотребувал службената легитимација за бесплатно да преминува патарини, оцени денеска министерот за внатрешни работи Панче Тошковски. Во одговор на новинарско прашање, Тошковски истакна дека периодов ќе следат уште кривични пријави за злоупотреби во рамки на институциите. Не ценам, рече тој, дека „правиме удри по самарот, ако не можеш по магарето, туку дека на ваков начин мораме да покажеме пример дека секој од нас мора да ги почитува законите“.

– Постапките на злоупотреба на службена положба и овластување на ваков начин се срамни. Ако може еден столар да плаќа патарина, ако може жена која што работи во било која приватна установа да плаќа патарина, ако може кој и да било македонски граѓанин да плаќа патарина, тогаш мора да плаќа патарина секој еден вработен во Министерството за внатрешни работи. Не ценам дека ние правиме ‘удри по самарот, ако не можеш по магарето’, туку на ваков начин мораме да покажеме пример дека секој од нас мора да почитува ги почитува законите и она за што сме се договориле, а тоа е дека ќе плаќаме патарина – рече Тошковски.

• ЗНАЧКАТА КРЕВА МЕТАЛНИ РАМПИ Полициски началник ја злоупотребил службената положба за да избегне патарина

Во врска со имплементацијата на проектот „Сејв сити“, министерот рече дека сѐ уште не се поставени доволен број на камери на територијата на Град Скопје, но, рече, колку порано ќе се имплементира овој проект, толку подобро ќе биде за сите граѓани.

– Сѐ уште немаме целосна покриеност со технички уреди, односно камери на територијата на Град Скопје, како што е утврдено во проектната документација. Во наредниот период ќе следи имплементација согласно она што е договорено и е испланирано од претходно. Повеќе пати го имам објаснето значењето на ‘Сејв сити’ како проект, кои се бенефитите од имплементација на истиот и колку може порано да се имплементира овој проект, толку би било подобро за сите нас, имајќи предвид дека жртви на сообраќјни незгоди во Македонија на годишно ниво имаме со троцифрен број – рече Тошковски.

Потребни се одредени законски измени, додаде, за воспоставување на систем којшто ќе ги казнува оние кои управуваат моторно возило спротивно на закон, исклучувајќи го човечкиот фактор за одлуката дали треба или не треба да биде казнет.

– Ќе треба да се направат одредени законски измени и да се утврдат чекорите кои што ќе се преземат во иднина, за на крајот на денот имаме систем којшто ќе ги казнува сите оние кои управуваат моторно возило спротивно на закон, исклучувајќи го човечкиот фактор дали треба или не треба да биде казнет. Се надевам дека во текот на 2025 година ќе имаме финална имплементација на овој проект – рече Тошковски.

The post СРАМНО Е ДА СЕ ЗЛОУПОТРЕБУВА ЗНАЧКАТА Тошковски најави кривични пријави за злоупотреби во институциите appeared first on plusinfo.mk.

На 11.07.2024 година, тој ги поминал наплатните станици Кадрифаково и Преод, при што покажал само службена легитимација на вработените во кабините, избегнувајќи плаќање на билетот за патарина.

Одделот за внатрешна контрола, криминалистички истраги и професионални стандарди при Министерството за внатрешни работи поднесе кривична пријава против А.М., кој е вработен како началник на Отсекот за криминалистичко разузнавање, статистика и документирање во ОВР Кочани – СВР Штип. Видеоматеријал од безбедносните камери на наплатните станици го потврдува настанот.

„Министерството за внатрешни работи презема сериозни мерки за утврдување на одговорност во сите случаи на кршење на службената дисциплина. Секој поединец ќе одговара за своите постапки“, изјавија од Министерството за внатрешни работи.

Покрај кривичната пријава, МВР најави и дисциплинска постапка. Во меѓувреме, пријавениот ќе биде отстранет од работното место до завршување на постапката.

The post 📽️ ЗНАЧКАТА КРЕВА МЕТАЛНИ РАМПИ Полициски началник ја злоупотребил службената положба за да избегне патарина appeared first on plusinfo.mk.